درس للمتوسطين والمتقدمين.. الزخارف وتأثيرات الإضاءة

[pixel]

أخي عمار..

لن أجاوبك إلا بعد ما أرى لك محاولة.. بكذه راح يسهل علي الشرح..

على العموم فيه تريكايه (تصغير trick) في اللونين..


لا تنس أنك تستطيع أن تضع أكثر من إضاءة في نفس الوقت في Lighting effects لكن مو هذا اللي سويته..

أخوك المحب
pixel

[almaha]

أخوي pixel

أول شي يعطيك ألف عافية لأن بالفعل هذا الدرس جدا أعجبني من أول

ما قرأته .. والصراحة التفاعل فيه كان رائع من الأعضاء ..

بس المشكلة إن لي أسبوعين أحاول أسوي مثلكم عجزت

أدري إنك قلت الدرس للمتقدمين مو مثلنا تونا نبدأ بس أحب إني

أتعلم أسوي كل شي يعجبني ..

هذي المره فشلت وبجدارة يا ليت تشرح لي أكثر كيف أطبق الدرس صح

وما تقول أشوف عملك أول لأن ما طلع معي شي أصلا للأسف ..

ومعليه إذا بنكلف عليك بس الصراحة هذا الدرس بالذات يهمني أتعلمه

لأن صار موضوع تحدي مع نفسي ..

وسلامتك ..

[pixel]

إن شاء الله أختي المها.. ما يصير خاطرك إلا طيب..

سأحاول أوضح بالصور إن شاء الله عن قريب..

أو أجد حلا للتوضيح..

أخوك
pixel

[Virtuosity]

ما شاء الله و الله أهنيك أستاذي بكسل على الدرس ،،،

نجاح منقطع النظير ، ما شاء الله .

و هذا تطبيق لانشاء خامة الخشب .

http://mypage.ayna.com/sicpro3/wood_texture.jpg

شرايك ، ننفع ولا نولي ؟

تحياتي ،،،
تلميذكم : Virtuosity

[almaha]

أخوي pixel

الله يجزاك كل خير ..

مشكور وما قصرت والله يسلمك يا رب ..

[pixel]

أخي Virtuosity، بصراحة ما فهمت قصدك،

بس إذا كان قصدك في التطبيق عمل الخشب بنفس التكنيك فهذه هي طريقتي غالبا، نفس ما سويت بالضبط، ومرات أستخدم Emboss أو texturizer وزيك عارف..

أخوك المحب
pixel