تصميم قاعة افراح ومؤتمرات

[MAB991]

سلام شباب
من زمان وانا متوقف عن العمل على الثري دي , لكن قررت اني اشتغل في شي كبير عشان اعوض الوقت الي ما قدرت اشتغل فيه, العمل كبير ومتعب لكن دخلت في تحدي مع نفسي وان شاء الله حأخلص العمل بتوفيق الله
العمل في بدايته وكنت اريد ان اشاركم العمل من بدايته , يمكن يكون عندي اسألة معينه اسألكم فيها وطبعا ما نستغني عن الناس الخبرة في اللايت ويف, ويمكن يكون عند اي احد سؤال عن العمل وانا حاضر

مساحة القاعة: 60 متر عرض في 60 متر طول في 10 متر ارتفاع.

بدأت من البلكونة الي ينزل منها العروسين , المبنى مشابه تماماً لقاعة الهلتون في جدة, لكن الخامات ستكون مختلفة, اليكم العمل من البداية في المرفقات...
والموضوع متجدد.

تحياتي وللأمام....

[MAFIA_]

بدأت من البلكونة الي ينزل منها العروسين

ان شاء الله تكون انت وعروستك في المستقبل

التفاصيل حلوة جدا .. واذا عندك الـLW CAD استخدمه وشوف شلون قوته

اذا عندك اي اسئلة قولها بس اتنمى ما تكون مثل.. أي ثوب راح تلبس العروسة.... ههههه

واذا قدرت تحصل على رندر الـKray 1.7 فأعطيك الرئيسية من الحين

[ابوالعز]

بداية جميلة جدا ..

متابعين ^_^

[MAFIA_]

والى الأمام اخي العزيز

[dots]

مشاء الله ..
بداية الموضوع قويه ..
ومثل ماقالوا الاخوان التفاصيل جميله ..

موفق عزيزي ..

[MAB991]

سلام شباب
مشكور اخي ابو العز على المرور , ومشكور اخي dots على مرورك اتمنى تتابعو العمل معايا .
انا احب اشارك الناس الي تفهمني المواضيع وانتم الوحيدون في المنتدى الذين يفهمون ويقدرون عالم الثري دي, مشكورين على المرور والمساعدات

بالنسبة للأخ مافيا , مشكور يا سي دي على المرور وفالك فال حلو الله يسمع منك بس سيبك دحين من الزواج وخلينا في الشغل الجامد
بالنسبة لـ LW CAD كنت متوقع انك تعرف من غير ما اقلك اني مستخدمه, لو لاحظت الاطار الجبس في الصورة القريبة من البلكونة , استخدمت فيه LW CAD طبعا مرررررررررررررررررررره مفيد لأبعد الحدود يختصرلك وقت غير طبيعي , انصح اي احد يبغا يشتغل في اي عمل معماري ان يستخدم LW CAD لأنة من اقوى المقابس الي شفتها على اللايت ويف.

بالنسبة لـ Kray 1.7 هل هوا اقوى من رندر اللايت ويف؟
لأني ما عمري استخدمت محرك رندر غير اللايت ويف , طبعاً معروف اللايت ويف انه اقوى محرك رندر يأتي مع برنامج الثري دي.

على العموم انا حأشتري البرنامج لكن اذا ما عرفتله فـ الله يعينك يا مافيا حتعلمني عليه

مشكورين وان شاء الله بكرة حنزل التطورات الجديدة لأني شغال عليها الان...

تحياتي وللأمام....

[MAFIA_]

هلا ..

لاحظت الجبس وهو موجود بالبروفايل الموجود في Lwcad بس سبحان الله ليش سألتك اذا عندك الـLwcad مادري هههههههه.

وكلامك صحيح .. هذا مقبس نادر صراحة وسريع في العمل.

الـKray 1.7 هو رندر غير شكل وحديث العهد (من برمجة شخص واحد فقط!) .. شوف من اسمه يشبه الـVray وهو قوي للتصاميم المعمارية.
هذا موقعهم
http://www.kraytracing.com/

وهناك موضوع وضعته هنا عنه بس الصور كلها اختفت

بالتوفيق عزيزي

[dots]

مافيا اتوقع تحلم برندرKray1.7 هههههههه
...
بس ممكن سؤال للاخ محمود والاخوان
وياليت يسمح لي اخوي محمود اني سالت في موضوعه ..
كيف تكون مقاساتي دقيقه بالمتر مثلا لو عندي البلانات للمبناء
علشان حاولت في اكثر من مره تكون مقاساتي دقيقه لكن ماتوفقت
فيه طريقه جت في بالي حاولت اجربها بس مانجحت معي ...
بعد البناء فوق المخطط ..
من display options >> units >> grid snap =fixed
بعدين snap value خليته 1 متر
على اساس هذي الطريقه مثلا لو حبيت تنشئ box تكون تحركاتك بالمتر
لكن بعد اختياري لـ snap value
1 متر
اخترت اداة الـ stretch لكن مافيه فايده قلت يمكن يكون تحركاتي بالمتر من حيث تحجيم المبناء
احس اني مافهمت شي من اللي كتبته لكن ان شاء الله يكون واضح ..

[MAB991]

سلام
اخي dots افضل طريقة واريح طريقة تعرف بها المقاسات انك عندما تختار ان تصنع box مثلاً بعد ان تختار box تضغط على حرف(N) في لوحة المفاتيح حتطلعلك كل الاختيارات لهذه الاداه, طبعا حرف الـ N يعني Numeric panel طبعا اي اداه موجودة في اللايت ويف لها Numeric panel يعني في بعض ادوات ما تقدر تستخدم كل مميزاتها من غير الـ Numeric panel عشان كدا انصحك تتطلع عليها لكل اداه.

والطريقة الثانية هيا : هيا العادية وهيا عندما تصنع ال Box وانت ضاغط على زر الماوس لو تلاحظ في الركن السفلي الايسر في الشاشة حتلاحظ هذه الحروف,
W = العرض = Width
H = الطول = Height
D = العمق = Depth

وانت بتحرك الماوس حتلاقيها تتغير وتعطيك المقاسات بالظبط.

انصحك انك تستخدم الطريقة الاولى افضل.

اذا حبيت تعرف بعد ما اكملت العمل كم مقاسات الاجسام , ممكن تعرفها عن طريق المربعات الي هيا الـ Grid وطبعاً لو تلاحظ في الركن الاسفل الايسر مكتوب كلمة Grid وجمبها مقاس هذا معناه مقاس المربعات الي موجوده , تقدر تقيس بها.

اذا كان عندك LW CAD في اداه اسمها Distance هذه تقيس المسافات وفي اداه اخرى تقيس الزوايا واداه ثالثة تقيس الانحنائات.

ارجو ان اكون افدت الجميع

تحياتي وللأمام...

[MAB991]

سلام شباب
هادي بعض التطورات الي في المشروع , اذا في اي تعليقات من المرحلة هادي لا تبخلو علينا بيها , واذا اي احد عنده سؤال خطر في باله في هذا الموضوع لا يتردد يسأل ان شاء الله نفيد ونستفيد من بعض مشكورين..

هادي صورة عامة للمشروع :-


وهادي صورة قريبة من احد الابواب الموجودة داخل القاعة :-



تحياتي وللأمام....

[MAFIA_]

مافيا اتوقع تحلم برندرKray1.7 هههههههه

هههههه شكلي لأن أسوي دعاية شوي

أخي ماب صراحة التفاصيل جدا جميلة .. ما توقعتها منك انت خطير
مواصلين معاك حتى النهاية

وأي أسألة احنا حاضرين ..

[msat]

الف الف ما شاء الله
عزيزي
Mab991

شغل روعة فعلا

و متابعيين معك ان شاء الله الى نهايته و بكل التوفيق

اجمل تحية

[MAB991]

سلام
مشكور اخي msat على تشجيعك , ومتابعتم لي هيا الدافع الاكبر , مشكورين الجميع.
طبعاً بكرة عيد واذا جا العيد يوقف كل شي عندي! ههههههه
ان شاء الله حكمل بعد العيد , وكـــــــــل عــــــــــــام وانــــــتــــــــــم بــــــــخـــــــيــــــــر.

تحياتي وللأمام....

[dots]

مشاء الله تطورات جميله وقويه
ومشكور اخي على هذه النصائح
في انتظار البقيه اتمنى ماتتاخر علينا ..
وكل عام وانتم بخير وايام سعيده

[MAB991]

سلام شباب
رجعتلكم في نفس العمل مره اخرى,
كنت مقرر اني اشتغل في درج البلكونة في اخر شي لكن قلت خليني اخلص منه اول وبعدين اكمل!
المهم انا خلصت الحديد الي على الدرج والله ماني فاكر ايش يسموه! اظن دربزين! شكلها ماهي كلمة عربية, على العموم هوا الحديد الي ما يخليك تطيح من الدرج ههههههههههههههه

اعطوني رأيكم في الشكل ولو في اي ملاحظات يا ريت تقولولي عليها

هادي صورة عامة :-




وهادي صورة عن قرب :-


مستني ارائكم


تحياتي وللأمام....