موضوع: الحمد الله الفلاتر الأصلية لسه فيها خير "تجربة خفيفة"

ردود: 13 | زيارات: 1043
  1. #1

    Cool الحمد الله الفلاتر الأصلية لسه فيها خير "تجربة خفيفة"

    السلام عليكم ..



    أغلب المتمرسين على الفوتوشوب يعتقدون ان استخدام الفلاتر مايظهر الابداع الحقيقي في العمل ومعاهم حق من الي يشوفونه هالأيام من الاستخدام السيء جدا لها والي من اول ماتشوف بعض الاعمال الي مغرقه فلاتر تعرف على طول ان العمل هذا بأي فلتر وهذا لايسمى ابداع لأن اي واحد غيرك يقدر يسوي مثل هالحركة اذا عرفها عشان كذا قالوا ان الابداع هو انك تجيب شي جديد والفلاتر مهيب شي جديد لأن مثل ماقلت اي واحد يشتغل على البرنامج يقدر يسويها لاكن تقدر تغيير من هالقاعدة اذا حاولت تلف وتدور وتطلع شي جديد بس اذا عرفت كيف تستخدم الفلاتر صح بطريقة تخلي الي يشوف العمل يتعب الى مايكتشف الحركة الفلانية استخدمتها بأي فلتر وهذا بحد ذاته مكسب لأنك قدرت تشده يتأمل في عملك أكثر عشان كذا نقول ان تعدد العناصر مهم في أي تصميم لأنه راح يخلي الواحد يتأمل في الصورة اكثر وانا متأكد انه في بعض الاشخاص راح يفهم كلامي غلط ويقول ان تعدد العناصر هو انك تحط مليون صورة في العمل وهذا غلط أنا صحيح قلت تعدد العناصر لاكن في نفس الوقت لازم تكون ذكي في ترتيبها وتنظيمها وموازنتها عشان يرتاح الي يشوفها

    ما أطول عليكم وياريت نسمع اي تعليق او نقد على هالتجربة الخفيفة الي هي تطبيق لدرسين مع هم لايوصف الى ماقدرت اغيير من النتايج واستخدمت باقة جميلة من الفلاتر الاصلية ولم استخدم اي فلتر خارجي ( أقولكم الصراحة ؟؟!! ... مااعرف اركب فلتر جديد ) وغير كذا أنا سعيد جدا لأني ابتكرت أكثر من حركة في التجربة من نفسي ومالقيتلها اي دروس على النت ومع انها تجربة الا انها اخذت مني ساعتين ( تقول تصميم موب تجربة ) على فكرة الخلفية موب صورة وتقدر تحصل على هالنتيجة مع اشوية تركيب فلاتر على بهارات ( عشان تعرفون ان الفلاتر الاصلية لسه فيها خير ) اما الي يقرا وده يذبحني الحين ...
    اسف على الاطالة وبانتظار تعليقاتكم ..
    واذا تحبون لناالخير ... رجاءا لاتجاملون

    اخوكم المحب ..
    -{" دبلوماسي "}-
    أخر تعديل بواسطة دوبلوماسي في 14 / 10 / 2001 الساعة 03:19 AM


  2. #2
    عضو نشيط
    صور رمزية توقيع
    تاريخ التسجيل
    Apr 2001
    المنطقة
    كوكب الأرض
    ردود
    409
    وعليكم السلام..

    تكيف لا تريدنا أن نجامل يا دبلوماسي ؟!

    هل تريدني أن أقول أن كلمة ali أكبر من اللازم!

    أم تريدني أن أعلمك بأن لونها من الممكن أن يكون أفضل مما هو عليه!!

    سبحان الله !! أو تريدني أن أخبرك بأن الزر ليس متقناً!!!!

    أتأسف فأنا غير قادر ...




    إلا على ذلك.


    والسلام.


  3. #3
    أما أنا فما أعرف إلا أجامل..

    لأني ما أقدر أقول الكلام اللي قاله توقيع.. لأنه صادق بكل اللي قاله..

    ثم لما تصغر كلمة علي حاول تنسقها بحيث تكون مناسبة ومتوسطة للشكل اللي راح تتقنه

    أخوك المحب
    pixel

    ------------------
    على فكرة: كلمات جميلة..
    ------------------
    ""وما توفيقي إلا بالله""

  4. #4
    الغاز جميلة ونقد جميل
    طيب كلمة ali فعلا كبيرة معاك حق بس اللون وش ممكن يكون غير الابيض ؟؟!
    وبعدين انا ماحطيت في بالي ان الشكل يكون زر بس صح هو لاهو زر ولا هو شي ثاني هنا وهذي غلطة محسوبة ومشكور على تنبيهك استاذي توقيع
    بعد التعديل

    على فكرة انت بكلامك استفزيتني اني اسوي زر غير هذا ويحطمه تماما :flam:
    انتظرني :flam:

    اطيب المنى ..
    -{" دبلوماسي "}-

  5. #5
    عضو نشيط
    تاريخ التسجيل
    Jan 2001
    العمر
    35
    ردود
    839
    مممممم شيء حلو

    شوف الكلمه كبيره
    و إذا كانت زر هو غي متقن
    ألوان الخلفيه بصراحة ما أدري شقول

    بس الظل حلو
    to will is to can
    ( الأخِلاَّءُ يَؤْمَئِذٍ بَعْضُهَمْ لِبَعْضٍ عَدُوٌّ إلاَّ المُتَّقِين )

  6. #6
    صديق الاسرة العربية بيكسل ..
    مشكور على تعقيبك وأنا اظاهر بدال مااصغر الكلمة عفست الدنيا زيادة
    لاكن لنا محاولات جاية في الطريق انتظرنا

    اطيب التحيات ..
    -{" دبلوماسي "}-

  7. #7
    صديق العائلة حمد ...
    خلاص أنا تأكدت أن الكلمة كبيرة
    أما بخصوص ألوان الخلفية فعادي قول وعبر عن مشاعرك
    والله تصدق حتى انا الظل عاجبني
    مشكور على ردك وانتظرني انت بعد ..

    تقبلوا حياتي ...
    -{" دبلوماسي "}-

  8. #8
    يا ناس وقوا .

    أخي دوبلوماسي : موضوع رائع مع قدمه ، و بالنسبة للتصميم ، فالخلفية جميلة و لكنها تبدو معدنية أو هذا ما يبدو لي ، و بالنسبة للزر فعلى ما أظن انك تقصد تصميم زر زجاجي - لاحظ انعكاس البلاط أو النوافذ اللي عليه - فحاول تعكس الغرفة اللي الزر فيها - هذا واقعي جداً - ، هالشيء الرصاصي اللي حول الزر وشهو ؟!

    و حاول تغير الخط أخي .

    بس هذا ما يغير من روعة الفكرة .

    تحياتي ،،،
    تلميذكم : Virtuosity

  9. #9
    صديق الطفولة Virtuosity ( اسمك صعب )..
    يااخي انت الوحيد الي فاهمني ..
    بخصوص الخلفيه فحلو انها تكون خشبية ومعدنية في نفس الوقت ( تصريفه حلوة ) وبالنسبة للزر فصحيح الي قلته انا كنت اقصد بلورة زجاجية وفكرتك بخصوص انعكاس الغرفة في البلوزة .. أأءء قصدي البلورة صحيحة وسليمة مية بالمية ماادري كيف غابت عن ذهني .... مشكور
    اما الشي الرصاصي فهو قاعدة البلورة مثل الخاتم تلقا عادة انه موضوع فوق معدن مجوف ( شف التحليل كيف )
    وان شا الله بحاول اغيير الخط
    ومشكور على المجاملة

    تحياتي الخالصة ...
    -{" دبلوماسي "}-

  10. #10
    طيب سويت نفس الفكرة لاكن بطريقة ثانية وحاولت اعدل اغلاط الاولى ..


    وش رايكم الحين ؟!
    ترى لازالت الفكرة تجربة


    تحياتي ...
    -{" دبلوماسي "}-

  11. #11
    هذا هو نفسه بس مع تعديل خفيف ...


    ماتحسون اني اكلم نفسي ؟!!
    يالله عطونا رايكم ونقدكم هذا اذا قدرتوا تمسكون على العمل شي ( وش رايكم بالثقة )
    على فكرة كل هالاعمال بالفوتو شوب باستثناء العملين الاخيرين استخدمت برنامج ثاني عشان اعمل قاعدة الزر ( على قولتكم ) الرصاصية واتحدى اي واحد منكم يقولي وش هو البرنامج الي سويت القاعدة ( اتوقع لو امريكي يقرا هالكلمة الحين راح تجيه نفضة وبعدين بيقولك برد ) .... فيه , وعلى فكرة هو برنامج مهمل ومو منعطي وجه عندنا مع انه حلو وظريف وممتع في نفس الوقت

    تحياتي القلبية ...
    -{" دبلوماسي "}-
    أخر تعديل بواسطة دوبلوماسي في 16 / 10 / 2001 الساعة 10:37 AM

  12. #12
    عضو نشيط
    تاريخ التسجيل
    Jul 2001
    المنطقة
    الامارات العربية المتحدة
    العمر
    32
    ردود
    421
    ما راح تبطل هالحركات



    :

    بو حسييييييييييييييين

    تجربة حلوة ... بس ؟؟؟؟؟؟؟؟

    وش هي الفلاتر اللي استخدمتها ؟؟؟؟؟؟؟؟؟

    :-) :-) :-) :-)
    ::: الطموح كنز لا يفنى :::

  13. #13
    حرام عليك مااستخدمت فلاتر خارجيه اقولك كلها فلترين من الفلاتر الاصلية
    وبعدين ياجماعه صباح الخير ..
    وينكم مالكم حس يعني

    -{" دبلوماسي "}-

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل