~" Yas2eR's Blog "~

[Yas2eR]

مدونة ممتعة ...

متشكر اوي اخ ابو عز .. وانشالله فى المزيد من الكلام

واصل اخي العزيز والله استمتعنا بكلامك... كلامك يحمس الشخص انه يستمر في المشوار

كلامك يحمسنى انى اكتب المزيد ... وانا بتعلم معاكم .. اهو .. فى كل كلمة .. بقولها لنفسي واحمس نفسي

جوميل يا ياسر كمل والله كلام جميل جدا وفعلا مشجع وانا عايز فعلا اتعلم الشغل بتاعك ده انت ومازن بس خايف ااثر في الثري دي ماكس

بالمناسبة هذا ردي 1600 عدد المشاركات زاد بدون فائدة

ياباشا .. شكرا على ردك .. والتشجيع ... وزى ما بتشجعنى هشجعك انك تخش المجال ده وتبقى احسن مننا كمان

انا متابع معاك اهوه يا ياسر
ومش تنسي انا زميلك القديم k50_ بس غيرت اليوزر
انا ناوي ان شاء الله ابدأ افتر افكت قريب , بس قلي مساحته كام؟
ولو تعرف دروس مفيدة له قلي عليها ...
متابعين معاك

عارف يا كيمو .. اما شوفت تحت الاسم اليوزر .. والصورة الشخصية عرفتك فى لحظتها ... مين يقدر ينسى الناس دي

مساحته ... جيجا وشويه تقريبا

الدروس ..

http://forums.creativecow.net/
http://www.ayatoweb.com/index.html


او من الاخوة فى منابر
كلنا ايد واحدة انشالله ..لو وقفت معاك حاجة

جميل جميل, كمل, كده فيه ناس كثير هاتستفيد

واصل اخي ياسر كلامك المشجع

أنا بعد ما قريت كلامك بفكر أحول الموشن كرافيك

هههههه .. كل مجال .. حلو ..بجد حاجة تحير ... انا عايز اعمل حاجات كتير وحايران برضه

بس لو هتخش موشن جرافيكس .. انا واثق .. 100 في 100 ... انو هيعجبك وهتنسي اى مجال تاني

مجال عميق وحلو وممتع ويعتمد على موهبتك ...

يعنى الافتر افكتس .. كلو فلاتر .. افكتات Effects .. وكلها متشابها .. وكتييييير جدا .. بس اللى يفرق هو موهبتك فى الابداع والتخيل .. وده احلى حاجة فيه

انو سهل فى الشغل والامكانيات والتعلم .... صعب فى الابداع او عايزلو .. ابداع قوى منك .. فجر خيالك وموهبتك في البرنامج







وفى النهاية اتمنى ... ان الموضوع عجبكم .. واى اقتراحات او أسألة .... او استفسارات ... احاول اتكلم فيها (بخبرتى الضئيلة ) ..واتمنى اكون بفيدكو بجد بكلامي ...

وكلامي يعتمد على التشجيع ... لان ده اللى احنا عايزينو ومحتاجينو بجد .... احنا مش عايزين ... فيديوهات تعليم .... مش عايزين برنامج قوى ...

كل اللى عايزينو هو التشجيع .. والارادة والتصميم على تحقيق هدفك

[Yas2eR]

موضوع حلو اوي اوي اوي

الله يكرمك

[القرصان]

موضوع جديد علي Typography

والله كلام جميل ولأول مرة أسمع كلمة Typography وجزاك الله خير يا ياسر ولو تتعمق في هذا الموضوع أكثر وتعطينا بعض المواقع الذي تتكلم في هذا الموضوع ....

والموضوع حقك مرة أعجبني بالتوفيق ... وحاول تكمل يعني لاتنقطع ....

وشكراً على المعلومات القيمة

[Yas2eR]

Inspairations

الموضوع|05

الفضول+
THECURIOUS






وعدتكو انى هتكلم ... عن الفضول .. واستعمال خيالك في تقليد الحركات او اختراعها كمان

انشالله هتكلم عن الفضول وازاى اقلد حركة من غير محد يقللى ازاى اتعملت .. بطريقتك الخاصة .. بالتفصيل والصور .. قريبا انشالله

ازاي الكلام ده ؟؟؟؟

ازاي اقلد حركة ... منغير محد يعلمهالى ؟؟؟ انت بتألف


لا مش بألف

ده كلام حقيقي ... يعنى مثلا ... انت قاعد قدام التلفزيون .. ومرة واحدة النور قطع ... ( خيالك سجل الموقف ده جواك )

دلوقتى انت قاعد قدام الافتر افكتس .. وبتعمل انيماشن .. وعايز تنهى الانيماشن بحركة .. ( جت فى دماغك .. اما النور قطع عليك ... طب ما اعمل أكن النور قطع.. فى الانيماشن )


بس ازاااى ...

تروح قافل المونيتور بتاعك او روح على التلفزيون واقفلو ... عشان تتابع الحركة بدماغك .. وتستوعبها


يعنى مثلا ... هجيب حتة من الديمو بتاعى عشان كلو ينزلو



دى صور .. فريم فريم .. توضحلك .. حركة .. انا اتعلمتها من خيالى ... وحبيت اعملها او اقلدها .. بالانيماشن



اظن .. واضح .. هههههه

بس خد بالك .. كل ده بيحصل فى ثواني بس ... دى صورة فريم فريم

يعنى انت ممكن متشوفش الكلام ده .. فى الانيماشن .. بس هيبقى منظرها طبيعي

صدقنى



طيب .. نيجي لنقطة تانية .... فى نفس الموضوع

مرة شفت .. web site سايت .. او موقع على الانترنت .. بتاع واحد اجنبي

كان حاتط صورة فى كل صفحة .. الصورة دي بتظهر بطريقة او حركة معينة



فا قلت ...اتخيل عملها ازاى واعملها ... شكلها حلوة بجد


فا ... رحت عامل كده .. قبل ظهو الصورة بثوان ..




نزل الديمو بتاعي Yas2eR showreel 2006 عشان تاخد بالك من الحركة دى

لو لاحظت .. ان الصورة الراجل اللى راكب على الموتوسكل .. مش ظاهر لسه ... عملتو اسود خالص وتغير فى الفريم التاني للابيض ... وهكذا عدة مرات بعدين ظهرت الصورة الاصليه او الحقيقية ...


طب نيجي ... لحركة تانية ... حركة اصعب واعمق ... هي الكرتوون

اكيد كل الناس اما شافو الديمو بتاعى اخدو بالهم من الكرتون اللى موجود .. (هو حركه ازاى .. ؟؟ )

حركته بالافتر افكت ... الايد في لايرLayer .. والراس في لاير .. والجسم في لاير .. كل حاجة منفصلة .. وبدأت احركه ... فريم فريم واتخيل ..

مثلا رفع ايدو عشان شاف الصاروخ معدى ... طب بعدين هيعمل ايه ... عيل صغير اكيد هيفرح ويجري وراها ... بس صاحبه وقفه وقالو استنى بقيت العيال .. وكلهم جريو .. ورا الصاروخ

دى حتة من القصة الكارتونية دى

لو لاحظت ان الواد عايز يجري .. بس صاحبه .. ماسك ايدو .. والتاني بيشد





طب نشوف حركة تانية .. حركة تانية


حركة .. ( والحركة بركة ) ده تيكست TexT حي هههه يعنى ليه روح وقلب وبيحس وبيمشى ويتحرك ويلعب كورة كمان

لو نزلت الديمو بتاعى برضه هتشوف كذا .. انيماشن عن التيكست الحي ده

بسش الحركة دى من خيالى .. بعتبر .. التكست .. حاجة جماد .. زجاج .. خشبة ... كورة .. مرة اعبره انسان ... وكل حاجة من الحاجات دى ليها حركتها الخاصة اكيد .. وبمشي عليها ..



لاحظ هنا ... التيكست ... عامل زى ايه ..... التكست جيه شمال كلو ... بس فى كلمة اتكسرت .. ودلدلت كده ... اتمرجحت شوية شمال وليمين .. مرة سريع ومرة بطيئ ثم ابطئ لحد ما وقفت ... ووقعت



ده على فكرة .... بقى مودة .. بشوف الموضوع ده في تترات الكارتونات الجديدة والقديمة ... وحتى المسلسلات الاجنبي ...


ده موضوع مسلي .. مش كده

( الكلام ده بيتحرك فريم فريم ... يعنى الفريم ده ... هيبقى هنا ... الفريم التاني احركه سنة .. الفريم اللى بعدو ..نط فجأءة .. وهكذا )

اكيد بتقول يااااااااه .. فريم فريم ... دانت ممل اوى

صدقنى مسلية جدا جدا جدا جدا

هتحس انك ... عبقرى زمانك .. وتحس انك بتعمل .. اختراع
Flicker يعنى الصورة تنور وتطفى بسرعة شديدة جدا جدا .. وبعدين تظهر الصورة .. الاصلية ..

[Yas2eR]

والله كلام جميل ولأول مرة أسمع كلمة Typography وجزاك الله خير يا ياسر ولو تتعمق في هذا الموضوع أكثر وتعطينا بعض المواقع الذي تتكلم في هذا الموضوع ....

والموضوع حقك مرة أعجبني بالتوفيق ... وحاول تكمل يعني لاتنقطع ....

وشكراً على المعلومات القيمة

طبعا .. طبعا

انا على فكرة بموت فال Typography = طريقة كتابة الكلام فى الديزاين

وبصراحة انا سمعت عن Typography من وقت قصير ... مع انى بحب اللعب بالتيكست Text من زمان وعشان كده اندمجت فيه اوى

بس حتى الاجانب نادرا متلاقى .. موضوع عن Typography

بس انا هحاول اجيبلك شوية حاجات تفيدك

قول انشالله بس

[Yas2eR]

المزيد عن Typography

الموضوع|06

التايبوجرافي 2+
TYPOgraphy 2






المزيد عن الـ Typography





الـTypography .. على حد علمي هو دراسة اصلا ... يعنى بيدرسوها فى مجال الاعلانات Advertising
عشان يوضحو .. الكلام ... للناس .. يعنى ايه اللى يبقى (عريض Bold) وايه اللى يبقى صغير وايه اللى يبقى تحتي خط ... وايه اللى يبقى لونو احمر .. وايه اسود .. وهكذا



كل حاجة ليها دراسة

انا مدرستش الموضوع ده .. بس فهمتو من النظر ... للمصممين ... هواريكو شغل ناس اجانب .. فى الموضوع ده

بس اساس ال Typography ... هو مجال الاعلانات والبرينتس Prints يعنى مجلات بوسترات ... وكده

بعدين نزل ستايل فى جميع المجالات ... حتة الثري دي ..والانيماشنز والموشن جرافيكس ... بقى اكنو ( ستايل)






















اتمنى ... اني اشوف الفونت العربي ... قوى كده .. انا بحاول بجد اخد بالى من الفونت العربي فى الديزاينز .. وانشالله هنوصل مستوى قوى فى الفونت العربي انشالله ... لانو خط رائع

[kareem50]

طب صورة زي دي ازاي اتعدل فيها التكست اساسا ؟؟؟
http://www.j1jj.com/uploads/7e1a01d0cc.jpg

[Yas2eR]

طب صورة زي دي ازاي اتعدل فيها التكست اساسا ؟؟؟
http://www.j1jj.com/uploads/7e1a01d0cc.jpg

ههههههه ... مهو فكرة التايبوجرافي ... ان ازاى تحط التيكست بتاعك .... مش لازم يكون بيستخدم فونت كتابة .. ممكن يرسمو .. ممكن يمسكو mask ممكن يجمع صور كتير فى بعض وتلاقيها عبارة عن كلمة ... بس المهم الناس تقراها صح .. وتفهم قصدوه

[MOATAZ]

طيب معلش بقي الاشكال اللي هي ورق شجر و افرع شجر منتشره قوي اليومين دول يعني شايفها في نص الاعلانات اللي في القاهره ياريت لو ده فلتر او حاجه يريت نعرف اسمه

[Yas2eR]

طيب معلش بقي الاشكال اللي هي ورق شجر و افرع شجر منتشره قوي اليومين دول يعني شايفها في نص الاعلانات اللي في القاهره ياريت لو ده فلتر او حاجه يريت نعرف اسمه

نعم هذا منتشر جدا ( زي ما تقول مودة السنة دي ) حتة منتشر عند الاجانب ايضا .. فى كل العالم

وهذا ليس فلتر ....

ده شغل Illustrator برنامج الاستريتور من ادوبي .. برنامج رسم اكيد عرفه .. هو من اطلق ليبراريز Library مكتبات .. من الاشكال .. افرع شجر وما الى ذلك

وبرنامج الاستريتور .. يدخل فى الكثير من البرامج .. مثل الافتر افكتس والفوتوشوب .. يعنى تأخذ ملف الاستريتور تعملو input داخل برنامج الافتر .. يدخل جاهزا .. ومستعد للانيماشن

وشكله جبار وشيك ولذيذ ... وكل ما عليك طريقة ادخاله .. وحركته .. ومنظره فى السين scene


ملحوظة ( بعض الناس يميلون لرسم هذه الاشياء بالفوتوشوب او بالافتر افكتس ليكون ليس له شبيه في اعمال اخرى )

في فلترات ممكن استخدامها .. بالافتر مثل 3d stroke

[Yas2eR]

مبتدأ فى الافتر ؟؟؟

الموضوع|07

مبتدأافترافكتس+
aeBEGINNER







السلام عليكم ..

احب اقول قبل ابدأ موضوعي الجديد وهو يخص المبتدأين فقط

انى سعيد بكوني فى منابر ... والاستضافات والترحيب ( هو عبارة عن شكر وتشجيع )

وزى ما بقول دايما .... احنا عايزين تشجيع مش تعليم

( كل المبتدأين .. يسألون عن سؤال واحد بس ... عايز اتعلم اعمل ايه ؟؟ )

فى الحقيقة .. هو عارف الجواب قبل ما يسأل .. وعارف الردود هتبقى عمله ازاى

الردود هتبقى ... ( دور على فيديوهات تعلم ) ( ابدأ تعليم .. ) ويليها .... مواقع ولينكات تعليم

مع ان هو عااارف اصلا يجيب منين .. ولو دور وتعب نفسه هيعرف يجيب لينكات مش هيغلب .. ( لا اقصد شئ .. والله اعلم )

مش صح كده برضه


هو بس ... محتاج شوية تشجيع .. ولا تتهاونو .. وتقولو ...( عايز تشجيع .. ده بيهزر ولا ايه)

الكل محتاج تشجيع ... ياريت كل واحد يسأل سؤال عن مبتدأ يريد ان يتعلم ... ( تزيدوه بالتشجيع .. ومواقع التعليم )


وردي فى هذا الموضوع ... هو رد لمبتدأ يارب نشوفو محترف اد الدنيا ... سأل وقال ( عايز اتعلم ابدأ بـ ايه..؟؟ ) زي اى واحد يريد ان يتعلم

هذا هو ردي لاي مبدأ يسأل نفس السؤال ( حبيت اكتبه هنا .. ممكن يكون سبب فى تعلم شخص )

بالنسبة لسؤالك ... منين ابتدي ... ؟؟؟

عشان تبتدي .. لازم يكون عندك خلفية الاول .. الشغل ده في ايه .. وممكن تعمل منه ايه ..

ابحث عن مستقبلك فى هذا المجال ..... انا كنت اكتب motion graphics او اكتب showreel motion graphics و من هذا القبيل ... الى ان توصلت الى مجموعة سايتات مواقع ..

ونظرت الى مستقبلي .....

هل انا عايز ابقى زى الشخص ده ؟؟؟ .. وأبدأ الرحلة من هنا ... نزل تعليم افتر افكتس ..


من اين ابدأ تعليم ..؟؟ ده سؤال تانى

ابدأ بتصميم ... اى حاجة بالفوتوشوب ... يعنى مثلا مثلا .. منظر طبيعي ... شجر سماء وارض وبيت .. كل حاجة فلاير New layer (ممكن تجمع صور حقيقية وتضعها بالفوتوشوب ..وركب وعيش ) ... بعدين دخلها الافتر افكتس .. وابدأ اكتشف الاتى :



2- افكتات effects اعطى افكتس واحفظ اسمه جيدا .. وانظر ماذا يفعل فى الاوبجت object

3 - ابدأ بتطبيق التعليم ( خصوصا الانيماشن ) من مواقع تعليم الافتر وهى متوفرة .. بالفيديو ( ولا تتكاسل )






وزى مقال الاعضاء .. اهلا بك فى عالم الخيال .. كما قلت لك ... التعليم الافتر سهل ... بس يعتمد على خيالك وابداعك ... عكس برامج كثيرة مثلا الثري دي .. برنامج صعب شوية .. في تعليمه وتطبيقه وابداعو ايضا .. وملحوظه ..الافتر افكتس .. مجاله توسع جدا فى بلادنا نحن العرب ..

حظ موفق لكم جميعا 1 - posations التحريك .. شمال ليمين فوق تحت .. rotation لف الاوبجكت فى دوائر .. وقائمة الrotaion الثلاثي الابعاد .. زى برامج الثري دي بتاعتك Z , X .... 4 - ارفع الفيديو الذى قمت به فى منابر ... وانشالله ... الجميع هنا سيراقبونك ويساندوك (سأكون اولهم)

[Yas2eR]

المرحلة الثانية ؟؟

الموضوع|08

المرحلة الثانية ؟ +
theSECOND
LEVEL !









يعنى المرحلة الاولة ... هى ال Basics الاولاويات للبرنامج ...

يعنى ايه اولاويات .. يعنى اولاويات الانيماشن ... الحركة فى الاتجاهات واللف rotaions وما الى ذلك

والمرحلة الاخيرة .... هي فيديوهات الاحترافية ...

عادتا لا نرى مرحلة ثانية .. صحيح ؟؟


لكنها موجودة وهنا سأشرحها لكم :


المرحلة الثاينة فى التعليم هي تعود اليك ... نعم انت ... ( يعنى ايه مش فاهم )

يعنى انت دلوقتى واحد عارف الاولاويات اللى قلنا عليها الـ Basics بتاعت البرنامج

بس مش عارف تتعلم المزيد ... المزيد من عندك أنت


يعنى مثلا هتعمل اكلة غريبة عجيبة .. انهاردة عندك عزومة .. اصحابك كلهم عندك .. وانت لسه متعلم الطبيخ اول انبارح .. يادوب تعرف تعمل بيض مسلوق وكباية شاي وتسخن الرز ههههه بس ازاى اطبخلهم وجبة كاملة وانا معرفش ..؟؟

غالبا الناس تشتري كتابا للطبيخ وتدور على صفحة الاكلة .. يقرو المقادير والطريقة بعدين .. يقولو مش فاهم حاجة ويرمي الكتاب

بس هو عارف مقاديرو ايه

فا يبتدي المرحلة التانية ... ( المعرفة عن البرنامج ( المقادير ) ... ويبدأ يطبخ وهو مش عارف يطبخ ( يدوس ) )

هى دي المرحلة التانية .. انك تدوووس

سخن الرز .. انشالله تحرقو هتتعلم بعدين انو ميتحرقش منك

وهاكذا وهكذا ... لحد ما تطلع الوجبة بتاعتك

وبعد ما تخلص الاكلة ... دقها بنفسك الاول ... وقول رأيك لنفسك .. رأيك أنت عن الاكلة .. من اهم الاشياء .. ولو في شئ ناقص .. ضعه


وفى النهاية اصدقائك ... يقلك ..( الطبخة ناقصلها ملح ) .. ( دلعة ) ..( فين الفراخ ياعم )...( الرز مش مستوى )

وانت بذكائك تتكتب كل اللى قالوه فى ورقة .. وتعرف رأى الناس فى طبخك ايه ... والطباخين كمان رأيهم ايه


ارجو ان تكونو اكلتو .. اصدى فهمتو المعلومة .. وهى معلومة تشجيعية ... ومعمولة بشكل سري شوية عشان تتفهم هههههه

ايه رأيكم

[shady sobhy]

يا سلام عليك
دلوقتي انا بدور على رابط لتحميل الافتر أيه أسمه أفتر أيه
ااااااااااااااه أفتر أفكت :
لو تعرف تديني رابط على طول يبقى ربنا يجبر بخارطك يا عم ياسر

[Yas2eR]

يا سلام عليك
دلوقتي انا بدور على رابط لتحميل الافتر أيه أسمه أفتر أيه
ااااااااااااااه أفتر أفكت :
لو تعرف تديني رابط على طول يبقى ربنا يجبر بخارطك يا عم ياسر

هههههههههههة .. ايوة ياشادي ابدأ معانا كده في تلاتة عايزين يبدأو افتر اهو .. مين يزود ههههه

والله معرف اى روابط ... انا فى الشغل جالي على الجاهز ..
بس هاجبلك من عينية الاتنين هتصرفلك واجبلك ههههه

انا عملتلك اضافة على الام اس ان ... بس انا بخش كل فين وفين ... بخش بذات اما اكون فى الشغل ...
designers_gate@hotmail.com

اوكي يا عم شادي

[shady sobhy]

تمت الاضافة وبأذن الله أحاول أجيب النهاردة الافتكر أفكت
سؤال مهم
انا بحس اني مش مبدع ياعني حاسس اني مخي مقفل مش بعرف أخترع
هل الاختراع موهبة ولا تعود وتعليم وخبرة وكذا حاجة ياعني
حتى في أعمالي على الماكس كلها محاكاة

مستني ردك اللي هيقول اني أكمل ولا لا