كلنا بنحبك يا حمار..!!

[فلاشــــــــــاوي]

بيقولوا في مطرب مكار...بيغني بحبك يا حمار..
الواد ده وصولي وكداب..ومنافق وكمان نعار..
وإشمعنى لوحده اللي يحبك...كلنا بنحبك يا حمار..!!
ده لأنك فعلا متفاهم ومبرطع فينا ومش فاهم..
وبتبعد عن أي تفاهم .. بعزيمة غبية وإصرار..

العشرة ما بينا ما بتهونشي..وإن هانت..برضو ما نقدرشي..
محكمة العدل ما تحكمشي..وإن حكمت.. هتولع نار..

مثلتوا علينا الثلاثية.. وبطولة وكانت جماعية..
وعشان ما تكمل سداسية..عملتوا الف حصار وحصار..

وفي وسط ميدان الحرية..فيه شعلة مسكاها ولية..
متكنش دي ليزا المخفية..مدية إشارة إنذار..

وعلى العموم أنا حبيتك...
وإلهي يا بعيد يخرب بيتك لو يوم هتشك في إخلاصي..وتصدق ده من الأشرار

هو سؤال ومافيهش هزار..
هو أنت يعني حمار يا حمار..علشان تصدق إن الفار.. ممكن يقول لأسد يا حمار..!!

وبعاهدك والعهد أمانه..هتنك على طول ويانا..
حمورية أهلك عجبانا..يا واخدنا من الدار للنار..

أرجوك يا حمار بس إفهمني...
أنا مش حمّار هتخاف مني...
مانا برضو حمار وأحمر منك...
ما تنهق..قول أي حوار..

بنقولك شيي..ما بتمشيشي..
والحااا..بنقولها ما تديشي..
ونقولك يييييسس...ما بتييييسسشش..ومكمل بينا المشوار..

وعلشان كده إحنا إخترناك..وعلى حياتنا إستئمناك..
ولا يوم هيجي يفرقنا...وهنفضل دايما وياك..!!
------------------------------------------------------------

اخر بيتين من عندي...ويمكنك أن تستمع وتشاهد القصيدة كاملة من إلقاء الشاعرة إيمان البكري نفسها على هذا الرابط
http://www.youtube.com/watch?v=NuIFncY2V0Y

[M-design4u]

واللى يدخل الموضوع [ ينهق يعني ]

،،،

أضحك الله سنكِ

[althaer]

اكيد خرجت من عند عمر اديب علي المحكمه كثيرين هههههههههههههه


واضح ان ميدان التحرير قرب

[btahar]

بالصدفة رايت الاعضاء النشيطين في المنتدى شدى انتباهي الاسم الاول فقلت اعمل لها Save لاحظ الصورة المرفقة أخي واقرأ الأعضاء النشيطين في المنتدى

[abukatada]

لاهيدينى ولايرقينى ولافى مصلحة بينه وبينى
إلا بلدنا وحب بادنا وبقولها ورزقى على الله وعشان كده إحنا اخترناه

ولاحول ولاقوة إلا بالله

[ayachi]

ههههههههههههههههههههههههههههههههههههههه
وازيدك من الشعر بيتا
الحمار حمار وان طار لاتستغرب يوما اذا وجدته على ارضية المطار
يربط بين واشنطن وعاصمة السنغال دكار
..............................ههههههههههههههههههههههههههههههههههههههههههههههههههههه

[y@sser]

ههههههههههههههههههههههههههههههههههههههه
مين العضو ده ؟

[btahar]

والله الامر محير ...

يا صاحب النهيق : لا ينطق السفيه الا بما فيه

[فلاشــــــــــاوي]

لاهيدينى ولايرقينى ولافى مصلحة بينه وبينى
إلا بلدنا وحب بادنا وبقولها ورزقى على الله وعشان كده إحنا اخترناه

اللي يغيظك إنه بيقولها ورزقه على الله...وكأنه كان يقول كلمة حق أمام سلطان جائر...!!..هذا كأن أقول لشخص ما..سأقول رأيي فيك بصراحة وافعل ما شئت بعدها...أنت أروع وأعظم أنسان رأيته في حياتي...!!

النفاق في بلدنا له هيبة....!!

[ابومعاذ]

والله...... حسدتك يحمار
بيغنولك ليل ونهار
....... ربنا وايها الحريه
قاعدة بتشكى وفيها النار


حاجة غريبة فى وقت شنيع
يبقى حمار وكمان سميع
بيغنوله اغانى جميله
واحنا بحرقة وهم فظيع


مش لاقين حد يغنلنا
غنوة تفرح نص امالنا
طيب حتى ياعالم ربعه
ولاه يقيد لنا شمعة فى ليلنا

_____________________
اهداء لطبقة الحمير

[M-design4u]

والله الامر محير ...

يا صاحب النهيق : لا ينطق السفيه الا بما فيه

،،،

سامحك الله أخي الكريمـ،

،،،

أسال الله أن يهديك

،،،

[abukatada]

وللأسف الشعب قال كلمته للحاقدين والمأجورين المعارضين وقال نعم بحبك ياحمار غصب عنكم وهنفضل مع الحمار لآخر المشوار شئتم أم ابيتم وتم الموافضة على التعديات الدستورية ولو قال ارموا نفسكم فى النار هايرموه ويرضوك ياحمااااااااااار

[Yas2eR]

مش ايمان البكري دي بتاعت قصيدة ...( مفيش حاجة )

وبتاعت .. ماكرينا .. عشان بيسرقونا وينهبونا هههههههههه

مش عايزة خلاص حاجة ولا مختاجة ولو عايزة حقيقي حاجة مخلتوليش ولا حاجة
عموما بصو .. في حاجة ... بس محتاجة عقول تفهم ولو حاجة مهيش مفهومة او حاجة نفسرها بكام حاجة .. نوضحها بكام حاجة .. واهي حاجة مع حاجة تبانلنا حاجة

وانا مبخفش من حاجة

فى ناس .. بتعيش عشان ... حاجة

وناس بتموت عشان .. حاجة

وناس بتموت على الـ ... حاجة

وناس تديلك الحاجة وتبقى ليها محتاجة ..

وناس تديلك الحاجة تاخد قدامها ميت حاجة

وناس تكبر تكون حاجة .. وناس تصغر عشان حاجة

وناس منظر ومش ... حاجة

وتلقى كبير .. حرص ونفيير .. عليه منظر ... وهو جبان وشيخ منصر ... ولا يبانش عليه .. حاجة

[فلاشــــــــــاوي]

مش ايمان البكري دي بتاعت قصيدة ...( مفيش حاجة )

نعم هي....وباق قصائدها أكثر من رائعة...

في قصيدة صغيرة توججها للفتيات تقول...

يا بنت بلدي عيب...
لما اللجام هيسيب...
يسترخصوكي الناس...

في بنطلون مزنوق..
وبلوزة شبر لفوق..
ولا حتى في الجمباز عريتي تحت وفوق..
ولا عادش عندك ذوق..
ولاحتى فيه إحساس..

لحم الخروف مدبوح..
بنشوفه بعد الروح...
ولحمتك بالكوم..دكان وطول اليوم...مفتوح لأرخص ناس...

[btahar]

سامحك الله أخي الكريمـ،

،،،

أسال الله أن يهديك

السلام عليك أخي لم افهم ردك علي اخي انا لم اكن اقصدك انت لكني قصدت الشخص الذي سمى نفسه - أنا حمار - فنعته بصاحب النهيق ولم اكن اقصدك انت او اتكلم عنك اخي سامحك الله - انظر ردي الاول ولا حظ الصورة جيدا وستفهم ماذا كنت اقصد -