دستور يا سيادنا..!!

[فلاشــــــــــاوي]

دستور يا سيادنا يا بعدا..لأ سوري دستور مــ البعدا..محبوس حابس ياسيادنا..وبكاكي من فوق مدنه..ومعايا ديوك بيكاكوا..حرصوا على الباقي معاكوا...بركة مولانا هولاكو..حلت وعلينا اللعنة..

طرطور طرطر طراطير..بيغيروا في الدساتير..ولا عاد في الحته كبير..ويا وارث تورث مين..؟!!..ما الورث إتباع وإتباعنا...نرررجع تاني لموضوعنا..

ودا ياللي ديار الإفتى..من جمهورية زفتى...لعبة وعملوها إستفتا..صوت ياللي أنت سامعنا..وقول...ملك ولا كتابة..اسدا دبلوم في الغابة...وأحلف وحياة راس بابا...زفة في مولد كدابة...والله يجازي اللي خدعنا...

للجوكر ألف تحية...ملعون خاش الحرية ..يحيا قانون العبودية والحكومات الشمولية والقوانين الوضعية..لها مني الف تحية..وحياة أمي دي رجعية..لو صوتنا علّي وجعجعنا...!!

واااااحد ومفيش غير هوا...قااااعد متربع جوه...وبكيفك او بالقوة..لو عامل فيها فتوة...روح قوله بقى يوزعنا..!!
مزيكا وترا باتو...ونفديك بالدم...إفدوه...بس إحنا ورحمة أبوه...مين ده اللي هيلوي دراعنا..

روح هاتلي لمون بالصودة...أنا حاسس بريحة شوطة...هيصعدوا فصل الروضة...والورث هيصبح موضة...لم الجدعان وأتبعنا...على قهوة ساقية مكي..نصرخ نلطم وهنبكي...دا ناويها وبيتكتكلي...قبل ما حتى يودعنا..!!

زقططوا يا عيال قولوا هيييييه...الحكم صبح تيك أواي...لو عاوز قول اوكي...لو رافض قول أوكي...في كلا الحلتين نو واي...غير كودية وزار ينفعنا..

أنا عايز بخور من الجاوي..وحمار أرمل وحصاوي..ودراع برغوت مش غاوي...تنطيط عفاريت ومخاوي..شلة مقاطيع يقطعنا...

حابس من شر الكرسي..من شر عزيزة ومرسي..من قرص النمل الفارسي...من الأحياء والاموات...من كايرو إلى بغداد...أشتات أشتوت أشتات..

حرصوا من لعب السيكا...من الحكشة ومالبوليتيكا...ولا تشمت يوما فيكا..مارشيل بنت أم ماريكا...قول حاجة الله يهديكا..وإدعي معايا يخليكا..حلوا بقى عن أوجاعنا..وأنصرفو عليكو اللعنة...إنصرفو عليكو اللعنة...

-------------------------------------------------------
للإستماع للقصيدة بصوت إيمان البكري - وأنصحك بهذا لأن طريقة إلقائها جميلة جدا- من على هذا الرابط

http://www.youtube.com/watch?v=G2Fa_0UpNtk

[althaer]

...إنصرفو عليكو اللعنة...

[فلاشــــــــــاوي]

لا يكفيني أن ينصرفوا....كم أحلم بمقصلة مصرية...!!

[shady sobhy]

سؤال لمن رد في الموضوع وأرجو عدم فهمي خطا
انتوا مش خايفين ؟؟؟؟
لا بجد والله
أذا كان مثلا حسام أو فلاشندي
انتوا مش خايفين ؟؟؟؟؟


ا ن ا م ع ج ب ب ا ل م و ض و ع ج د ا و ب ح ب ا ل ط ري ق ة د ي ه ج د ا ج د ا ج د ا

[N.O.B.Y]

والله شادى عنده حق
انا برضه عامل قصيده اسمها دستورنا وخايف انشرها

[N.O.B.Y]

ح ق ي ق ى ا ن ت م ج د ع ا ن ي ا ا خ و ا ن ا وا ج ر ا م ن ى ب ج د




مع الاعتذار لشادى

[N.O.B.Y]

على فكره ياجماعه القصايد ديه
اللى قالتها الشاعره الجامده جدا ايمان البكرى
اللى عنده القصايد ديه مكتوبه
اوفيديو ياريت يجيبها عليان انا محتاجها ضرورى





ضرورى

[فلاشــــــــــاوي]

على فكره ياجماعه القصايد ديه
اللى قالتها الشاعره الجامده جدا ايمان البكرى
اللى عنده القصايد ديه مكتوبه
اوفيديو ياريت يجيبها عليان انا محتاجها ضرورى





ضرورى

هنا تجد الكثير من قصائدها فيديو...
http://www.youtube.com/results?searc...&search=Search

[N.O.B.Y]

انا لدى حساب وسمعت جميع القصايد
ولكنى اخى اريد اعملها downloadعلى جهازى
واذا كنت تعرف منين اشترى هذا الكتاب
لو تعرف ياريت تقول
مشكور

[فلاشــــــــــاوي]

انا لدى حساب وسمعت جميع القصايد
ولكنى اخى اريد اعملها downloadعلى جهازى
واذا كنت تعرف منين اشترى هذا الكتاب
لو تعرف ياريت تقول
مشكور

أنا ابحث عن الكتاب مثلك...وبالنسبة للحفظ...أظن ان اخونا العزيز أبو معاذ كان قد وضع برنامج بسيط لحفظ الفيديوهات من على يو تيوب...البرنامج بسيط لكنه فعال جدا...

[diaaking]

up up up up up up