حاميها .. معاكسها

[S.Badr]

زمااااااااااااااااااااااااااااااااااان
قبل الثورة بحاجة بسيطه

هو:
انت ياجميل ..

هي:
...............

هو:
انت ياعسل ..

هي:
............

هو:
انا قصدي شريف

هي:
اتلم لندهلك الشاويش

هو:
واهون عليك بردو ياجميل

هي:
ياشوايش .. شوف الجدع ده ماشي ورايا ..

الشاويش:
هع .. مين هنااااااااااااااااك .. مالك ياجدع انت بيها .. قدامي على النقطه

هو:
والله ياشويش انا كان قصدي شريف

الشاويش:
ابقى قول الكلام ده في القسم .. بعد ما البسك الاساور ..

النهارده بقى

سيارة الشرطه:
تيت تيت تيــــــــــــــــــــــــت

سيارة البنت:
........................

سيارة الشرطه:
تيت تيـــــــــــــــــــــــــــــــــت

سيارة البنت :
....................... وتحود يمين وتمشي

سيارة الشرطه:
خش يمين ياد ..
يروح الأمين سامع كلام الظابط .. ويدخل يمين ورا سيارة البنت ..

مشهد رأيته بعيني رأسي .. الظابط هوا الي بيعاكس البنت الي في العربية .. بصراحة مكانتش بنت واحده .. كانوا 3 بنات .. وبفضل الله كانوا محجبات .. وواضح عليهم الاحترام .. ومع ذلك لم يسلموا من من !!! .. من ايدي الظابط
ياريته كان شاب طايش ولا حد من الشارع ..

طب دلوقتي دي لما حد يعاكسها تروح تشكي لمين !! مين يدافع عنها ؟؟
الظابط يدافع عنها .. عشان ياخدها هو ..

دا غير مئات المشاهد على الكورنيش .. أمين الشرطه هوا الي بيعاكس البنات .. وراجل من ضهر راجل .. اتكلم

حسبنا الله ونعم الوكيل

[mo3allem]

حسبنا الله ونعم الوكيل

[إبن يس]

سبحان الله...
و دلوقتى أعطوهم سلطة تفتيش أى منزل و بدون إذن قضائى ..
دستووووووووووووووووووووووووووووووووووووور

[ابومعاذ]

اه يابلد كام الف اه
اه يابلد والظلم واصل منتهاه
وصى عيالك بالجلد ولملمى
الحلم اللى تاه وقوللى اه كم الف اه

[diaaking]

حسبنا الله ونعم الوكيل

[S.Badr]

طب دلوقتي لما الواحده تتعاكس وهي مش معاها حد .. تلجأ لمين !!!
حسبنا الله ونعم الوكيل

[ابوصالح1]

حبيبي تقعد في بيت أمها أفضل .. " وقرن في بيوتكن ... "

[S.Badr]

حبيبي تقعد في بيت أمها أفضل .. " وقرن في بيوتكن ... "

أخي ..
انا بتكلم على فعل الحكومه مش فعل البنت ..
إذا كانت البنت محتشمة في زيها .. ملتزمة بهيئتها الإسلامية .. ومع ذلك لا تأمن على نفسها ممن يحميها !!
نقول على الدنيا السلام

[عاشق القمة]

حبيبي تقعد في بيت أمها أفضل .. " وقرن في بيوتكن ... "

صحيح مية بالمية أو تطلع معاها محرم

[I بدر I]

هو فعلا الفساد منتشر في البلدان العربية ككل ..

لكن بالنسبة للنساء ..

حبيبي تقعد في بيت أمها أفضل .. " وقرن في بيوتكن ... "

هذا هو الصحيح ..

[S.Badr]

ياجدعااااااااااااااااان ..
واحده في دراستها في الكلية .. او بتزور اهلها .. او بتجيب طلبات للبيت ..
طالما ملتزمة بالزي الاسلامي .. يبقى ايه المشكلة .. اريت نكمل الآية
" وقرن في بيوتكن ولا تبرجن تبرج الجاهلية "

[althaer]

كان الظابط لابس نضارة شمس ولا لا ؟

[mansy1985]

ممممممممممم بالنسبه للي الظباط بيعملوه في قسم الشرطه ممكن نعتبر المعاكسه فعل محترم جدا جدا جدا

يعني لو ظابط تاني كان ممكن يمد ايده عليهم(مش يمد ايده يعني يضربهم)

انا شايف ان المشكله مش في الظابط و لا البنات المشكله فيا و فيك و في بقيه الناس الي بتتفرج علي الحاجات دي و ساكته و مبتوقفش الناس دي عند حدها من مبدأ ابعد عن الشر و غنيله بمعني ان التصرف الطبيعي ان الناس تتلم علي الظابط ده و ترزعه قلمين لحد ميتعلم الادب

اانا عارف اني خرجت عن سياق الموضوع بس الموقف بالنسبه لافعال الشرطه يعتبر لا شئ

[althaer]

ممممممممممم بالنسبه للي الظباط بيعملوه في قسم الشرطه ممكن نعتبر المعاكسه فعل محترم جدا جدا جدا

يعني لو ظابط تاني كان ممكن يمد ايده عليهم(مش يمد ايده يعني يضربهم)

انا شايف ان المشكله مش في الظابط و لا البنات المشكله فيا و فيك و في بقيه الناس الي بتتفرج علي الحاجات دي و ساكته و مبتوقفش الناس دي عند حدها من مبدأ ابعد عن الشر و غنيله بمعني ان التصرف الطبيعي ان الناس تتلم علي الظابط ده و ترزعه قلمين لحد ميتعلم الادب

اانا عارف اني خرجت عن سياق الموضوع بس الموقف بالنسبه لافعال الشرطه يعتبر لا شئ

هذا هو اصل الموضوع

السلبية

سكتنا له دخل بحماره

[S.Badr]

السلبية مبقتش في كده وبس ..
السلبية بقت في كل حاجة في حياتنا ..
شوف انت سواق الميكروباص لما ييجي بالليل ويغلي الاجرة ..
ولا المنيباصات الخضار ( لسكان القاهرة ) الي 110 قرش .. والراجل بياخد 115 وأحيانا كتيرة 125 .. ومش بيرجع الباقي .. وبنسكت
وغير كده كتيـــــــــــــــــــــــــــــــــــــــــــــــر