موضوع: تعديلات فى الاسعار المصريه ابشرووووووووو !!!!

ردود: 16 | زيارات: 1545
  1. #1
    عضو متميز
    صور رمزية youssef_23
    تاريخ التسجيل
    Oct 2004
    المنطقة
    ارض الله
    العمر
    35
    ردود
    7,047

    تعديلات فى الاسعار المصريه ابشرووووووووو !!!!


    الحكومة خفضت أسعار الشكولاتة والساعات الماسية والسيمون فيميه.

    نقرأ يوم الخميس الماضي
    مجلس الوزراء قال لنا أن التخفيضات
    الجمركية الأخيرة ستخفف الأعباء عن المواطنين الغلابة.

    عندك مثلا الأسماك الشهيرة على مائدة كل مصري سمك "سوك آي" تم إعفاؤه من الضرائب تماما
    وكذلك التونة الفاخرة من نوع "ثونوس الباكارى" ثونوس ثاينوس ، أسماك القرش المحببة لكل المصريين خفضوا جماركها لـ 50% ،
    والمفاجأة أن شم النسيم السنة دي له طعم تاني.. السيمون فيميه انخفضت عنه الجمارك من 32% إلى 20% فقط ، مش كده وبس ده الحكومة الطيبة خفضت الجمارك على "الكافيار" بنسبة 12% وهو سلعة أساسية تدخل في معظم طعام المصريين من الفول للبيتزا مرورا للبستا المكرونة"، ورنجة "كلوبيوهار" أصبحت معفاة من الضرائب .مش بأقولك ، شم النسيم هيبقى السنة دي عسل!!العدس أصبح معفى بس العدس على رأى وزير شهير سلعة شتوية مجرد شوربة ممكن تستبدلها بـ"الشابيون" وبفطر"اجاريكس" والذي خفضوا جماركه من 32% إلى 10% كمان "الكتش اب" نزلت جماركه بنسبة 12% مرة واحدة. وده طبعا لزوم ساندويتشات الأولاد من البرجر والسالمى والسوسيس. وما بين الإفطار والغداء ولزوم سهرات المصريين التي لا تخلو من المكسرات خفضوا جمارك الفستق "الكاجو" من 12% إلى 5% فقط الفاكهة المستوردة والتي لا تخلو منها موائد المصريين ستصبح أرخص.. عندك "الفوكادو" نزلت الجمارك للنصف ، والعنب و"الزبيب" من 40% إلى 20%. الجوافة الصيني والمانجو الهندي من 22% إلى 10% والمفاجأة "الأناناس" خفضوا جماركه من 32% إلى 20% مش الأناناس بس ، لا وكمان الفريز.الحكومة لم تنس العصير علشان تآكل "السوك آى وسكيب جاك" ونبلع العصائر
    الواردة من كل حدائق الدنيا خاصة برتقال "كاريونا" الشهير خفضوا جماركه ولوما تحبش تشرب عصير"ساقع" وأسنانك بتوجعك من الحاجة الساقعة ستستطيع ان تستفيد من التخفيضات الجمركية لمسحوق الكاكاو وستنهار أسعاره لأن الجمارك عليه أصبحت 5% فقط بعدما كانت 22% وعلى فكرة ممكن الستات تستخدم الكاكاو والأناناس وجوز الهند في عمل "ماسكات" رخيصة لنظافة الوجه وإعادة النضارة للبشرة.وطبعا الحياة مش أكل وشرب بس فيه مشاكل وأزمات كثيرة كانت بتقابل المواطن من أمثالي وأمثالك .. فكر كام مرة حاولت تغيير ساعتك القديمة أو تشترى ساعة هدية.. أسعار الساعات "السنييه" خاصة ذات "اليد" الألماس أو الذهب كانت "نار" حاجة فظيعة جدا خصوصا لو الاستيك كان فيه كام حبة "مرجان أو فيروز" وعلشان المشكلة دى تتحل الحكومة خفضت الجمارك على استيك ساعات من كل المعادن الثمينة من 32% إلى 10% فقط.
    وطبعا كل ده مرحلى فقط ، يعنى الحكومة كام سنة ولا اثنين ستجرى تخفيضات جمركية أخرى على السلع الضرورية دي لأن شعارها "كافيار وسمك قرش لفم كل مواطن ، وساعة ألماس ليديه " ويجعله عامر والحمد لله لم تنس الحكومة الشيكولاتة فقامت بتخفيض الجمارك عليها من 22% إلى 10% أحمدك يارب


    منقول للى معندوش مراره


  2. #2
    عضو متميز
    صور رمزية abukatada
    تاريخ التسجيل
    Sep 2005
    المنطقة
    الإمارات العربية المتحده - دبي
    العمر
    36
    ردود
    1,804
    الحقيقة انا مش قادر اصدق نفسى
    وهاطير من الفرحة
    انا بقلكم الحكومة بتحب الشعب وحاسه بالغلابة محدش بيصدقنى أهه إثبات عشان الناس تعرف وتبطل ظلم
    وانا أقول الكافيار مالى محلات الفاكهة ليه
    والشابيون فى وسط البلد مرمى على الرصيف والشعب غرقان فى الكاتشاب
    أتارى الحكومة نزلت اسعارهم والحمد لله
    بس فى حاجة مفهمتهاش هو يعنى ايه ساعات

    وهذه نصائح قد أعطتها الحكومة للمواطنين حبيت إنى أوريهالكم عشان تعرفوا قد إيه سياسة حكومة مصر الحكيمة ............وإن لله وإن إليه راجعون

    رسالة من الحكومه لأبنها المواطن

    عزيزى المواطن بتاع النضال

    يا راكب دماغك و غاوى الحلال

    نصيحة يا صاحبى بلاش الخيال

    و غمض عيونك و ربى العيال

    بلاش المناكفة و لايم و عيش

    هتتعب معانا و سهمك يطيش

    نلفق لاهلك قضية حشيش

    و تصبح حكاية و نكتة و مثال

    تعالى و هاودنا و عدى الامور

    و عيش فى الطراوة و خش الطابور

    لكن لو هتزعل و دمك يفور

    هنشهد نهايتك فى بحر الرمال

    هتصبح حرامى هتصبح امير

    هتصبح حرامى و ندل و اجير

    و نقدر نلخبط فى اصلك كتيير

    و جدك شحاتة هيصبح شحال

    هنحلف ان الحبايب شافوك

    بتقبض يا خاين و تقتل اخوك

    ساعتها مراتك هتلعن ابوك

    و تلطم و تنعى احط الرجال

    مالكش انت دعوة بى اا اللى ضاع

    و مين اللى شارى و مين اللى باع

    و مين اللى كيل و مين اللى شال

    فحب الحكومة و حب السلام

    و علم ولادك يشدوا الحزام

    علشان بكرة هياكلو حمام

    و ينسوا الاسية و ينسوا الهزال

    فلازم يا صاحبى تغمض عنيك

    و طنش علينا نطنش عليك

    و اياك تشاور نقطع ايديك

    و تصبح مواطن ما يسواش ريال

    عزيزى المواطن بتاع النضال

    يا راكب دماغك و غاوى الحلال

    نصيحة يا صاحبى بلاش الخيال

  3. #3
    Designer
    صور رمزية S.Badr
    تاريخ التسجيل
    Dec 2004
    المنطقة
    أرض سمرا وقمرا .. وضفه ونهر ومراكب
    العمر
    16
    ردود
    1,586
    وبئر معطلة وقصر مشيد
    ابن المهندس مهندس .. وابن الدكتور دكتور .. يبقى ابن الريس متقال الريس حجازي متقال
    S.Badr = Samy Pasha = Samy Badr

  4. #4
    والله ان شعب مصر مع أهل الشام وأهل الجزيرة هم مفتاح كل نصر لامة الاسلام قاطبة لكن للاسف حيدوهم

    فصرنا لقمة سائغة في فم اليهود والنصارى والان اتانا الشيعة وغدا عباد بوذا وووو.............

    اللهم أزل الغمة عن أمتي اللهم أزل الغمة عن أمتي اللهم أزل الغمة عن أمتي

    اللهم آمين
    من ظن انه قد علم فقد جهل
    ومن أمن العقوبة أساء الأدب
    اللهم صل على سيدنا محمد وعلى اله وصحبه وسلم
    ادخل ولن تخسر بل ستربح :
    http://www.shbab1.com/2minutes.htm

  5. #5
    كيمووو
    صور رمزية kareem50
    تاريخ التسجيل
    Nov 2004
    المنطقة
    لايوجد انتماء
    ردود
    3,161
    مفيش كلام عن النجرسكو ؟
    .


    MR. Kok Limited Edition

  6. #6
    عضو نشيط
    تاريخ التسجيل
    Mar 2006
    المنطقة
    الصحراء المصرية
    العمر
    31
    ردود
    578
    أسعار الساعات "السنييه" خاصة ذات "اليد" الألماس أو الذهب كانت "نار" حاجة فظيعة جدا خصوصا لو الاستيك كان فيه كام حبة "مرجان أو فيروز" وعلشان المشكلة دى تتحل الحكومة خفضت الجمارك على استيك ساعات من كل المعادن الثمينة من 32% إلى 10% فقط.
    يا راجل
    الحق اقول لاخويا الصغير يجبلى وحدة هدية من مصروفوا
    نحن قوم اعزنا الله بالاسلام فاذا ابتغينا العزة بغيرة اذلنا الله

  7. #7
    اقتباس الموضوع الأصلي كتب بواسطة Start3d معاينة الرد
    والله ان شعب مصر مع أهل الشام وأهل الجزيرة هم مفتاح كل نصر لامة الاسلام قاطبة لكن للاسف حيدوهم
    بالفعل مصر أنجبت أبطال الجهاد في العصر الحديث رحم الله الله ابوعبدالله المهاجر وأبو اسامة والمقداد وأنور شعبان وغيرهم الكثير الكثير....

    لقد سطرت دمائهم في أوربا أعظم قصص الجهاد والتضحية في سبيل الذود عن حياض هذا الدين...

    نسأل الله أن يصلح حالهم وأن يمكن لهم
    الحمدلله الذي تتم بنعمه الصالحات........

  8. #8
    عايش عالفكرة
    صور رمزية RealIdea
    تاريخ التسجيل
    Nov 2006
    المنطقة
    Thinking Element
    العمر
    40
    ردود
    1,954
    صحيح انا سمعت انهم خفضوا الجمارك كمان على السكلانس
    عقبال ما يغلوا الحاجات دى تانى
    انا اول ما سمعت من فترة انهم هايخفضوا سعر الكبدة المستوردة طبعا
    اسعارها غليت بسرعة
    وبعدين انخفضت تانى لنفس السعر الاولانى
    وبكده هما رخصوا سعر الكبدة حقيقى مش هزار
    يعنى مش بيضحكوا علينا يعنى
    واحنا اللى ظالمينهم
    نفسى اسال وحد يجاوبنى عالسؤال ده
    هيا الاسعار ليه غالية فى مصر ( بالذات )
    والجمارك موجودة ليه
    الاقى حد عنده خلفية عن الموضوع ده ؟
    يحفظ العلم بالعمل به وتعليمه والتأليف فيه، ومن حفظه وكرره وذاكره ودرسه ثبت في صدره

    ....

    RealIdea
    موقعى بتحديث 1 رمضان 1431 هجرية



  9. #9
    عضو متميز
    صور رمزية althaer
    تاريخ التسجيل
    Jun 2005
    المنطقة
    أينما ذكر اسم الله
    العمر
    36
    ردود
    2,192
    ايه الحاجات دي ؟
    دا وانتي مطلعه عيني ... بحيك مووت

  10. #10
    مشرف منبر 3D Studio MAX
    صور رمزية ابومعاذ
    تاريخ التسجيل
    Dec 2005
    المنطقة
    وطنى هنا او قل هنالك حيث يبعثها المنادى الله اكبر
    ردود
    5,117
    اقنع نفســــــــــــــــــــــــــــــــــك
    اقنع نفسك بللى بيجرى
    وأحلف انك مش زعلان
    يوم راح تبكى
    يوم راح تضحك
    ربك عالم بالامكان
    كتبوا علينا نعيش ساكتين
    من غير اه او حتى انين
    من غير بسمه لقلب حزين
    ليه ساكتيين ناييمين راضيين
    يااهل الدار كفايانا جنان
    اقنع نفسك وانا بالمره هكونوياك
    واياك حسك صوتك يخرج من جواك
    راح تتعذب من جوااك
    راح يقولولك كان ياما كان
    والله خسارة ياأهل الدار
    ليه ساكتيين راضيين بالعار
    ليه ناييمين وفى قلب النار
    ده الأسلام حررنا وصان
    حق المسلم وحق سواه
    وحق الموالى ازاى ننساه
    صرنا عبيد والحق اتهان
    أصنع نفسك وارفع حسك
    قووول انا مسلم انا انسان
    واياك حسك تيأس مره وتبقى جبان
    رغم الشوك هاتسييروتمر
    رغم العلقم رغم المر
    قول انا حر
    قول اناحر

    انا انسان انا انسان انا انسان


  11. #11
    عضو متميز
    صور رمزية فدائي
    تاريخ التسجيل
    Mar 2004
    المنطقة
    مصر
    ردود
    1,683
    صوره مقلوبه

    القانون المصرى وجد لحمايه الغنى من الفقير وليس العكس
    لذلك هذه التعديلات تحاول ان تحسن من حياه الاغنياء الذين يعيشون فى تعاسه بالغه فى مصر بسبب حقدهم على الفقراء ومحاولتهم سلبهم ما تبقى لهم من سعاده
    و على الرغم من وجود موارد فى مصر تكفى الكره الارضيه وما حولها من مجرات
    الا ان الحكومه تسعى جاهده لحفظ التوازن الطبيعى للحياه البشريه بصنع فقراء يحتاجون الى مساعده من اخوتهم الاغنياء الذين لا يترددوا ابدا فى مساعده الفقراء بطحنهم فى دوامه الحياه من اجل البقاء فقط
    ليشعر الفقير بلذه وطنه الذى يكدح من اجله طول ال35 ساعه يوميا
    واخيرا

    قديما كنا نقراء فى التاريخ عن ثورات العبيد
    فلا استبعد ان نقراء حاليا عن ثوره الاغنياء
    لن تركع امه قائدها محمد(صلى الله عليه وسلم)

    بارودتى بيدى وبجعبتى كفنى ياامتى انتظرى فجرى ولا تهنى
    بعقيدتى اقوى ابقى على الزمن ...حصنى اذا عصف به موجة الفتن
    والصبر لى زاد فى شده المحن

  12. #12
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    خلاص..أنا كدا كل مشاكلي أتحلت....أن فعلا مش مصدق إنهم أخيرا أعفو الضرائب عن سمك "السوك أي"...يااااه...الحياة بقى لونها بمبي...!!

  13. #13
    عضو قدير
    صور رمزية nazzal
    تاريخ التسجيل
    Oct 2005
    المنطقة
    المملكه الاسلاميه المتحده
    ردود
    2,939
    مش ممكن الموضوع ده
    انا بجد فرحان قوي يا جماعه
    اخير حاقدر اكل القرش....واشرب السوكاي( اليست هكذا تكتب )
    ايه يا اخ يوسف ده
    ده تسعين في الميه من المصطلحات اللي في الموضوع انا اول مره اسمع عنها
    اساسا..

    قل إن شاء الله وليس إنشاء

    محمد راغب ( نزال)
    .................................................
    اللهم ارحم احمد واجمعنا معه في جنه الخلد بلا سابقه عذاب

  14. #14
    عضو متميز
    صور رمزية youssef_23
    تاريخ التسجيل
    Oct 2004
    المنطقة
    ارض الله
    العمر
    35
    ردود
    7,047
    الحمد لله اخوانى

    مصر لسه بخير

  15. #15
    O_o
    هههههههههههه
    لا حول ولا قوة إلى بالله


  16. #16
    عضو نشيط
    صور رمزية elgeneral
    تاريخ التسجيل
    Aug 2005
    المنطقة
    EGYPT... USA
    ردود
    812
    التخفيضات الجمركية لمسحوق الكاكاو وستنهار أسعاره لأن الجمارك عليه أصبحت 5% فقط بعدما كانت 22%
    ياسلام على الأخبار الجميله
    أخيرا انخفضت اسعار مسحوق الكاكاو زى ما انخفضت اسعار مسحوق الـــ .. حذف بواسطه الرقابه ..

    اللهم وفقنى لما تحبه وترضاه
    Welcome to my my official page
    Mr.Dilla |Creative Graphic Designer

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل