هل من الممكن المساعدة فى عمل الحركة دي

[mazm]

السلام عليكم ....

هذا الرابط يوجد به الحركة التى اريد عملها ....
http://www.syndromestudio.com/newsite/Invisible.html

على العموم الموقع يحتوي على عدد كبير من الاعمال الرائعة
http://www.syndromestudio.com/

انا عايز اعمل اول حركة للكروت الموجودة فى الفيلم انا عارف انها سهله اتمني المساعدة السريهة .

مع الشكر

[hamadaeid8]

أخي العزيز
الحركة الاولى للكروت معمولة بالكاميرا
أي ان الكروت موزعة في الشاشة بترتيب معين و الحركة الرئيسية عن طريق تحريك الكاميرا

[mazm]

الف شكر على الرد ....
بس هيه مش ممكن تعمل بتحرك الـ composition يعني احط الكروت كلها فى comp وبعدين احرك الـ comp نفسه والكاميرا ثابته.

لو تقدر تعملي مثال يبقى الف شكر على مجهودك.

مع الشكر

[hamadaeid8]

هو انت ممكن تحط كل الكروت في composition وبعدين تخلي composition يقبل وضع ال لايرز ال3d الي جواة انك تدوس علىعلامة النجمة الي هاتلاقيها جانب الهايد (*) وبكدة ال لايرز الي جوة الكومب هاتقبل حركة الكاميرا الي برة
اما بالنسبة للحركة فتحريك الكاميرا هايكون اسهل بالنسبة ليك
مع انك لازم تحرك الكروت نفسها علشان تحصل على نفس الحركة

[mazm]

الف شكر .... بس انا ممكن اتقائل عليك شويه وتعمل درس سريع كده للحركة الكاميرا.
انا فاهم اللى انتا بتقوله بس حاسس ان حركة الكاميرا هتكون اصعب.

مع الشكر

[hamadaeid8]

http://movielibrary.lynda.com/html/modPage.asp?ID=211
دة موقع بتاع LYNDA فية تعليم جامد انت افتحة و أختار رقم 2
ويارب أكون أفدتك
وانا تحت امرك في اي حاجة

[kh_kira]

لو حطيت الكروت كلها في comp واحد وبعدين حطيتهم في comp تاني

وخلتهم ثري دي ودوست على علامة (*) هيكون تحريكهم صعب جدا (مستحيل)...

احسن حاجه هو انك تحط الكروت كلها في comp

وتخليهم ثري دي وبعدين توزعهم كويس جدا حسب تحريكك للكاميرا

============================================

[mazm]

الف شكر على ردودك الريعة جداً.
بس انا كده اعمل الكروت بالشكل اللى انا عايزه ..... يعني واحد باصص لقدام وواححد بالجانب وواحد فوق ...
وبعدين احرك الكاميرا زي ما نا عايز ..... صح كده

بس انتا شايف انتا اسهل من اني احرك الـ composition نفسه.

مع الشكر

[hamadaeid8]

ايوة حركة الكاميرا أسهل لان حركة الكومب كلة مش هاتديلك المساحة الكافية لانك تظهر الحركة بشكل صحيح
شوف علشان أسهل عليك
انت تحط كاميرا وبعدين تدوس على كل الحركة في قائمة الترانسفورم وترجعهم ورا شوية في التايم لاين وبعدين تحاول انك تحرك الكاميرا عن طرق انك تدوس على زرار ال C حتى لو الحركة ما عجبتكش انت محدد الوضع الافتراضي من الاول ممكن تمسح الpositionالجديد وترجع للقديم
وحرف ال C هو المسؤل عن حركة الكاميرا يعني تدوس C تظهرلك اول اداة للكاميرا ولودست تاني تظهر اداة تانية
يعني ال C بيخليك تنتقل ما بين الزووم والروتات والبوسيشيون

[mazm]

الف شكر على المساعدة ... ان شاء الله سأبدأ فى التنفيذ ....
اوعى تروح بعيد احسن احتجلك تاني

مع الشكر

[hamadaeid8]

ماشي يا عم انا مستنيك

[mazination]

ماشي يا عم انا مستنيك

بداية قوية جدا, يا حمادة, يشرفنا قدومك واهلا بك في منتداك