موضوع: حوار مع الواد كبالا .... ممنوع الدخول .

ردود: 4 | زيارات: 1007
  1. #1

    Talking حوار مع الواد كبالا .... ممنوع الدخول .

    دخل عليا كبالا بطلعته الغبيه ,وضحكته الجنيه ,وجلس بدون اذن ,فتبادلنا اطراف الحديث ,وانا منشرح الصدر وفى يومها كنت لا اعرف السبب ......... سبب ابتهاجى ما علينا .......... كان وجه كبالا شاحب اللون غير سعيد ,ويأفئف من شده الحر و هموم الدنيا,فتكالبت عليه هموم الدنيا,
    وشده حراره الجو .......... تخيلوا انتم ..........

    فقلت:- ايه مالك يا كبالا ؟!

    فرد و لم ينظر لى :-مالى ايه بس ماهه زى كل يوم...... قرف فى قرف.........

    وضحكت ضحكه قصيره مزيجه بحرقه
    وقلت :- ليه يا عم ما الدنيا حلوه وآخر لذاذه ...............


    فقال:- آآآآآآآآآآآه..........الدنيا حلوه .........والجو جميل والسكان قليلين والدنيا فاضيه

    ولا فى زحام و لا أى حاجه.
    فقلت فى شئ من الاهتمام:- ليه يعنى ...........ايه اللى قارفك؟!..........


    قال :- الزحام يا صاحبى.......... الزحاااااااااااااااااااااااااااااااااام..........رحت أعمل بطاقه الرقم القومى ووقفت فى طابور لم أرى له بدايه ولم أدرك له نهايه وكنت فى وسط الطابور

    واتخنقت مليوووووووووووووووون واحد والطابور ما بيمشيش ....اتخنقت وطلعت من الطابور
    ورجعت بخفى حنان....
    فقلت له مسرعا":- حنين مش حنان يا كبالا..........


    فقال :- انا عارف حنين ولا حنان هى هتفرق على حرف مبقتش تفرق سينا من سونيا.........

    قلت :-هو ده اللى مضايقك .......الزحام وبس..... طب وايه اللى اتغير ماهو زى كل يوم........

    قال:-زياده السكان والزحمه بقوا شئ مقرف..........الدنيا اتلخبطت بقينا عايشين فى عشه.

    قلت فى دهشه:-عشه!.........قصدك ايه؟!

    قال بسخريه:-انت مش عايش فى البلد دى قصدى القاهره الكبرى يعنى.....انحشرنا فى خندق صغير........بقيت اتنفس من مناخير جارى.......

    فضحكت وقلت له باهتمام أكثر:- طب ما الصين يا كبالا اهه أكبر بلد فيها كثافه .......أكبر من مليار نسمه وعايشين حلو وآخر ميت فل وعشره و مفيش حاجه.......

    قال:- دى الصين يا عم .......التنين الاصفر.......دول هجموا علينا بكل حاجه "الأكل صينى "

    "واللبس صينى" كل حاجه صناعه صينى .......دول بقوا يصدروا لنا بنى آدمين صينيين........
    قلت:-لا يا كبالا المشكله مش مشكله زياده سكان .........


    قال و كأنه يسخر منى:- امال مشكله ايه يا فقيه ؟!.........

    قلت:-يا كبالا أفندى...... المشكله مشكلة إزاى نستخدم كل البشر ديه فى صالح البلد و فى صالحهم

    وهقولك حاجه ....عمر ما كانت زياده السكان عبء على الدوله,ولو الدوله فكرت كويس هتحول زياده السكان الى زياده فى الخير.
    فقال:- طب فين المشكله بقى ؟!...................


    قلت:- المشكله فى الدوله زى ما قولتلك..........

    قال و كأنه يدعى الفهم:-آآآآآآآآآآآآآآآه ...............

    قلت منهيا" الحديث:- ماشى يا كبالا اتفضل كمل كبايه الشاى بتاعتى اللى استوليت عليها و قوم انكشح.......... و الا الزحمه خلتك مش عارف ان كبايه الشاى دى بتاعتى.


  2. #2
    هذا الحوار ساخر وهو اجتماعى وليس له علاقه بالسياسه

  3. #3
    عضو متميز
    تاريخ التسجيل
    Mar 2007
    ردود
    1,046
    ولكن له علاقة بأشياء أخرى لا أعرف الى أي مدى يمكن الحديث عنها.

    ولكن كل على كل .. عجبني
    نجار جيد بيده مطرقة سيئة أفضل بكثير من نجار سيء معه أفضل مطرقة في العالم...

  4. #4
    thank you for your comment

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل