قرار لازم الكل هنا يوافقني عليه ضروري بجد !!!

[evermore]

اي عمل متميز وكل عمل متميز ورائع ياخد الرئيسيه او يستحق الاعجاب والتقدير والابداع يتوجب عليه بالامر النافذ ( داه بالاجماع طبعا ) رفع اعدادات الاضاءه كامله ورفع اعدادات الريندر كامله و ( رفع المساقط ) بس داه اختياري ( علشان منتقلش عليه )
وداه طبعا علشان كلنا نتعلم اصل بصراحه انا بدخل الله اكبر عمل رائع اللي بعده عمل ممتاز اللي بعده عمل فوق العاده وبردو محلك سر ليه علشان لسه مش عارف هو عمل الشغل داه ازاي وهعرف منين اذا كان هو شايل اعدادات الاضاءه والريندر عنده طب انا استفدت ايه وغيري استفاد ايه ولا انا هقعد اخمن بصراحه انا كده بيجيلي احباط مش اكتر يعني انا قاعد بقالي شهر بالظبط شهر كامل يا جماعه بفهم في الفيراي ريندر فهمته كله وبعد كده معملتش حاجه بردو لازم توتوريال وتدريبات فلازم عمل واقعي قدامي بس يكون باعدادته انا بدخل هنا بلاقي اعمال اكتر من واقعيه بكتب التعليق المتين وانا مستفدتش حاجه بردو اه انا لقيت شويه اعدادات بس مش الكل يا جماعه احنا عايزين الكلام داه علي كل واي عمل متميز ( كل واي ) عمل متميز او حتي غير متميز بردو علشان كله يعرف الاخطاء والصح والغلط فين . [/
لان لو مكانش حد هيرد علي كل موضوع يتحط بمشاكله يبقي كل واحد يحط اعدادات عمله ونكسب وقت وخبره ونوفر نص الطريق بمعني انا عملت عمل ورفعته بقاله علي المنتدي اكتر من اسبوعين محدش رد عليا فيه وكله ردود ارفعلنا الاعدادت رفعت الاعدادات ومحدش رد عليا بردو وانا محتاج المساعده منكم طب ما نوفر الوقت علي بعض وكل واحد يرفع اعدادات عمله ( المتميز ) وانا لما ادخل اعمل زيها واشوف هوصل لايه وغيري هيشوفني وانا هشوف غيري وهلم جري وهيبقي عدد المشاكل اللي موجوده معدوده علي الصوابع ولا انتوا رايكم ايه .... ( متبقاش متقفله من كل حته كده )
ياريت التصويت علي الموضوع

[fady_fod]

بصراحه لا اوافق علي الرغم من انه هيبقي موضوع جميل جدا وهيفيد الكل واولنا انا طبعا لاني الاسوأ في المنتدي

لاكن بصراحه في اعمال فريده بطريقه لا تصدق يعني حلوة جدا جدا جدا
اصحاب المواضيع دي لو كانو بيعزونا (انا اقصد البعض القليل جدا) كان يحط من نفسه
وفي برده ناس بتشتغل علي الريندر بس كتير والريندر كان فريد يمكن يكون العضو هو اللي عمله باعداداته الخاصه الفريده فيكون الريندر ده بتاعه يعني نشوف الموضوع اه ده بتاع الاستاذ ......... مثلا
اما الاخرين وهما اللي بيعزونا زي (الاستاذ شادي صبحي) كده دول ناس بتحب الغير زي نفسها يعني ممكن يدوك التصميم بتاعهم تعلن انت انه بتاعك
يعني من الاخر اللي عايز يعمل كده يعمل من نفسه لو بيحبنا او لو مكنش وراه حاجه تمنعه
وشكرا علي الموضوع الجميل

[evermore]

اين التصويييييييييييييت واين الردود ؟

[evermore]

لا مينفعش الكلام داه انت بتتكلم بطريقه محبطه ثم انت كمان بتهرج منين انت عضو فعال ومنين عدد مشاركاتك وصلت 208 ومنين بتقؤل انك الاسواء في المنتدي ده انا علي كده اروح اروح بيتنا الم هدومي كده والغي اشتراكي والم اعمالي السوده واهجر الماكس واقعد اندب والطم واصوت في البيت لا طبعا انت بجد بتهرج تهريج فظيع اذا كنت انت الاسوا امال انا ايه الاسود ؟ مينفعش وبعدين لو كان هو باعداداته الخاصه ليه لنفسه واعدادات فريده من نوعها يرفعهلنا يا جماعه يعني اي عمل متميز يرفع هو اعداداته واحنا هنتعلم منه احنا مش عايزين تصميم احنا عايزين الاعدادات كل واحد تصميميه مع نفسه لكن الاعدادات لينا طيب افرض زي ما انت ما بتقؤل بلاها اعدادات يبقي استفدنا ايه امال احنا عاملين المنتدي داه ليه نقعد نتفرج فيه علي بعض خلاص يا سيدي انا هلغي اشتراكي وافتح جوجل وادور فيه علي الصور اللي اتعملت بالماكس ويادار ما دخلك شر وبلاها تضييع وقت في المشاركات انتوا بتهرجوا ولا ايه يا جدعان احنا فاتحيين المنتدي علشان نتفرج علي بعض مش كده بردو ؟ طب ياريت نلقي نظره بس علي منتديات الاجانب ومشاركاتهم ومساعدتهم وتعاونهم مع بعض ياراجل داه في منتدي الماني حاولت اشترك فيه برد بالانجليزي طنشوني عندهم عزه نفس وكرامه بمواضيعهم ولغتهم واحنا معندناش ادني استعداد اننا نرفع شويه اعدادات ببرينت اسكرين علشان نساعد بعض الله اكبر علي المرحله اللي وصلنالها دي رائع مذهل مدهش .
علي كده بقي انا محتاج 45 سنه علشان اعرف ازاي اعمل عمل بالفيراي و 55 سنه علشان اعرف اعمل عمل بالماكسويل و60 سنه علشان اعمل عمل بالبرازيل و 14 سنه علشان اعمل عمل بالفينال ريندر و17 سنه علشان الزد براش وكمان 80 علشان الافتر بيرن ومفيش مانع من 10 سنين تاني علشان اعرف اتحكم في التارجت والاومني لايت طب ما نشتغل علي الـ paint احسن

[fady_fod]

معلش انا هاوضح حاجه صغيره بس
اولا انا احصل علي الاسوأ بجداره وطبعا حضرتك احسن مني بكتيييييييييييييير
ولو حضرتك تقصد تعليم بجد يبقي يقول كل حاجه هو عملها في الاعدادات عملها ليه بالنسبه اللي هذا هو التعليم ولا ايه
وبرده اللي ممكن حضرتك تعمله العمل اللي تشوفه حلو تقول لصاحبه انه يعطيك الطريقه
اما ألالزام فلا اعتقد انه جيد او ينفع لكل واحد ينزل عمل الاعدادات يعني مش مناسب لكل من في المنتدي
وبرده ممكن واحد بيعمل لحساب احد اخر لا يستطيع سوي انه يورينا العمل
كل ما اقوله ان الالزام مش لازم في الحاله دي اللي عايز يعمل كده يعمل
وانا زعلت جدا اني عصبت حضرتك انا اسف جدا جدا
ولكن الاختلاف في الرأي لا يفسد للود قضيه
وشكرا

[el_ash3al]

فكرة جميلة وأأويدها

[fady_fod]

وشئ اخر عايز اقوله
انا م}يد الفكره
اما لألزام فلا
واشكركم

[evermore]

معلش انا هاوضح حاجه صغيره بس
اولا انا احصل علي الاسوأ بجداره وطبعا حضرتك احسن مني بكتيييييييييييييير

ازاي حصلت علي الاسواء بجداره ازاي مش فاهم يعني ايه ممكن تكون عملت او دخلت في مسابقات في المتنتدي وحصلت علي الاسوا اه لكن مش اسوا مني دي حاجه الحاجه التانيه انت كلامك صح اه مش غلط بس احنا مش هنفرز الناس اللي بتشتغل بره في مكاتب او بتشتغل بره لحساب حد او بتشتغل من اجل الهوايه ثم انا طلبي مش مستحيل وانا متاكد انه مش مستحيل بدليل ان في ناس فعلا بترفع اعدادات كامله علي المنتدي لكن انا مش شغال بره لحساب حد في الماكس انا شغال بره اه بس مش ماكس لسه موصلتش للمرحله دي ثم لو هي الامور كده يعني ايه يعني بح مش هينفع الزام لحد انا متهيالي انه مش مستحيل وبعدين انت كده خلتها تحت الحريه والمزاج وابسط ما في الموضوع كل واحد يقؤل انا شغال بره يبقي المنتدي كله شغال بره يبقي ولا عمل متميز هيترفعله اعدادات بردو ما زال المبتدئين هم الخسرانين في الموضوع ياجماعه في الشغل المعماري بالذات الاحتراف مش بالموديلينج كده كده الموديلينج سواء بمكتبه او برفعه في الاوتوكاد ثري دي امر هين وسهل لكن الاحتراف في الاضااءه والخامات هو داه اللي صعب ممكن تقؤل ان الماتيريال امر نسبي تذوقي اما الاضاءه امر صعب والريندر امرم عقد للغايه لابد من تعليمه بدقه متناهيه وتوضيح الفروقات وتوضيح المشاكل والصعوبات وتحليلها وهذا لا يتاتي الا بالمساعده ومش كل المساعده كلام لازم رفع اعدادات وريندر واضاءه وتوضيح وتفسير وتحليل ياما نعمل حاجه جديده كل واحد متميز في عمل يمسكله مجموعه من المبتدائين يوصل بيهم لمرحله معينه وفي اخر موسم بعد تحديد طول الموسم يتم عمل مسابقات بين كل ليدر لمبتدئين مع الليدر الاخر وونشوف التحصيل الحاصل بدرجاته ايه رايكم في الفكره دي ؟؟؟

[evermore]

فكره جديده نقسم المتميزين اللي في المنتدي بالكامل في قسم الماكس طبعا لمجموعات وكل محترف يبقي ليدر يندرج تحته مجموعه من المبتدئين يتم تعليمهم والوصول بهم الي مرحله معينه حسب كفاءه المدرب ويتحدد موسم تدريبي معين شهر او اتنين او تلاته حسب اتفاقيات المنتدي مع المدير العام والمشرفين طبعا وكل ليدر بمجموعه ليها شعار معين وبعد انتهاء الموسم يتم تحديد المسابقات بين كل المجموعات ثم بعد ذلك يتم اظهار النتيجه بفوز مجموعه معينه فيحصل الليدر علي لقب في المنتدي او عضويه اعلي والمبتدئين هيكونوا اتعلموا ومحدش خسران وبكده هنكسب خلق روح تنافس وفي نفس الوقت اتعلمنا وفي نفس الوقت اللي شغال بره ضمن سريه شغله ؟

[evermore]

عدد الزوار وصل ل 48 زائر برجاء التصويت وكتابه الردود

[(أبو إبراهيم)]

No !!

لا أوافق

[evermore]

انت قريت الموضوع كله بالظبط علشان تقؤل لا اوافق بالطريقه الحاده دي ؟

[el_ash3al]

أفكارك جميلة أخى ومتميزة ولكنى أعتقد تنفيذها فيه شىء من الصعوبة
بس أن شاء الله راح أعمل بهذه الفكرة

[(أبو إبراهيم)]

نعم قريت الموضوع وأسف إن كنت جرحت مشاعرك لكن .... لا أوافق

[evermore]

لا توافق علي ايه بالظبط وضح كلامك لا توافق علي الكلام اللي في اول المقال ولا لا توافق علي تقسيم المجموعات وعمل المسابقات والكل كسبان محدش خسران وضح كلامك وحدد الفاظك احنا هنا مش بنتخانق