موضوع: الذين لا يعجبهم شئ و الذين يعجبهم كل شئ

ردود: 4 | زيارات: 613
  1. #1
    عضو متميز
    صور رمزية علاء مختار
    تاريخ التسجيل
    Sep 2005
    المنطقة
    الاسكندرية
    العمر
    30
    ردود
    1,098

    الذين لا يعجبهم شئ و الذين يعجبهم كل شئ

    بسم الله الرحمن الرحيم

    انا اكتب هذا الموضوع بسبب حالة الفوضي التي استوطنت فى راسي
    الان لا اعرف من انا تحديدا
    الناس كلها مختلفة فى آرائها
    اعرف ان الاختلاف طبيعة الحياة ولا بد من وجوده
    لكنه فى العادة يكون اختلاف و تصارع بين متناقضين ليس اختلاف فى امور متفق علي صحتها او خطئها كما يحدث الان
    مشكلة كبيرة بالنسبة لي فانا الان لا اعرف اي منهج اتبع ولا اعرف حتي كيف اكون افكاري و ارسخها اصبحت مشتتا
    اعتقد ان هذا حال الكثير من الشباب "مثلي" الذين يقعوا تحت تصنيف الشباب التافه قليل التجارب محدود الثقافة ان كانت موجودة
    لماذا لا تكون الامور موزونة؟ لماذا اري الوضع باهتا لا استطيع التمييز بين الابيض و الاسود إلا بصعوبة؟

    لماذا لا اري الصحيح يناقش الخطا بموضوعية ولا يعتبر نفسه كامل الصحة؟ و لماذا يترفع المخطئ عن الاعتراف بخطأه؟

    لماذا يشترك الطرفين فى تشويه الحق؟

    ماذا يمكنني ان افعل بفكري الهزيل فى هذه الحرب؟

    كيف اتاكد من صحة الصحيح و من خطأ المخطئ؟

    كيف ادخل فى عقول البشر لأعرف نواياهم و مقاصدهم؟

    اعتقد ان من اهم اسباب هذه اللخبطة التي تمكنت من راسي هو كثرة المصادر و الانفتاح المهول

    زمان كان الفرد منا فى مجتمع ضيق افكاره تقريبا موَّحدة مع افكار مجتمعه
    الان انا اعيش بين جهاز الحاسب و الفضائيات
    كل موقع شكل و فكر مختلف عن الآخر و كل برنامج و قناة تختلف مع الاخري إلي ان ذاب الصحيح علي الخطأ
    هل تصبح طريقة التقييم الان متدرجة بين الابيض و الاسود؟ بين الحق و الباطل؟

    ماذا أفعل؟
    لا إله إلا الله
    محمد رسول الله

    سبحان الله وبحمده سبحان الله العظيم
    تذكروا اموات المسلمين بالدعاء


  2. #2
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    العالم يتشكله لمرحله جديده تماما علي التاريخ
    في رأي الشخصي انه سيصل للحد الاقصي من الخراب ثم تبداء الامور في الاستقامه بعد ذالك
    ترسيخ مبداء الحق للاقوي غير شكل هذا القرن من اوله واصبح بدل ما تفكر وتحسن نفسك شوف ازاي تكسر غيرك وتستولي علي الي عنده
    للاسف هناك الكثير تم بناء علي هذه القاعدة ولن يتم تصحيحه فجئاه
    خصوصا في غياب الرغبه في الاصلاح
    وحتي من يريد الاصلاح سيتم كسره لتستمر العجله في السير
    ناهيك عن غرابه المنهجيه التي يتبعها حتي من يريد الاصلاح
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  3. #3
    مشرف سابق
    صور رمزية graphicer
    تاريخ التسجيل
    Apr 2007
    المنطقة
    القاهرة , الرياض
    ردود
    735
    قريت الموضوع أكثر من مرة أخي علاء واحساسي باللي قلته شجعني اكتب لنفسي قبلك
    انا طلعت بنقطتين من الموضوع الأولى خاصة بحالة حيرة خاصة ببعترة كل شيء حواليك
    والتانية خاصة بتعاملات الناس
    انا هكلمك باختصار لأن اللى انت اتفضلت بطرحه موضوع مش صغير لكن:
    انا هقولك اللي عندي بكل أمانه ... حل المعضلة في ايدك انت...
    بخصوص النقطة الأولى مثلا ومن غير فلسفة انت حدد جاي منين ورايح فين وانت تفهم القصة كلها...
    انت راكب قطار طلعت من محطات ومشيت محطات وهتنزل في محطة أخيره....
    وأنت ماشي في رحلتك حواليك دوشة وضوضاء لكنها قوية قوية جدا وبتهاجمك بمنتهى العنف من كل جهه وانت زي ناس كتير جدا مش عارف تركز بسبب مطحنة الازعاج اللي حواليك ..حلها ايه الحكاية دي؟؟؟
    من غير فلسفه تانى بقولهالك قلبك مش هيهدى إلا وهو فيه نبع خير تقاوم بيه الزحمة دي كلها وطريقه واحد ومعروف هتعرفه جدا لما تحدد انت رايح فين بالظبط؟
    الاستقامة ... وباختصار شديد اعرف الله هيرتاح قلبك وتهدى نفسك ودي مبتجيش كدا بطريقة نمت حلمت.. لا..!!
    انا مش جاي اوعظك واقولك كلام حكمة فارغ من مضمونه لكن كتير لفوا وراحو وبعدوا والاخر نزلوا في نفس المحطة نتيجة معروفة مفيهاش شك .. وفي الآخر التميز والاستقامة اختيار النخبة اللي بتفكر وعندها قدرة على الاختيار
    وسع مدارك قلبك بالقراءة وانت بتقرا خلي ربنا في ضميرك وانت رايح رحلتك
    واول طريقك لراحة قلبك وجربها رغم انها قدامنا كلنا لكن جربها وانت تشوف الفرق
    جرب تتوضا وتصلي الخمسة فى اوقاتها انا مش قصدي انك مش بتصلي والله لكن جرب تخلع نفسك من الزحمة المستمرة بكسرها بوقت قصير تنتمي فيه لله على مدار يومك هتلاقي انك بترتاح اكتر بكتير من الاول
    وصدقني حالة خواء بتجتاحنا كلنا لكن الذكي هو اللي يملا الخواء دا بشفافية مراقبته لله وهو كفيل جدا انه يزود الناقص ويريح القلوب المتعبة ويبدل الهم والاكتئاب لحالة رضا واطمئنان

    النقطة التانية ممكن تكون بسبب أذى انت اتعرضت له من اكتر من حد بتتعامل معاه
    ومش مطلوب مننا ندخل عقول الاخرين علشان نكتشف نواياهم لكن انت لك ظاهر تتعامل بيه لكن عليك تكون حذر وتصون نفسك من خدوشهم خاصة لو انت حساس يعني اللي يتعبك تصرفه متقربش منه اوي خلي مسافة تحمي بيها نفسك من جرح تصرفه وفي الآخر ازرع خير مستحيل هتجني شر وانت بتعمل الخير مترميهوش البحر زي المثل ما بيقول لا اعمله ومتندمش الخير مبيروحش هدر
    يمكن أكون طولت عليك بس والله حاولت اختصر كتير وربنا يوفقك ويسعدك ويحفظك

  4. #4
    عضو متميز
    صور رمزية علاء مختار
    تاريخ التسجيل
    Sep 2005
    المنطقة
    الاسكندرية
    العمر
    30
    ردود
    1,098
    اخ ياسر من منا لا يحلم بان يكون صلاح الدين و ان يكون سبب فى نصر الامة؟
    تقريبا كلنا نريد الاصلاح لا احد يرحب بالفساد و اخوانه
    المشكلة الحقيقية فى هي ان كل فرد يريد ان يصلح علي طريقته الخاصة و هذا يصعب في ظل العولمة الاجبارية التي غمرتنا بخبائثها و سهونا عن فضائلها

    اقتباسات من وكيبيا
    العولمة عملية اقتصادية في المقام الأول، ثم سياسية، ويتبع ذلك الجوانب الاجتماعية والثقافية
    أيضاً العولمة عملية تحكم وسيطرة ووضع قوانين وروابط، مع إزاحة أسوار وحواجز محددة بين الدول وبعضها البعض؛ وواضح من هذا المعنى أنها عملية لها مميزات وعيوب
    لماذا لا نسعي إلي التنوية إلي الجوانب الاجابية فى العولمة بجانب التنبيه إلي مخاطرها؟
    لماذا لا نحاربها بسلاحها الذي اضعفتنا به؟
    لماذا نرفضها كليا؟
    لماذا حتي لا نستخدمها فى فرض ثقافتنا نحن؟
    يا جماعة احنا مسلمييين
    الاسلام ينتشر بدون بذل جهد يذكر
    فما بالكم لو سعينا نحن فى نشره و فرض ثقافته

    نظرية فرص التصادم

    السبب الرئيسي لفشل الشباب هو ان فرص التصادم بكل ما هو فاسد اكثر بشدة من فرص تصادمه بكل ما هو صالح
    الفضائيات من ناحية مواقع الدردشة و الهلس و البلاوي كثيرة جدا الشارع "بالنسبة لمصر يعني" و الكلية و حتي اماكن العمل
    بينما التواجد الاسلامي منحصر فى الجامع و فى عدد قليل من الفضائيات و مواقع الانترنت
    الافلام مثلا اقل من 1/100
    حتي لو لقيت حاجة هاتلاقيه رديئة الصنعة لا تضاهي افلام اخري بجودة عادية
    فيلم "Mohammad The Last Prophet" الفيلم الكارتوني الاسلامي الوحيد عبارة عن ماساة كارتونية
    مسلسلات الكارتون العربية و اشهرها "بكار" قمة فى الردائة
    لابد من وجود بدائل و فيرة و قوية
    لابد من وجود فرص تصادم كافية مبيضة للبقع السوداء التي لطخت الثوب الابيض الناصع

    اخ graphicer

    كلامك صحيح جدا و انا مقتنع بيه كليا لكن الواحد كان ممكن يستريح اكتر لو المجتمع المحيط حاله افضل بعض دول الخليج حال الشارع فيه متظبط يعني ع الاقل مفيش جهر بالمعصية زي عندنا فى مصر حكاية الشارع دي نقطة مهمة جدا و اتمني انها تكون فى مصر لكن مش هايكن لها اي تاثير الا اذا اتلغي الموبايل و الانترنت و الفضائيات أو اتغير فكر الشباب و بدا يشغل نفسه بحاجات افضل و انفع له و للمجتمع المحيط به
    زي ما انت بتقول بالظبط لازم الواحد يشيل نفسه من الفاسد و يتنقل للصافي النقي الفطري
    و لازم يكون فى خطة لتحويل الشباب من الهلس و التفاهة للصحيح النقي
    بما ان الاعلام مؤثر بدرجة كبيرة يبقي لازم يستغل كل الاستغلال

    اشكركم ع المرور
    -----------------------------------------
    علي فكرة انا مش علماني و لا اروج للعلمانية كما قد يعتقد البعض
    يجب قيام حملة اعلامية قوية
    لاستغلال طاقة الشباب المسلم الهائلة و دفعه للتعولم علميا و شفط علوم العوالم الاخري بالوسائل المستحدثة المستخدمة بشكل اساسي فى افسادنا نحن الشباب
    "اطلبوا العلم و لو فى الصين" العلم موجود تحت ارجلنا ولا احد يفكر فى التعلم و الابتكار
    العلم فرض عين


    انا مسلم من شعر راسي لاصابع اقدامي
    ادعوا الله ان يثبتني و يحسن خاتمتي

    سلام
    لا إله إلا الله
    محمد رسول الله

    سبحان الله وبحمده سبحان الله العظيم
    تذكروا اموات المسلمين بالدعاء

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل