...مين اللى عاوز جيلاتى ؟؟؟

[||صقر||]

بمناسبة الصيف والأجازة الكبيرة .... وبمناسبة الحر والطهقان اللى البلد عايشه فيه ... قررت انى أعمل حاجة ممكن تكون أول مرة تتعمل فى مجال برمجة الألعاب ... يمكن تكون اتعملت فى مجال التأليف على إيد واحد برطانى مش فاكر اسمه " الحر ضارب معايا ><" .... المهم ..... الفكرة ان الراجل ده ألف الرواية بتاعته بالكامل أون لاين .... وأظهر كل طقوسة فى الكتابة وطرقة فى سرد الأحداث وكيفية استنباطة للأفكار وووو كل الحاجات اللى محتاجة خطوات مفهومه عشان تتعمل >< ... اللى العرب نسوها نهائيا ... نسو كلمة خطوات دى خالص للأسف >< ودى أهم مشكلة ممكن تقابل أى واحد ... انه مش عارف يبدأ منين .>< ولو بدأ مهيرفعش هيكمول ازاى ... لامؤاخذة هيكون عامل زى طور الله فى برسيمة ... عشان كده و عشان كده تانى أنا هشتغل فى مشروع جديد اسمه مين عاوز جلاتى ... بس المشروع ده مختلف ... مختلف تماما عن أى لعبة ممكن تكون اتصممت أو حد صممها >,> لأنها هتبقى أون لاين ... بصراحة الفكرة دى ضربت فى دماغى ونا بقاوم الحرة بالطرق الغلط .." بأكل جلاتى" ... المهم ...انا هتكلم بالعامية عشان اقدر اوصل الفكرة كاملة وعشان الجماعة الغرب ميترجموش الموضوع ويسرقوه " خيالة واسع "

المهم ... انا هكتب فى الرد التانى اللى بعد ده علطول شرحة تفصيلى شوية للفكرة والموضوع ككل ...
يلا بقى أشوفكم بعد دقايق ...

[||صقر||]

انت هتعمل إيه بالضبط ؟؟؟

انت هتعمل إيه بالضبط ؟؟؟
أكيد ده قول سؤال هتسألهولى بعد ماتقرأ الرد اللى فوق .. بصراحة أنا كان هدفى فوق أتكلم بطريقة فكاهية شويه عشان أصحصح دماغك النايمة دى .. المهم .... انا بكل بساطة هشتغل فى لعبة .... كل الشغل بالكامل من أول ال Game Concept لغاية ال Beta Testing هعمله أنا بس ... لوحدى >< ... .. بس إيه المشكلة فى كده ؟؟؟ ... عارف هتقولى انت واجع دماغنا ليه ... متاخدولك جمب كده واشتغل فيها بوعد ماتخلصها ابقى ورينا نفسك ... أقولك أنا عاوز افتحلك الباب الخلفى بتاع الإستوديو بتاعى عشان تختلس النظر كده وتعرف إية الخطوات اللى هعملها عشان أشتغل فى اللعبة أو بمعنى أخر ال WorkFlow ... بس أنا مش هحطها بأسلوب نظرى على شكل Guide Lines أو فصول فى كتاب >< ... لا أنا هفرجك على اللى انا بعمله وانت هتستنبط الخطوات بمخك المتح وكمان بدل ما تعرف الكلام تشوف العمل ^^"ده مثل جديد أنا مطلعه "... أتمنى انكوا تكونوا فهمتوا الفكرة شوية ... انا هبدا من بكرة ان شاء الله ..اللى هو المفروض النهاردة >< أصل الساعة الوقتى 2 بالليل .. المهم هبدأ ان شاء الله يوم الخميس ... يلا بقى سلام ... عشان أنا تعبت وعاوز أروح أنام ... عاوز أشوف اقتراحاتكم و توقوعاتكم عن شكل اللعبة .... اعتبروها تمارين تحفيز للجانب الإستنباطى فى عقلكم لغايه ما أرجع ... يلا ... سلام

[القناص23]

من أين سنبدأ يا ترى سنبدأ بالسلام عليكم . و بعد أقدم نفسى أنا اصلاح من تونس انضممت ألى هذا المنتدى بغية تأسيس علاقات جديدة ...هل من أحد يساعدني على فهم كيفية عمل المنتدى

[||صقر||]

من أين سنبدأ يا ترى سنبدأ بالسلام عليكم . و بعد أقدم نفسى أنا اصلاح من تونس انضممت ألى هذا المنتدى بغية تأسيس علاقات جديدة ...هل من أحد يساعدني على فهم كيفية عمل المنتدى

أهلا وسهلا يا استاذ صلاح ... انا جديد فى المنتدى هنا زيك ^^... ان شاء الله تتابعنا وتستفيد وحاول تقرأ الموضوع عشان تفهم احنا هنعمل إيه ^^....

[oms]

أخبار جديده هنا .... أهلاً صقر في قسمك .. نورت المنابر...

بس لعلمك .. الفكرة تاعيتك أنا بطبقها حالياً ... ومش بس هيك .. بعرض خطوات العمل ( كملفات فيرتوولز ) على شان الناس تعرف أنا إيش عم بسوي ..

يالله بنشوف مين بيخلص أنا ولا إنت .

[مصطفى بدر]

الله يوفقك يا اخي

و ان شاء الله تعمل اللعبة بأسرع وقت ممكن و يستفيد الكل

[Ayman-max]

وإنشاء الله
أنا بنزهلها وبلعب فيها ههههههههه
بسرعة
بالتوفيق

[||صقر||]

أخبار جديده هنا .... أهلاً صقر في قسمك .. نورت المنابر...

بس لعلمك .. الفكرة تاعيتك أنا بطبقها حالياً ... ومش بس هيك .. بعرض خطوات العمل ( كملفات فيرتوولز ) على شان الناس تعرف أنا إيش عم بسوي ..

يالله بنشوف مين بيخلص أنا ولا إنت .

انا نت بتابع المنتدى ده من زمان وانت ممكن تلاقيلى مواضيع قديمة هنا ... بس المشكلة ان كان نايم ... بس انا لاحظت ان فيه نشاط شويه دلوقتى ... وحبيت أستغله ... عشان المنتدى يبدأ صح .. وميبدأش يتملى بالمبتدئين " ال Noobs ><" اللى كل شغلانتهم انهم يعدوا يكتبوا مواضيع فى المنتدى ويقولوا أنا عاوز حد يعلمنى وعاوز حد يعملى وعاوز وعاوز >< .... المنتدى بصراحة محتاج يتأسس على إيد مجموعة من الأعضاء يكونوا فاهمين المجال ده صح .... و يكون عندهم تفائل ^@^... المهم ...انا مش شايف الموضوع اللى انت بتقول عليه ... ياريت تجيبلى الرابط عشان أنا بحب أشوف ال WIPs المفتوحة دى ^^...
ربنا يسهل ... المهم مين اللى هيساعد أكتر ....

الله يوفقك يا اخي

و ان شاء الله تعمل اللعبة بأسرع وقت ممكن و يستفيد الكل

وإنشاء الله
أنا بنزهلها وبلعب فيها ههههههههه
بسرعة
بالتوفيق

ان شاء الله ... انا هحاول أبين كل حاجة أنا بشتغل فيها على قدر الإمكان ان شاء الله عشان ميبقاش فيه أجزاء مبهمه ... ربنا يسهل وياريت تتابعنا دايما ... وأوعى تكسل تقرأ لو لوقيت الموضوع طويل ... لأن الخمول والكسل ده هو اللى مرجعنا ورا >< .....

[||صقر||]

طيب ... نسمى الله ونبدأ على بركة الله ... أولا ..... انا عاوز أتأكد من ان فيه ناس هيتابعونى بدقة عشان الموضوع يجيب نتيجة ... انا هبدأ فى مرحلة ال Pre-prodution إن شاء الله من بداية الأسبوع القادم ... ولغايه اليوم ده هبدا أوريكم مراحل ال BrainStorming اللى هعملها عشان أقدر أطلع قصة متكاملة .... انا النهارده هحاول أوضح الفكرة لنفسى وأطلع الخطوط لأساسية للقصه عشان أبدأ منها ...
أنا هستخدم أسلوب شبيه بأسلوب الكتابه فى المدونات لسرد الخطوات عشان اوصلك الفكرة كاملة

أولا : جمع الريفرنسز و ال Brainstorming :-
انا أول حاجة احتجتها هى انى أجيب صور لأنواع الجلاتى .. و كمان صور لأى منافز بيع جلاتى ممكن ألاقيها .... وبدات البحث بإستخدام خاصية البحث فى الصور فى جوجل ... واستخدمت الكلمة المفتاحية Keyword : Ice Cream... وبدات أعمل عملية فلترة للصور عشان أشوف إيه الصور اللى هتفيدنى ...
بعد مابحثت .... لقيت ممجموعة كبيرة من أشكال الجلاتى ... انا هدفى خمس أنواع من الجيلاتى ... بحيث ان كل نوع يكون له دور معين فى ال Gameplay للعبه ... و بعد ما حددت الأهداف ... بدأت أجمع الجيلاتى ^^ ...
و دى الصور اللى طلعت بها :-
http://www.cottoninc.com/CottonCandy.../ICE-CREAM.jpg
http://www.unitedwaysb.org/Ice%20Cream.jpg
http://static.howstuffworks.com/gif/ice-cream-15.jpg
http://www.jaunted.com/files/admin/bluebellicecream.png
http://school.discovery.com/clipart/images/popcle.gif

أنا عارف انكوا بتقولوا دلوقتى أنى اتجننت ولا اتهبلت عشان أجمع فى صور الآيس كريم >< ... على العموم هتكتشفوا الفايده قدام ...
طيب بعد كده انا عاوز أعرف أنا هبدأ منين .... انا جمعت صور للجلاتى خلاص ... اللى هو ال Asset الأساسى فى اللعبة ... بد كده محتاج انى أفكر شوية ... انا ناوى أعمل لعبة بقصة مسطحة زى ألعاب ال Monopoly و تركيب الصور و اللى هى تقريبا عديمة القصه ولا لعبة ذات قصه معقده زى ألعاب ال RPG و ال Advanture .... بصراحة أنا بحب ألعاب المغامرة جدا .... عشان كده أنا هخلى ال Genre بتاع اللعبى Advanture ... طيب ...دلوقتى أنا هستمد أحداث القصه من العالم الواقعى اللى بتحكمه قوانين المنطق والطبيعة ... ولا أخترع عالم بديل من دماغى عشان أشكلة بالشكل المناسب للعبة ... وبما ان اللعبة مش لعبة جادة serious.... و بما ان اللعبه للمتعه ... فأنا هتخيل عالم من دماغى ^^... طيب ... احنا لسه بدرى أوى علشان نحط ال prototype للمراحل ..لكن انا محتاج أجمع بعض الأفكار مع بعضها عشان أتخيل السمه الرئيسية للعبة .... و بما ان اللعبة عن ال Ice Cream فلازم نخلق وضع مناسب نقدر نستنبط منه قصه .... هنا نحدد أهداف اللاعب ... أنا هتخيل اللاعب انه ولد صغير عايش فى القاهرة ... فى بيت من البيوت العشوائية هناك ...وان الحرارة الشدشة اتسببت فى موت ناس كتير .... و حصلت أزمة فى الأيس كريم اللى كان بيحبه اوى ... فيبدأ رحلته فى البحث عن الجلاتى ^^.... القصة دى هى المبدا اللى انا هحاول أطورة و أشتغل عليه ..... و بما اننى حددت موقع المغامرة لازم أحدد السمه اللى هتغلب على الشخطيات ... انا هخليها كاريكاتورية ... و هخلى الحوار مضحك " لاحظ هنا إنى بدات أحط ال Key Features للعبة"
طيب ... دلوقتى انا عاوز أنظم الأفكار دى كلها ... الأفكار ده هتتنظم فى الجيم كونسبت اللى هكتبه يوم السبت ان شاء الله ... الوقتى أنا هبدأ فى كتابه القصة بتفصيل شوية بعد ما حددت السمة والخصائص الأساسية اللى هستخدمها فى كتابة القصة ....

ثانيا : تنظيم المعلومات الأساسية للعبة :-
هنا هنبدا نكتب البطاقة الشخصية بتاعت اللعبة ^^.... فى صورة معنونات ...
الأسم : "لم يتم تحديدة بعد لكن: " مين عاوز جيلاتى ؟" بصورة مبدئية "
النوع "Genre": مغامرات و لم يتم تحديد المنظور حتى الآن
السمه : كوميدى

البطاقة الشخصية ناقصة كتير دلوقتى ... يعنى هى ناقصة ال Functional Spec. و ال Technical Spec بس المعلومات دى تكفى لبداية كتابة القصة .... دلوقتى أنا هبدأ فى تحديد عدد المراحل اللى المفروض تكون فى اللعبة .... بشكل أساسى أنا هحط 2 Levels و هحط Mini Levels صغيرة ما بين المهمات عشان تزود من عدد نقاط اللاعب وكمان تديلة المزيد من ال Assets عشان يستمر فى المراحل اللى بعد كدة ... طيب ...المرحلة الأولى هتكون فى سيتى مول تجارى كبير .... هيحاول يدور على الجيلاتى فى الأرفف ويحاول يتسلل للمخازن بتاعت السيتى مول ... و ال Enemies فى الحالة دى هيكونوا السيكيورتى جاردز بتوع المحل .. بالإضافه للمشترين اللى لو أزعجهم الولد هيبدأ يضربوه .... "هنا أنا بدأت أتخيل ال missions بتاعت اللعبة وبدات احدد ال Enemies ... طيب بخصوص المرحلة التانية ... فاللاعب هيكتشف ان الأزمة دى بفعل فاعل والفاعل ده هو صاحب السيتى مول ... وانه مخزن كمية الجيلاتى دى فى بيته " لاحظوا هنا انى بدات أحط عقدة اللعبة واللى هى هتكون اللغز فى المرحلة الأولى " ... هيبدأ اللاعب فى التسلل للبيت عن طريق حبل الغسيل و ماسورة الميه والصرف و يدخل عن طريق الشباك " لاحظوا انى بدأت أحط تفاصيل هتساعدنى لما أجى أعمل ال Story Board " .. ويبدأ فى المغامرة الجديدة فى محاول التسلل للغرف والبحث فيها و العدو فى الحالة دى هيكون اولاد مدير السيتى مول ومراته ... وكمان الببغاء بتاع المدير هيبقى زى جهاز الإنذار بمعنى لو انت جيت فى مجال نظره هيبدأ يصدر صوت والأولاد هيلمحوك ويبدأوا يهجموا عليك ... ان شاء الله بكرة هبدأ فى تحديد ال Assets الخاصة بالقصة و العناصر اللى هيستخدمها اللاعب وهعرض ال Concept Art للاعب "أنا رسمى وحش .. يعنى متتغروش أوى ><"

[||صقر||]

>< أنا عارف ... اتأخرت عليكم .. على العموم الظروف هى اللى مأخرانى ... المهم ... بما ان اللعبة دى هتكون عباره عن MiniGame مكونه من مرحلتين ... فمش هنحتاج لعمل Game Document كبير ... مجرد تسجيل لأفكار أكتر لا غير .. لأنى أنا بس الى هشتغل على اللعبة ... و مش محتاج حد تانى معايا فى اللعبة ... وبكده يبقى مش محتاجين نهتم أوى بال Game Document ... انا حاليا لسه بفكر فى المحرك اللى ممكن أستخدمه فى برمجة اللعبة ...انا حاليا بفكر فى Virtools و V3D.net .. لكن لسه مخدتش القرار و خلال الوقت ده .. بدات أشتغل فى الت Models بتاعت اللعبة و بدأت بال Characters ... أنا حاليا بعمل موديل البطل ... دى صوره WIP :-

[oms]

بداية موفقة ..

[زند الاسى]

متابعينك يابطل

شد حيلك والى الامام

[||صقر||]

أنا قررت مبدايا انى استخدم Virtools 4.. ان شاء الله تفاصيل أكتر بكره بخصوص التقنيات اللى هستخدمها + درس فيديو لنمذجة أو موديل كامل فى اللعبة "هعتبرة من ضمن ورشة الأستاذ أسامة ^^"

[oms]

أنا قررت مبدايا انى استخدم Virtools 4.. ان شاء الله تفاصيل أكتر بكره بخصوص التقنيات اللى هستخدمها + درس فيديو لنمذجة أو موديل كامل فى اللعبة "هعتبرة من ضمن ورشة الأستاذ أسامة ^^"

طيب ممتاز .. أنا راح أبدأ قريباً بتسجيل أولى الورشات اللي راح تتكلم عن ال Level Design وبعدين للكركتر ..

[||صقر||]

طيب ممتاز .. أنا راح أبدأ قريباً بتسجيل أولى الورشات اللي راح تتكلم عن ال Level Design وبعدين للكركتر ..

اها ... انا الدرس اللى هسجله هيكون عن نمذجة و إكساء موديل سلاح .. وهتكلم فيه عن المبادئ برضه ^^... ربنا يسهل ... ان شاء الله النهارده