[Game Production] مراحل تصنيع الألعاب

[||صقر||]

بسم الله الرحمن الرحيم

مقدمة :-

فى الموضوع ده أنا هشرح الـخطوات اللى شركات تطوير الألعاب بتتبعها فى صناعة الألعاب ....
الخطوات مش لازم تكون حرفية .... فى مجال للإبداع خصوصا فى الـ Pipeline الخاصة بعملية الإنتاج "الـ Production" .... و أهم العوامل اللى بياخدوها فى الإعتبار هو توفير الوقت والجهد والتركيز على العمل الفعلى مع المرونة ... و أقصد بالمرونه هنا هو قابليتها للتعديل فى أى مراحلها بدون التأثير على بقية المراحل او الـ Schedule .... أو على الأقل التأثير يكون بسيط وغير مربك ... أنا هنا بحاول أعرض الخطوات المتبعة مع شرح لأهم المصطلحات اللى هتقابلنا ... انا هستخدم اللغة العامية لأنها سهله فى الكتابة وسريعة فى الفهم ^^... نبدأ بسم الله ...

مرحلة ماقبل الإنتاج أو الإعداد [Pre-production] :-

من أهم المراحلة ... المرحلة دى أى انسان هيتخذها "بالفطرة" قبل البداية فى أى مشروع ... المرحلة دى هيتم فيها وضع فكرة اللعبة و القصة و توضيح وتوصيف الفكرة ... وكتابة الـ Game Document ... المرحلة دى بيجتمع فيها الـ Producer و الـ Game Designer و الـ Publisher ... مش لازم يكون التلاتة متوفرين بشكل ضرورى لكن من المهم وجود الـ Game Designer .. لأنه أصلا اللى هيقدم فكرة اللعبة لكل من الـ Producer و الـ Publisher و يبدأ يتناقشوا فيها .. الـ Game Designer هيقدم الفكرة بتاعتة بطريقة موثقة ... الوثيقة اللى هيكتبها دى اسمها Game Concept Document ...

:::::::::::::::::::::::

توثيق فكرة اللعبة [Game Concept Document] :-
فى الوثيقة دى هتحاول تحط كل أفكارك بخصوص اللعبة ... الوثيقة مصممين كتير بيعتبروها وثيقة البيع .. دى هى اللى هتخلى الـ Producer و الـ Publisher يوافقوا على الفكرة ويبدأوا فى التطوير ... مرحلة كتابة الوثيقة دى تعتبر مرحلة ماقبل ماقبل التصميم ."لاحظ انا كررتها مرتين ^^" ..الوثيقة دى بتحتوى على عناصر اساسية لتوضيح مبدا وفكرة اللعبة ... العناصر دى هى :
1- المقدمة [Introduction] : هنا اكتب كل اللى فى دماغك بخصوص اللعبة بإختصار وبأسلوب إنشائى و ابعد عن أى شرح أو تفصيل فى الجزء ده ... غالبا الحزء ده بيتكون من فقرة او فقرتين ... اكتب فى المقدمة اسم اللعبة "مش لازم يكون الأسم النهائى .. اعتبرة الأسم المبدأى " .. و نوع اللعبة "Genre".. ومنصة النشغيل "Platform" سواء كانت PC أو XBox أو PS أو Wii إلى آخره ... وبعدين حاول تحدد إذا كان فيه محرك لعبة جاهز يقدر يقضى الغرض أو أضرب مثال على الجوده عن طريق أى لعبة سابقة من نفس النوع ... وحدد الهدف من اللعبة ... وإيه اللى اللاعب هيواجهه بالظبط ... والفترة الزمنية اللى هيعيش فيها اللاعب أو زمن سرد القصة " مش لازم تكتب سنة ... ممكن تربط الزمن بحدث مشهور زى WWII أو تربطها بقرن معين زى Thirty-Seventh Century أو استخدم أى تصنيف من التصنيفات المشهوره للأزمنى زى Sci-Fi إلى أخرة ... " و حاول توضح الفكرة بتاعت القصة عن طريق جمل إنشائية ...

2- الشرح [Description] : هنا اشرح كل ما قلته فى المقدمة بالتفصيل ... هنا ستكون فرصتك لتوضيح فكرتك و لجذب الإنتباه ... يمكنك أن تدعم هذه الجزء ببعض الصور والرسوم "Concept Art" ... اشرح هنا أيضاً العناصر التى ستساعد على تدعيم نظام اللعب "Gameplay " و وضح كيفية التفاعل مع واجهة اللعبة "GUI" و كذلك حدد أزرار التحكم "Controllers" ... و حدد ما الذى سيقوم به اللاعب أثناء اللعب ... استخدم ضمائر المخاطبة "استخدم كلمه أنت " لتوضيح الخطوات التى سيقوم بها اللاعب ...

3- المميزات [Key Features] : هنا اكتب المميزات الفعلية التى ستتضمنها اللعبة ... من جود رسوم عالية إلى مؤثرات موسيقية جيدة إلى أخره من المميزات التى قد تتواجد فى لعبتك ... ضع لمميزات فى صوره سردية مرقمة ... بمعنى أنك ستقوم بحصر المميزات فى هذا الجزء ... مع شرح مختصر لهذه المميزات .... مع ذكر أمثله للتوضيح لو كانت هذه الميزة موجوده فى أى لعبة أخرة ..

4- النوع [Genre] : هنا ستكتب نوع اللعبة ... استخدم التصنيفات المستخدمه فى الألعاب الحالية لوصف نوع لعبتك ... ان لم تكن تعرف نوع اللعبة التى ستقوم بإنشائها لكن تعرف ألعاب من نفس النوع ابحث عن مسمى ذلك النوع فى الـ Overview الخاص بتلك اللعبة ... سيتضمن النوع كذلك الفتره الزمنية لكن مع ذكرها بالتصنيفات المشهورة على سبيل المثال :

[FONT=Times New Roman]modern, WWII, alternate reality, post-apocalyptic, futuristic, sci-fi, fantasy, medieval, ancient, space, cyberpunk ... إلى آخرة ...

وده مثال للتوضيح : WWII Action First-Person "Shooter Game"

5- المنصة [Platform] : هنا هتحدد نوع لمنصة اللى هتشتغل عليها اللعبة ...

6- أنماط اللعب [Modes] : هنا تكتب الأنماط اللى هتتوفر فى اللعبة ... على سبيل المثال Single-player mode أو Multiplayer mode و تشرح الأنماط دى ... يعنى مثلا فى الMultiplayer تحدد نوع اللعب الزوجى إذا كان Arena أو catch the flag ... إلى أخره من الأنواع ...

دى أغلب العناصر اللى ممكن تلاقيها فى أى وثيقة مبدأيه للعبة ... دلوقتى انت هتعرض الوثيقة دى على الـ Producer و الـ Publisher و بعد المدوالة والمناقشه وطلبات التعديل منهم ... لو وافقوا على الفكرة تبدأ فى الخطوه التانية من مرحلة ما قبل الإنتاج .. اللى هى دراسة جدوع صناعة اللعبة أو مقترح تصميم اللعبة "Game Proposal"

:::::::::::::::::::::::

وثيقة مقترح اللعبة [Game Proposal Document] :-
المرحلة دى هتكون صعبة على الـ Game Designer لو هو اللى هيكتبها ... لكن غالبا الـ Marketing Director ... وبيبقى فيها تحليل للسوق ... و السوق الهدف ... ودراسه للألعاب الشبيه ومدى صمودها فى السوق من الناحية التجارية والمقارنة بينها و بين اللعبة اللى هتتعمل من حيث المميزات ... وكمان التحليل التقنى و المهام وأهم المخاطر ... ودراسة البدائل و المصادر ودراسة التكاليف الخاصة بالترخيص والشراء وجلب العاملين إلى أخرة ... والدخل المتوقع .... أنا جبتلكم قالب جاهز مع الشرح بخصوص الـ Proposal Document .... لأنى بصراحة مش هقدر أشرحة أحسن منه ...

القالب : -

Game Proposal.doc (58.5 كيلو بايت)

:::::::::::::::::::::::

وثيقة تصميم اللعبة [Game Design Document] :-
فى ناس كتير اختلفوا فى تعريف الوثيقة دى ... فى بعض المصممين بيقسموها إلى قسمين قسم الـ Functional Spec. و قسم الـ Technical Spec. ... و حجتهم فى كده انهم لازم يفرقوا بين الوسيلة "اللى هى الـ Technical Spec. " و الغاية المخطط لها "اللى هى الـ Functional Spec. " وبصراحة أنا معاهم فى الجزئية دى ... بكده الوثيقة هتبقى منظمة أكتر ... وزى ماعملت فى الجزئية بتاعت الـ Proposal وجبت قوالب مع الشرح ... هنا هجيبلكم القوالب بتاعت الـ Functional Spec. والـ Technical Spec. ...

القالب : -

Game Design.doc (46.0 كيلو بايت)

:::::::::::::::::::::::

الجزء التقنى فى وثيقة اللعبة [Game Technical Document] :-
إذا كانت الـ Functional Spec. هى الوثيقة اللى بتكتب فيها التصور اللى انت متخيلة للعبة والأهداف .... فالوثيقة دى بتدرس الوسائل ... هنا هتكتب الوسائل اللى من خلالها هتقدر تحقق هدفك فى إنتاج لعبة متكاملة ... الكتابة فى الوثيقة دى هتكون تفقنية خالصة ...غالبا اللى بيكتب الجزء ده من الوثيقة هو الـ Lead Programmer .. لأنه هيكون أكتر واحد عارف هو هيعمل إيه ...

القالب : -
Technical Design.doc (39.0 كيلو بايت)

:::::::::::::::::::::::

[/FONT]

[||صقر||]

مرحلة الإنتاج [Production]

مرحلة الإنتاج [Production] :-

هنا بقى هيبدأ الشغل الفعلى فى اللعبة ... هتبدأ عملية التنفيذ ... فيه طريقتين للعمل بالنسبة لفريق التطوير ... إما ان يكون فيه ستوديو مغلق ... و موجود فيه كل الإمكانيات والفريق يقعد يشتغل فى الأستوديو ده .... " وده النوع الغالب" ... وفيه نوع تانى وهو العمل Remotely "عن بعد" ... بمعنى ان الفريق يشتغل مع بعضه عن بعد باستخدام أى نوع من أنواع الشبكات أو من عن طريق الإنترنت ... و فيه نوع تالت بس نادر جدا وهو العمل على حسب الطلب ... بمعنى انهم يطلبوا من أى FreeLancer أو أى شخص بيعرض الخدمات دى ...انهم عاوزين حاجة معينه ... فهو يعملها لهم بس بمقابل .. بمعنى انه مبيبقاش موظف فى الأستوديو ...
فى المرحلة دى شريحة العاملين بتكبر وتمتد لـ Artists و Programmers و Directors و Producers والـ Designers ... كل واحد له وظيفته على حسب مسماه ... بيبقى فيه قواد لكل مجموعه من المسميات دى و بيقبوا هما الموجهين .. ودول دايما بتلاقى مسماهم الوظيفى ملحوق بكلمة Lead أو Senior ..

:::::::::::::::::::::::

[Prototype] :-
أول حاجة بتتعمل فى المرحلة دى هى انهم يعملوا Prototype للعبة ... بمعنى نسخة أولية من اللعبة ... و بعد كده يبدأوا يشتغلوا فى اللعبة على حسب الـ shcedule اللى كانوا عملوها قبل كده فى مرحلة ماقبل الإنتاج ...

:::::::::::::::::::::::

[العاملون فى مرحلة الإنتاج] :-
الـ Artists .. بينقسموا إلى Modelers و Texture Artist و Animators و Concept Artist و VFX Artist و SFX Artist و Composer ... إلى أخره من مجلات فنون الكمبيوتر CG... و الـ Directors بينقسموا على نفس المجالات لكن دورهم بيكون الإشراف على الـ Artist ... و بعدين الـ Programmers و بينقسموا إلى Engine Programmer و Scriptor و AI Programmer و Gameplay Programmer ... إلى آخره .. و الـ Designers و بينقسموا إلى Level Designer و Character Designer و Gameplay Deigner إلى آخرة ... وقد يشغل كل هذه المناصب شخص واحد " وهذا ما يحدث غالبا" فيسمى الـ Game Designer ... أما بخصوص الـ Producer ... فهم المشرفون والمسئولين الأوائل عن اللعبة .. وإذا اشتهرت لعبتهم فستكون أسمائهم هى أول الأسماء التى ستذكر فى الأذهان عن ذكر هذه اللعبة ... بمعنى أخر .. هما اللى بيكونوا فى الصورة ... ومن أشهرهم الأخ هيدو كوجيما بتاع ميتال جير ....

:::::::::::::::::::::::

مرحلة الإختبار والتأكد من الجودة [QA & Beta Testing] :-
المرحلة بتاعت الإنتاج بتحتوى معاها على مرحلة الإختبار والتأكد من الجوده QA"Quality Assurness "... المرحلة دى هتضمن إصدارات Beta و إصدارات Alpha و Beta مغلقة ... إلى أخرة من أنماط التجارب ... ليبدأ بعدها مرحلة التسويق والدعاية ...تعتبر مرحلة التسويق والدعاية إحدى المراحل المنفصلة والتى يتكون لها فريق مخصص ... إلا بما ان اموضوع بتاع الدعاية والإعلان ده مش مهم بالنسبة لنا ك Indian Developers "بتطلق على المطورين اللى بيشتغلوا كفريق منفرد أو فرد لا يتبع لأى شركة و منظمة " ..كما قلت بما اننا مطورين منفردين فلا نحتاج لمثل هذه المراحل ... عشان كده أنا مش ههتم بكتابه الجزء ده ...

:::::::::::::::::::::::

العمل فى مجال صناعة الألعاب [Game Industry] :-

هنا الجزء الأهم من المقاله ...
أنا هشرح الجزء ده بدون تقسيمات ... يالله نسمى الله

نصائح [Guidelines] :-
.. أولا .. حدد دورك بالضبط بناءا على التقسيمات اللى ذكرتها قبل كده ... لازم تكون قد المسئولية فى دروك ده وتكون متأكد انك هتقدر تتحمل مسئولياته .." يعنى مش معقولة تكون مش عارف حاجة فى البرمجة وتقدم فى فريق أو شركة على انك مبرمج "

.. ثانيا .. تأكد من انك تمتاك القدرة الكاملة اللى تقدر من خلالها تقضى دورك .." بما انك هتكون indian develpoer فلازم تكون جميع البرامج والتطبيقات اللى انت هتشتغل عليها تكون من شراءك "..

..ثالثا .. اللغة .. تأكد من انك تقدر تتواصل مع الأعضاء بحرية تامة وتقدر تفهم أدق التفاصيل ... بمعنى أخر أغلب الشركات بتكون لغة التعامل مابين أعضائها هى الإنجليزية "خصوصا الشركات المتعدده الجنسيات" ..

..رابعا .. دور على الشركة اللى هتشتغل فيها ... بعد ما تتأكد من انك قادر على التقديم للعمل فى الشركة ابحث عن شركة طالبه تخصصك .. وافضل موقع للبحث هو الموقع ده ." http://creativeheads.net/".. أو ممكن تتابع طلبات الـ hiring الخاصة بالشركات فى المنتديات المشهورة مثل polycount

.. خامسا .. بروفايل صادق وجذاب ... ستجد ان الشركة تطلب منك بعد البيانات عنك وبعض الـ Samples ..إلى أخره ... أنصحك هنا بكتابه CV كاملة عنك مع إلحاق الجزء الخاص بالSamples فيه .. واذكر فيها أى مشاريع فردية أو جماعية قمت بها و ارفق ملفات تلك المشاريع مع الـ CV ..

.. سادسا .. ابدأ العمل ^^ ..:-
... وصلنا هنا لمرحلة بدأ العمل ^^... طيب انت هتشتغل معاهم إزاى ؟؟؟... لو هما قرروا نهم يبعتوك أى فرع من فروع الشركة القريبة لبلدك أو مقر الشركة فمتتسرعش فى الموافقة .. لأنك لسه متعرفش التفاصيل .. ممكن تكون نفقة السفر والإقامة كلها على حسابك وبكده هيتخرب بيتك >< عشان كده لازم تتفق معاهم على طريقة العمل بعد الموافقة ... بعد كده هما هيبعتولك نسخة منقاه ومفلتره من ال Game Design Document ... هيحذفوا الحاجات اللى هما شايفين انها مش هتفيدك فى شغلك ... المهم ... أقرأ الوثيقة بالكامل من فوق لتحت .. واتناقش معاهم فيها و اسألهم إذا كان فى حاجة مش واضحه لك .. أهم حاجة ان الفكرة توصل لك كاملة ... بالطريقة دى الشركات بتحقق التكامل بين عناصر اللعبة وبتحسس اللاعب ان اللى عاملها شخص واحد ^^... ده ميمنعش من بعض الإبداع من عندك وأوعى تتكسف أو تخاف انك تقترح إقتراح فى الوثيقة وأو تطلب تعديلها حتى لو ده كان يومك الأول فى الشركة .. لأن بالطريقة دى هيزداد الفريق ثقة فيك ^^... و هيتأكدوا من انهم بيتعامل مع فنان فعلا مش مجرد آله تنفيذ .... المهم ... على حسب طبيعه شغلك هيسلموك Schedule بالمهمات المطلوبه منك والوقت المطلوب انك تسلمه فيه .. وهيرفقولك معاها ال refrences و ال concept art أو ال source codes و ال libraries اللى انت ممكن تحتاجها فى شغلك .. وتبدا انت كده فى التنفيذ ... وبعد ماتسلم الشغل بتاعك هيدفعولك الأجر اللى انتوا اتفقتوا عليه فى البداية وطريقة الدفع ... سواء كنت موظف دائم فى الشركة وبيدفع لك شهريا أو مجرد freelancer بيشتغل بالطلب ... الشغل اللى انت عملته ممكن ميعجبش ال Director بتاع القسم بتاعك ممكن يرجعوهلك تانى ويقولك تعدل فيه وهيقولك الإنتقادات اللى فيه .. عندها أوعى تشغل دماغك العربى وتزرجن وتتعصب وتبدا تسب وتلعن فى الفريق ... لأن فى النهاية انت الخسران + الكل بيشتغل لمصلحة اللعبة مش لمصلحة نفسه انت مش هتزيد ولا هتقل لو طبقت فكرة ال Director لأنه أقدر منك على فهم مبدا اللعبه اللى انتوا بتشتغلوا عليها ...

:::::::::::::::::::::::

[طور نفسك ] :-
طيب ... انت دلوقتى والحمد لله لقيت الشغل واشتغلت وكل حاجى تمام التمام ... أوعى تقف عند كده ... لازم تطور نفسك أكتر وأكتر وتتابع الأخبار الخاصة بمجالك اول بأول .. لأنك لو معملتش كده فبالتدريج هتلاقى نفسك بتخرج من الشركة وفى النهاية هيطرودوك لأنك مش هتكون مطابق للمواصفات المطلوبة فى الموظفين .. لانها بتتحدث كل شويه على حسب الاجيال الجديدة و الأساليب الجديد فى صناعة الألعاب ..

:::::::::::::::::::::::

[||صقر||]

الوظائف فى مجال صناعة الألعاب[Game Industry Careers]

الوظائف فى مجال صناعة الألعاب[Game Industry Careers]:-

هنا هنعرض أهم الوظائف فى مجال صناعة الألعاب مع شرح بسيط لدور كل واحد و توقع للمرتب اللى ممكن ياخده ...

:::::::::::::::::::::::

المبرمج [Programmer] :-
المبرمج هو اللى بيشتغل على محرك اللعبة .. برمجة الذكاء الإصطناعى .. الأدوات "زى محرر المراحل Level Editor" أو تعريفات العتاد والشبكات ... وكل تخصص من ده فى برمجة الألعاب له مسمى مثلا "Network Programmer و AI Programmer إلخ".. المرتب لمبرمج عنده خبرة مابين السنتين والثلاث سنين بتكون مابين الـ 55.00$ إلى 80000$ , المبرمجين يعتبروا من أكثر التخصصات التى يكون عليها الطلب بشدة ...

:::::::::::::::::::::::

المصمم [Designer] :-
من أكثر المجالات انتشارا ... المصمم يعمل فى أشياء كثيرة ... كتابة وثيقة اللعبة ... تخطيط المراحل ... تصميم الشخصيات إلى أخره من تلك التخصصات .. لكن مرتبه منخفض بالنسبة لبقية التخصصات .. وخصوصا لأن الطلب عليه منخفض لكثرة المصممين ... 61538$ فى المتوسط

:::::::::::::::::::::::

الفنان [ِArtist] :-
وينقسم إلى فنانى 3D و فنانى 2D و Audio Artists ... تخصصهم الوحيد هو تنفيذ مخططات و تصاميم المصممين ... و قد يكونوا هم أنفسهم المصممين ... على العموم مرتب الفنانين مرتفع نسبيا و لكنه لا يزال أقل من مرتب المبرمج .. تقريبا يكون مرتبه 65107$ فى المتوسط ....

:::::::::::::::::::::::

المنتج [Producer] :-
ده شغلته انه يتأكد ان الشغل ماشى تمام . وهو اللى بيحط جدول المهام بناءاً على وثيقة اللعبة ... وهو اللى بيشرف على تنفيذها ... ده طبعا مرتبه هيبقى عالى .. 77131$ فى المتوسط ...

:::::::::::::::::::::::

المختبرين و المتأكدين من الجودة [QA's & Beta Testers] :-
دول شغلتهم الوحيدة البحث عن الأخطاء و التأكد من ان المنتج طلع فعلا زى المطلوب ... انت ممكن تتخيل ان الدور ده سهل ^^... الـ Beta Testing و الـ QA عملية معقدة ولها pipeline معينة .. عشان كده ففيه ناس متخصصين فى الموضوع ده ودول بيتدفعلهم 37861$ فى المتوسط ...

المصدر : http://www.gamasutra.com/php-bin/new...hp?story=13352

:::::::::::::::::::::::

ديموغرافيا العاملين فى مجال صناعة الألعاب[Game Industry Careers Demographics]:-

Game Developer Demographics: An Exploration of Workforce Diversity
لمزيد من التفاصيل ... قم بتحميل هذه الدراسة :-
www.igda.org/diversity/IGDA_DeveloperDemographics_Oct05.pdf

[||صقر||]

دليل

معجم المصطلحات [Glossary]:-

سأكتفى بوضع روابط لبعض المواقع التى تحتوى على تعاريف للمصطلحات المستخدمة فى مجال صناعة الألعاب.

http://www.gamesinvestor.com/Researc.../glossary.html
http://www.eastcoastgames.com/design/glossary.html
http://www.ericchadwick.com/portfoli.../glossary.html
http://library.thinkquest.org/06aug/.../glossary.html
http://www.fastgraph.com/makegames/glossary.html
http://www.fiercegamebiz.com/resources/glossary

__________
نهاية المقال ...

[oms]

واجهتنى مشاكل فى إكمال الموضوع ><... على العموم سأحاول أن أكمله إن لم يكن اليوم فغدا إن شاء الله ... انتظروا الباقى ... فما كتب جزء صغير جدا من المقال "...

لا مشكلة نحن في الإنتظار ...

[مصطفى بدر]

شكرا ليك يا عم

[||صقر||]

أنا عدلت فى الموضوع وأضفت الجزء بتاع مرحلة الإنتاج .... وان شاء الله الجزء الجاى هتكلم فيه عن الخطوات اللى احنا كمطورين مستقلين هنحتاجها عشان نطور العابنا او إزاى نلاقى شغل فى شركات تطوير العاب أجنبية ....

[||صقر||]

تم التحديث والباقى فى الطريق ان شاء الله ...الجزء الجاى ان شاء الله هعمل فيه سرد لأهم الوظائف والأجر اللى بيتاخد وهدعمها بالإحصائيات مع ذكر ملاحظات على كل وظيفة ...

[oms]

إزاى نلاقى شغل فى شركات تطوير العاب أجنبية ....

ليس شرطاً أن تكون أجنبية ... فستجد هناك شركات عربية تريد ذلك ..

على فكرة .. أخبار سارة ^^ ... Ubisoft راح تفتح فرع لها قريباً في الشرق الأوسط .. وهناك إختيارين يا الأردن يا الإمارات لذلك ... فحاولوا تبحبشوا عنها .. وتدوروا عليها ..

[||صقر||]

ليس شرطاً أن تكون أجنبية ... فستجد هناك شركات عربية تريد ذلك ..

على فكرة .. أخبار سارة ^^ ... Ubisoft راح تفتح فرع لها قريباً في الشرق الأوسط .. وهناك إختيارين يا الأردن يا الإمارات لذلك ... فحاولوا تبحبشوا عنها .. وتدوروا عليها ..

اه مش شرط ... لكن عمرك سمعت ان شركة عربية متخصصة فى المجال ده عاوزه موظفين ؟؟؟... ممكن تطوير الألعاب يكون مش مجالاها الأساسى >< بخصوص UbiSoft فهى لها فعلا فرع فى المغرب ومشغله ناس من المغرب فيه ... لكن أنا مستغرب إزاى مصر وسوريا مجوش فى دراسة موقع الشركة بتاعهم ؟؟؟ بصراحة الأربع دول هيكونوا اختيار موفق ليهم يعنى الإمارات فيها الموارد الماديه و مصر فيها الفنانين المحترفين وبعض المبرمجين المميزين و سوريا فيها مبرمجين محترفين وبعض الفنانين المتميزين ^^.. والأردن كفاية إن فيها أسامه ^^....

[oms]

والأردن كفاية إن فيها أسامه ^^....

الله يخليك ^^

الأغلب إنها راح تكون في الأردن ... قامت شركة ipsos .. بإمكانكم تشوفوا موقعها .. بأخذ معلومات من ناس نتعددين في الأردن بهدف دراسة وضع المستقبل للألعاب ... في الوطن العربي .. ^^

[~|hakem|~]

شكرا لك على الموضوع

[||صقر||]

تم إضافة الجزء الخاص بالوظائف

[oms]

مشكور صقر ..

بس في عندي سؤال ...
هل بإمكاننا إعتبار إنوا ال Design وال visual Arts .. هما تخصص واحد ؟

فأنت لم تقم بتقسيم المبرمجين فهناك :
Laed Programmer
Tools Programmer
Engine Programmer
AI Programmer
Graphics Programmer ..

طبعاً أنا اللي بعرفوا إنوا ال Visual Art هم يعتبروا مبرمجين أكثر مما هم مصممين .. فوظيفتكم تكمن في الشيدر وهي الجزء الأخير من البرمجة Graphics ,

والديزاينر غالباً يقسموا ل :
Designer بفرعيه : Lead Designer ، Level Designer
و Artist بفروعه ال 3 : Character Artist / Animator ، Texture Artist ، Background Artist ...

المصدر كتاب :
The Complete Guide To Game Development , Art & Design

[||صقر||]

بس في عندي سؤال ...
هل بإمكاننا إعتبار إنوا ال Design وال visual Arts .. هما تخصص واحد ؟

... لا طبعا .>< ...

فأنت لم تقم بتقسيم المبرمجين فهناك :
Laed Programmer
Tools Programmer
Engine Programmer
AI Programmer
Graphics Programmer ..

لقد ذكرت أمثله عليهم وارجع إلى الجزئية الخاصة بهم للتأكد بأنى قلت ان لهم تقسيمات ^^...

طبعاً أنا اللي بعرفوا إنوا ال Visual Art هم يعتبروا مبرمجين أكثر مما هم مصممين .. فوظيفتكم تكمن في الشيدر وهي الجزء الأخير من البرمجة Graphics ,

ممم ... قصدك الـ Shader Programmer؟؟؟ ... اللى بيبرمج ملفات الـ FX ^^... دول لا يعتبروا Artist ... دول يعتبروا Programmers زى مانت ملاحظ من اسمهم ....

والديزاينر غالباً يقسموا ل :
Designer بفرعيه : Lead Designer ، Level Designer
و Artist بفروعه ال 3 : Character Artist / Animator ، Texture Artist ، Background Artist ...

أكيد ^^... كلما كبر العمل كلما احتاج الفريق للتخصص فى التخصص >>"كلمة حلوة ^^" ...