حرقه دم .........اااااااااااااااااااه

[mansy1985]

السلام عليكم اولا

المهم

رحت الكليه انهارده عشان اشوف موضع النتايج و الشهاده الخ الخ...فوجئت ان مشروع التخرج بتاعي الي متعلق في الكليه متقطع

واحد عجبته حتت في المشروع قام جايب كاتر و مقطع الحتت الي هوه عاوزها و اخدها و مشي

يعني انا شغال في المشروع بقالي كام شهر و تعبان فيه و طابعه بمبلغ اد كده و في الاخر ييجي واحد يقطعه في دقيقه

ليه عمل كده...ليه يبوظلي شغلي ....ليه يحرقلي دمي...مش عارف

اه الحمد لله ان الموضوع حصل بعد تسليم المشروع مش قبله بس بجد دمي محروق بغباء

المشكله ان المشروع متعلق جمب اوضه رئيس حرس الكليه و قدام اوضه رئيس القسم و فيه عسكري قاعد قدام الاوض دي...امال فين الامن؟

انا يا جدعان بجد دمي محروق ان واحد يعمل كده ببساطه شديده و يروح بيتهم ينام و لا علي باله انه بوظ مشروعي

حسبي الله و نعم الوكيل في الشخصيات المريضه دي

[nazzal]

عايز اقولك انك حرقتلي دمي انا اساسا
معلش..الحمد لله انها جت علي اد كده
وبعدين ده خدمك خدمه كبيره
حا تاخد حقك منه يوم القيامه
لو كان في ايدك حاجه في الدنيا كنت قلتلك ما تسيبش حقك طبعا...
لكن خلاص ..خلصت...لليوم الافضل
ربنا يسترنا في هذا اليوم
ويغفر لنا ولاصحاب الحقوق علينا فيه
امين يا رب العالمين

[A.T]

عايز اقولك انك حرقتلي دمي انا اساسا

.........................................

المشكلة انك متفهمش هو هيعمل بالصور ايه

[CG Artist]

السلام عليكم
يا اخى كلنا عايشين فى حرقة دم
انتا واحد مزعلك ورقة المشروع وتعبت على المشروع
امال واحد يقول ايه لما يتعب على موقع كاامل ويزبطو والزوار ما شاء الله فيه ويبدا يسلك
وتفتح الموقع يقلك تم اختراقه وتصل على صاحب السيرفر يرجعلك ايه وبعد يومين كده تلاقى
قاعدة بينات المنتدى بتاعك بتتوزع بالمجان الراجل قلبو طيب وحابب يعمل خير على حساب غيرو
والمصيبة فى الناس يالى بتخدها دى بتقهرك مبسطين ومكيفين
كثير فى ناس مريضة لا تعد ولا تحصى بس الواحد يقول
حسبى الله ونعم الوكيل فى كل انسان نفسو مريضة

[S.Badr]

انت احمد ربنا ان مشروعك بتاعك ..
احنا في كلية الفنون في الدفعة الي قبلي عاملين مشاريع التخرج في القسم بتاعي تصوير جداري .. لةحات موزاييك او الفسيفساء ..
المهم ..
بعد التقييم وبعد المشروع ما خلص وبعد ما كلف كل واحد ما لا يقل عن 3000 جنيه لكل طالب .. اذا به يجد المشروع بتاعه شخصيا مش موجود في الكلية .. اصلا ..
ومتباع ومتعلق في قرية سياحية .. بمبالغ مهولة ..
ويطلع الي سارق المشروع هو وكيل الكلية ..
تخيل ..
وطبعا لا حياة لمن تنادي ..
مشاريعنا دي لو احنا كطلبه بيعناها هتتبعا على الاقل بالميت يعني ب 10000 جنية .. ويبقى مضحوك علينا ..
انما لما دكتور يبيعها بإسمه اضرب الرقم ده في 5 اضعاف على الاقل ..
طبعا احنا في سنتنا بقى لما خلصنا المشروع وقتي كان في عربيات نقل واخده مشريعنا وعلى البيت عدل ..
واهو الحمد لله لحد دلوقتي مشرف عندي في البيت

[lele]

معلش هى فعلا حاجه تحرق الدم
بس احمد ربنا ان ده حصل بعد التحكيم
اما بقى ان الامن اللى بتسال عنه فدى سهله خالص
وحصلت ادامى
واحد يروح يدى العامل 50 جنيه ويقوله انا عايز المشروع الفلانى
بقوله تعالى بعد الظهر وتاخد اللى انت عايزه
يعنى بعد ما الكليه تقفل
اما بقى الناس الغلبانه اللى زيى مش عايزه تاخد مشاريع حد بس كل اللى عايزاه انى اصور اجزاء منها
ازاى ميصحش مينفعش
المشاريع مقفول عليها مش هينفع ان حد يصورها
احاول من هنا من هناك مفيش فايده
طيب يا عم فلان خد 20 جنيه دى هات غدى (اعمل ايه بس)
قالى يا بنتى انتى تيجى بعد الظهر تصورى اللى انتى عايزاه وانا هفتحلك القاعه
هو ده اللى ماشى


المهم عملت ايه فى النتيجه؟؟؟؟؟؟؟؟؟؟؟؟؟

[mansy1985]

عايز اقولك انك حرقتلي دمي انا اساسا
معلش..الحمد لله انها جت علي اد كده
وبعدين ده خدمك خدمه كبيره
حا تاخد حقك منه يوم القيامه
لو كان في ايدك حاجه في الدنيا كنت قلتلك ما تسيبش حقك طبعا...
لكن خلاص ..خلصت...لليوم الافضل
ربنا يسترنا في هذا اليوم
ويغفر لنا ولاصحاب الحقوق علينا فيه
امين يا رب العالمين

كلام سليم و جميل

شكرا علي المرور و الرد

[mansy1985]

.........................................

المشكلة انك متفهمش هو هيعمل بالصور ايه

عجبته فقام اخدها

كان ممكن يكلمني في التليفون و ابعتهاله صور جي بي جي

بس ليه سيادته يتعب نفسه طالما الحاجه قدامه جاهزه اهيه

[mansy1985]

انت احمد ربنا ان مشروعك بتاعك ..
احنا في كلية الفنون في الدفعة الي قبلي عاملين مشاريع التخرج في القسم بتاعي تصوير جداري .. لةحات موزاييك او الفسيفساء ..
المهم ..
بعد التقييم وبعد المشروع ما خلص وبعد ما كلف كل واحد ما لا يقل عن 3000 جنيه لكل طالب .. اذا به يجد المشروع بتاعه شخصيا مش موجود في الكلية .. اصلا ..
ومتباع ومتعلق في قرية سياحية .. بمبالغ مهولة ..
ويطلع الي سارق المشروع هو وكيل الكلية ..
تخيل ..
وطبعا لا حياة لمن تنادي ..
مشاريعنا دي لو احنا كطلبه بيعناها هتتبعا على الاقل بالميت يعني ب 10000 جنية .. ويبقى مضحوك علينا ..
انما لما دكتور يبيعها بإسمه اضرب الرقم ده في 5 اضعاف على الاقل ..
طبعا احنا في سنتنا بقى لما خلصنا المشروع وقتي كان في عربيات نقل واخده مشريعنا وعلى البيت عدل ..
واهو الحمد لله لحد دلوقتي مشرف عندي في البيت

يا لهوي

لا حول و لا قوه الا بالله

احنا عندنا وساخه و كوسه في الكليه بس موصلناش للمرحله دي

اخرنا ان دكتور يخش يدينا مشروع الترم و يكون مشروع هوه عاوزه فعلا بره الكليه و منزلهلنا عشان نعملهوله ببلاش....و يقولنا انتو احرار يا حبايبي تشتغلو و لا متشتغلوش بس انا في ايدي اعمال السنه بتاعتكو و ظبطوني و اظبطكم(عيانا بيانا في المحاضره)

طب ما تبيعه طالما بيجيب المبالغ دي

[mansy1985]

معلش هى فعلا حاجه تحرق الدم
بس احمد ربنا ان ده حصل بعد التحكيم
اما بقى ان الامن اللى بتسال عنه فدى سهله خالص
وحصلت ادامى
واحد يروح يدى العامل 50 جنيه ويقوله انا عايز المشروع الفلانى
بقوله تعالى بعد الظهر وتاخد اللى انت عايزه
يعنى بعد ما الكليه تقفل
اما بقى الناس الغلبانه اللى زيى مش عايزه تاخد مشاريع حد بس كل اللى عايزاه انى اصور اجزاء منها
ازاى ميصحش مينفعش
المشاريع مقفول عليها مش هينفع ان حد يصورها
احاول من هنا من هناك مفيش فايده
طيب يا عم فلان خد 20 جنيه دى هات غدى (اعمل ايه بس)
قالى يا بنتى انتى تيجى بعد الظهر تصورى اللى انتى عايزاه وانا هفتحلك القاعه
هو ده اللى ماشى


المهم عملت ايه فى النتيجه؟؟؟؟؟؟؟؟؟؟؟؟؟

احنا معندناش معرض و كده...بنعلق في الطرقه او الممر بتاع الدور الارضي و لما تخلص السنه يشيلو المشاريع و يعلقو بتوع السنه الي بعدها

بس طبعا لو العسكري قبض تبقي حرقه ده اكتر ان مجهودك يتباع بسيجارتين و لا 5 جنيه

النتيجه

الحمد لله المشروع امتياز 95%

و التراكمي التاني علي القسم جيد جدا و مرتبه شرف 80.5%

[nazzal]

مبروك يا مان

[فلاشــــــــــاوي]

نفس النظام في مشروع تخرجي .. بس المرة دي الحرامي كان العميد .. لأنه صاحب شركة برمجة خاصة .. بيبيع مشاريع تخرجنا بإسم شركته .

[mansy1985]

مبروك يا مان

الله يبارك فيك يا برنس

[mansy1985]

نفس النظام في مشروع تخرجي .. بس المرة دي الحرامي كان العميد .. لأنه صاحب شركة برمجة خاصة .. بيبيع مشاريع تخرجنا بإسم شركته .

يعني النظام ده مش حاجه عجيبه و لا غريبه ده منتشر

بس عيب ان عميد او دكتور يعمل كده

المفروض ان ده منصب محترم المفروض الي موجود فيه يكون محترم

اهو كل حاجه ماشيه الوقتي باك وورد بقفاها يعني

[Nana_Max]

منسي ومشروعي حصله حاجه ولا لسه انت كدا قلقتني عليه ربنا يستر
عموما انا زعلانه للي حصل لمشروعك معلش كدا احسن ما تيجي فيك شخصيا وخصوصا بعد التعييين
هههههههه
اومال بعد ما تععين بجد هيعملوا فيك ايه هيفجروك في السكشن؟