الفشل أرخص

[zyzy]

ازاى يعنى ؟؟؟؟؟؟؟؟؟؟؟؟؟؟

محدش يعرف

ده اختراع حكومتنا

عبد الحميد كان من الاوائل
وراح قدم ورقه فى الخارجيه
كان ردهم عليه
غير لائق اجتماعيا

افهمها انت على مزاجك
مش من مستواهم؟؟
ميليقش على الخارجيه؟؟
من عامة الشعب؟؟؟
ملوش واسطه ؟؟؟

وخلى بالك ده حقيقى
عبد الحميد انتحر بجد
الله يرحمه
شهيد الحلم............

[أحمد عابد]

طيب و بعدين ؟؟
دة انا كمان عندى احلام

[أحمد عابد]

الفشل صعب برده لما تذوق طعم النجاح و يكون مطلوب منك فى المرة القادمة
ان تحافظ على هذا النجاح و ساعتها مقدرش اقول حاجة غير انك تسمع اغنية:-

"انا موصلتش لحاجة من اللى حلمت به ... سوء اختيار دة ولا سذاجة ولا ايه"

[zyzy]

اكملك الاغنيه


و فى الزمن اللى احنا فيه ده مش هتوصل


خلى احلامك على ادك

لو كنت فقير متحلمش كتير
خلى احلامك على اد نفوذك و فلوسك وبس
متبقاش طماع

هى ديه سياسة بلدنا اليومين دول
اعمل بيها عشان ميبقاش مصيرك زى عبد الحميد

............................................................

و خليك متفائل

[أحمد عابد]

_______________

[طمـوح]

اذا كان الفشل أرخص
فان تجلس في بيتكم أفضل
عشان ماراح تخسر شي
سوى انك تكون عاله على المجتمع
تحياتي

[طمـوح]

لوكان الفشل أرخص
لما حاول أديسون جاهدا
من أجل أختراع المصباح
باءت جميع المحاولات بالفشل
لكن الاخيره نجحت
لو كان هذا تفكيره
لما رايت المصباح
تحياتي

[S.Badr]

حساااااااااااااااااااااااااام ..
يعني ايه ارخص ؟!!

[maya-max]

لازم نوصل
لازم نعمل حاجة
لازم نأجل الجواز
لازم نستحمل كلام الناس
لازم نشتغل تحت أى ظروف
لازم نكون مسلمين بأعملنا حتى لو المسلمين ضلوا
لازم لما نجوز الفرح يكون فى الجامع(احترام لربنا وشكر بدل أغانى الشيطان بالذمة هل هذا الانسان له عقل!!!!!)
لازم نعامل ربنا بحساسية واحترام شديد
لو كلة دة لازم يبقى أقدر أقول
هنوصل هاااااااااااااااااااااااااااااااااااااااااااانوصل

[أحمد عابد]

الى الجهااااااااااااااااااااااااد

[y@sser]

هههههههههه
بصراحه المجتمع هو الي عالة علينا

[emas]

شوف يا حسام
انا بشتغل من سنه اولى كليه وكنت بدون اجازه حتى اسبوعيه يعنى 7 ايام فى الاسبوع واستمريت هكذا بدون اجازات الى ان وصلت لسن 30 سنه فتزوجت واكملت الى الان بدون اجازه

كل هذا وكنت اشتغل 3 انواع شغل فى اليوم الواحد

وبالعكس الجامعه الامريكيه اعطتنى منحه لم ادفع لها شيئا يذكر وتكاليف دراستى فى الجامعه المصريه
كانت 10 جنيهات فى السنه

ووقتها كان مرتبى 5 اضعاف مرتب العميد

==

عارف الفشل ؟؟؟؟ لا ده مش فشل ده شىء اخر اسمه (( الاحباط ))

الاحباط انك تكون شاطر جدا ولا تتمكن من تقديم شىء للمجتمع بسبب من يحجمون نجاحك

لكن مين فاشل ؟؟؟

مفيش حد فاشل ممكن يكتب هنا فى المنتدى

الفشل انك تيجى تتعلم ولا تفهم

لكن ما تقدرش تتعلم باسباب اخرى يبقى احباط

تقدر تتعلم ثم لا تستفيد ولا تفيد بما تعلمته يبقى احباط

الغريب انك بتتكلم عن الفشل وانت صيدلى والله انا مش فاهم انت بتتكلم عن مين ؟؟؟؟
لو مشاكلك كومبيوتر وبرامج رسم

لمؤاخذه دى هوايه وماينفعش نشتكى من ان الهوايه لا تستطيع توفير نفقاتها

ولو الكومبيوتر بتستعمله فى الصيدله والابحاث معلش اسوأ كومبيوتر قادر على هذا وثمنه
400 جنيه بالشاشه كمان يعن ارخص من الرامات

مش عارف ليه بتفكروا يكون عندكم كومبيوتر بقوه الناس محترفين ال3 دى والموضوع بالنسبه لكم هوايه

لو فكرنا بالطريقه دى فى كل حاجه

يبقى انا عاوز بورش وطائره خاصه و يخت وطبعا كده يبقى انا فاشل علشان ماقدرش احقق هذا الحلم

يا حسام

المحترف عنده ستابليزر للكهرباء و يو بى اس كمان والكومبيوتر بتاعه اصلى مش تجميع
والبرامج اصليه

لكن معظم الناس لان الموضوع هوايه هو كومبيوتر ليس للربح بل للخساره باقل تكاليف وممكن مستعمل
فقط ممكن تستعمله للتعلم ولما تحترف لابد تصرف على مهنتك


يعنى لمؤاخذه الكومبيوترات دى ديمو مش حقيقيه واصلا هى اسوأ انتاج صينى بيختاره تجارنا الحلوين علشان رخيص ويكسبوا

==
وبعدين بدل ما تصرف على الكومبيوتر اشترى لك شنطتين فياجرا واتحرك شويه

ههههههههه

[althaer]

ههههههههههه

انتا كل شوية تقولي صيدلي صيدلي

فاكرني ياما هنا وياما هناك

والله انا عامل مشروع صغير وبحاول أكبره .. رغم ان كله بينافس كله بضراوة

وانتا أدري

والناس صعب التعامل معاها جدا ... لكن الحمد لله انا ناجح في هذه النقطة لاني بستحملهم .. غير اني مرح بعض الشئ معهم .


لكن المشكلة يا باشمهندس

اني بشوف ناس فعلا في بلادنا من اللي انتا عارفهم ... من غير اي مجهود عايشين بالطول والعرض

هتقلي طبقية وفساد وووو

طيب انا بعاني ... الايان بتمر والمتاح اقل من الطموح .. بيكون النتيجة انه فقد الامل بيكون مريح نفسيا

لانك هتتوقف في نص السباق بدون جري

هترتاح وهتاخذ نفس وتتخلص من عرق السباق والالامه

الغريب انك كل ما توصل لمرحلة تلاقي ناس موجوده فيها من غير جري

جايز تقولي اني جشع او حاقد

وربنا عالم اني لا دي ولا دي

لانك تعرف كويس اني ممكن اكون غني بسهولة جدا

------------------------------------------

الفشل ارخص لانه غير مكلف كل اللي عليك انك متعملش اي حاجه

والنجاح والفشل مش معيار الانسان

تكبير الدماغ معناه استمتاع بالحياة وعدم تعرضك لمرض الضغط او السكر

ولو جاتك فرصة ابقي فكر

تاد اليوم بيومه ومتفكرش في بكرة

متفكرش في شقه علي النيل ( دي امنيه عندي ) ولا عربية مكيفه ( برضه امنيه عندي ) ...

النيل موجود بجواره استراحات فخمه ( خشب ) لعامة الشعب .. والشقق أحنا مش عايشين في الشارع

وأهي ماشيه

حتي لما بنسعي بنلافي الفرق مش كبير

طيب ليه نسعي

هتقلي فطرة الانسان ... هتقلي خذ بالاسباب ( اكيد مش هتقول لانك مسيحي )

هههههههههههههههههههه

الكلام ده حلو وجميل وانا مقتنع بيه

لكن لما تكتشف ان الفشل ارخص

بزمتك مش اوفر

[y@sser]

انت وصلت بدري اوي ياحسام
لازم تتخطي ال 30 علشان توصل للمفهوم ده
او يمكن انتم جيلكم سبقنا في الادراك !!
اعمل الي عليك وارميه البحر يا حسام

[althaer]

انت وصلت بدري اوي ياحسام
لازم تتخطي ال 30 علشان توصل للمفهوم ده
او يمكن انتم جيلكم سبقنا في الادراك !!
اعمل الي عليك وارميه البحر يا حسام

اي بحر فيهم ؟