ديموس كراتس

[althaer]

يا جماعه بلاش اتهامات

انا اولا لست علماني .... ومش عارف منين طلعتوا عليا اني احادي ومش عارف ايه

انا عمال ارد يهدوء وتقولوا احادي ولا اتهمتكم ياي شئ وتقولوا اني اتهمتكم

انا بحبك يا نزال ويا ياسر ويا عاطف وعمري ما هتهم شخص والافكار حتي فيها درجات . يعني ممكن اي نقاش يكون عن اطراف الافكار

انا عايز اعرف ايه في المقال غلط

حدج يقتبس جمله ويقلي ان الكلام فيها غلط ؟

واني مبطن الكلام وغيرها من الاتهامات

انا ذكرت مثال سيدنا عمر بن الخطاب .. الراجل ده مثال يحتذي بعد الرسول - ص- وابي بكر

واتكلمت عن اي الشوري هي ديمقراطيتنا

يعني احنا عندنا اصل في منطقتنا اسمه الشوري

وقلت ان الديمقراطية من ايام الاغريق والاسلام حددها بشوري ( بانواعها ) والغرب سماها الديمقراطية

وقلت ان الحرية تتبع العادات والتقاليد ..

فين الغلط ؟

حد يقلي فين الغلط ؟

وفين الاتهامات التي انا بطنتها ووجهتها

وفين الفكر الاحادي في ردودي ؟

راجع السطر الثاني في هذا الرد

سلام عليكم

[althaer]

يقول المفكر الاسلامي الكبير الدكتور محمد سليم العوا ( القاهرة اليوم - اوربت )

ان الديمقراطية هي افضل اختراع اخترعته البشرية لتداول السلطة .

[y@sser]

انا لم اتكلم عنك بشكل شخصي يا حس
وانت عارف حسام كشخص انا بعزه قد ايش
انا بتكلم عن الفكره ككل والامثله الي ضربتها ليست عليك
انما علي اصحاب الفكر ده (لو عايز اقتياسات وردود ممكن اعطيها لك علي الياهو منعا للقتال )
اعتقد انك تعرف اطراف الحديث اكثر مني
واكيد انت عارف اني مش تابع للحزب الوطني ولا للاخوان المسلمين
نعم العلمانين يلقو التهم بطريقة رمتني بدائها واستلت
ببساطه الفكر الاخر مرفوض بحجه التجني علي الحريات حتي لو فيه قواعد
واي فكر له قواعد
انا سؤالي واضح جدا وفي سطر واحد
(لماذا تكون مرجعيتي لقوانين وضعيه وانا املك دستور من السماء )
هل الاسلام غير شوري في حكمه ؟
هل عمر رضي الله عنه خرج عن القواعد ؟
لما ابن عمر بن العاص ضرب احد المصريين قام سيدنا عمر بالحكم عليه بالضرب وقال للمصري المضروب اضرب ابن الاكرمين كما ضربك
استخدم اللطف والسيف
وهذه طبيعه البشر
ليس كل البشر اللطف قادر علي اصلاحهم والا كان خلا القرأن من القصاص
انا هافترض في الموضوع حسن النيه والذي ارجحه وهاقول انك لا تتكلم عن الصوره الكامله
سؤال واحد
اين هي المدينه الفاضله التي سيكون فيها الحكم والحريه مطلقه ؟؟
هل تعلم ان الله عز وجل وضع شرط في رد مال اليتم من الوصي له
ابتلو اليتامي
يعني لازم يدخل في اختبارات تؤكد انه غير سفيه علشان ياخد ماله الي هو حقه في الاصل
وانت بتتكلم عن امه اغلبها بين الجهل و الاسجهال (لا يريدو ان يرو شرع في اي مكان )
................................................
علي فكره ناس كتير من المتشددين اصلا نفسهم فتح الباب الي بتتكلم فيه
ببساطه زي ما البعض هايقلع هدومه البعض مستعد لعمل جماعات وتيارات تحمل فكر متشدد في صوره اسلاميه
يعني الموضوع مش زي ما انت فاهم
بل بعض من اعرفهم ممن يعالجو بالطبي الحقيقي ( القديم ) يرو في هذا التيار انه يقدر يشتغل بدون القمع الحاصل من الاعلام والطب الاستثماري
يعني الفكره نفسها تحقق مصلحتي لان انت عارف مذهبي في التفكير ايه
ومع ذالك رافضها
تخيل بقي

[nazzal]

((وبسبب موضوع شائك بتنادي بيه في مواضيعك وتوقيعاتك مالهوش رابط حاليا....))


انا مش حا اقتبس حاجه من مقالك
انا اقتبست جزء من ردي فقط عشان اقولك واعيدلك تاني مع ياسر ان محدش اتهمك
ولكن مواضيعك بتتفهم من ناس تانيه عايزين الحياه بظرميط
ومواضيعك دايما بتحوم حوالين النقطه دي...والنقطه دي اساسا مستخدمها دلوقتي كل من هب ودب ..بيحشر مناخيره في مسلمات دينيه ..لا ...وبينكرها...وبمنتهي السفاله والوضوح احيانا كمان
طيب ايه الحل
طيب ايه ذنب الموضوع..انت قصدك سليم وما تقصدش ان الناس دي تستغل الافكار دي غلط وتلويها لصالحها...توقفها يعني
اقولك اه...لو بتحب دينك وخايف عليه...وعايز تحجب فتنه..وقفها ..مؤقتا
لو هامك قضيه من قضايا امتك ( وقلت الموضوع ده قبل كده ) ففي قضايا تانيه كتير جدا محتاجه اننا نحارب عشانها ونحييها...هما اساسا بيحاربوها ومعتمين عليها....
ما نجيش احنا في قضيه متسلط عليه الضوء طبيعي ...واسلط عليها الضوء

سمعت ان الضرورات تبيح المحظورات

اصبح الدفاع عن دينك ضروري يا حسام
لانه واضح ان الهجوم عليه غير انه خارجي..اصبح داخلي..وهو الاخطر
وما ينفعش تدافع عنه بأنك تلف وتدور دايما حوالين احلي نقطه بيحبوا وبتكيفهم تمام
الحريه الفكريه....
الحريه الفكريه اللي باقت حجه عمل الغلط حاليا
ياريت يكون عندنا حريه فكريه حقيقيه
احنا للاسف افكارنا اتلوثت بأفكار تانيه
يعني بالعربي الفصيح
اللي بينادي بالحريه الفكريه او اغلبهم اصبحوا مكبلين فكريا...
لا يرون سوي هذه الافكار فقط..واقتنعوا بها واغلقوا الباب علي ذلك غير مستمعين لغيرهم...

واللي بيحاولوا يفهمومهم غلطهم
اصبحوا احادي الرأي...متصلب...عنيف...جاهل ...رجعي ...متخلف
من هنا لبكره اوصاف اييييه...عنب

فلتر مواضيعك وبس...شوف حا ترمي لفين وممكن توصل لايه قبل نشرها
وابتعد عما يفتن الناس
وافتكر الايه اللي في سوره الكهف ......
وفكر بقلبك
واتمني الا يفسد النقاش للود قضيه ابدا..انت عارف ان انا بعزك من قبل ماشوفك


تحيتي

[althaer]

لا بالعكس يا جماعه الحريات مشوهه عندنا مش مسلط عليها الضوء ولا شئ ( القضية مهمله ومُكفرة وملعون ابوها )

ايمن نور كان في زيارة لاهله في الشرقية يدعوهم لترشيحه طلعوا عليه بلطجية الحزب الوطني .. قلبوا الاتوبيس بيه

وجدت جريدة المساء بتقول ( شعب الشرقية يثور علي العملاء والخونة )

قال يعني قال

-------------------------------

الموضوع اصله هو مربط الفرس يا نزال

ومحدش يقول ان الناس تقلع او تبقي بزرميط

طيب ما الدوةل المتحررة بتصنع لنا الدواء والكمبيوتر والماكس والهلب الخاص بالماكس .. واحسن طرق واحسن فرص عمل

انتوا كلكم نفسكم تهاجرو ؟

ليه تهاجروا ؟

هتقلي فرصة عمل .. هقلك فرص العمل هناك موفرها ((((((( حرية ))))))))) الاقتصاد .. ومناخ انتم رافضينه .

طيب عاوزين تهاجروا ؟

عشان حقوق الانسان ... فيه ناس بتستغل حقوق الانسان عشان تقلع ؟

ايه الضامن ان المهاجرين للن يستغلوها في الزنا ؟

اذن القانون ليس ذائما المذنب

اغلب الشعب الامريكي مثلا يعمل ويتنظم وقته .. العاهرات لهم نظرة دونيه في المجتمع وكذلك الشواذ .

انا مش بقول ان امريكا يعني جميلة 100 % ... بس امريكا مش بالشكل اللي بتكتبوه

انا شخصيا بحترمها كدولة كبري وحضارية وعلمية

اما عن دعمها لاسرائيل

فمن حقها انها تدور علي مصلحتها

عاوز واحد ساكن في شارع جمبك يحميك ؟

طيب عرفه قضيتك ؟

العرب هناك مشغولين في اشياء ثانيه

محدش هناك هيمنعك ان تشتري قناة وتقول ( اللي انتا عاوزه )

اليهود شغالين ( سينما ومقالات ومؤسسات ولوبي ) فطبيعي ينجحوا ويقنعوا الامريكيين لانهم يعملون ويفكرون .

فيه امريكيين كثيرين يعتقدون ان اسرائيل دولة قديمة جدا .. مش عمرها 50 سنه

ليه يا جماعه ؟

بوش : يروح في ستين داهية هو واعوانه

لكن القيم مالها

الحرية مالها

فشلنا مش هنعلقه عند امريكا

لازم نعترف اننا فشلنا عشان نبدأ

ونبدا صح

ناخد الكويس منه ونطبعه بعاداتنا ( لان عندنا ما هو احسن )

سلام عليكم

[y@sser]

دا خلط للاوراق مستر حسام
ببساطه اي نظام ليه قواعد ممكن ينجح
احنا فشلنا بالشيوعيه الي نجحت في الصين !!
وحتي النظام الحالي الي انا رافضه ممكن النجاحبيه لو قواعدة اتنفذت
ببساطه الدستور يضمن حقي مع المسئول ورئيس الجمهويه وامين الشرطه (هل الدستور منفذ بالفعل ؟ )
نعم الحريه بهذه الطريقة هتخليها بظرميط وومكن بنظره بسيطه لهذه الدول الناجحه تشوف ده
لما يعجبني طريقة العمل في دوله مش معني ده ان عاجبني اخلاقها او نظامها
دي جزئيه واحده
ممكن جدا يعجبني دكتور كافر في حراجته هل معني ده اني موافق علي انه بيأجر احد العاهرات المرخصات وهو مروح بيته ؟
امريكا نفسها
هل تتخيل الجيش الامريكي داخل الاراضي الامريكيه !
والله كانو يشحتو

العاهرات لهم نظرة دونيه في المجتمع وكذلك الشواذ .

هذا غير صحيح مستر لو تحب تقابل ناس من شيكاغو اول ما ينزلو اجازه هاعرفك عليهم او من فينا او من باريس او من روما
وتجري حوار بنفسك وتشوف الدنيا ماشيه ازاي
سؤالي لم يلقي اجابه
لماذا ابدل دستوري بتجارب الاخرين الفاشله ؟

[althaer]

لماذا ابدل دستوري بتجارب الاخرين الفاشله ؟

محدش قال تبادل انا بقلك استفيد من الاخرين في نجاحتهم بما يتوافق معاك

[y@sser]

ياعزيزي
هل النظام المكتوب في دستورك مطبق ؟

[althaer]

المشكلة يا ياسر ليس في الدستور

هذا الدستور الالهي العظيم الكريم

تبقي المشكلة القصوي في من يطبقه

لقد تفرق المؤمنون بهذا الدستور الي مذاهب وداخل هذه المذاهب تفرقوا الي افكار مختلفه

تتسارع فيما بينها بمبدأ ( هذا عدوي وهو اشد علي لانه قريب لي )

فالشيعه اخطر علي الاسلام في نظر الشيعه والعكس
والاخوان مبتدعين ومتهاونين والعكس

والسلفيين متشددين
والعكس
والقراءنيين ناقصين للسنه

وكل واحد يتهم الاخر ويركز عداءه علي الاخر اكثر من تركيزه علي الاعداء في ما خارج محيط الاسلام

في هذا الوضع ؟

سنسمع كلام من ؟

وكل يدعي وصلا بليلي

الكل يقول اننا نتبع السلف , والكل ياتي بدليله

ان لم تحتكم للاغلبيه الشعبية من مسلمين وغير مسلمين فان الجازر والفتن والحروب الطائفية قائمة في هذه المنطقة

ان الصندوق الانتاخابي لو اتي بالاسلاميين او غيرهم عليهم ان يحترموا الاخر ويطوروا بلادهم مثل تركيا , وان يسعوا جادين في تطوير افكارهم لصاالح امتهم .

الجيش التركي العلماني لا يستطيع مجابة حزب العدالة برغم ان الدستور العلماني يحس علي التالي ( ان الجيش هو المسئول الاوحد عن علمانية البلاد )

وقد تدخل هذه الجيش 3 مرات لقلب نظام الحكم الي العلمانيه

فلماذا لم يفعل هذا هذه المره ؟

هذا بسبب ان الاسلاميين لهم اغلبية في الشارع , منبع الشرعية

اقنعوا الاتراك بفكرهم

فققد قال طيب اردوغان ليلة النصر ( اننا نحترم من صوصتوا لنا ومن لم يصوتوا )

ايا كان فان هذه الديمقراطية التي ادعو اليها هي ( ديمقراطية غير انتقائية )

ليست كديمقراطية الجزائر او ديمقراطية فتح او تونس

ديمقراطية لا انتقائية تسمح للجميع بفرص متساوية

من يتعب ويقنع الناس سيصل

وصدقني الحقيقة قريبه جدا من القلب فقط انت اعطي للجميع الفرصه

حتي لو كان ملحد او شاذ او او

قمعه هؤلاء الشخص يحولهم لأبطال

كما يقول الكاتب الاسلامي د- محمد عماره ( ان قمع الرأي الشاذ يجعله ضحية )

الشئ الثاني يا يا سر : هو اقتناع احد اطراف المجتمع ان معه الحقيقة كامله

تبقي هذه هي المصيبة ان تصبح انت الفرقة الناجية

وكل يدعي وصلا بليلي

الارثوذوكس يعتبرون نفسهم فرقة ناجية اما الكاثوليك فهم الفرقه الهالكه ( والعكس )

وفي الاسلام ( كل شخص يعبر نفسه الناجي )

لقد اصبحنا في عام 2007 بعد الميلاد .. توارثنا خلافات تاريخية اكبر من ان نتعامل معها بالقمع او العنف لان النتيجة حرب تاريخية لا نهائية

الحل هو تكافؤ الفرص والسماواة

( ان الله لا يضيع أجر من أحسن عملا )

اللهم بلغت ..

[y@sser]

للاسف غير مقتنع بهذا الكلام
انت بهذا تقول شخص عنده ورم في المخ فنستئاصل المخ !
الناس مش فاهمين الشرع يفهموه ممكن تكون مقبوله
انما نلغيه لن نسمح بهذا
ومن قال ان الحقيقية قريبه ؟
انت مش من هنا ولا ايه يا حسام
الناس غرقانه في المهلبيه وكله عايم في البطيخ والنسبه الاكبر ستحارب من اجل ابقاء الفوضي
احساس جميل ان تغلط وماحدش يعرف يحاسبك باسم الحريه
وكأن الاسلام ددستور فاشل
حتي نبحث عن قوانين وضعيه فاشله خرجت لنا بكل وضيع وصنعة هذا المسخ الذي يخرب العالم باسم التقدم
انت مش واخد بالك ان الارض ما بقتش نافعه خالص ولا ايه يا حسام ؟
للاسف حتي لو وصلنا بهذا في الصناعه وتقدمنا فيها لن يكون لدينا الا مجموعه من المسوخ الذين يجيدون الضغط علي عصا البلاي ستيشن فيدمرو احد عواصم العالم
يعني هنكون خليفة امريكا في الارض بدل ما نخلف الله
ونخرب بدل ما نعمر
لو لم نسطيع بناء انسان مسلم علي المنهج الاسلامي وبالدستور الالهي
يبقي علي الدنيا السلام
لا تقولي ديمقراطيه ولا خل
فعلا يحسبه الظمأن ماء
اري الايه تتجسد في هذا التيار الي هيجيب المسلمين الف سنه للخلف

[althaer]

انا بتكلم في اتجاه وانتا في اتجاه

مين قال نلغي الشرع ( دا كفر )

انا بقول نعطي فرص متساوية وهتلاقي الحقيقة ظهرت

[y@sser]

انا بقول نعطي فرص متساوية وهتلاقي الحقيقة ظهرت

فرصة متساويه علي اي اساس ؟
مش يمكن الي يكسب الي رابط وسطه
ويرقصنا يا جدع
اكتر ما احنا بنرقص !
ماهي المرجعيه التي ستستند ليها في الحكم ايهم اصلح ؟
خد بالك ان الفساد شكله حلو
وامريكا تملك ثلث اسباب الاحتباس الحراري في العالم
يعني هيحرقونا باسم التقدم

[althaer]

انا مصدع دلوقتي يا ياسر هكمل معاك بكره ان شاء الله

بس انك تفرض شئ .. اكيد هيولد منافقين او شكل ظاهري جيد ومن داخله مفكك

لازم لاناس تقتنع بطريقة عادلة في عصر الفضائيات والعولمه

[y@sser]

طيب ممكن اصدع معاك لغاية ما ترد الرد القدم
في حين ان المنافقين الي بيتولدو مع المصالح اكبر بكتير من المنافقينن الي لا يجدو متنفس لنفاقهم !
وان الاسلام عادل اكثر من العلمانيه واننا عندنا مشكله غير النظام وضياع الحق هو اصل الموضوع
عموما هاشرب قهوه يمكن الصداع عندك يروح

[althaer]

ياسر الديمقراطية ناظم لتداول السلطة

يعني لا تضع شئ امام شئ

الاسلام اعظم من تنزيله لهذه المقارنات

نحن نتكلم عن نظم مجتمعيه بشرط الا تخالف الشرع

تحياتي