موضوع: ::بركان الغضب ::

ردود: 6 | زيارات: 718
  1. #1
    عضو فعال
    صور رمزية ||صقر||
    تاريخ التسجيل
    Mar 2006
    المنطقة
    مصر
    العمر
    25
    ردود
    280

    Post ::بركان الغضب ::

    http://octwar.com


    بسم الله الرحمن الرحيم

    المشروع ده فكرته بدأت من زمان ... تقريبا من سنه ... و فى خلال السنه دى حاولت كتير إنى أنفذ المشروع و أطلع بنتيجه فعلا إلا إن الفشل دايما كان النتيجة الوحيدة ... كله كان بسبب قله الخبرة و كمان قلة الموارد ... و الحمد لله فى خلال السنه دى قدرنا نجمع الكتير من الموارد و نحصل على كتير من المصادر ... لكن الخبرة مبتجيش بالساهل .. الفريق اتغير كتير و أعضاء انضموا وأعضاء انسحبوا طوال السنه و بصراحة كان فيه سوء إدارة أو مكنش فى إدارة أصلا وده لأن كل واحد مكانش عارف وظيفته إيه فعلا مكانش فيه جدول للمهمات ولا أى وسائل كويسه للإتصال .. حاولت أدور على تطبيق كويس لإداره المشاريع لكن للأسف كلها للمشاريع ذات الحجم الكبير التى لا تناسب هذا المشروع .. فى النهاية وبفضل موقع GameFlood قدرت أحصل على ورشة ممتازة وجدت فيها كل ما أحتاجه لإدارة المشروع ... و لكن بعد أن "طفش" الفريق ... بينى وبينكم الفريق مكانش عنده الخبره اللازمه للتنفيذ و أولهم أنا ... لأن كان فيه قواعد وأسس بتميز مجال صناعة الألعاب عن أى مجال تانى .. عشان كده أنا فكرت فى طريقة مناسبة لإعداد الفريق ..: اللى هو أهم حاجة:.. قبل ما أشتغل ... عشان نبدأ صح و منقفش فى نص الطريق زى ما حصل قبل كده ... دى الوثيقة المبدأية للعبة اللى فيها الفكرة بتاعت اللعبة بطريقة منظمة "http://www.mediafire.com/?axjm2kes0vz" ... أنا عاوزك تقرأها كويس و تتشوف إذا كانت الفكره عجبتك ولا لأ .. وإذا كان عندك إقتراح أو تعليق ياريت متبخلش علينا وقوله هنا عشان نقدر نطلع حاجة بمستوى كويس فعلا ...نرجع تانى لموضوعنا ... أنا ناوى فى اليومين اللى لسه فى الأجازة أعمل ورشة إعداد للفريق ... بمعنى أنى هعمل ورشة مفتوحة أحاول أشرح فيها الأسس والمبادئ للمهارات اللى هنحتاجها فى الفريق .. و بعد كده نضم الكوادر اللى طلعت من الورش دى للفريق ... و الفوائد هتعود على المنضمين للورش .. أولا لأن الورشة هتكون بوابتهم لدخول مجال صناعة الألعاب اللى الوظايف فيه على قفا مين يشيل"لامؤاخذه" ... و إذا ماكنتش مصدق شوف كمية الوظايف المطلوبه فى المواقع دى :-
    http://www.gamasutra.com/php-bin/jobs_display.php
    http://creativeheads.net
    بالإضافة لكده مجال صناعة الألعاب بدأ يزحف علينا فى الشرق الأوسط .. و بدأت الشركات العمالقة تبص على المنطقه ككنز مدفون ... قولى بقى انت عاوز تفوت كل الحاجات دى ؟؟؟ ... بالإضافة ان الورشة هتأهلك للتقديم فى الوظائف دى " على حسب خبتك العملية طبعا " فانت هتتبصط معانا أوى .. خصوصا لو انت من المنصوره أو من الدقهلية عموما"لأن هتكون فيه فرصة كبيرة اننا نتقابل شخصيا"..^^... الخبرات اللى احنا محتاجينها فى الورشة بتختلف من وظيفة لغيرها يعنى الـ Game Designer مش هيحتاج أكتر من ورقة وقلم وعقل مفتوح .. فى حين أن الـ 3D Artist محتاج لجهاز كمبيوتر والتطبيقات اللى هيشتغل عليها والخبرة العملية اللازمة .. أنا بكرر تانى ان الورشة هتكون تعريف بالمجال و الأسس والقواعد .. بمعنى اننا مش هنتحدد ببرامج معينه .. لكن احنا هنستخدم بعض البرامج كأمثله لا أكثر ولا أقل ... على العموم الورشة و المشروع كله بيتوقف على مدى إقبال الأعضاء ... أتمنى منكم الإهتمام بالموضوع .. و اللى محتاج أى تفاصيل ممكن يتواصل معايا على الإيميل ده :
    Saker_as@hotmail.com
    أخر تعديل بواسطة ||صقر|| في 11 / 08 / 2007 الساعة 01:22 PM


  2. #2
    عضو
    صور رمزية Y@$$ER
    تاريخ التسجيل
    Aug 2007
    المنطقة
    You Will See Me Every Where Under SeZeR Name, Be Careful
    العمر
    27
    ردود
    95
    أنا هشارك معاكم بإذن الله في المشروع ده و خصوصاً إنه مشروع لعبة من نوع FPS أي إختصاصي بإذن الله
    و ليا تجارب قديمة و ألعاب عجبت الناس كلها الحمد لله زي :-
    The SeZeR
    The SeZeR II

    و أنا جي بتزكية من أسامة للعلم فقط ^^
    و على فكرة أنا من مصر مدينة 6 أكتوبر

    و عندي شقة كاملة فاضية و ممكن نعملها أستوديو بإذن الله

  3. #3
    مشرف منبر 3D Games Design
    صور رمزية oms
    تاريخ التسجيل
    Oct 2004
    المنطقة
    Turkey
    ردود
    6,683
    معاك يا أحمد ...

    إن شاء الله تكون نموذج للي حييجوا من بعدك ^^

  4. #4
    عضو
    صور رمزية Y@$$ER
    تاريخ التسجيل
    Aug 2007
    المنطقة
    You Will See Me Every Where Under SeZeR Name, Be Careful
    العمر
    27
    ردود
    95
    ربنا معانا جميعاً

  5. #5
    عضو فعال
    صور رمزية ||صقر||
    تاريخ التسجيل
    Mar 2006
    المنطقة
    مصر
    العمر
    25
    ردود
    280
    أسف يا جماعة .>< ... رفعت الوثيقة الغلط ... دى هى الوثيقة بتاعت اللعبة .. ياريت الكل ينزلها ويشوفها ... حتى لو كان نزل الأولانيه .. ينزل دى .. لأنها مختلفه ....
    http://www.mediafire.com/?axjm2kes0vz
    .. انا هفتح موضوع التسجيل النهارده إن شاء الله ... ربنا يسهل ^^...

  6. #6
    عضو فعال
    صور رمزية ||صقر||
    تاريخ التسجيل
    Mar 2006
    المنطقة
    مصر
    العمر
    25
    ردود
    280
    http://www.maxforums.net/showthread.php?t=99076

    انا فتحت موضوع التسجيل فى الورشه ... ياريت الكل يهتم .. لأنها هتكون فيها فايده كبيرة لك ^^...

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل