العمل الجميل لكن لم أفهم مضمون الفكرة
>> لا بد للفكرة ان تكون جد واضحة ليفهمها أي مشاهد
(كان من الاحسن لو استعملتي شخصية جماد في هدا التطبيق)

أهلا أخي يوسف
أشكرك على التعليق
الفكرة أخذتها من عمل لأنيميشن منتور بعد أن تعذر على عمل مرجع خاص بي وهي تدورفي محاولة القراءة ومشاهدة الكتابة والتحول بين الإستغراق في القراءة ثم اكتشاف ان الكتاب بالمقلوب وتصليح وضع الكتاب بعد لبس النظارة والإسترخاء في النهاية أثناء القراءة يعني التحول بين عدة حالات شعورية

انا عارف ان كلامنا ....محبط ...وخاصة بعد كل هذا المجهود
فين المشاعر اللي بيمر بيها الكركتر.....في المشهد....
في اعتقادي انك لو خليتي الكركتر....وهو بيحاول يجيب النظارة....ايدة تخبط النظارة فتسقط علي الارض ..
فيقوم مفزوع...وبعد كدة يكون حزين علي النظارة علي اعتبار انها مش هتنفع تاني...ههههه

طبعا ده راي
وموفقه باذن الله

أهلا أخي عصام
أبدا مش محبط ولا حاجة لكن بخصوص إضافة حزن للعمل فمجاش في بالي بصراحة على أساس ان في مشاعر أخرى موجودة زي الإستغراق في القراءة والمفاجاة بعدم الرؤية والإسترخاء في النهاية لإن مش لازم كل المشاعر اللي نتعلمها تكون حزن وكده يعني
على أساس ان في حالات تانية موجودة برضه وأكيد انا ماوفقتش في عرض المشاعر المذكورة بتوفيق عشان كده انتم مافهمتوهاش وهو ده اللي ممكن نتكلم فيه ازاي تكون واضحة أكتر من كده ؟
لكن متابعتكم سرتني جدا وأرجو المزيد منها

العمل متعوب عليه يا ام محمد وباين اوى تعبك

انا معاكى ان فى تقلب مشاعر بس بجد اختارتى تمرين صعب اوى اوى لان المود تقريبا واحد للكركتر مفيش تباين فى مشاعره والتباين بيشدنا دايما يعنى واحد مركز اوى وتيجى حاجة تقطع تركيزه وهدوئه وبسرعة كده المشاهد بيتاخد مع المشهد

لكن مشهدك فيه الفكرة المطلوبة وممكن اقوى كتير بس صععععععععععععععععععععععععععععععععععععععععب
لان زى ما قلتلك حالته المزاجية تقريبا متشابهة
الصراحة انا رايى تكملى على نفس الفكرة هتفيدك وتفيدنا كتير
بس حاولى تركزى ازاى تشدى الى بيتفرج عشان يفهم الى بيحصل
يعنى مثلا انا شوفت الفديو ومخدتش بالى انه قلب الكتاب ولا خدت بالى قبلها انه ادرك انن الكتاب مقلوب لان دى كانت مفروض تتعمل اسرع من كده بكتييير
لما رجع لورا براسه محتاجة سرعة
وقلبة الكتاب محتاجة تتسرع جامد
فى شوية ملاحظات بس مش وقتها لاننا هنا الى يهمنا الفكرة اكتر وازاى توصلى لقلب المشاهد حتى لو هو قاعد مش مركز
الفكرة جميلة بس عمرها مهتبان الا بتايمينج مظبوووووووووووووووط والا هتبوظ خالص وعمرها مهتوصل لحد
بس صراحة انتى عاملة مجهود

أهلا إسلام
أخيرا لاقيت حد موافقني
انا عارفه ان الحركة لسه عليها كتير وعشان كده قلت ارفعها عشان أستعين بمساعدتكم لإنه صعب واللي مصعبه أكتر انه محتاج كونسترين لأكتر من حاجة وده مش سهل ولخبطني أوي غير حركة الكتاب غيرت الريج بتاعه اكتر من مرة عشان اوصلل حركة للورق بطريقة معينة لكن بعد عمل الربط بين الإيد والكتاب خربت الحركة بتاع الكتاب فاضطريت الغيها مؤقتا فياريت لو حد عنده خبرة في الموضوع ده كمان يفيدني ليه حركة العضم بتخرب ربط الكونسترين
ملاحظاتك عن التايمين في الإعتبار وسوف اراعيها إن شاء الله
شد حيلك عايزين نشوف تطبيقاتك بقا

ماشاءالله يا ام محمد الفيديو فيه حاجات كويسة جدا وعجبتني وزي ما قال الشباب فيه تعب باين

طيب انا هحاول اقترح عليكي شوية حاجات جربي منها اللي يعجبك وقرري

الكلام مش هيكون على التايمنج لا هيكون على الاوضاع

1- في بداية الفيديو حاولي تخلي الكتاب بعيد شوية عن الراس وفعلي الاضاءة عشان تشوفي السلوت بتاع الكراكتر مع الكتاب
2- خط الوضع بتاع الكراكتر وراسه المستقيمة على كتفه مش عجباني ( اقضي على السميترية )
ارفعي كتف مثلا او ميلان للراس ورا وعلى اليمين
3- الوضع في فرام 34 قربي الكتاب مع الراس كمان ياعني يقرب الكتاب ويقرب راسه وزي ما بقولك افتحي الاضاءة ( افتكري اننا بنشتغل تو دي )
وبرضه اعملي ميلان للراس على احد الجانبين ( حاولي تمسكي حاجة وتعملي كانك مش شايفه الكلام ) هتلاقي نفسك بتميلي راسك على اليمين وبتقربي الكتاب برضه معاكي

4- الوضع في فرام 52 بيبص لتحت كده مش حلوة
هو اكيد مش قاصدك بس بسبب البطئ باينه انها مش حلوة
5- فرام 85 حاولي تخلي يروح برضه للنظارة براسه وده طبعا لغاية فرام 90
6- الفرام 130 نفس ملاحظة بعد الكتاب عن راسه
( هههه بنت اخويا ( اللي في الصورة ) دخلت عليا لاقيتني ماسك كتاب في ايدي وبعمل الحركات قالتلي انت بتعمل كده ليه )

المهم ما علينا

من اول هنا انا حطيت نفسي مكان الكراكتر لاقيت نفسي مش هتفاجئ ولا حاجة لا دنا هزعل عليا او احبط مثلا حاجة زي كده
او ارمي الكتاب من ايدي

لو كان فيه ماتريال للكتاب كان الناس اللي فوق ديه فهمت وانا معاهم

وعلى فكرة ممكن يقلب الكتاب ويخليه في نفس الايد ومش لازم الموضوع يكون مظبوط قوي
ياعني المهم يكون معدي


جاتلي فكرة
ممكن يلاقي النظارة من غير عدسات فيستغرب مثلا ويضايق برضه

اي حاجة مش هتفرق المهم تكون واضحة
اسف جداااااااااااااااااااااااا طولت على حضرتك
واسف جدا لحذف الالقاب

أهلا أخ شادي
أسعدني مرورك وكلامك كبير أوي عايز قاعدة عشان أركز معاه واحده واحده كده واراجع الملاحظات دي كلها وارجع إن شاء الله أشكرك كثيرا على هذا الإهتمام ربنا يبارك لك في وقتك ويخليلك البنت الصغيورة تخيل أنا ماعملتش زيك وقلدت المرجع وخلاص من غير تمثيل لكن بعد مشاهدات متكررة وعديدة
لي عودة إن شاء الله

أولا هنيئا لكي وصولك لي هده المرحلة
الانميشن تفاعلت معه رغم عدم اكتماله بالأضافة الى عدم وجود موسقى تصويرية
الحركة ممتازة وواقعية عندي ملاحضة في سرعة للبس النضارة بالضبط بين الفرام (89-90 ) أرى انها سريعة بعض الشئ
بالتوفيق ...

أهلا أخي ssm
سررت لمرورك ورأيك يحمل كثير من التشجيع
هو العمل كما ترى تحت التعديل وإن شاء الله يتم مراجعة الملاحظات رغم ان التايمين مأخوذ من المرجع لكن لم يتم عمل التسارع والتباطئ بعد

السلام عليكم

أسف عل إنقطاعي عنكم . أخت أم محمد التحريك لديك تقدم بشكل جيد و هذا التحريك جميل جداً طبعاً مع وجود بعض الأختراقات أرجو أن تركزي عليها . أخت أم محمد لقد قلتي أنكي أخذتي الحركة من الأنمشن منتور لكني في هذة المدرسة يقولون لاتأخذ رفرانس من 3D لماذا؟ لأنه مهما وصلة خبرة وبراعة أي محرك شخصيات في العالم لا يستطيع أن يتقن أي حركة بشكل كامل .

أخت أم محمد إذا أرتي أن تأتي بملقط لتحريكك خذيه من الأفلام أي فلم فقط أريد منك أن تتعلمي التحريك الواقعي. ليس تحريك الأنميشن منتور .لأن هذة المدرسة هي أن تخرج محريكين كفوئين , التحريك الواقعي هو الأساس لأي محرك ثم يأتي الستايل التي تريدين لأن التحريك يتجزأ بهد ذلك إلى فروع أساسها التحريك الواقعي .
(بصراحه هذا ليس كلامي هذا كلام director animation في MGM )

أرجو منك أخت أم محمد أ، تظهي البؤبؤ على العين لأنه يعطيها بعضاً من الحياه على الشخصيه ولاتنسي تعابير الوجه
بصراحة الحركة جميله كمليها لكن مثليها

مع الشكر
nikiata

والله أنا سعيدة جدا بعودة حضرتك وانت لا تعلم مدى إحتياج المدرسة لهذه العودة فأرجوووك أرجووك لا تنقطع واستمر معنا بقدر ماتستطيع
أنا اتمنى محاكاة حركات حقيقية بالفعل وهذا من الأهمية بمكان ولكن كل الحكاية إنه تعذر على الحصول على مرجع لكن بإذن الله من التطبيق القادم سأجتهد في تحقيق ذلك
بالنسبة لإظهار البؤبؤ فالتطبيق هذا لا يتطلب ذلك لتدريب الطالب على إظهار حالة الكراكتر من خلال الجسد فقط دون رؤية وجهه من تقلب الحالة الإنفعالية لأخرى

ما شاء الله عمل ممتاز ولكن ما زال يحتاج لبعض العمل اكثر

ولكن هناك ملاحظه انه لازم تستخدمي شخصية ( جماد ) وليس هذه الشخصية لانها غير مطلوبه حاليا حسب علمي وإذا اردتي استعمالها يجب ان تعملي جميع تعبيرات الوجه (:

وكلام nikiata غااااية في الروعة وانا سوف اطبقه لما اوصل للفصل الثاني والثالث

وباقي الاخوة ما قصروا بالملاحظات ^_^

والله اعلم


بالتوفيق
اخوكي محمد

تمام الفديو ماشاء الله
بس لو يبقى فى نن العين ( البؤره السوداء اللى فى منتصف العين)
يبقى تمام
بس العمل كولوا ماشاء الله واصل +
بالتوفيق