Lighting & Rendering work shop - المنابر

هذا الموضوع مغلق.

X

X

ShrifAzmy رد

16 / 09 / 2010, 06:22 AM
تغيير معامل تصحيح الالوان محسسك بتغير توقيت التصوير او تعديل مصدر الاضاءه
والحتت دي حنتعامل معاها بالتفصيل الممل لما حنتكلم بعدين عن موضوع الاكسبوجر في المنتل راي
وبرده الجزئيه ديه اللي بنتكلم فيها تطبيقها اوسع لما حنوصل للفوتومتريك لايت
شوف برده الصوره ديه وازاي ان تغيير كلفن الضوء بيغير لون الضوء
اترك تعليق:
ShrifAzmy رد

16 / 09 / 2010, 06:15 AM
والتريج ده قيم الوانه بالكلفن ما تقلقش
طيب اسئلني بقى بس اللون اللي بيساوي قيمة 1700-1800 درجة من الاورنج اقرب للاحمر مالوش علاقه بالالوان اللي جنبه واللي هو اقرب للكموني
طب ازاي؟؟!!
لا هو هو فعلا
بس احنا قلنا ان اي لون مجموع لونه مع العناصر المحيطه بيه
فيفترض ان عود الكبريت بيتاثر بعناصر الاضاءه في المكان فلو خدت الـ 1700 وعملت عليها معامل تصحيح لوني Color balance بالقيمه اللي هو قال عليها فوق 3200 بتاعة اضاءة المكان الداخلي حتلاقي اللون هو هو
شوف مثلا الصوره ديه بعد شوية تعديلات في معاملات التصحيح في الفوتوشوب
اترك تعليق:
ShrifAzmy رد

16 / 09 / 2010, 06:01 AM
المشاركة الأصلية بواسطة elmansy مشاهدة المشاركة

http://www.3drender.com/glossary/colortemp.jpg
ممكن شرح للجدول ده استاذ شريف وعلاقته بالتدرج الى فوق

بص يا سيدي
اولا بلاش موضوع استاذ ديه خلي البساط احمدي
ثانيا الجدول اهه

الجدول ده بيحددلك قيمة لون اضاءة بعض المصادر في ظروف معينه وهو مختار حالتين الحاله الاولى مكان داخلي وجو ومعامل تصحيح الوان اضاءه المكان بقيمة 3200 كلفن ومكان خارجي حيكون لونه ايه بمعامل تصحيح اضاءه قيمتها 5500 كلفن
وهنا ده الكلام اللي احنا لسه قايلينه عن ان لون الاضاءه الشمس بيبقى مجموعه من العناصر متاثره ببعضها
فهو يا صاحبي حاططلك مجموعه من مصادر الاضاءه بدءا بلون لهب عود الثقاب وبيقولك ان عادة درجة اضاءته بتتراوح من 1700 الى 1800 كلفن
خليني هنا بقى احطلك تدريج لوني بدرجاته الاول
اترك تعليق:
ShrifAzmy رد

16 / 09 / 2010, 05:55 AM
على فكرة يا جماعه انا جتني لفته كريمه من الاخ الفاضل محمد قشطه بخصوص الورشه
هو كان بيعلق على ان التطبيق العملي اهم من النظري
وخاصة لو تطبيق في حالات معقده ومشاهد اكبر من موضوع البوكسات
وانا شخصيا معاه في الموضوع ده
لكن لان احنا اتناولنا موضوع وعايزين نفنده صح
فانا راي بصراحه اننا نقتل كل جوانبه تماما
عشان فعلا انا عاوز اعمل تغطيه عملية بحالات معقده
فالكلام ده حيفيد اوي بعدين
يا جماعه احنا عاوزين نتعامل مع الامور بعقولنا مش يذاكرتنا
لو اتناولنا الموضوع على انها مفهوم وفكرة منطقيه مبنيه على اساس علمي ما فيش مشهد حيقابلنا مش حنعرف ننوره
اما موضوع اننا نعتمد على شوية اعدادات نلزقها مع كل مشهد
ويا صابت يا خابت
ونعد نعيد ونزيد في تيستات الريندر علشان يظبط
عمرنا ما حننور
فيا ريت بس الناس تستحمل معايا للاخر وتساعدني فعلا باللي عندها لاننا محتاجين نتعاون مع بعض
ما فيش مجال محتاج تعاون اكتر من مجالنا ده
وربنا يعينا جميعا
اترك تعليق:
ShrifAzmy رد

16 / 09 / 2010, 05:39 AM
المشاركة الأصلية بواسطة elmansy مشاهدة المشاركة

حلو اوى كده بس انا مش فاهم التدرج الى من 0 ل 1000 ده ايه علاقته بالكلفن علما بأن قيم الكلفن فى الصوره الى تحت معديه الألف ممكن توضيح اكتر استاذ شريف

انا اسف اللبس ده سببه انا من خلال سهو في الكتابه
هو القياس لحرارة اللون بيكون بوحده اسمها الميرد Mired
وهي اللي التدريج بتاعها تحت مدرج الالوان اللي فوق
والميرد ده بيساوي مقسوم مليون على كلفن اللون نفسه
يبقى الكلفن للاضاءه والميرد للون نفسه
وحيث ان احنا هنا موضوعنا هو الاضاءه فانسى موضوع الميرد ده خالص
وخليك مع الكلفن خاصة
ان اوتوديسك مبشيشه الدنيا في الماكس وما دخلتناش في قصة القسمه والضرب دي
ومخلينا نحدد لون الاضاءه بالكلفن مباشرة
اترك تعليق:
elmansy رد

15 / 09 / 2010, 07:27 PM
http://www.3drender.com/glossary/colortemp.jpg
ممكن شرح للجدول ده استاذ شريف وعلاقته بالتدرج الى فوق
اترك تعليق:
elmansy رد

15 / 09 / 2010, 07:17 PM
حلو اوى كده بس انا مش فاهم التدرج الى من 0 ل 1000 ده ايه علاقته بالكلفن علما بأن قيم الكلفن فى الصوره الى تحت معديه الألف ممكن توضيح اكتر استاذ شريف
اترك تعليق:
toxic15987 رد

15 / 09 / 2010, 05:30 AM
موضوع مميز جدا ومجهود تشكر عليه
شكراً لك
اترك تعليق:
ShrifAzmy رد

15 / 09 / 2010, 04:20 AM
لاحظ معايا صورة الافق ديه

خاي بالك من التدرج اللوني الموجود في السما
دا بيعبر ومطبوع في ذهن الناس كلها بتوقيت الغروب
بمعنى ان المصور لو ادى ظهره للشمس وصور المباني اللي قدامه
حتلاقي الصوره طبعا مصبوغه بالوان التدريج اللي قدامك
واول ما حتشوفها حتقول على طول
الصوره ديه وقت الغروب
الكلام ده اسمه جو الصوره الالوان والاضاءه بتديك ايحاء بالمكان قبل ما تشوف تفاصيله

الصور ديع بردوا وقت الشروق

واخد بالك من الالوان ودرجة الاضاءه في المكان
طيب نشوف بقى احنا ممكن نحقق الكلام ده ازاي في الماكس
اترك تعليق:
ShrifAzmy رد

15 / 09 / 2010, 04:03 AM
الحراره اللونيه color temperature
الكلام ده بنمثله في الاعمال الفنيه اعتمادا على حاجه اسمها الحراره اللونيه color temperature وهو زي ما تقول كده ترجمه لدرجة الحراره بالوان
شوف مثل الصورة ديه

لو خدت بالك في ارقام مكتوبه عند كل تون دي اشاره لدرجة الحراره اللي بيمثلها اللون ده
طبعا الارقام دي بالكلفن
ونحطها قاعده قدام عنينا ونحاول ماننسهاش لاننا حنحتاجه قدام
الالوان حرارتها بتقاس بالكلفن
الصوره دي بقى

لو خدت بالك لون الاضاءه على الجدار ورا المصابيح مختلف ودا ارتباطا بدرجة حرارة الاضاءه اللي خارجه من المصباح ومكتوب جنب كل مصباح درجة الحراره وقيمة الجهد الكهربائي
اترك تعليق:
ShrifAzmy رد

15 / 09 / 2010, 02:51 AM
نكمل كلامنا
طبعا انا كنت حابب يكون في مشاركه اكتر من الناس عشان حتى يكون في اكتر من اسلوب قدامنا عن تمثيل الاضاءه الخارجيه لكن ربما بعد ما نتكلم عن موضوع اضاءة الافق الناس تبدء تشاركنا خبراتها
المهم نكمل احنا
اضاءة القيه السماويه
اضاءة الشمس في الواقع عباره عن ايه
اولا اللون عباره عن خليط من نور الشمس والاضاءه العامه اللي جيه من السما وقدر قليل جدا من الكولور بليدينج اللي حاصل نتيجة الانديركت لمينيشن او الاضاءه الغير مباشره
طيب احنا اتكلمنا عن تمثيل اضاءة الشمس بشكل مبسط وقلنا انه حيكتمل موضوعه مع كلامنا عن القبه السماويه
اضاءة الشم لما بتيجي من الفضاء وهي بتمر خلال طبقات الافق بيحصل لها نوع من التشتت في طبقات الجو والسحب ودا بيخلي السماء بتشع اضاءه نوعا ما
وحسب حالة صفاء الجو والتوقيت والمناخ بيكون شكل الاضاءه
يعني اضاءة السما الصافيه بتكون اقرب للزرقه
السماء الملبده بالغيوم بتقترب من درجات الرمادي
اضاءة السما المبكره بتكون باهته وافرب للون الابيض
اما وقت الغروب بتكون الاضاءه نوعا محمره
وقت الظهيره مابين الصفره والبرتقالي
الاجواء البارده بتكون السما لونها اقرب للالوان البارده ازرقات وحاجات من دي
الاجواء الحاره بتكون السما لونها احمر وحاجات من دي
اترك تعليق:
ShrifAzmy رد

13 / 09 / 2010, 08:23 AM
تمام انت كده
عشره على العشره
بس في شوية ملاحيظ سفروته
1- موضوع تنعيم الظل موضوع مهم جدا لتشخيص اضاءة الشمس واللي هي عادة تاني اضاءه بتحطها في المشهد بتاعك
فما ينفعش طيعا نستعجل
2- الشمس مصدر اضاءه متساوية التوزيع - ودي نقطه مهمه بتخلينا دايما ما نفكرش في الاسبوت لايت لتمثيل الاضاءه -
وعليه يبقى ما ينفعش يكون في اماكن شديدة الاضاءه واخرى لا يعني المنطقه الساطعه في وسط الريندر بتاعك بتقول ان الاضاءه صناعيه وقريبه من السين فراجع الانتينسيتي بتاعت اللايت والغي واحد من الاتنين وخلي بدل منه مثلا اومني لايت وفعل خاصية امبينت من منطقة Advanced effects
3- بدل ما تستخدم اتنين دايركشن لايت وتبهدل الجهاز معاك في الحسابات خليه واحد وفعل خاصية الاوفر شوت من Directional parameters حتلاقي ان الاضاءه بتسرح بره حدود الـ Cone خاصة ان احنا مش محتاجين موضوع الانديركت ليمينشن دلوقت
طبعا احنا المفروض نتكلم على موضوع لون الشمس بس انا مأجله عشان نتكلم في مع اضاءة القبه السماويه
اترك تعليق:
elmansy رد

13 / 09 / 2010, 08:02 AM
طبعا الظلال كان ممكن تبقى انعم من كده بكتير بس ده بسبب انى استعجلت فى اخراج المشهد لانه مشهد بسيط زى ما قلت
اترك تعليق:
elmansy رد

13 / 09 / 2010, 08:00 AM
اتفضل كمل يا استاذ شريف انا متابع معاك
اترك تعليق:
elmansy رد

13 / 09 / 2010, 07:58 AM
بالنسبه للاعدادات دول 2 دايركشنال لايت
واحد سن لايت والتانى دايركشنال لايت عادى عشان أظبط الشادو بيه وكمان احاكى بيه الأضائه الغير مباشره رغم تفعيل خاصيه الأندايركت الومنيشن بس كده المشهد بسيط ومش محتاج تعقيد خالص
اترك تعليق:

السابق 1 10 15 16 17 18 19 20 21 22 23 24 template التالي

يعمل...

X