-
نرجع بقى لمسارنا الطبيعي في الورشه
ومعلهش لطول فترة التوقف السابقه
بس ده كان ضروري للتجهيز للجزئيه اللي جايه من الورشه
اللي هي جزئية الشادينج والماتيريال
shading & materials
طبعا الجزئيه ديه مهمه جدا لانها عنصر مكمل بالنسبه للاضاءه بتاعتنا
بشكل مبسط
من الممكن ان كل اضاءات المشهد بتاعنا صحيحه
كل الاعدادات دقيقه
لكن بسبب مشاكل في الماتيريال
او انها غير واقعيه
او غير متناسبه مع جو الاضاءه
نخسر المشهد
وممكن تكون اعدادات الريندر كويسه
ومش عاليه
وبعض المشاكل في الماتيريال واعدادتها
تخليك تستنى سنه جنب الجهاز على م الريندر يشرف
وهكذا
لذلك من الضروري نستوعب النقطه ديه علشان ندعم الاخراج بتاعنااترك تعليق:
-
من الصورة حتلاحظ ان العتامه انتهت لكن بقى في بهتان شوية في التيكشر
والوانه بقيت اقرب للاوان الفاتحه من الاخر فقد الكونتراست بتاعه
لو بتستخدم المنتل راي استخدم ماب Gamma & Gain وحط التيكشر بتاعك فيها
ولو التيكشر كان مجرد كولر عادي يبقى استخدم RGB Multiply وبعدين حطها في ماب الجاما جين
حتلاقي ان الالوان رجعت بوضوح اقوى واكتر من لو كنت مابتستخدمش الجاما
النقطه المهمه ودي مش من الدرس دي من عندي انك لو بتحفظ الريندر بتاعك اي فلات فايل ((( JPG, PNG, ...... )))) يبقى مالوش لازمه موضوع الجاما لانك مش حتعرف تستفيد بيه من الاخر الصورة حتتطلع اعتم
لكن الحل الافضل ان تحفظ باي امتداد بيحفظ داتا الكولرز زي الـ EXR لانك بكل بساطه تقدر تاخدها على الفوتو شوب او الافتر ايفيكت وتعدل قيمة الكسبوجر والجاين هناك وتطلع الصورة التمام وتحفظها زي الفل باي صيغه انت عايزهااترك تعليق:
-
لما حتفعل الجاما وعادة القيمة الافضل اللي بتتناسب مع كل الشاشات بتكون 2.2 حتلاقي نتيجة الريندر كالتالي
اترك تعليق:
-
لكن كل الحلول دي غير عمليه وغير فعاله لذلك دايما بتقدم مشاكل زياده
السبب المباشر في عتامة الصوره هو ان معامل الجاما في الصورة مختلف عن معامل جاما الشاشه
((((( ودا السبب دايما اللي بيخليك لما تنقل صورة من شاشه لشاه تحس باختلاف الالوان عل الرغم ان سيتينج الشاشتين زي بعض
)))))
بص كده على الصور ديه
مع قيمة 1 الجاما بتلاقي الالوان اقرب للاسود منها للابيض والالوان الفاتحه اقرب للرماديات منها للابيض
وتحس ان تدريج الالوان بيجري بسرعة من الابيض للاسود
مع القيمه 2.2 في الجاما الالوان منورة وفي تدريج كامل من الابيض للاسود
وهو ديه الفايده الاولى من تفعيل الجامااترك تعليق:
-
وناس تانيه تفكر في اضاءة زياده للمشهد وتخفيها من الريندر لكن النتيجه بتكون انك صحيح بتضيء المشهد وتقضي على العتامه لكنك بتفقد الدقة الفيزيائيه للاضاءه والريندر ويكون عندك مشهد غير منطقي زي ده
اترك تعليق:
-
طبعا في ناس بتفكر مباشرة في زيادة قوة الاضاءه وترفع الـMultiplyer لكن النتيجه بتكون ان الصورة بتلسع منك وبتضيع اجزاء من الصورة في بقع الاضاءه العاليه كالتالي
اترك تعليق:
-
Zoomcroom بالنسبه للموضوع اللي انت حاطط الرابط ليه عن الجاما فهو بيتكلم عن استخدام الجاما ونفس ما شرحناه تقريبا لكن هو يزيد عننا انه صوره التوضيحيه اقوى فعلا
لذلك حبيت اني انقلها هنا مع شوية اضافات للجزئيه لعلها تفيد الناس
هو في البدايه طبعا بيشرح الفرق بين استخدام الجاما وعدمه وحاطط صور كالتالي
الاولى دي في حالة عدم تفعيل الجاما فنجد ان الصورة عندنا مليانه ظلال والعتامه مسيطره عليها ومافيش رنج كبير في تدريج الوان
اترك تعليق:
-
اشكرك يا ابو علي ونورت المنابرالمشاركة الأصلية بواسطة aboooooali مشاهدة المشاركةاترك تعليق:
-
اشكرك يابحر الحياه وبالتوفيق للجميعالمشاركة الأصلية بواسطة بحر الحياه مشاهدة المشاركةاترك تعليق:
-
zoomcroom اشكرك لكلامك الحلو ويارب اكون قدرت افيد الناسالمشاركة الأصلية بواسطة zoomcroom مشاهدة المشاركةالسلام عليكم
ما شاء الله .. شرح على مستوى ... جامد جدا ..
أنا بدأت أتابع الشرح من يومين .. ومن جمال الشرح قريت الـ 16 صفحة بتوع الموضوع رد رد
رغم إنى متجه نحو الـ v ray فى الوقت الحالى.. إلا إنى فعلا شرحك أفادنى بالفعل
ومش بعيد ما أخلص الـ v ray .. أرجع تانى للـ mental ray
واللى مخلينى بستفيد أكتر كمان .. إنى من النوع اللى بيحب قراءة الشرح .. أكتر من سماعه
ياريت تستكمل الشرح بنفس الهمة .. وربنا يجازيك عننا كل خير ..
-------------
بالنسبة للموضوع اللى مقدرتش استوعبه كويس فى نقطتين :
أولا: موضوع الجاما .. ولما حاولت أدور لقيت اللينك دا .. حاسس انه مفيد وحاولت أترجمه مع جوجل
(بس لقيت جوجل بيشتغلنى و أنا مليش فى الإنجليزي)
فلو تكرمت ممكن حضرتك لو لقيت فيه إضافة مهمة تشرحها ..
http://renderstuff.com/using-gamma-2-2-cg-tutorial/
ثانيا: موضوع الـ Ambient occlusion .. ودا أنا فهمت وظيفته ..
ومع ذلك مقدرتش اترجمه لمصطلح باللغة العربية.. فأنا بسئل الكلمة نفسها معناها إيه؟
وبإذن الله متابع معاك
بالنسبه لنقطه ان الورشه منتال راي وانت متجه للفي راي فماتقلقش ابدا من الناحيه دي 90 % من الكلام اللي في الورشه هنا
مرتبط باي ريندر انجين عموما
اللهم الا شوية اختلافات في المصطلحات واماكن البايلز والازرار
بخصوص الموضوع اللي في الرابط حاضر حقتبس منه حالا بعد الردود
اما الـ Ambient occlusion فالترجمه الحرفيه هي الاستخلاص المحيطي وهي زي ما انت شايف كده
معناها بلح
ههههههههه
لكن المعنى الضمني وده اللي يهمنا دايما هو الظلال المحيطيه التي تظهر حدود وابعاد الاجسام وتفاصيلهااترك تعليق:
-
السلام عليكم جزاكم الله كل خير ماشاء الله ورشة مهمه لكل متخصص او مهتم بالماكس بالتوفيق ومتابع معاك ان شاء اللهاترك تعليق:
-
السلام عليكم
بجد الف شكر لحضرتك انا من زمان نفسى اتعلم الاضاءة بتقنياتها
وشرحك أكثر من رائع جزاك الله خيرا وان شاء الله هطبق على الشرح
وانزل التطبيقاترك تعليق:
-
السلام عليكم
ما شاء الله .. شرح على مستوى ... جامد جدا ..
أنا بدأت أتابع الشرح من يومين .. ومن جمال الشرح قريت الـ 16 صفحة بتوع الموضوع رد رد
رغم إنى متجه نحو الـ v ray فى الوقت الحالى.. إلا إنى فعلا شرحك أفادنى بالفعل
ومش بعيد ما أخلص الـ v ray .. أرجع تانى للـ mental ray
واللى مخلينى بستفيد أكتر كمان .. إنى من النوع اللى بيحب قراءة الشرح .. أكتر من سماعه
ياريت تستكمل الشرح بنفس الهمة .. وربنا يجازيك عننا كل خير ..
-------------
بالنسبة للموضوع اللى مقدرتش استوعبه كويس فى نقطتين :
أولا: موضوع الجاما .. ولما حاولت أدور لقيت اللينك دا .. حاسس انه مفيد وحاولت أترجمه مع جوجل
(بس لقيت جوجل بيشتغلنى و أنا مليش فى الإنجليزي)
فلو تكرمت ممكن حضرتك لو لقيت فيه إضافة مهمة تشرحها ..
http://renderstuff.com/using-gamma-2-2-cg-tutorial/
ثانيا: موضوع الـ Ambient occlusion .. ودا أنا فهمت وظيفته ..
ومع ذلك مقدرتش اترجمه لمصطلح باللغة العربية.. فأنا بسئل الكلمة نفسها معناها إيه؟
وبإذن الله متابع معاكاترك تعليق:
-
ان شاء الله الورشه مستمرة باذن الله
لكن انا بس بحضر للجزئية اللي جايه لاهميتها الكبيرهاترك تعليق:
اترك تعليق: