مش فاهم اىحاجة

الشادرز عموما حتلاقيها موجوده عندك باكتر من صورة
وبشكل غير حصري ممكن اننا نقسمهم للمجاميع التاليه
- شادرز معالجه عامة للماتيريالز زي ( الفونج phong والبوليين Bulinn ......)
- شادرز منتل راي ودي عادة بتتكفل بمعالجة خاصية محدده من خواص الماتيريالز
- شادرز ميتا اس ال ودي ممكن نحصرها في عمليات تحويل من قيم لونيه مثلا لقيم حراريه او رقميه وهكذا
طبعا ممكن نقسم للصبح لكن في الجزئيه اللي جيه حنتكلم على الاساسيات من الشادرز والاكثر شيوعا
ونشوف ازاي ممكن نتعامل معاهم لتحقيق احسن نتايج

اختيار الشادر المناسب حيساعدك في انك تقدر تحقق تاثير الخامه اللي انت عايزها
اختيار الشادر المناسب حيساعدك في عدم تتضيع وقت في حسابات بلا طائل او حتى وقت ممكن توفره
اختيار الشادر المناسب بغنيك عن مشاكل الارتيفكات والطرقعات نتيجة مخاطبه خاطئه مع دريفر الشاشه بتاعك
اختيار الشادر المناسب حيساعدك تحقق اكبر استفاده ممكنه من امكانيات جهازك
وهي دي الاهداف الاساسيه لعملية الشادينج واللايتينج

اما بقى طريقة حساب الاختلافين السابقين فدي بقى الشادر
الشادر بشكل مبسط هو برنامج حسابي صغير مهمته اجراء مجموعه من الحسابات وتنفيذ مجموعه من المعادلات الفيزيائيه لتحديد شكل البيكسل في الريندر ايه وعادة بيتكون الشادر من مجموعة برامج صغيره جواه مهمتها تحسب مواصفات وابعاد وشكل الثري دي مودل قبل ماتبدء عملية حساب شكله البرامج الصغيره دي بتسمى (stages)
من اكثر ال(stages) شيوعا
Vertex shader وده مهمته حساب موضع الرؤس بتاعت الموديل بشكل مفرود مسطح
Geometry shader وده مهمته حساب الابعاد الهندسيه للمجسم والتغيرات اللي حتطرء عليها بعد الريندر
Pixel shader وده احيانا بيسموه شيدر التفتيت لانه بيقوم بتقسيم المجسم لبيكسلات صغيره وحساب شكل كل بيكسل في الريندر النهائي
كل شادر بيبقى مكتوب بلغه برمجية ما مهمتها التخاطب مع كارت الشاشه ونقل البيانات ليه علشان يبدء يرسمها في صورة بيكسلات
اللغات دي بتتفاوت في سرعة النقل والحساب حسب تعقيد كل شادر
منها على سبيل المثال لا الحصر ((( لو حد حابب انه يتبحر فيها ويكتب الشادرز الخاص بيه )))
GLSL وديه بتستخدم مع كروت الاوبن جي ال Open GL
HLSL وديه للتخاطب مع دريفرات الدايركت اكس
CgFX وديه لكروت الانفيديا
MetaSL وديه مستخدمه بواسطه المنتل راي وفي الماتيريالز عندك بدء من ماكس 2011 مجموعه من المابات اللي بتعتمد على الحساب بالشادر ده كتيييييييير اوي
RSL ودي لغة البرمجه في الريندر مان
الجزئيه دي ممكن تكون متخصصه اوي ومعقده شويه لكنها مهمه جدا اننا نفهمها واحنا بنبي الخامات بتاعتنا
ليه ؟؟؟؟

الصفات اللي بتتاثر بالاختلافين السابقين دول هما عناصر الخامه
اللي احنا بنكريتها جو الثري دي بروجرام وبنسميها ماتيريال
ولو فتحنا كذا نوع من الماتيريالز في الماكس
حنلاحظ اول حاجه
انهم تقريبا متقاربين في الصفات دي
وكلهم موجودين في البعض
وناقصين شويه في البعض
متكرر منهم شويه في البعض
منهم الموجود لكن متزود شوية وسائل تحكم اكتر في كل خاصيه
وهكذا
يعني من الاخر اللعب على الخصائص ديه
(((( وفي بعض الماتيريالات الموجوده اللي هي مش خامه))))
بمعنى انها مش خامه للريندر وبتظهر في الصورة النهائيه
لكنها مجرد ماسك للكميرا مجمع لماتيريالات
وهكذا
وبالتالي فاننا نقدر نقول ان الماتيريال هي مجرد تيم لشوية خصائص فيزيائيه نقدر نلخصهم في :
- الانعكاس
- الانكسار
- الملمس
- المظهر

والزياده حاصل ضرب هذا في ذاك وتفاعل ده مع دكهوه
..وهكذا
يبقى مفتاح الماتيريالز هما الاربعه دول

الاختلاف التاني بيتعلق بطريقة تعاملها للضوء
المجموعة التالته منفذه للضوء مع تشتيته
في حين ان المجموعه الرابعه بتعكسه
في خامات زي المجموعه التاسعه بتولد ضوء بنفسها
وفي خامات زي المجموعه الاولى هي بتمرر الضوء من خلالها من غير تشتيت ولكن بتغير اتجاهه
في خامات لا تشتت الضوء ولكن تزيد تركيزه
الاختلاف ده بيظهر عندنا في خامات الثري دي من خلال
بقعة الانعكاس Reflection glossy
بقعة الانكسار Refraction glossy
بقع السطوع specular glossy
الوهج Self Illumination
التشتت Caustics
السطوع Specular
التغلغل sub-scatring

بالنسبه للمجاميع اللي في الصور فهي بتعبر عن مجموعه مختلفه ومتباينه من الماتيريالز
الاختلافات بينهم نقدر نقسمهم لنقطتين جوهريتين
النقطه الاولى هي الظواهر الحسيه .... بمعنى انها خامات تختلفات مع بعضها في احساسنا المادي بيها
المجموعه الاولى عباره عن موائع سوايل وهلام من الصعب الامساك بيها ولو مسكتها طبيعة المجسم بتتغير
المجموعه التانيه صخور واجسام صلبه بالتالي هي ممكن لمسها والامساك بها مش حيغير شكل المجسم
اختلاف طبيعة الخامه وشكلها وملمسها ده بيظهر عندنا في ماتيريالات الثري دي عموما من خلال
اللون الاصيل Diffuse
الانعكاس Reflection
الانكسار Refraction
الخشونه Roughness
الملمس Bump
الشفافيه Transparency
النفاذيه Translucency
اللمعان Glossiness
كل ديه عوامل مرتبطه بطبيعة الخامه نفسها وطبيعتها (((( والنقطه ديه مهمه جدا جدا ))))
وده حيوضح بعد شويه

طب سؤال هل final gather هو المسئول عن توزيع points فى المشهد ؟؟ و على اى اساس يتم توزيعها و عند توزيعها يتم سقوط تلك الاشعة عليها ؟
و معرفةMax Num Fg point و weight

أنا حاولت أطبق اللى فهمته من شرحك أثناء تحليل كل مجموعة
ويارب أكون فهمت صح..

المجموعة الأولى ..
فيها سوائل شفافة .. يعنى أكيد فيها إنكسار (وأكيد الإنكسار له معامل)
فيه برده انعكاس نتج عنه لمعان وبريق فى بعض الأماكن

المجموعة التانية ..
فيها صخور .. يعنى مواد معتمه مبتسمحش بمرور الضوء وبالتالى مفيش انكسار
وكمان معكستش الضوء .. يعنى امتصت الضوء بنسبة اكبر من انعكاسة او انكساره
ربما في الصخور بعض النتوء ودي هتحتاج خرائط بامب

المجموعة التالتة..
الثلج والألماس .. سمحوا بإختارق الضوء .. يعنى جسم شفاف وهيحصل إنكسار
بالإضافة لتجميع وتركيز الضوء في بؤرة معينه اللى هو من خلال Cuastics
وكمان حصل فيه حيود و إنعكاسات لبعض آشعة الضوء

المجموعة الرابعة ..
المعدن.. أجسام مصمته .. مبتسمحش بنفاذ الضوء .. ودا معناه مفيش انكسار
لكنه بيعكس الضوء مع وجود لمعان خفيف

المجموعة الخامسة ..
الزجاج.. أجسام شفافة .. ودا دليل على وجود إنكسار له معامل خاص بالزجاج
فيه برده انعكاس نتج عنه لمعان وبريق فى بعض الأماكن

المجموعة السادسة..
القماش.. أجسام مصمته أو معتمه مبتسمحش بمرور الضوء وبالتالى مفيش انكسار
وكمان معكستش الضوء .. يعنى امتصت الضوء بنسبة اكبر من انعكاسة او انكساره
ربما في الصخور بعض النتوء ودي هتحتاج خرائط بامب
وبيفكرنى بخامة الصخور ما عدا نوع واحد من القماش اللى هو فيه لمعان شوية

المجموعة السابعة..
الجلود ..وأوراق الشجر
هي أعتقد أجسام نص شفافة .. بتسمح بنفاذ الضوء وإنتشاره تحت الجلد.. بدون ما يكون فيه انكسار
ممكن يكون فيه انعكاس بسيط

المجموعة الثامنة ..
مش عارف

المجموعة التاسعة ..
ربما تدرج ألوان الخامة هو المقصود !!!

علشان موضوع اغلاق الميجا ابلود
وضياع الملفات بتاعت التطبيق
فديه اللينكات بتاعت التطبيقات مرفوعه من جديد
ملف البئر
https://rapidshare.com/files/1649346895/Wheel.max

ملف الفيلا
https://rapidshare.com/files/1431226625/Villa.max

ملف حمام السباحه
https://rapidshare.com/files/231089188/05.max

كل واحد يراجع المجاميع اللي فاتت
ويحللها ويقول ملاحظاته عليها
حتى لو على مجموعه واحده
(((( ومعلهش لوكانت كتتيييييييييير بس حاولت الم اكبر قدر من الماتيريالز ))))
وبعدين نكمل كلامنا ومناقشتنا

المجموعه التاسعه

المجموعه الثامنه

المجموعه السابعه