تويت
للمصريين (20) نصيحة قبل السفر للسعودية للعمل
أعزائى المصريين المزمع قدومهم للسعوديه حديثاً .. عايز ألفت نظركم لبعض الأمور عشان إذا جيت ما تتفاجئش:
.
إذا سألت حد على عنوان يستحسن ما تسالش غير العرب بس .. الهندى إما مش ها تفهم وصفه .. أو ها يقولك ما أعرفش قبل ما تكمل سؤالك أو يجاوبك غلط .. وبالمرة (سيدا) يعنى امشى على طول.
.
حاول تتأقلم بسرعة مع الكبسة لو عايز تتطول هنا .. إبدأ بالدجاج المشوى على الفحم مع الرز .. ها تحبه .. ستتفاجىء بكمية الرز للنفر الواحد .. لا يوجد أقل من نفر لذا وفر على نفسك الجدال .. يمكنك تقليل كمية الرز مع التأكيد على التزامك بدفع القيمة السعرية كاملة.
.
الناس هنا رااااايقة وبااااالها طويل .. بإستثناء أمرين .. الأول : السواقه ففى الطريق على طول هما مستعجلين .. والثانى : فى المطاعم فحاول تطلب بسرعه عشان اللى واقف وراك.
.
هنا فىه إحترام للدور .. وفيه انتظار وطوابير فى كل حتة وغالبا بالأرقام .. وما تستغربش انك تلاقى طابور فى مطعم بروست .. بالمناسبة البروست حاجه زى كنتاكى ومنتشر هنا بشكل عجيب.
.
واحد من كل عشرة آلاف هوا اللى ما بيربيش كرش فى السعوديه .. وأستبعد بصراحة إنك تكون الواحد ده
.
أى مخالفة هنا ممكن تترحل بسببها .. والمصريين فى عمومهم هنا عرف عنهم الالتزام بالقانون والبعد عن المشاكل .. فبلاش يكون ليك دور فى تغيير ده بالله عليك.
.
إذا كنت من القاهرة أو الأسكندرية ها تشعر بغربة كبيرة هنا .. تقريبا السعودية محتلة من قبل محافظات الدلتا المصرية.
.
أى مشكلة مهما كانت بينك وبين واحدة ست فإنت الغلطان .. وكذلك مع كبير السن.
.
السيارات هنا تتوقف بشكل مفاجىء لعبور اى سيدة أو أطفال أو كبار السن أو ناس خارجه من صلاة الجمعه .. لو لم تكن تنتمى لتلك الشرائح فيفضل أن تلفظ الشهادتين قبل عبورك الطريق.
.
حاول تفادى التعامل مع المراهقين السعوديين فى أى مكان .. صديق سعودى مرة قاللى بينى وبينه إن سن المراهقة يصل للثلاثين أحيانا كثيرة جدا.
.
مدارس الاعدادى والثانوى الحكومية للذكور نار .. لا تلعب بيها ولا تلعب معاها .. بس لو عندك بنات دخلهم حكومى وانت مطمئن .. تعليم البنات الحكومى هنا متميز.
.
لو حصل وعملت حادثه .. اوعى تحرك عربيتك لحد ما تيجى الشرطة او شركة التامين .. اقفل العربية وخد مفتاحها عشان احيانا ممكن اللى خبطك يكون حرامى عربيات .. مفيش حد بيتخانق هنا ولا بيعلى صوته بسبب حادثه .. انزل مبتسما وسلم على اللى صدم عربيتك .. وروحوا سوا هاتوا سندوتشات لحين وصول الشرطة.
.
أى حد غير سعودى بيبقى أجنبى .. فهم ولادك بالذات النقطة دى .. عشان فى مصر الاجانب مقصود بيهم الاوروبيين والامريكان بس.
.
فيه نكتة بتقول لو حصلت حادثه عربية مع سعودى .. الشرطة بتجيب الغلط على الاجنبى .. أما اذا كان الطرفين اجانب .. يبقى الغلط على المصرى .. دى غالبا مش نكته بالمناسبة
.
ما تمشيش ورا عربية سايقها هندى أو سودانى .. وما تمشيش قدام عربية سايقها باكستانى .. وما تسالنيش عن التفاصيل
أحسن مدن تعيش فيها فى السعودية بالترتيب : المدينة المنورة .. الجبيل الصناعية .. الخبر .. الدمام .. جدة .. الرياض .. ينبع الصناعية .. الإحساء .. حائل .. غير كده أنصحك تراجع قرارك بخصوص السفر.
.
لو حد شتمك ممكن تتصل بالشرطة .. والعجيب انهم ها يهتموا .. والاعجب انك ها تاخد حقك.
.
لو خايف على عربيتك بلاش تركن قدام بيت حد ما تعرفوش كويس.
.
أبوس ايدك بلاش تجيب أكل معاك من مصر .. هنا فى لحمه بتلو وفيه فسيخ وفيه رنجه وفيه جبنة رومى وفيه بسطرمة وفيه كرنب وفيه ورق عنب.
.
أنت مش عارف أنت بتكلم مين .. جملة لن تسمعها بالسعودية
واقع حتى لو مش عجبك - عمر حلمي
.
إذا سألت حد على عنوان يستحسن ما تسالش غير العرب بس .. الهندى إما مش ها تفهم وصفه .. أو ها يقولك ما أعرفش قبل ما تكمل سؤالك أو يجاوبك غلط .. وبالمرة (سيدا) يعنى امشى على طول.
.
حاول تتأقلم بسرعة مع الكبسة لو عايز تتطول هنا .. إبدأ بالدجاج المشوى على الفحم مع الرز .. ها تحبه .. ستتفاجىء بكمية الرز للنفر الواحد .. لا يوجد أقل من نفر لذا وفر على نفسك الجدال .. يمكنك تقليل كمية الرز مع التأكيد على التزامك بدفع القيمة السعرية كاملة.
.
الناس هنا رااااايقة وبااااالها طويل .. بإستثناء أمرين .. الأول : السواقه ففى الطريق على طول هما مستعجلين .. والثانى : فى المطاعم فحاول تطلب بسرعه عشان اللى واقف وراك.
.
هنا فىه إحترام للدور .. وفيه انتظار وطوابير فى كل حتة وغالبا بالأرقام .. وما تستغربش انك تلاقى طابور فى مطعم بروست .. بالمناسبة البروست حاجه زى كنتاكى ومنتشر هنا بشكل عجيب.
.
واحد من كل عشرة آلاف هوا اللى ما بيربيش كرش فى السعوديه .. وأستبعد بصراحة إنك تكون الواحد ده
.
أى مخالفة هنا ممكن تترحل بسببها .. والمصريين فى عمومهم هنا عرف عنهم الالتزام بالقانون والبعد عن المشاكل .. فبلاش يكون ليك دور فى تغيير ده بالله عليك.
.
إذا كنت من القاهرة أو الأسكندرية ها تشعر بغربة كبيرة هنا .. تقريبا السعودية محتلة من قبل محافظات الدلتا المصرية.
.
أى مشكلة مهما كانت بينك وبين واحدة ست فإنت الغلطان .. وكذلك مع كبير السن.
.
السيارات هنا تتوقف بشكل مفاجىء لعبور اى سيدة أو أطفال أو كبار السن أو ناس خارجه من صلاة الجمعه .. لو لم تكن تنتمى لتلك الشرائح فيفضل أن تلفظ الشهادتين قبل عبورك الطريق.
.
حاول تفادى التعامل مع المراهقين السعوديين فى أى مكان .. صديق سعودى مرة قاللى بينى وبينه إن سن المراهقة يصل للثلاثين أحيانا كثيرة جدا.
.
مدارس الاعدادى والثانوى الحكومية للذكور نار .. لا تلعب بيها ولا تلعب معاها .. بس لو عندك بنات دخلهم حكومى وانت مطمئن .. تعليم البنات الحكومى هنا متميز.
.
لو حصل وعملت حادثه .. اوعى تحرك عربيتك لحد ما تيجى الشرطة او شركة التامين .. اقفل العربية وخد مفتاحها عشان احيانا ممكن اللى خبطك يكون حرامى عربيات .. مفيش حد بيتخانق هنا ولا بيعلى صوته بسبب حادثه .. انزل مبتسما وسلم على اللى صدم عربيتك .. وروحوا سوا هاتوا سندوتشات لحين وصول الشرطة.
.
أى حد غير سعودى بيبقى أجنبى .. فهم ولادك بالذات النقطة دى .. عشان فى مصر الاجانب مقصود بيهم الاوروبيين والامريكان بس.
.
فيه نكتة بتقول لو حصلت حادثه عربية مع سعودى .. الشرطة بتجيب الغلط على الاجنبى .. أما اذا كان الطرفين اجانب .. يبقى الغلط على المصرى .. دى غالبا مش نكته بالمناسبة
.
ما تمشيش ورا عربية سايقها هندى أو سودانى .. وما تمشيش قدام عربية سايقها باكستانى .. وما تسالنيش عن التفاصيل
أحسن مدن تعيش فيها فى السعودية بالترتيب : المدينة المنورة .. الجبيل الصناعية .. الخبر .. الدمام .. جدة .. الرياض .. ينبع الصناعية .. الإحساء .. حائل .. غير كده أنصحك تراجع قرارك بخصوص السفر.
.
لو حد شتمك ممكن تتصل بالشرطة .. والعجيب انهم ها يهتموا .. والاعجب انك ها تاخد حقك.
.
لو خايف على عربيتك بلاش تركن قدام بيت حد ما تعرفوش كويس.
.
أبوس ايدك بلاش تجيب أكل معاك من مصر .. هنا فى لحمه بتلو وفيه فسيخ وفيه رنجه وفيه جبنة رومى وفيه بسطرمة وفيه كرنب وفيه ورق عنب.
.
أنت مش عارف أنت بتكلم مين .. جملة لن تسمعها بالسعودية
واقع حتى لو مش عجبك - عمر حلمي