هاذي تاني مره تحكيها , ملاحظ هالشي ؟ مع انو لو راجعت كل الكلام راح تلاقي انو كل واحد بيحكي عن واقع هوا عايشو انتا مش عايشو , فعلى اي اساس يتقول الكلام هاد !!!


مممم شكلك ماخد موقف مني , عموما هاي الكلمه هاضل ترن براسي لانو سوري حكاها بوجهي وكان مبسوط علي فرق العمله , الله يعطي ويعطينا جميعا , وبعدين مش غلط تحسن دخلك ولا شو رأيك .

معلوماتي وعن تجربه , انو لو جلس واحد عزابي هون , ولو وقف شجره ونبتت الو جذور ما راح يعطي اي حدا شي مفيد او معلومه مفيده ,ليش ! تسألش , هيا هيك , شو راح يستفيد من خدمتو الك , والناس هون مصالح ... وهذه النظره ما عمرها راح تتغير . وبديش اكتر حكي واضربلك مليون مثل , حابب تجرب تعال وشوف تجارب ملايين , بس احنا ما بندسق .. بنيجي حميانيين وبدنا نعمل ونسوي وبعد 1 سنه محاولات البطاريه بتطفي

ومين قلك انو هاي اسعر جديه , عزيزي سامر هاذه تجارب الاخوه , واحمد ربك انو انتا فسوريا الان بتسمع الكلام هاد على الجاهز المستريح , وما يكونلك فكره اخوك صاحب الموضوع بيمر بوضع طبيعي جدا متل اي واحد اجا هون , غيرك بيتشحتف لحتى يعرف سعر منيح , لهيك انا بردد وبقول اعمل الك سعر .

كلامك مردود عليك اسمحلي ,لانو في شي اسمو خدمات مقابل مصالح , وين اصرفهم هدول !!! السوق مش نظيف يا طاهر

نهايتو ... بالخبره والا بالدراسه .. حبيبي هاي مش رياضيات ولا فيزيكس , تمام ,انا مثال دارس جامعه برمجه ومعي كليه تصميم ومونتاج واخدت رخصه بالمزاوله للمهنه + دبلوم فنون جميله ومع هاد كلو بيجي واحد رندرو احسن من ابوي وبياخد الوظيفه وصاحبنا بالخبره , اقول انا عاد انظلمت ... هههههههههههههههه

طيب خود معلومات اوفرها عليك من الحين جست ان كيس وبدك تيجي هون , الاسأله فالمقابله :
1- الك خبره فالخليج وخاصه الامارات ؟
2- ان كان ونعم , ما هي الشركه ؟ وكم سنه عملت فيها ؟ وليش بدك تترك ؟ او ليش فصلوك من الوظيفه ؟
3- معك ليسنس ( رخصه سواقه ) ومن الامارات او دولي طبعا ؟
4- مهم ( تجيد اللغه الانجليزيه ) ؟
5- اعمالك ؟ او الديمو ؟
طبعا الكلام على شركه محترمه , غير هيك , شركه عاديه جدا يعني شغل ابو 4000 درهم راتب فالشهر , بس هات شغلك وتعال وخلص وبلا شهاده وبلا خرابيط ... ولاحظ انا ماذكرت الشهاده فوق !!! ( بلها واشرب ميتها )

طبعا عندك المعارف والواسطه , وبدناش نحكي فالموضوع لانو معروف .

فالاخر انا زهقت من الحكي وكلامي صار يتاخد وينفهم غلط , وانا الحق على اصلا ال حبيت اخدم واعطي صوره صريحه جدا عن الوضع هون . ال بدو يجي اهلا وسهلا هاي مش بلد ال خلفني , انا عابر سبيل وال بيسأل عن الاسعار اقولو توكل على الله ودبر حالك , خليك ازعر متل غيرك ..........

انا برا الموضوع هاد ..... دمتم بخير وصحه وعافيه والله يجوزكو 4 حريم يارب

بصراحه أنا أستغرب قد ماأسمعت عن الإمارات لكن تفاجأت من أسعاركم ....حقيقة
أسعار مضحكة في الإمارت تسوي إستراحه كاملة ب 500 درهم هههههههههههه
والثاني مسوي فله كاملة ب3000 جنية ومن برا ومن جوه
أنا شغال في المدينة المنورة راتبي 3000 ريال حاليا ولي نسبة 20% من قيمة التصميم
تصميم الفلة في الشركة التي أعمل بهامن 20 الف ريال إلى 30 الف ريال فقط تصميم داخلي
وينزل إلى 15 ألف ريال أحيانا حسب الزبون
هذا بدون تفاصيل فقط يستلم صور أربع صور لكل غرفه
مع التفاصيل والمقاسات يصل إلى 150 ألف ريال بدون مبالغه
فين عايشين إنتوا كيف تأكلوا وتشربوا أنته تعلم إنه تصميم الديكور الداخلي يريك فلتك قبل ماتبنيها
فهل هذا شئ بخيس بالنسبه للزبون هذا أنا أتكلم عن المدينة المنورة
جده يصل التصميم في شركة القمر 50 ألف ريال
170 ألف ريال مع المواصفات والمقاسات
الرياض شركة المسكن يصل التصميم 40 الف ريال
صراحه لم أكن راضي بما أجني ولكن بعد ماشفت
انا الآن مبسوووط والحمد لله صراحه إذا هاذي أسعاركم
إتجهوا للبليلة ترى فيها رزق كويس على الأقل إذا جعت تاكل منها
الله يوفقكم

اريد ان اقول للذين يقولون ما لا يعلمون انو الذي جودة شغلو منيحة في سوريا بالاضافة الى كونه مصمم (بالدراسة والخبرة مو بالخبرة بس) وكذلك في مصر وحتى في الهند لا يحتاج حتى ان يسافر لأي مكان .لا احد يفكر اني بها الكلام احط من شان احد .لاني شخصيا ً بصدد السفر
ولكن ليس السبب دائماً للسفر انو (الدرهم يساوي 13 ليرة سوري ) ولكن ربما فرصة لتحسين الدخل الذي قد يكون اصلا جيد ،ان البعض هنا بالغ في موضوعيته التي اعتبرها صراحة كل الذي سأله الرجل ما الأسعار ! من اجل ان يكون منطقياً .انا شخصيا حتى اخر لحظة لوجودي قبل السفر استفيد ماديا وباسعار تضاهي ما ذكرها البعض على انها اسعار جيدة.وهذا لا يعني بالضرورة ان كل الاسعار هنا في سورية جيدة (للذين يسألون)
ما اريد قوله ان السعر المنخفض مرتبط بالشخص نفسه وليس بفئة معينة.وهؤلاء الأشخاص اصحاب الأعمال الرخيصة لا يحسبون على الفنانين والمصممين .بل هم تقنيين وفقط تقنيين. احببت فقط ان اوضح نقطة غابت عن اقتصاديو هذا المنبر .

لا يا صاحبي لا ترمس ولا غيره ، يعني بدك تخلص من الزباين التعبانة ، بتلحقك الأمانة ، وبتاخد عرباية الترمس منك ، انسى بهدلة، انا مني و علي اقرفت من الزباين التعبانة والنصابة واللي بتبخس بالشغل ، انا حاليا بدي مصاري من الزباين ما يقدر 2000 دينار أردني ، يعني مبلغ مش قليل ، بتروح اطالب فيهم ، اللي بقلك معيش ، واللي بحكيلك ، انسى الخير باللي جاي ، واللي بحكيلك خلص اللي أخدته بكفيك ، وكله من ورا سياسة صاحب المكتب ......... عارفين ليش ؟ بحكيلي أنا ما بشتغل مشان المصاري ، أنا بشتغل مشان السمعة ، ( سمعة المكتب المحترمة هية اللي بتجيب الشغل ) وعلى هالموال ، لقيت كلامه بجيب زباين تعبانة نصابة بالأحرى
شفير تكسي أحسن على القليلة شميم هوا

ههههههه
افكار روعة
والضرب علينا شغال على ابو موزة هههههه
طبعاً موكل السوريين هيك
كل الناس ممكن تلاقي فيهم جيد وسيء
اخوك بالامارات وفيني اقوللك خلاصة تجربتي لأني عملت من سوريا فري لانس لشركات خارج سوريا

صحيح ان الهنود كثر ورواتبهم قليلة لكن مستواهم الفني متدني

ماتبحث عنه الشركات هو الجودة (الكواليتي) وليس السعر

طبعاً اذا استطاعوا انوا يلطشوك مابيقصروا ولو فيهم مايدفعولك كمان مابيقصروا

انا شخصياً بعرض تصاميمي على لابتوبي الخاص ومابعطيهم ولا حتى صورة مشوهة عن التصميم لاسباب كثيرة لايمكن الآن ذكرها

هن ابياخذوا على كل مشروع 5 أو 10 ملايين درهم

احياناً مكتب صغير بيكلف 5 ملايين درهم اجرة ديكور فقط و 750 ألف درهم اجرة التصميم الهندسي فقط

فمو كثير صعب انو يدفعوا مبلغ كبير اذا كان شغلك احسن بكثير من شغل التيم الموجود عندهم

فاذا استطعت تنتج اعمال قوية جداً وخارقة في مجالك ممكن تلاقي شركات تدفعلك مبالغ كبيرة

لاتقرب على دول الخليج مادمت داخل سوريا

اعمل لحالك موقع انترنت مرتب وظبط شغلك عليه
وراسل الشركات الاوروبية والكندية
إلما تظبطلها شي شركة اذا كان شغلك مرتب
والاسعار يمكن الشباب فادوك فيها

أخوك معروف
بتمنالك التوفيق

سلام

السلام عليكم بصراحة يا اخوان انا شايف ان هذا المجال ملالالالالالالالان يعني مثلا انا راح اتعلم بعد سنة او سنتين بالكثير بجامهة gnomon طبعا الكل بعرفها عموما انا شايف ان الاكثر ربح بالعالم هو الفيديو جيمز ليش طيب اولا الكل بعرف شركة مايكروسوفت العريقة التي انتجت لعبة halo 3 على xbox 360 هل تعرفون كم ربحت خلال اسبوع واحد فقط !!؟؟؟ نعم 170 مليون دولار !!! وطبعا معروف الفيديو جيمز مربح جدا وايضا الافلام مثل المؤاثرات البصرية وتصميم فيلم 3d فكل ذلك مربح اليس هذا حلم

اول شي اذا انتا مش عارفهم احنا عارفينهم , تاني شي اخي الكريم انا مش فاكر متى حكيت عنك انو انتا مش محترف او ضعيف , مدام اخدت شغل ونفذتو وسلمتو فالامارات ! ما في ادنى شك انو شغلك حلو ... يعني لو كنت فهمت منى كلام غلط ياسيدي اسفين .وبنضل حبايب

تاني شي لما ذكرت كلامي عن اي جنسيه وطريقه تخريب السوق , والله العظيم وهاد يمين اتحاسب عليه انو هاي ال كل يوم بشوفو فالسوق واذا مش عارفني او مافي حدا عارفني فالقسم هون , طبعا لانو انا محسوب على قسم الفوتوشوب , اخي انا الي فالامارات 5 سنين شغل للان منهم 2 دعايه واعلان والباقي للان مدير معرض لتزويد السيارات وبرودكت مودلينج في اي شي راح يتصنع او حتى ينزل على الدعايه ك 3d وكنت ذكرت انا مش تخصصي بالديكور .

المهم عزيزي انا شفت كل الناس وكيف تعاملهم وشو اسعارهم وصدقني ما دخلت الموضوع وذكرت شي الا عن ثقه
ومبدء انو السوري بتوفي معو ولا لأ , معلش اسمحلي مش مشكلتي هادي مشكلت السوري وهادا كلامهم هما نفسهم , ليش لانو الي صحاب سوريين , وفنس الوقت في منهم بياخد رواتب عاليه جدا . الي صاحب سوري فالاتصالات زي الورد وبياخد 15000 درهم .

نهايتو انا ما بحقد على حدا كل ال بيهمني تصحا لوضع السوق لانو من كلامك وقعت مع ناس غلط . وصدقني ما بدي غير مصلحتك حبيبي .


موضوعك جاب همو وهي في ناس دخلت الله يبسطها وعم بتحط اسعار لوين ما كانت . هيك الحكي والا بلاش

تقبل تحيات اخوك احمد

السلام عليكم ورحمة الله وبركاته

شوفو ياشباب مصر وسوريا
خلي عندك مبداء الحين لما يجيك واحد بدو يصمم مثلا خلينا نحكي فيلا وهو بالامارات حيطلب منك تصميم وحيقلك بانه حيدفع مثلا الف درهم علما بانه بالامارات نفسها بدفع على نفس الشغله 100000 درهم وهو اسد

فانت لما تاخد الشغله بالف درهم نكبت المصمم الي بالامارات ونكبت حالك
فلا اذا قلك الف قله 50000 الف ولا تخاف حيرجع حيرجع
وبعدين بهاي الطريقه حتوفي معك قلي كيف؟؟
اذا كنت تاخذ الف درهم عشان تاكل وتشرب بسوريا او بمصر لاااااااااا فكر انك تاخذ ال 100000 الف عشان تضمن مستقبلك ل10000 سنه قدام هي الفكره لازم تحطها ببالك
ولعلمك اذا كنت محترف بشغلك اعلم انه السعر الي حتاطلبه حتاخذه لانه مافي هالشباب المحترفه في هذيك لبلاد لكثار

طيب انا ساكن بالسعوديه وبدي احكي عن الي بالسعوديه
انا بجده وماكنت افهم بالماكس بشلن وواحد كان بدو يعمل مدينة العاب
لف ودور و هلك لما واحد رضي يعمله ياها وبرندر دفلت وكان ماخدها فري لانسر احزرو بكام اخذها؟؟؟؟؟؟؟؟
2000000 ريال هاد لانه حفي وهو يدور
واذا كان بدو يشتغلها بشركه عند واحد لبناني كان رح يقصو باقل اشي 10-15 مليون

وهي هي القصه

فلا ترخص بحالك دخيل الله انا

للعلم انا مش فارقه معي هالقصه كثير لاني ممكن اشتغل باي شركه واخذ راتب عالي جدا وحتى انا بهالمستوى
وكمان حيجيني فري لانسر شغلات وحقص فيها قد ما اقدر ومابتفرق معي اذا لزبون بطل وانا مش لاقي اكل
اهم اشي انه ينعرف جودة شغلي وقديش بحط اجار لشغلي فالي بمستواي بصير يجيلي لشغلي ويدفع الي بدي ياه

وهاي هي كل القصه من طق طق لسلام عليكم

السلام عليكم ورحمه الله وبركاته
جزاك الله خيرا اخى .... ونريد من الاغضاء المصرين المشاركه علشان نعرف الاسعار بالظبط

صباح الخير
الله يمحق اليهود...
والله يا اخ jama هيك سعرك اقل من الهنود ؟؟؟؟؟؟؟
لازم يا اخي تشد بسعرك على الأقل مرتين.....لازم تعرف و الحكي للجميع..... انو المناظير و خاصة إذا كانت إحترفية و جميلة
هي اللي بتجيب الزبون للإستشاري و بتقنعوا بالإستشاري نفسه....من شان هيك لازم عمل الثري دي يتقدر....
منشان هيك ....ادعوا ان الجميع ان يعمل على زيادة سعر الأعمال...و إلا حسب هالأسعار خلاينا نبيع ترمس احسن

السلام عليكم

انا اسمي سامح من سوريا

وأملك خبرة جيدة في الاتوكاد ولدي المام بالماكس قد يكون جيدا بعض ما في التصميم الثابت ولكنني أنهل واندهش عندما يقل لي أحد انه في سوريااااا ؟؟؟؟؟؟ قد أخ مبلغ 1500 الف ليرة سوريا عند تصميمه لبعض الصور والتصميمات الثابتة ثم أخراجها

فهل انت كنت في سوريا ام في بلد أخر وهل تفرق بين محافظة واخرى

لأانني ولسوء حظي قد تخرجت ثم تعلمت الاوتوكادوالماكس ولأنني كسول لم أرى اي وظيفة لي في سوريا\\حلب

فلما لا أعلم

فهل من مجيب

وهل أنا مخطىء ام لا

ارجو استيعابي والرد علي

ولكم جزيل الشكر

انا معك اخي حازم بردودك الأخيرة
ويبدو ان البعض بدأ يقول ما لا يعلم.

<phoenix>
شكراً لك على كل حال
لكن لمعلوماتك أنا لا أعرف أحد في هذا القسم يعني لا أعرف المبتدأ من المحترف بينكم لأنني بالأصل
أعمل على المايا أكثر من الماكس لكنني تعلمت على الماكس فبل المايا
يعني يلي بدو يشارك الله يعطيه العافيه ولي ما بده هو حر
وبعد ذلك أنا لست مبتدأوأسئل عني من أكون في 3D ولكنني مبتدأ بالتعامل مع اللصوص
وبالنسبة للعمل أنا لدي مجلتين في سوريا سوف تصدران عند رأس السنة الميلادية
المجلة الأولى للجرافيكس والمجلة الثانية للأطفال

بابليل
شكراً جزيلاً لك على مشاركتك

muntaser
يعني سؤال أنت مفكر بأن السوري بتوفي معاه 2000 درهم ولا 3000 درهم على فكرة هذا الراتب في سوريا بيجيب أكل وشرب فقط
يعني الحق ليس على السوري وإنما على الذين يستغلون قدراته مقابل ثمن قليل من المال

gadag
شكراً ليك أخي العزيز


YAZEN
هلا أخي العزيز
نصيحة لا ترجع

السلام عليكم و رحمة الله
يعني بفهم من حكيك انو في ناس بتدفع بسوريا للثريدي
الله يطمنك
لانو كنت هكلان الهم انو ما الاقي شغل بس ارجع على سوريا
و بالنسبة الي انا بشغل موظف بشركة اوتوكاد و 3دي و باخذ راتب مقطوع والشركة مقدميتني بيت مفروش
يعني رضيان

السلام عليكم
عن نفسي بتبع العمل
نضرتي تختلف عن ما ذكره الاخوان بالمره
اغلب ما اقوم بتصميمه هو اما خرائط او مزاج يعني واحد حب يضيف على بيته شي مثل بناء او قرميد او حتى لو اراد كل البيت قرميد او لو حب يشوف كيف بيته بكون قبل تصديق الخرائط يعني ان حابب يضيف شي او يعدل
وهذا كله اتعامل معاه بالنضر
مثلا للقرميد ان كان في خارطه يختلف السعر وبدون خارطه سعر ثاني وبتبع الزبون مين قريب غريب مهندس في من وراه شغل

يعني برمضان صممت سقف واخذت بنفسي قياسات البيت كله وذكرلي ايش حابب يضيف وطلبت من قبل ما ابدء بالتصميم 100 دولار فوافق مع انو كنت حاسب انو حينزل بالسعر

الان اقيسها على كم زاويه في للبيت لانه كل ما تكثر الزوايا يكثر الصور (تحتاج تعطيه صوره من كل زاويه ) والدارج عندي خمس صور اماميات وجانبيات ومن اعلى طبعا بشكل احترافي اللي افرحه بالعمل

بخلص العمل من التصميم والرندر واعطيه الصور مطبوعات من عند محل التصوير بالحجم اللي نتفق عليه

ولو اراد فيديو فهذا بالمجان لاني بحب عمل الفيديو

الان تصميم البيت مع الخارطه من 150 الى 250 يتبع الاكساء وايضا شكل البيت والزوايا فيه

وفي امرار بعمل بالمجان اما لصديق عزيز او على شان اخذ الشغل وعملي هو القرميد فاقوم بتصميم القرميد على شان اقنع صاحب البيت بالعمل واعطي انطباع انو حافض الشغل عن ضهر قلب

والحمد لله ممشي حالي مع انو مو هذاك العمل لكن زيادة خير
واساسا لا اعتمد على هذا العمل لانو ما بتوفي بسبب انه العمل بهذا المجال محتاج وقت وجهد حتى مثل ما بقولو تربي زباين
اعمل بالقرميد هو عملي الاساسي
واساسا لا اتطلع على ان اقبع بالبيت واصمم لانه الجلوس والتصميم مو سهل للدرجه اللي يفتكرها البعض
وغير هذا طبعي اني اطلع واشوف الدنيا وخصوصا بحكم شغلي فشغلتنا ما بتاخذ وقت كثير يعني على البيت بالكثير من 3 الى 4 ايام وبعدها ننتقل لمكان اخر وكل كذا يوم بشوف بلد اخر وناس اخرين وتعودت على التغير ولقيته شيء حلو
حتى احسن من عمل الدكتور



لكن عندي مشكله كبيره بتصميم الرؤوس للشخصيات وبلاقيها اكبر هم عندي بالتصميم