Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

للمصممين المصريين

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • للمصممين المصريين

    السلام عليكم و رحمة الله و بركاته.......
    إخوانى اخوكم داخل على تصميم بعض اكشاك الحلوى لأحد المولات التجاريه و عدد هذه الاكشاك هو 9 أكشاك و لا أعرف ما هو السعر المناسب لإخبار العميل به فأرجو ممن يعملون فى مجال التصميم الثلاثى بمصر أن يفيدونى فى كيفية تسعير أعمالى........
    أرجو ألا يتاضايق أحد من عنوان الموضوع فأنا اظن ان سبب تسمية الموضوع هكذا ما قرأتموه فى السؤال و لكن اكيد لو فى اى أخ عنده معلومه فى الموضوع ده ارجوكم أفيدونى بها....
    تقبلوا فائق إحترامى و تقديرى

  • #2
    ممكن يوقف عليهم الكشك بــ 50 جـــــــ

    ومش متاكد انتظر الاخوة
    لكل داء دواء يستطب بة .... الا الحماقة اعيت من يداويها

    ذو العلم يشفي في النعيم بعقله ... و اخو الشقاوة في الجهالة ينعم

    تعليق


    • #3
      لالالا 50 جـ قليل جدا

      ومحدش يسألنى كام لانى معرفش تحديدا ^_^ ..
      A BiG FaN OF

      MAXFORUMS
      Theory_Of_Design@yahoo.com



      م / محســن عمــاد
      mohsen_3d

      تعليق


      • #4
        جزاكم الله خيرا إخوانى على الرد .......
        بس مش عايزين خناق ......
        طيب انا مره شوفت واحد صمم فيلا و عمل لقطه واحده ليها حسب ما طلب العميل و كان ثمن هذا الموضوع 700 جنيه ..... فانا فى حيره لأنى سأقوم بتصميم عدد 1 كشك صغير و سأقوم بعمل 7 نسخ منه و اقوم بتصميم كشك كبير ( هذا إن كان العميل يريد كل الأكشاك حاجه واحده فهنا كم تكون التكلفه تقريبا ).... ( أما طبعا و ده اللى هايحصل غن العميل هايكون عايز كل كشك بشكل غير التانى فهنا هايكون الحهد المبذول اكبر و اكيد هنا التمن هايختلف ) فما الحل هنا

        تعليق


        • #5
          و هل الثمن سيختلف إن كان الرندر بالفيراى أو المينتال راى أو بالريندر العادى ام السعر واحد فى جميع الحالات

          تعليق


          • #6
            قمت بعمل كشك من فترة...وكان سعر تصميم الكشك 500 جنيه بعد المفاوضة (أنا بدأت الكلام بـ 700)

            بالتوفيق

            تعليق


            • #7
              أخى يوسف إنت بعثت فيا الأمل...... طيب هل تصميم الكشك كان عادى يعنى و لا كان فيه تفاصيل كتير.........
              و هل كان بالريندر العادى أم الفيراى أو المينتال راى

              تعليق


              • #8
                لو هاتعمل منظور للكشك اطلب 1000 للكشك الواحد جنيه لكن مستوى المنظور لازم يكون عالي نسبيا ولو الموضوع فيه تصميم يعني انت اللي هاتفكر في شكل الكشك لسه مش التصميم جاهز و انت هاتعمله منظور بس الموضوع مختلف تماما على الاقل اطلب 3000 جنيه
                Tarek...
                www.tarekmahmoudstudio.com

                تعليق


                • #9
                  المشاركة الأصلية بواسطة Respect مشاهدة المشاركة
                  لو هاتعمل منظور للكشك اطلب 1000 للكشك الواحد جنيه لكن مستوى المنظور لازم يكون عالي نسبيا ولو الموضوع فيه تصميم يعني انت اللي هاتفكر في شكل الكشك لسه مش التصميم جاهز و انت هاتعمله منظور بس الموضوع مختلف تماما على الاقل اطلب 3000 جنيه
                  جزاك الله خير أخى و أنا فعلا اللى بصمملهم الموضوع كله من الأول يعنى مافيش حاجه جاهزه خالص و لكن آخى هل هذه فعلا هى الأسعار التى بالسوق المصريه
                  ده أنا كده هاتجوز بعد بكره
                  فعلا شكرا أخى الكريم

                  تعليق


                  • #10
                    بص يا حمدى انا عايز اوضحلك شويه نقط قبل تحديد السعر وده من خبرتى فى المجال من 10 سنوات فى مصر
                    موضوع تحديد السعر امر محير للغايه فى مصر
                    فهو بشكل عام يعتمد على مدى خبرتك ونتائج عملك يعنى اهم حاجه نتائج شغلك عامله ازاى مش ممكن هتكون لسه مبتدأ وهتطلب رقم كبير ومش ممكن هتكون خبره وشغلك ميه ميه وهتطلب رقم صغير فكلا الأحوال هيكون الموضوع فيه غلط
                    -لازم تكون محدد من البدايه وقبل ما تشتغل فى الطلب المطلوب منك ومن التمن اللى انت شايفه والا هيندحك عليك وما تقلقش كده كده العميل هيماطل وهياخد شغل اكتر من اللى طلبه فى الأول
                    -اوعى تحدد الشغل بشكل مبنى على نوع الرندر او وقت الرندر ده كلام مش لانها سكه مش هتشغل بال العميل فى شئ المهم انوا هيعوز الشغل كويس فى الأخر انت مع نفسك تحدد الحاجات دى بينك وبين نفسك وما تقلهاش الا لما يسالك عن وقت التسليم قله ان الشغل كبير ومحتاج وقت رندر كبير لذا اذا اردت يمكننا تأجير اجهزه للتسريع ودى على حساب العميل
                    -امر تانى وهو يعتمد لى نوع العميل اذا كان عميل كبير ولا صغير وكمان على مدى قوه الشغلانه ومدى استفاده العميل منها وحجمها فمثلا مش ممكن هكون بتعمل انترو لمحل كشرى وهتأخذ فى الشغلانه كلها مهما كبرت اكتر من 400 -500 جنيه على افضل تقدير ومش ممكن تأخذ اقل من 2000 جنيها لشغلانه لفودافون مهما قلت وهكذا
                    العملاء اصبحوا ناصحيين اكثر من اللازم لذلك اهم حاجه انك تقيس مدى استفادتك من العمل ومدى تعبك فيها ودى جودتها وتحاول تأخذ ما يريحك انت مثل مثلا انك تريد الإنتشار او تريد مزيدا من العمل من الشركه دى او تريد المال او ان تزيد من خبرتك المهم انك تكون مبسوط منها ومرتاح لها

                    اما بالنسبه بقى للكلام العملى :
                    فلو عرضت على الشغلانه فأنى سوف اقسمها الى
                    تصميم للكشك
                    عمل الكشك
                    عمل اشياء اخرى مساعده
                    عمل انيمشن سواء للكاميرا او للكاركترز ان طلب او اى شئ اخر
                    عمل الفيديو

                    وطبعا ان كان تصميم الكشك وعمله هيتكلف مثلا 1000 جنيها فده معناه ان باقى النسخ وان كانت كلها مختلفه وان كان اختلاف تام مش معناه انى هأخذ 7000 جنيها لا طبعا ساعتها بتتقاس بالجمله يعنى مثلا 5000 او 4500 وده لو كانت مختلفه تماما او لو كانت تحتوى على بعض التعديلات البسيطه فده معناه حوالى 3000 شامل التصميم والموديل والماتيريل
                    اما اذا كانت مجرد نسخه طبق الأصل فده هيخلنا نقول 1500

                    وهكذا طبعا مع الأخذ فى الأعتبار كل العوامل السابقه وعموما الإتجاه العام دلوقتى الى الرخص اهم حاجه متخسرش العميل وكمان ما تعملش شغل مش هيكسبك حاجه وكمان متخسرش سمعتك اللى منها متأخذ ثمن اعلى من الصحيح ومتأخذ تمن اقل من الصحيح وتقول كلام وترجع فيه فيستقل بيك لو هترجع فى كلامك فقط اجعل الأمر كما لو كان خارج عن ارادتك

                    تعليق


                    • #11
                      المشاركة الأصلية بواسطة hogobingo مشاهدة المشاركة
                      بص يا حمدى انا عايز اوضحلك شويه نقط قبل تحديد السعر وده من خبرتى فى المجال من 10 سنوات فى مصر
                      موضوع تحديد السعر امر محير للغايه فى مصر
                      فهو بشكل عام يعتمد على مدى خبرتك ونتائج عملك يعنى اهم حاجه نتائج شغلك عامله ازاى مش ممكن هتكون لسه مبتدأ وهتطلب رقم كبير ومش ممكن هتكون خبره وشغلك ميه ميه وهتطلب رقم صغير فكلا الأحوال هيكون الموضوع فيه غلط
                      -لازم تكون محدد من البدايه وقبل ما تشتغل فى الطلب المطلوب منك ومن التمن اللى انت شايفه والا هيندحك عليك وما تقلقش كده كده العميل هيماطل وهياخد شغل اكتر من اللى طلبه فى الأول
                      -اوعى تحدد الشغل بشكل مبنى على نوع الرندر او وقت الرندر ده كلام مش لانها سكه مش هتشغل بال العميل فى شئ المهم انوا هيعوز الشغل كويس فى الأخر انت مع نفسك تحدد الحاجات دى بينك وبين نفسك وما تقلهاش الا لما يسالك عن وقت التسليم قله ان الشغل كبير ومحتاج وقت رندر كبير لذا اذا اردت يمكننا تأجير اجهزه للتسريع ودى على حساب العميل
                      -امر تانى وهو يعتمد لى نوع العميل اذا كان عميل كبير ولا صغير وكمان على مدى قوه الشغلانه ومدى استفاده العميل منها وحجمها فمثلا مش ممكن هكون بتعمل انترو لمحل كشرى وهتأخذ فى الشغلانه كلها مهما كبرت اكتر من 400 -500 جنيه على افضل تقدير ومش ممكن تأخذ اقل من 2000 جنيها لشغلانه لفودافون مهما قلت وهكذا
                      العملاء اصبحوا ناصحيين اكثر من اللازم لذلك اهم حاجه انك تقيس مدى استفادتك من العمل ومدى تعبك فيها ودى جودتها وتحاول تأخذ ما يريحك انت مثل مثلا انك تريد الإنتشار او تريد مزيدا من العمل من الشركه دى او تريد المال او ان تزيد من خبرتك المهم انك تكون مبسوط منها ومرتاح لها

                      اما بالنسبه بقى للكلام العملى :
                      فلو عرضت على الشغلانه فأنى سوف اقسمها الى
                      تصميم للكشك
                      عمل الكشك
                      عمل اشياء اخرى مساعده
                      عمل انيمشن سواء للكاميرا او للكاركترز ان طلب او اى شئ اخر
                      عمل الفيديو

                      وطبعا ان كان تصميم الكشك وعمله هيتكلف مثلا 1000 جنيها فده معناه ان باقى النسخ وان كانت كلها مختلفه وان كان اختلاف تام مش معناه انى هأخذ 7000 جنيها لا طبعا ساعتها بتتقاس بالجمله يعنى مثلا 5000 او 4500 وده لو كانت مختلفه تماما او لو كانت تحتوى على بعض التعديلات البسيطه فده معناه حوالى 3000 شامل التصميم والموديل والماتيريل
                      اما اذا كانت مجرد نسخه طبق الأصل فده هيخلنا نقول 1500

                      وهكذا طبعا مع الأخذ فى الأعتبار كل العوامل السابقه وعموما الإتجاه العام دلوقتى الى الرخص اهم حاجه متخسرش العميل وكمان ما تعملش شغل مش هيكسبك حاجه وكمان متخسرش سمعتك اللى منها متأخذ ثمن اعلى من الصحيح ومتأخذ تمن اقل من الصحيح وتقول كلام وترجع فيه فيستقل بيك لو هترجع فى كلامك فقط اجعل الأمر كما لو كان خارج عن ارادتك
                      حقيقي انا كنت بادور على حاجة زي دي
                      انا لسة مابدأتش شغل
                      بس عندي سؤال....
                      انا بشتغل ماكس في مشاريع الكلية و كده
                      لكن دايماً بخاف امسك شغل...
                      بخاف يحصل حاجة
                      بخاف من المسئولية
                      عارف ان لازم يبقى في risk و مافيش حاجة بببلاش
                      لكن امتى ابدأ اRisk هو ده السؤال
                      و شكراً
                      Jrchitects
                      for Architectural and Graphic Designs
                      jrchitects@gmail.com

                      تعليق


                      • #12
                        أخى hogobingo جزاك الله حيرا على هذا التوضيح الشامل و انا فهمت وجهة نظرك والواضح كده إن العميل ده من أبو 400 - 500 جنيه بس زى ما إنت قولت مش لازم اخسر العميل المهم إن اكتسب خبرة السوق......

                        أما بالنسبه للأخ salah_snz فانا رأيى أول ما تشوف إن قدراتك بالماكس تؤهلك إنك تبدأ شغل فأنصحك إنك تبتدى علطول.........
                        و الله الموفق للجميع

                        تعليق


                        • #13
                          المشاركة الأصلية بواسطة salah_snz مشاهدة المشاركة
                          حقيقي انا كنت بادور على حاجة زي دي
                          انا لسة مابدأتش شغل
                          بس عندي سؤال....
                          انا بشتغل ماكس في مشاريع الكلية و كده
                          لكن دايماً بخاف امسك شغل...
                          بخاف يحصل حاجة
                          بخاف من المسئولية
                          عارف ان لازم يبقى في risk و مافيش حاجة بببلاش
                          لكن امتى ابدأ اrisk هو ده السؤال
                          و شكراً
                          الكلام اللي بتقوله دا نفس الكلام اللي كنت باقوله قبل ما بدأ السكه دي ... دا احساس طبيعي لكن صدقني الدنيا بتمشي , و ممكن تبدأ بانك تدخل مع حد في شغلانه دا ممكن يديك ثقه في الاول
                          Tarek...
                          www.tarekmahmoudstudio.com

                          تعليق


                          • #14
                            مظبوط كلامك أخى Respect

                            تعليق


                            • #15
                              شكرا أخوانى الكرام على المعلومات الهامه ...
                              واريد المشاركه ... انا بدأت شغل فى شركه دعايه واعلان من حوالى 3 اشهر وكنت باخود كورس ماكس
                              ولسه مخلصو الاسبوع ده
                              ولاكن من اول ما نزلت الشركه وانا بشتغل بماكس وعملت مشاريع كتيير منها موقع كامل لمد
                              ينه سكنيه وبرتشنات لمعارض ومشاريع اخرى كتيير
                              ولاكن مرتبى لا يتجاوز ال 1000 جنيه مصرى .... وانا بصراحه بفكر اسيب الشركه دى بس مش عاوز غير لما اتخصص فى الانيميشن ولما احس انى بقيت قوى فى مجالى هدور على شركه اخرى .... انتو ايه رأئكم ؟؟؟

                              تعليق

                              يعمل...
                              X