Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

أخى السائق ............... أرجو ان تقراء قواعد المرور الجديدة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أخى السائق ............... أرجو ان تقراء قواعد المرور الجديدة

    قواعد جديدة للسيارات في مصر فقط


    : القاعدة الأولى

    لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!


    ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!





    القاعده الثانيه :



    البوز بيز Booze Base: اللي يدخل ببوز عربيته الأول للتقاطع هو صاحب أولوية المرور!

    احرص على أن تكون صاحب أول بوز.
    ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.




    : القاعدة الثالثة

    الإشارات تكشف نواياك للأعداء، أياك أن تستخدمها!



    القاعدة الرابعة :



    لا تترك مسافة للأمان بينك و بين السياة التي أمامك فهذا له عدة مخاطر:
    1.عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.
    2. حتدي فرصة للعيال يعملوا غرز قدامك.
    3.كل المشاة حيغمضوا عينيهم و يعدوا من الحته دي.
    4.الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -.
    الإشارات مش معمولة علشان تنظم المرور ، معمولة علشان شكل القاهرة يبقى متحضر بس!
    اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).




    القاعدة الخامسة :


    اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!




    القاعدة السادسة :



    معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!

    القاعدة السابعة :
    الشارع مكان مقرف، سوق بأسرع ما يمكن حتى تتخلص من هذا الهم بسرعة،
    الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.

    القاعدة الثامنة :
    من حقوقك الدستورية أن تركن أمام باب المحل الذي تريد أن تشتري منه،
    اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟

    القاعدةالتاسعة :
    من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.

    القاعدة العاشرة :
    إحترس من ثلاث أنواع من السائقيين بيسوقوا و كأنهم مش ممكن يموتوا:
    1.العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.
    2.موتوسيكلات توصيل الطلبات ( HomeDelivery ).
    3.سواقين الميكروباص.
    ملحوظة: إوعى تحاول تثبت لحد منهم إن فكرته غلط. فاهمني!!!.

    القاعدة الحادية عشر :
    لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.

    القاعدة الثانية عشر :
    الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.

    القاعدة الثالثة عشر :
    لما تخلص سيجارة أوعى تحطها في الطفاية، ارميها من الشباك أول ما تشوفواحد بموتوسيكل معدي جنبك ( علشان يحرم يعمل غرز ).

    القاعدة الرابعة عشر :
    من حقك أن تعبر الشارع في أي وقت و من أي مكان.

    القاعدة الخامسة عشر :
    اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟

    القاعدة السادسة عشر :
    اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائديالسيارات أنك تراه و يحاول يخوفك علشان تقف انت.

    القاعدة السابعة عشر :
    حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟
    عرض قفاك و سيبه يتفلق.




    القاعدة الثامنة عشر :


    الرصيف ليس للمشاه، بل لركن السيارات و فرشات الباعة الجائليين و المحلات... الخ،

    لذلك يحق للمشاة السير في وسط الشارع، لمزيد من الأمان، راجع القاعدة السابقة.

    القاعدة التاسعة عشر :
    إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة....

  • #2
    وفي النهاية بالقواعد دي انا ابقى سليم...

    تعليق


    • #3
      المشاركة الأصلية بواسطة ibrahim3d
      وفي النهاية بالقواعد دي انا ابقى سليم...
      فعلا .........

      تعليق


      • #4
        الحمد لله انا بطبق هذه القواعد
        Personal Website
        Twitter
        Youtube Channel

        تعليق


        • #5
          لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!



          ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!
          انا فعلا أستخدم هذا المبدأ مع سائقي التاكسي والميكروباص لإنهم أكثر فئه مسببه لإرتفاع ضغط الدم.

          البوز بيز Booze Base: اللي يدخل ببوز عربيته الأول للتقاطع هو صاحب أولوية المرور!


          احرص على أن تكون صاحب أول بوز.
          ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.
          خصوصا في التقاطعات والإشارات المزدحمه لإنك لو لم تستعمل هذه النظريه .... إسلقى وعدك من اللي وراك

          تعليق


          • #6
            شكرا لك أخي الكريم

            تعليق


            • #7
              هذه طريقة جيدة للتوعيه

              ههههههههههههه
              وما فتىءَ الزمان يدورحتى
              مضى بالمجدِ قومٌ أخرونَ
              وأصبح لا يُرى في الركب قومي

              وقد عاشو أئمته سنينَ
              وآلمني وآلم كل حرٍ
              سؤال الدهر أين المسلمينَ ?

              اذا لم تجد ما تحب فحب ما تجد

              تعليق


              • #8
                أشكركم إخوانى على المرور

                تعليق


                • #9
                  أبو قتادة .
                  قل لي متى أصبحت رجل قانون؟
                  هههههههههههه

                  الظاهر أنك بتذاكر من ورانا.


                  عن أنس رضي الله عنه قال
                  : قال رسول الله صلى الله عليه وسلم ( إن لله تعالى أهلين من الناس . قالوا : يا رسول الله من هم ؟ قال : هم أهل القرآن أهل الله وخاصته ) . (صحيح الجامع2165)






                  تعليق


                  • #10
                    المشاركة الأصلية بواسطة sa9r
                    أبو قتادة .
                    قل لي متى أصبحت رجل قانون؟
                    هههههههههههه

                    الظاهر أنك بتذاكر من ورانا.
                    هههههههههههههه
                    أصلى لقيت الهندسة مش جايبة حقها قلتندور على حاجة نعرف نكون بيها نفسنا
                    وبقولها من الأول

                    محدش هيعرف يعدى من غير ما يفتح دماغه ولو جيبه يبقى أحسن وكله علشان المصلحة العامة

                    تعليق


                    • #11
                      هههههههههههههه
                      أصلى لقيت الهندسة مش جايبة حقها قلتندور على حاجة نعرف نكون بيها نفسنا
                      وبقولها من الأول

                      محدش هيعرف يعدى من غير ما يفتح دماغه ولو جيبه يبقى أحسن وكله علشان المصلحة العامة
                      آااااه.
                      بالفعل المصلحة العامة أولى.



                      ههههههههههههههههههههه.


                      عن أنس رضي الله عنه قال
                      : قال رسول الله صلى الله عليه وسلم ( إن لله تعالى أهلين من الناس . قالوا : يا رسول الله من هم ؟ قال : هم أهل القرآن أهل الله وخاصته ) . (صحيح الجامع2165)






                      تعليق


                      • #12
                        مشكور اخي الغالي
                        فالتربية الطرقية جزا من تربية الانسان
                        خصوصا عندما ترى بعض الناس يتجاوزون اشارات المرور وكانهم يحققون بذلك انجازات
                        والله المستعان



                        بأبي أنت وأمي يا رسول الله



                        فدتك نجد و طيبة ومكة وأرض الأسراء


                        اللهم احشرني مع نبيك يوم يكون اللقاء


                        اجمل شئ في الحياة حينما تكتشف اناس قلوبهم مثل اللؤلؤ المكنون في الرقة والبريق والنقاء قلوبهم مثل افئدة الطير
                        اللهم اني احبهم فيك

                        لك نصحي وما عليك جدالي ........وافة النصح ان يكون جدال

                        دعوة لحفظ القرآن الكريم عن طريق المنتدى









                        تعليق


                        • #13
                          محدش هيعرف يعدى من غير ما يفتح دماغه ولو جيبه يبقى أحسن وكله علشان المصلحة العامة
                          القاعدة العشرون
                          ههههههه
                          ولا تحسبن الله غافلا عما يعمل الظالمون,
                          إنما يؤخرهم ليوم تشخص فيه الأبصار,
                          مهطعين مقنعي رؤوسهم لا يرتد إليهم طرفهم , وأفئدتهم هواء.


                          تعليق


                          • #14
                            المشاركة الأصلية بواسطة abou_mazen
                            مشكور اخي الغالي
                            فالتربية الطرقية جزا من تربية الانسان
                            خصوصا عندما ترى بعض الناس يتجاوزون اشارات المرور وكانهم يحققون بذلك انجازات
                            والله المستعان
                            بارك الله فيك أخى الغالى فعلا فنحن اليوم نرى مهازل وهذا الذى نقلته هنا إنما هو بالظبط مايحدث فى طرق مصر
                            والله المستعان

                            تعليق


                            • #15
                              المشاركة الأصلية بواسطة khaliiiiid
                              القاعدة العشرون
                              ههههههه
                              أهه الواحد يقلب رزقه ياخالد إنت عارف لقمة العيش صعبة هانأكل العيال منين يعنى؟؟؟؟؟؟؟؟؟

                              تعليق

                              يعمل...
                              X