عمل خامة الزجاج الملون متدرجة

[الديني]

اخواني الكرام اعضاء منتديات المنابر انا ورطان في عمل خامة زجاج متدرجة من اللون الوردي الى الشفاف كما في الصورة بالمرفقات ارجو منكم مساعدتي في عمل هذه الخامة
وجزاكم الله خير

[Reda Hamdy]

السلام عليكم ...... الطريقة سهلة جدا يا اخي...
انا هاشرحهالك على خامة الفيراي .... لو حضرتك محتاج خامة منتال ... ممكن اخواننا المحترفين يشرحوهالك
بص يا سيدي ......
في خامة الفيراي .... حط في الدفيوز لون اسود ... والرفليكشن حط لون رمادي او على حسب ما انت عايز
قيمة الانعكاس ... بس بتدرج من اللون الابيض للاسود ( ابيض هايديلك انعكاس شديد .. اسود مافيش انعكاس )
وعلم على اختيار fresnal
زي الصورة دي.........


انزل الوقت على الرفراكشن ( الانكسار ).... دوس على المربع الصغير اللي جنب اللون ....
هاتظهرلك القايمة دي


اختار منها gradient
هاتظهرلك القايمة دي .......



حدد اللون اللي انت عايزه في خانات الالوان الثلاث ....
نصيحة حط اللون المطلوب في اول خانة... واعمل كوبي منه وحطه بنفس الدرجة في الخانة التانية
بعد كدا خفف اللون بتاع الخانة التانية ... وسيب التالتة ابيض
..............

انا عملت دا .....


وطلعت النتيجة دي


طبعا مع الاضاءة و البيئة هاتظهرلك بشكل افضل من كدا
يا رب اكون وصلتلك المعلومة ...... تحياتي لك

[omarzonex]

رائع الزجاج

شكراً لك على هذه الدرس المميز للزجاج الشفاف المتدرج

وهكذا تبقى لدينا احتراف خامات الزجاج المختلفة بكافة انواعها واشكالها

بارك الله فيك على المجهود الجبار

عمل صغير فائدتها كبيرة ورائعة

[الديني]

مشكور كتير اخي ابن الرباط بصراحة درسك بجد رائع بس كبير عليا لان انا لسه مبتدأ ولسه ما وصلت لمرحلة الفيراي . انا بستخدم الرندر الافتراضي للماكس.
مشاء الله عليك باين عليك محترف في الفيراي وربنا يوفقك

[الديني]

مشكور أخي omarzonex على مرورك

[obesh]

علي فكره اننا ممكن نستخدم الطريقه في عمل زجاج النظارات او زجاج السياؤات

او علي حسب ما نريد

والاخ شرح شرح وافي وكافي

بالتوفيق

[Reda Hamdy]

السلام عليكم .... الحمد لله ان طريقة الشرح عجبت اخواني ......
بالنسبة للخامة الافتراضية للماكس انا مش قوي فيها لكن دي طريقة ممكن تفيدك
انزل على قائمة maps في الماتريل .. واختار مابة الrefraction وعلم عليها زي الصورة دي


دوس على البوكس الموجود بجوارها هاتظهرلك قائمة اختار منها raytrace زي الصورة دي


لما تختار الريتريس هاتظهرلك قايمة الريتريس ... انزل على اخر حاجة فيها زي الصورة


دوس على علامة + هتظهرلك قايمة الريفراكشن ...... علم على color وحط فيها الجرادينت زي المرة اللي فاتت ...... زي الصورة

وعشان تديلك نتيجة افضل ممكن تحط في الفوج اللون اللي انت عايز الزجاجة تكون بيه بس بدرجة قليلة جدا .....
ودي نتيجة الطريقة دي


.................................................
فيه طريقة تانية انا بصراحة مش فاكرها ...... ممكن الاخوة يجهزولك دروس بيها ...... ممكن اكون لفيت حول الموضوع لكن عذرا لاني من ساعة ما درست الفيراي ما فتحتش الستاندارد خالص
ربنا يوفقك