ورشة غرفة جلوس ومعاها كام تصميم تانى كدا ع الماشى .. من مبتدأة معلش على لسة على أدى

**ســـــها** · 02 / 01 / 2009, 05:39 PM

سلام عليكم

دا تطبيق ورشة غرفة لجلوس لاستاذنا ابو صالح 1 جزاه الله خيرا على مجهوده فى الدروس والورش الأكتر من رائعة ^_^

معلش هو تطبيق على أدى عارفة ومليان اخطاء لأنى لسة مبتدأة معرفش كتير فى مهارات البرنامج

واكتر حاجة تعقدنى هو الرندر والاخراج مبعرفش اخرج العمل فى شكل واقعى وكمان مبعرفش ايه هى قيم الرندر المناسبة لأنى اساسا مش فاهمة الرندر انا بطبقه زى ما بيجى فى الدرس وخلاص
لكن مش فاهمة كل امر وظيفته ايه وبيعمل ايه وتأثيره ايه ؟؟؟

لو حد من المحترفين يساعدنى فى النقطة دى بالذات ويشرحلى اعدادات الرندريبقى كتر خيره ^_^

وكمان الغرفة دى من الاخطاء اللى فيها هو ضوء الشمس على الكنبة وبالتحديد مسند الكنبة الايمن الاضاءة عليه مش واقعية خالص ... طيب خطأ زى دا اصلحه ازاى ؟؟؟

يعنى اللى يقدر يساعدنى فى التسؤلات دى يبقى جزاه الله خيرا ^_^

وكمان مع الغرفة شوية تطبيقات لورش ودروس تاينة كدا علىالماشى اتمنى تعجبكم من واحدة لسة مبتدأة على أدها ^_^

عارفة انها وحشة ومفيهاش اى حاجة تقول ان دا تصميم محترم ههههه معلش لسة بجرب نفسى لسة فىالبداية

دا تطبيقى لورشة التصميم المعمارى

اهدى التصميم لأستاذنا ابو صالح جزاه الله خيرا على مجهوده

ودى بعض التطبيقات لدروس اخرى

سماعات أذن ^_^

[/quote]

دا تطبيقى لدرس كرة عيون الويب لأخونا واستاذنا الفاضل البيتار ^_^

فجزاه الله خيرا على مجهوده حقيقى حقيقى الدرس كان رهيييييييييب
وانا طلعت منه بنتيجة على أدى وبهديها لعيون الويب واستاذى البيتار صاحب الدرس الخطيييييييييييير

يعنى هى حاجة بسيطة على أدى

طبعا الاساس فى التصميم واللى يهمنى الكرة ومش مهم اى شئ محيط بالكرة فى التصميم لا يهم

ودا تطبيقى لورشة الخاتم ^_^
انا قولت انزل تطبيقى لورشة الخاتم تقلولى رأيكم كمبتدأة لسة بفك الخط فى السينما

انا كنت ناوية اعمل اكتر من شكل من الخاتم لكن للاسف الرندر مبهدلنى
تخيلو مرة الرندر اخد 5ساعات ومرة اخد 14 ساعة وانا تعبت منه مقدرتش اجدد فيه تانى بالشكل دا

ومرة الرندر اخد 14 ساعة نمت وصحيت لاقيت عدى 13 ساعة رندر ولسة فى اول الخاتم مدخلش فيه حتى هههههه

اتعقدت قولت خلاص مش هعمل حاجة تانية فى الخاتم ولا هعدل فيه تانى

بس محدش يضحك بقى انا بقولكو اهو ... اللى هظبطهم بيضحكوا انا هضرب فى المليان
دا الخاتم

ودا عملتله اضافة بسيطة علشان يبقى شكله محترم شوية هههه

ودا شكل تانى وكنت ناوية اعمل شكل تالت ورابع كمان احسن من كل دول بس الرندر عقدنى وخنقنى قولت خلاص مش هعمله

انا حتى صورته من جوة الرندر لأنه مش عايز يخلص ابدا لو استنيتو كدا لبعد بكرة مش هيتحرك من مكانه :

ودول تطبيقات لدروس وورش كدا على الماشى اخترتهم من تطبيقاتى فى السينما

تابعوا ..
.
.
.
.
.

**ســـــها** · 02 / 01 / 2009, 05:40 PM

والكرسى دا خامة القماش مش متظبطة لأنى مكنتش لسة عرفت طريقة تظبيط الخامة على المجسم

تطبيقات مبتدأين انا عارفة معلش عدوها بقى هههههه

**Twix** · 02 / 01 / 2009, 06:18 PM

لا ماشاء الله عليكي اعمال جميلة جدا

ومستواكي جيد مو مبتدئ ☺

**ســـــها** · 02 / 01 / 2009, 07:03 PM

متشكرة اوى ربنا يخليك دا مجاملة منك اشكرك عليها

بس انا فين وانتو فين دا انتو عمالقة ^_^

**al-nibras** · 02 / 01 / 2009, 07:31 PM

صدعتي راسنا

مبتدأة مبتدأة مبتدأة

على أدي على أدي على أدي

وبعدين يطلع منك كل ده

والله انك فنانة ومبروك هذا المستوى الرائع
واصلا أعمالك لازم تتثبت

عالعموم موفقة وورينا كده أعمال لك بدون تطبيق واكيد راح تطلع احسن من دول كلهم

**oussabb** · 02 / 01 / 2009, 08:05 PM

ماشاء الله ماشاء الله اعمال جميلة جدا
فاجئتينا يا اختي بمستواك
بداية موفقة وننتظر المزيد
بالتوفيق

**ســـــها** · 02 / 01 / 2009, 08:39 PM

النبراس هههههههههه متشكرة اوى على المجاملة اللطيفة دى منك ^_^

ومعلش صدعتك هههههههههه

oussabb متشكرة اوى على مرورك الكريم وتشجيعك الطيب وان شاء الله يا رب الجاى يكون احسن ^_^

**surf** · 02 / 01 / 2009, 11:19 PM

أعمال رائعة لقد أحرجتيني بهده الأعمال
أن سبقتك في البرنامج ولم أعمل متل هده الأعمال سأحاول تدارك الأمر

**ADAM222** · 03 / 01 / 2009, 02:12 AM

مشالله جمييييييييييييييل جدا الله يوفقك يا مبدعة

**نجمي** · 03 / 01 / 2009, 04:55 AM

مبتدأة مييين ياعم

الاعمال مستواها مش سيء اببببدا

بالعكس مستواها جيد جدا

الا على فكرة

ممكن رابط درس عيون الويب وسماعات الاذن ؟

الف شكر

**ســـــها** · 03 / 01 / 2009, 08:13 AM

الف شكر يا جماعة على كلامكم الطيب ودا من زوقكم ربنا يخليكم ^_^

نجمى اتفضل رابط درس سماعات الاذن عل عيون الويب

http://vb.eyesweb1.net/showthread.php?t=18947

وأى خدمة يا سيدى ^_

**C-AmIr-4D** · 03 / 01 / 2009, 01:38 PM

أعمالك روعة أختي سها .صراحة تمتازين بقدرتك على التعلم بسرعة .
وأعمالك تؤكد ذالك.

**نجمي** · 03 / 01 / 2009, 02:20 PM

رووعة ياسها

ممكن بس رابط كرة عيون الويب للبتار

شكرا جزيلا

**m_shaheen** · 03 / 01 / 2009, 02:52 PM

شغل اذيذ اوي يا اخت سها ....الى

الامام دائماً

**ســـــها** · 03 / 01 / 2009, 03:30 PM

متشكرة اوى يا جماعة على تشجيعكم الطيب ^_^

نجمى اتفضل دا رابط درس كرة عيون الويب

انا اسفة مخدتش بالى لما طلبته فى ردك الاول ... معلش العتب على النظر ^_^

http://w-enter.com/forum/showthread.php?t=21260

الرابط على دبليو انتر لأنى جبت الدرس منها لكن معرفش اذا كان موجود على عيون الويب ولا لأ

واكيد استاذنا البيتار منزله على عيون الويب بس انا مشوفتوش .. واى خدمة يا سيدى ^_^

**Skylinezx** · 03 / 01 / 2009, 04:00 PM

أعمال راااااااائعة ليست أعمال مبتدئ بل أعمال ممتازة و جزاك الله خيرا

**Skylinezx** · 03 / 01 / 2009, 04:02 PM

بس عندي طلب لو ممكن تجمعيلي الخامات اللي استخدمتيها في هذي التطبيقات و ترفعيلي اياها لأني أنا ما ناقصني شي إلا الخامات و تعبت من البحث و ما لقيت شي....و أكون شاكر لك