سؤال للمونتيرين

**ghadaaa** · 18 / 01 / 2009, 03:36 PM

كنت اريد الاستفسار عن

لما اروح اقدم لشركة مونتاج اية نوع الاعمال اللى المفروض اقدمها؟

انا عملت 2 فيديو كليب عبارة عن اغنية على فيلم. بس بيقولوا اية اللى انتى عملاة دة

ومبيردوش يشغلونى

مش عارفة اعمل اية عشان يوفقوا على شغلى

.

ارجو الرد سريعا

شكرا لكل من يتقدم لمساعدتى

**SALAH_MAX** · 18 / 01 / 2009, 04:00 PM

ممكن تضع إحدى أعمالك للاخوة يقيموها لك
بالتوفيق

**Tom Art** · 18 / 01 / 2009, 04:15 PM

عادة ليتم تقييم عملك بشكل جدي فيجب عمل ما يعرف بإسم ال Show Reel وهي أعمال تم تنفيذها بغرض الربح وليس بغرض عرض التمكن من برنامج المونتاج ، وإذا لم تتوفر الفرصة لعمل هذا فعلى الأقل يجب ذكر إتقان برنامج مونتاج من الفئة الإحترافية داخل السيرة المهنية الخاصة بك ، أما لو لم يتوفر هذا أيضا ( أي أن خبراتك لا تتجاوز حبك للمونتاج والعمل ببرنامج مثل الموفي ميكر ) فمن الطبيعي ألا تجدي استجابة جدية من الشركات التي تتقدمي اليها حيث أنه لا يمكن أن تعطل أي شركة أجهزتها وتضعها تحت تصرف متدرب يبدأ من نقطة الصفر ....

وعلى ذلك فالنصيحة التي يمكن أن أسديها لكي هي أن تتلقي أولا تدريبا على أحد برامج المونتاج الإحترافية وتبرزي ذلك في السيرة المهنية الخاصة بك حيث أن معظم المكاتب والقنوات تسأل عادة على أي برنامج تعملين قبل أن تسأل عن الجانب الإبداعي في عملك لأن كل المحطات إلا القليل منها لا تطلب من المونتير سوى أن يقوم بالقص واللصق ووضع أشكال انتقالية بسيطة وتمكنه من فصل الكروما أي الخلفية الخضراء أو الزرقاء

تحياتي

**ghadaaa** · 18 / 01 / 2009, 09:15 PM

شكرا للمساندة

ممكن اعرف تفصيل عن show reel
عشان مش فاهمة عبارة عن اية بالظبط

اما بالنسبالى انا اخدت كورس final cut من شركة معتمدة من apple . ومع ذلك ما بلأيش اللى قدامى متحمس. حتى السكرتيرة اللى بتاخد ال cv باحس انها بتاخدوا وترمية . واللة انا مش عارفة العيب فيا ولا هما مش عايزين مبتدأين ولا اية بالظبط. انا مبقدمش فى قنوات فضائية عشان مبياخدوش غير واحد خبرة 5 سنين مثلا. انا بقدم فى شركات انتاج. ومع ذلك بيناموا على ال cv ومبيتصلوش. غير كدة كان من شهر شركة انتاج طالبة مبتدأين ومتقدمش غير اتنين انا وواحد تانى كان عامل زى اغنية على فيلم الراجل اللى عمل المقابلة قال اية اللى انتوا عاملينة دة ومأخدناش.

بالنسبة للى طلب يشوف شغلى- انا احطها فين فى الموقع؟

**N@mic@P** · 18 / 01 / 2009, 11:11 PM

سؤال سريع ... كيف تقيمين نفسك بمستواك بالفوتوشوب ؟ !

كم من 10 ممكن تعطين نفسك ؟ !

**yaa_7oob** · 18 / 01 / 2009, 11:23 PM

اختى العزيزة انا مشكلتي هنا في مصر زي مشكلتك تماما مع انى بشتغل فوتوشوب و افتر وبريمير و بارتكل اليوشن بس الي اقدر اقولهولك مخبرة لف ودوران هنا في القاهرة لمده سنتين ان بلدك مش عايزيكي او عايزاكي بوسطه بالبلدي كوسه المشكله انك تلاقي حد من السعوديه مثلا يقدر شغلك وابن بلدك يقولك ايه الي انت عملاه دا بجد انا زهقت لو لقيتي حل يريت تقوليلي يا اختى بجد انا اتخنقت من البلد دي

**ghadaaa** · 19 / 01 / 2009, 12:46 AM

انا مأخدتش كورس فوتوشوب لانى خايفة اخد كورسات تانى ومشتغلش .لما ابقى اشتغل ابقى اكمل كورسات فى المونتاج

**Tom Art** · 19 / 01 / 2009, 10:55 AM

عزيزتي لقد قمتي بتشخيص مشكلتك ، أنتي تذهبين لشركات إنتاج ، ولا تذهبين لقنوات فضائية

لكي أن تعلمي ذلك من ممارستي في السوق ، لا توجد شركة إنتاج أو وحدة مونتاج تعين أحدا بدون خبرة ، وذلك لسبب بسيط ، أن ساعة العمل في تلك الشركات تساوي نقود ، وهم في شركات الانتاج يهتمون في المقام الأول بالجانب الإبداعي لعملك وليس البرنامج الذي تعملين عليه ( الفاينال كت فقد سحره بالفعل في شركات الإنتاج لكثرة من أخذوا دورات عليه )، بينما يمكنك التقدم لأي قناة فضائية حيث أنني وكما أسلفت القول في ردي السابق فهي لا تتطلب منك خبرة للتعامل بل كل ما يهم صاحب تلك المحطة أو تلك هو أن راتبك قليل ( ولو امكن أن يعينك بدون راتب لفعل )

على أي حال وبما أنكي قد أخذتني دورة في برنامج الفاينال كت وهو البرنامج المستخدم عادة في معظم المحطات فعليكي بهذا الطريق وإن كنت لا أعلم بصراحة كيفية الوصول للمحطات فأنا عن نفسي أتعامل من خلال شركتي مع الشق الإداري من المحطات وليس الشق الفني

بالنسبة لما يعرف بـ Show Reel فهو عبارة عن أعمال حقيقية تمت مقابل أجر ، حتى لو كان هذا العمل مجرد تصميم لوجو متحرك لشركة ما أو مونتاج لرسالة إخبارية ، وكما يتضح من كلامي فالمونتاج في هذه الحالة يكون مأخوذ من مادة مصورة خصيصا وليس مأخوذا من عمل متداول كفيلم سينمائي مثلا ، أرجو أن يكون هذا التفسير واضحا

تحياتي

**ghadaaa** · 19 / 01 / 2009, 11:50 AM

شكرا للمساندة

**TANTAWY** · 19 / 01 / 2009, 12:34 PM

اخى العزيز ...

المونتاج قيمة فنية كبيرة جدااا لا يقدرهاا الا المبدع وللاسف العمل فى مصر الحبيبة لا يعتمد على الابداع لاسباب كثيرا وهى
1 -لان رئيسك فى العمل مونتير شاطر بطبيعة الحال ( مش ديمن بيبقا شاطر ) لكن هنفترض انوا شاطر بيحب يظهر هو بس فى الصورة لان وجود مونتير تانى فى المكان بيعمل شغل كويس هيكشف نقاط الضعف الى عند الاستاذ .

2 - بيبقا ليكى شعبية فى المكان اكتر منوااا وداا طبعااا مش مطلوب

3 - لما بيلقى حد اشطر منواا بيعمل حاجة مهمة جدااا وهى يبدء يكلفك بشغل اكتر من الازم ودا بينتج عنواا اخطاْء متتالية وبعد كدة يقولك مع السلامة

4 - لو انتى حد محترف بالطبع المرتب هيكون كبير جداااا وعشان يمشيكى لو هو فشل فى كل الكلام الى انا قولتواا فى الاول يبدء يخفض المرتب المتفق علية بقيمة عالية علشان انتى الى تقولى انا مشية ...

حاجات كتير جدااا بتسبب الفشل فى هذا المجال الفنى الرائع الى فى اعتقادى مطلوب اكثر من اى حاجة لان المونتاج بصفة عامة شئ ضرورى لاى قناة واى مكتب بيتعامل فى الميديا .....

نصيحة من اخ عاناااا كثير فى الموضوع دااا الشو ريل بتاعك مش هينفع دلوقتى خالص الى هينفع معاكى انك تروحى مكان وتنزلى تدريب 3 شهور هناك هتتعلمى الى عمرك مااا كونتى هتتعلمية فى البيت ولا حتى فى الكورس ... ولزم الفاينال كت دا كلمة السر فى مجال المونتاج فى اى قناة فضائية او مكتب مونتاج وجميل جداا انك بتعرفى افترافيكت داا هيفيدك كتير جداا فى الشغل لان هيفرق شغلك عن اى شغل لمونتير شغال على الفاينال بس

**ghadaaa** · 19 / 01 / 2009, 06:19 PM

شكرا قوى على المساعدة

بس ممكن عناوين قنوات او مكاتب بتعمل تدريبات للمبتدأين- ولا انا اروح الف على الشركات عشان القنوات بتبقى مخبية نفسها متلأيش اصلا نمرة تليفونها فى مكان اصلا