مكتب دعاية واعلان

[Mr. A]

لو سمحت انا عايز اعرف كل حاجة عن مكاتب الدعاية والاعلان
يعني هو ايه الفلاير والبانر والفليكس والحاجات دي
ويا ريت يكون بالاسعار بتاعت المطابع
لاني ان شاء الله داخل في مشروع مكتب دعابة واعلان
وانا ملقيتش ناس خبرة غيركوا علشان اخد رايهم ونصحهم واستفيد منهم


بجد محتاج الرد بسرعة
شكرااااااااااااااااااااااااا

[Al-Muqrin]

تفضل هنا
http://forum.ma3ali.net/t527327.html
تحياتي

[adobme]

كنت عاوز أحط لك نفس الموضوع على منتدى آخر و لكن الأخ ثريدي مكس سبقني شكراا لإهتمامك أخوي بالموضوع

[aktoom]

أخي يوجد معلومات في المواضيع المثبتة

[ســـــها]

تصدق انا كمان عندى نفس السؤال لأنى نفس يكون عندى مكتب للدعاية والاعلانات لكن للاسف ليس لدى اى خبرة او معلومات عن متطلبات العمل ...

شكرا لفتح الموضوع وشكرا لأخونا الكريم ثريدى ماكس على الرابط .. جارى الاطلاع تسلم ^^

[nader_19]

السلام عليكم

اخي لو محتاج أي معلومه في تقنيات او خامات الطباعه و الأوت دور و الان دور ( المطبوعات او اليفط ) و اسعادرها و كيفية حسابات اسعارها من المطابع و الشركات و كل المعلومات اللي تحتاجها تقدر تراسلني على الماسنجر و هادلك على اماكن و اسعار و معلومات و كلو باذن الله ، و طبعا دا متاح للأخوة كلهم اللي محتاج يعرف حاجه

وعلى فكره يا جماعة الموضوع كويس جدا لكن للأسف فيه بعض المعلومات مش صحيحه


nader_ibrahim2007@hotmail.com

( ملحوظه المعلومات عن الأسعار داخل مصر فقط )

[Mr. A]

شكرااااااا لكم جميعا سوف يتم الاطلاع على الروابط
واكيد لي عودة
شكرا

[Mr. A]

طيب كويس جدااااا
بس دي معلومات نظري انا عايز اعرف المعلزمات عملي
يعني من اول ما اخلص الديساين لحد ما استلمه في كل المراحل السابقة كرت فلاير بانر الخ
بالتفصيل يعني مراحل فصل الالوان وشراء الافلام والطباعه وكدة يعني
انا عارف اني طولت عليكوا

شكرااااااااااا مقدمااااااا

[nader_19]

انظر ردي الأول

[Mr. A]

ممكن تشرحلي
اكتر لاني نادر ما بدخل على الايميل
وانا عايز اعرف بس من اول ما الديساين يخلص لحد ما استلمه من المطبعة
ايه هي الخطوات مفصلة

وشكراااااااااااااا

[nader_19]

يا mr.a الموضوع طويل و معقد شوية لو عايز انو حد مايضحكش عليك

لأنو لازم كل حاجه تعملها بأيدك

انا كنت بقولك على الأميل علشان كنت ممكن اعرفك على ناس بتاعت شركات ورق مطابع و مكاتب فصل و الكلام ده وشركات طباعه

لكن برضو هاقولك باختصار هنا

بعد ما تخلص التصميم لازم يتعمله حاجه اسمها فصل الوان ( لو مطبوعات ) وتتحط السانيوهات و تطلع الأفلام

وبعد كده هاتروح شركة فصل هاتطلعلك الأفلام

و تروح شركة ورق تشتري الورق اللي انت محتاجه ، و طبعا تبقى عارف هايتقص مساحة كام في كام و ازاي علشان تقول لصنايعية المطابع ، لأنو للاسف عندنا في مصر الصنايعيه بتوع المطابع الفهم عندهم شبه مستحيل فلازم تكون معاهم في كل كبيرة و صغيرة ، وطبعا في المطبعه هو هايصور الزنكات و يطبع ، كل ألف ورقة اللون الواحد اسمه تراج ، يعني ال4 لون دي 4 تراج و هكذا ، طبعا الترقيم بيتحسب بتراجات برضو ، وطبعا في حاجات تانيه كتير زي السكينه و طبقال البلاستيك و التوضيب و حاجات كده

بس اهم حاجه انك تاخد خبرات في الحاجات دي علشان ماتلبسش شغل ، لأن شغل الطباعه مافيهوش رحمة

يعني باختصار هاتخلص التصميم و تعمل 4 حاجات ، فصل - افلام - ورق - طباعة

دا بالنسبة للأوفست

السلك سكرين ، بتعمل كتاباتك او تصميمك و تطلع الكلكات و تتفق مع واحد بتاع سلك سكرين ، تشتري الحاجه اللي عايز تطبع عليها و تتفق معاه على اللون و بس

اليفط بقى و كده ، بتخلص التصميم

وتروح لشركة طباعه و هناك المصمم هايشيك على شغلك ، و تتفق معاه على الخامة و كده و بس