وعليكم السلام ورحمة الله
الحمد لله على السلامة...وربنا يكتب لك مافيه الخير ^ ^

لا تسبق الاحداث .... اكثر من الدعاء ..... وبالله التوفيق .

أهلا بك من جديد
وربنا يوفقك
نحن لانعلم أين الخير
لكن نسال الله أن ييسر لك ما فيه خير لدينك ودنياك

بسم الله

و عليك السلام و رحمة الله و بركاته


بالتوفيق ان شاء الله


الحمد لله
.

يعني إيه الجملة دي مش انت لسه في الكلية ؟؟ ولا انت في آخر سنة وهتتخصص في حاجة معينة ؟؟

انت في كليه ايه اساسا؟

الله يسلمك يا غالى ^_^

صدقت .. الصبر جميل

آمين ..

أهلا خبير البليندر

أهلا أستاذنا عاطف

^_^

شئ من هذا القبيل ..
لكن ليس تخصص ... لكن من كلية إلى كلية و الله المستعان ..

دايما فاهمنى :d


فى كلية العلوم قسم الفيزياء و الرياضيات ....

منور يا شريف
يار رب تكون بخير

الحمد لله ^_^

المنتدى منور بيك يا زعيم ^_^

كيف أحوالك عم ياسر ؟

وفقك الله تعالى لما فيه الخير و الصلاح .

ارجع لعقلك يا بني اللي تعرفه احسن من اللي متعرفوش وفات الكتير ما باقي الا القليل
كفاية غربة اعمل في نفسك معروف من بنها للقاهرة يا قلبي لا تحزن

رغم إني مش فاهم حاجة، بس لو انت مش في أولى يعني عديت شوية يبقى حرام تضيع سنين تاني من عمرك، انت هتتسأل عن العمر ده، أنا مش أحسن منك يمكن أقل كمان بس بحاول أبقى كويس بس دي نصيحة لك نصحتها لناس كتير هوايتهم يتنقلوا بين الكليات مش فاهم إيه الغية في كده يعني التعليم كله عايز الولعة من أولى إبتدائي لآخر سنة في الجامعة يبقى أقعد أقضيها لف على الكليات ليه ؟؟ أنا بصراحة وقعت السنة دي بس ومخنوق لدرجة كبيرة رغم إن كان فاضل لي سنة واحدة، بس حاسس إن أنا اديتهم كتير وكنت عايز أروح أسحب ملفي من الكلية !! أيوة بجد الواحد بيضيع أربع سنين من عمره وبعدين يكتش إن حتى لو كان من أوائل الدفعة لازم يبني نفسه تاني وإن العالم اتغير وإن اللي خاده في الكلية ما فيهوش قيمة، وعندنا دكاترة في الكلية مشغلين لنا في كل محاضرة أسطوانة جلد الذات، بس مرة دكتور اتكلم عن النقاب واللحية كربجتوا على طول، وصدقني أتخن كلية بتتقضى بورق الكورسات، حتى العملي بيتقضى بورق الكورسات - دا لو كان في عملي أصلاً - وبعدين التخصص اللي انت فيه الدكتور بيفكر إنه أينشتاين ولا نيوتن ولا الخوارزمي عشان كده بيحب يعقد الطلبة أوي كان عندنا دكتور اسمه عبد الرؤوف عبد الواحد الدكتور ده قمة الجبروت، يشرح المسألة عادي جداً ولا تحس إنها فيها حاجة، في الإمتحان تكتشف الخوابير، تخيل كان في مسألة طالبين أطلع المساحة اللي تحت المنحنى بالتكامل، طلعتها بالسالب وكانت النتيجة صح !!، وفي كذا معادلة تطلع معاي النتيجة كده 0=0 ، س = س ، رقم = 0 طبعاً بالإنجليزي لإن أنا تجارة إنجليزي والكلام ده كان في أولى بس الراجل ده مفتري من كل النواحي، تأمين، إحصاء، رياضة مالية، رياضة استثمار - شكله كده متعهد نفخ الطلبة في الكلية -، وفي الإحصاء برضه جابلنا امتحان متعة، يخليك تفقد الإحساس بكل حاجة وتحس ان جسمك كله منمل، وإن الكرسي في حاجة مش مظبوطة، وإن عمارة وقعت على دماغك كل الأحاسيس دي في امتحان واحد طبعاً 80% من الدفعة شالت المادة 20% كانوا بيذاكروا من ورق معيد المادة اللي في الكلية وناس تانية بتحضر معاه من الأول قاللها على التريكات بقى والحاجات المستخبية - طبعاً لو سألت الـ 20% بعد اللجنة على طول انتوا كتبتوا إيه في الورق - هيقولولك إحنا فضينا ورق فلان في الامتحان بس وخلاص على كده طب النتيجة بتاعة المسألة الفلانية بكام والله مش عارف أصل كنت حافظ المسألة على بعضها، وفي طب وصيدلة نفس الشيء، حتى طلبة اسكندرية بيقولوا نفس الحوار ده في كلياتهم هناك، مافيش حاجة مالهاش سكة في البلد دي، أعرف واحد ممكن يضربلك شهادة بكالوريوس تدفع !! كخخخخخخخخخخخخخخخ

لا يا باشا انت كده فاهم صح
[/quote]
، وصدقني أتخن كلية بتتقضى بورق الكورسات، حتى العملي بيتقضى بورق الكورسات - دا لو كان في عملي أصلاً[/quote]
اتكشفنا يا رجاله انا في في هندسة اقعد طول السنة انام في المحاضرات و محضرش و هاتك يا تزويغ من السكاشن و المحاضرات و اعزم المعيدين علي الغدا والعشا علشان يكتبوني في الغياب واخر السنة اشوف الشباب بتوع الكورسات الدنيا ماشية عندهم ازاي وشكرا
ملحوظة : انا من مؤسسي الكلية بقالي 6 سنين المعيدين اللي عندي اصلا دفعتي وزمايلي بس هما ربنا فتح عليهم وانا زي ما انت شايف و الحمد لله
[/quote]
، في الإمتحان تكتشف الخوابير، تخيل كان في مسألة طالبين أطلع المساحة اللي تحت المنحنى بالتكامل، طلعتها بالسالب وكانت النتيجة صح !!، وفي كذا معادلة تطلع معاي النتيجة كده 0=0 ، س = س ، رقم = 0 طبعاً بالإنجليزي لإن أنا تجارة إنجليزي والكلام ده كان في أولى بس الراجل ده مفتري من كل النواحي، تأمين، إحصاء، رياضة مالية، رياضة استثمار - شكله كده متعهد نفخ الطلبة في الكلية -، وفي الإحصاء برضه جابلنا امتحان متعة، يخليك تفقد الإحساس بكل حاجة وتحس ان جسمك كله منمل، وإن الكرسي في حاجة مش مظبوطة، وإن عمارة وقعت على دماغك كل الأحاسيس دي في امتحان واحد طبعاً 80% من الدفعة شالت المادة 20% كانوا بيذاكروا من ورق معيد المادة اللي في الكلية [/quote]
هههههههههههههههههههههههههههههههههههه
لا العينة دي في منها كتيييييييييييييييير قوي عندنا انا جالي امتحان في الري والصرف (معرفش بناخد المادة دي ليه اصلا فاكرنا هنطلع نبني ترع يا خي ) مش من المنهج جاب الحاجات اللي لغاها اصلا احنا وبتوع بكالريوس لانه بيدي مادة عندنا ومادة في بكالريوس طبعا بتوع بكالريوس ضربوا المراقبين بالمعني الحرفي للكلمة و دكتور المادة فص ملح وداب لانها اخر سنة ليه عندنا مش هيحاضر عندنا تاني لانه منتدب اصلا فقال يسيب وراه خزوق وطبعا كل الناس محدش عارف يحل وقالوا الدكتور هيجي والدكتور جاي في السكة ولما مرت ساعه ونص ولم يظهر الباشا روحت فاتح ورقة الاجابة و قعدت الفت مسائل من دماغي وهاتك يا حل بس اكتشفت ان الدكاترة مظلومة تخيل فيه مسائل من اللي انا مألفها معرفتش احلها
التعليم في البلد دي رااااااااااااااااااااااااااااااااااااااااااااااااااااااااااااجع لورا

آمين


Hأهلا ^_^
لااااا .. قرار نهائى



آه .. عديت لتانية ... و من تانية لتانية و لسه السنة الجاية لتانية برده ..
تصدق أنا شايل مادة الديناميكا من سنة أولى ثلاث مرات و لسه هشيلها ..
تصدق إن عدد الطلاب إللى نجحوا فى الترم الأول صافى بدون مواد .. 17 طالب من 150 طالب ..
يعنى ال 17 طالب هما العباقرة و الباقى بهايم ..

لاااااأأأأ ... الـ 17 دول منهم 3 عباقرة و الباقى وسايط .. وسطة وسطة ...
على فكرة أنا هروح أحول كلية تجارة و أخش قسم إنجليزى إن شاء الله ..

المشكلة فى قسم الرياضة و الفيزياء إن الطالب مش عارف هيشتغل أيه ..
يعنى بتاع طب هيشتغل دكتور .. بتاع تربية هيبقى مدرس و تاع تجارة عارف شغله .. يا محاسب .. يا فى إدارة أعمال .. و بتاع خدمة إجتماعية عارف إنه هيبقى إخصائى إجتماعى ..

قسم رياضة خاصة أو رياضة و إحصاء أو فيزياء و رياضة .. هيشتغل أيه ؟؟

لا الطاالب عارف و لا الدكتور عارف ..
أصل الدكتور من يوم ما أشتغل هو بيدرس .. يعنى أتعين معيد و بقى دكتور .. يعنى ما يعرفش الواقع عايز أيه .
ديه مشكلة كبيرة جدا جدا ..
إنى مش عارف هشتغل بالأقسام ديه فى أيه ..
أنضف قسم أو قسمين .. هما قسم الحاسب الألى و مش بيدروا حاجة .. و قسم الفيزياء .. ناس عايشه الوهم و بيقولوا هنشتغل..

أنا زهقت من الرياضة و الفيزياء و الإحصاء ... كفـــــــــــايــــة كده

الدكاترة عندنا مقرفين ...
حتى كان فيه دكتور محترم جدا جدا .. أول دكتور أحس إنه بيفهم و بيعرف يفهم الطلاب و عنده أخلاق ..الدكتور توفى من أسبوع .. رحمه الله .
و باقى الدكاترة .. أعوذ بالله منهم ..


لكن أيه رأيك فى كلية تجارة إنجليزى ... أنا روحت و سألت و هروح فى أيام التحويل و أحول إن شاء الله و إن شاء الله أدخل قسم إنجليزى ..

بس فيه حاجة نسيت أسأل فيها ..
هو التكاليف كام بالظبط ؟؟؟ و أنت فى جامعة ايه ؟

و أزاى مساحة تطلع بالسالب .. أرفع على الدكتور ده قضية فى حق الرياضيات
الدكتور ده خريج تجارة و لا كيد من علوم قسم رياضيات خاصة .. حيث التعقيد