بدل ما تقول الى بيفهم والى مش بيفهم والكلام بتاع الاطفال دة كنت رد على الاسئلة الى سئلتهالك .!!!
بدل بردة ماكنت ترد عليا سؤال بسؤال .!

وفعلا اسف جدا انى شاركت معاكم .. وانى اتكلمت معاكم .. لانى كنت فاكر انى بتكلم فعلا مع ناس مقدرة المسؤلية .. او ناس عندها ذرة انتماء !!!!

من الواضح انكم انتو الى مش فاهمين اساسا ..!!
طيب هجبها ازاى دى !!
اية الفايدة الى عادت على القارئ والكاتب من الموضوع !!؟؟؟؟؟؟؟؟؟؟؟

ثم سيدا محمد.. (علية الصلاة والسلام) .. قال { من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان}
انت وهو عملتو اية من دة !!

انا عايز افهم حاجة .. انت اولا جبت الارقام دى منين !!؟؟
25 جريمة سرقة و5 اغتصاب ومش عارف كام كمان .!!!
انت عارف ان الاقام دى تافهة جدا .. (دة لو هى صحيحة اساسا) .. يعنى 25 جريمة سرقة على مستوى القاهرة بس ولا على مستوى مصر كلها !!!!
انت عارف تعداد السكان فى القاهرة بس كام !!
طيب بلاش القاهرة .. انت عارف تعداد السكان فى شبرا بس كام !!
بطلو بقى تصدقو كل حاجة كدة وخلاص .. اى حد يقول رقم ولا حاجة .. جرى .. تصدوها .!

ثم على موضوع جوجل دة .. الغلط على الى رفع الصور .. مش البلد نفسها .!!
ثم ان فرنسا (على سبيل المثال) اكتر شعب مش بيستحمى !!!!
تعرف كدة !!
وادى تقرير عن فرنسا
http://www.mfa.gov.eg/Missions/trave...ope/france.htm

ودة تقرير .. غربى .. بيوضح معدلات الجريم فى اوربا وفى امريكا .. اقوى بلاد فى العالم كلة !!!
http://www.mfa.gov.eg/Missions/trave...ope/france.htm
هل شفت حد منهم بقعد يغنى الكلام دة !!!!!

ثم انا بقى بقول ان مصر بلد الامن والامان ودليلى .
{فَلَمَّا دَخَلُواْ عَلَى يُوسُفَ آوَى إِلَيْهِ أَبَوَيْهِ وَقَالَ ادْخُلُواْ مِصْرَ إِن شَاء اللّهُ آمِنِينَِ}

هذه الايه كانت موجهة لاخوة سيدنا يوسف ولم يكن مبارك رئيس مصر وقتها ولم يكن هناك قانون طواريء ايضا ولا فاتورة زبالة مضافة بالاكراه للكهرباء حتي علي من لا ينتج زباله
استخدام الايه في غير محله اخي شريف (ليس كل من يدخل مصر أمن وليس في كل زمن )
هذه حالة خاصه باخوة يوسف
.....................................
بخصوص الانتماء الانتماء يصنعه تاريخك مع بلدك والذي هو في اسواء حالاته من حوالي 50 عام تقريبا
بالنسبه للارقام مصر يحدث بها اكثر من 6000 حالة موت سنويا من جراء حوادث الطرق فقط وذالك بسبب تهالك الطرق وقوانين المرور المتخلفه !!
....................................
معك طبعا في ان الانسان لازم يكون ايجابي
لكن في حدود صلاحياته
لما تكون مرتبات الموظفين 250 جنيه في وقت ايجار الشقه في مكان معقول 300 جنيه لا استطيع ان الومه لو اخطاء او طلب رشوه عيني عينك
....................................
بخصوص كلامك عن تغيير المنكر هو حادث بالفعل
نتعلم تعليم سيء فنضطر لاخذ دروس خصوصيه والاعتماد علي مصادر اخري للتعلم
جهاز مواصلات سيء فتشتري سياره مهما كنت فقير او ميزانيتك لا تسمح
ندفع الضرائب ونحن من يقوم بعمل الخدمات المسؤله عنها الحكومه
.....................................
اعتقد ان المصريين ايجابيين جدا لو حبيت اتكلم بشكل منصف
ايضا هم شعب ساخر حتي من مشاكله التسي تؤلمه لذالك لا يمكنك ايقاف مثل هذه المواضيع
..................................
بخصوص اننا نسيب البلد
ايدي علي كتفك
مصر اكثر شعوب المنطقه طلبا للكارت الاخضر وانا واحد منهم اقدم عليه من خمس سنوات بانتظام
مع محاولات للهجره قبل هذا بائت بالفشل
يمكنك ان تعرف سبب اصرار الشباب علي السفر لايطاليا رغم حوادث الغرق المأساويه
في احد هذه الاحداث في البي بي سي تكلمو مع من نجا من الغرق وقالو انهم سيعيدو المحاولات الي ان تنجح
هل لك ان تببر كل هذا !

اخى الكريم ياسر .. اولا احييك على روحك العالية .. تقبل الاخر بصدر رحب .. احييك .
ثانيا اخى الكريم .. والله والله .. انا اعرف ان حال بلادنا لا يسر عدو ولا حبيب .. وبالفعل .. يسلط الله علينا حاكم ظالم يتلوة حاكم ظالم .
ولكن اخى الكريم .. الا تتفق معى ان هذا ليس الحل .؟
ومع اعتراضى على فكرة السفر والعمل فى الخارج (فى اعمال حقيرة فى الغالب) .. الا اننى احترم وجهة نظرك .
ولكن اخى .. هل لا يوجد حل اخر غير السفر .. او السب .. او الاعتراض بدون تقديم او العمل على حلول ؟
ماذا لو حدثت حرب مثلا .. هل تترك البلد .. هل تترك اهلك واقاربك لمصيرهم .!
على الاقل .؟
هل فعل ذلك اجدادنا .!
لماذا لا ناخذ مثال منهم .. مع العلم انهم كانو يعيشون حلات اسوء من حلاتنا بمراحل .. فعلى الاقل انت لا ترى جدنى بريطانى فى الطريق .. يقوم بتفتيش اختك او اخيك !!
ولكنهم صبرو واحتسبو .. وحررو .. وضربو اروع الامثلة .
لماذا لا نكون مثلهم .!
هل اتو من المريخ .

ما اقولة اخى .. اننى ضد الاعتراض لمجرد الاعتراض .. وضد الاعتراض علنا جهارا .. وبعد ذلك اشتكى من كبت الحريات !!
لو لا استطيع ان اقدم او احاول التغير فالافضل ان اصمت .

وسؤالى مرة اخيرة .. ما هى الفائدة التى قد تعود على وعلى غيرى من مواضيع مثل هذة ؟؟

هل تعتقد ان من لا يحترم بلدةسوف يحترمة الاخريين ؟
هل تعتقد ان مثل هذة المواضيع ومثل هذة الاعتراضات تؤدى الى اى نوع من انواع الخير ؟
ماذا فى مثل هذة الاعتراضات امرنا الله به ؟

وفى النهاية سعدت جدا بالحديث معك اخى الكريم .. لانك تقبلت الاخر بصدر رحب .. بارك الله فيك .

انا لا اخالفك اخي شريف
لكن ممكن يكون نوع من التنفيس
لا اخالفك في مسألة العمل وان كنت اراها قائمة فعلا في اغلب الاحوال لكن لا جدوي
لكن تخيل ان كل وسائل الاعلام تذيع باستمرار ان النباتات لونها ابيض لونها ابيض لونها ابيض
بالتأكيد سيكون بودك ظهور اي مكان تستطيع ان تقول ان النباتات لونها اخضر

[quote]من الواضح انكم انتو الى مش فاهمين اساسا ..!!
طيب هجبها ازاى دى !!
اية الفايدة الى عادت على القارئ والكاتب من الموضوع !!؟؟؟؟؟؟؟؟؟؟؟

ثم سيدا محمد.. (علية الصلاة والسلام) .. قال { من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان}
انت وهو عملتو اية من دة !!/quote]

على فكرة مش لازم تعرف أنا عملت إيه، وبعدين تغيير المنكر لما يبقى من الأعلى لازم يكون له ضوابط مش سبهللة زي ما الأستاذ ياسر قالك باختصار احنا رمينا طوبة الحكومة بس احنا مش بنتكلم عن حكومة بنتكلم عن تشغيل المخ إنك تشغل النعمة اللي ربنا خلقهالك جوة جمجمتك عشان تفكر بيها وتحرّك جوارحك على الأساس ده أظن الرسالة وصلت ولو ما وصلتش يبقى دي نادرة تانية من النوادر

اولا انا مشفتش الاسئلة بتاعتك يعني فين بقي الاسئلة اللي انا رديت عليها باسئلة
ثانيا انتماء ايه ومسئولية ايه اللي حضرتك بتتكلم عليهم هو حضرتك تعرف الناس اللي انت بتكلمها علشان تقول عليهم معندهمش مسئولية او انتماء كل واحد عنده اللي عنده يعني انا مش عاوز اقولك اني بدرس في كلية هندسة بالنهار و من سنتين بالظبط كنت بشتغل في ورشة احذية بالليل اعزك الله لحد ما ربنا كرمني و اتنقلت وبشتغل في مطبعه اي نعم انا حاليا قاعد مش شغال علشان مفيش دراسة بس راجع الشغل بكرة عارف انا بشتغل في ورشة احذية ليه علشان الاقي فلوس اركب بيها المواصلات واروح الكلية بتاعتي و البس زي زمايلي هي دي المسئولية اللي معدومة عندي
بالنسبة للانتماء بقي اللي انت بتقول ان معنديش ذرة منه اكاد اجزم اني احب هذه البلد اكتر من اي واحد عايش فيها و اعذوروني في ديه بس انا فعلا بحب البلد المفعوصه دي اللي اسمها مصر علي الرغم من البهدلة اللي شايفنها فيها
ثم تعالي هنا قولي بالله عليك الاب اللي بيشتغل شغلتين في اليوم وتلاتة علشان يوفر لاولاده حق التعليم اللي اتنيل بستين نيلة و في الاخر يطلعوا يقعدوا علي القهاوي هيبقي عنده وقت منين يفكر في الانتماء والشعارات الكذابة اللي انت قاعد تقولها وبتطالبنا بيها.... اليوتوبيا اللي حضرتك بتفكر فيها مش موجودة غير في الكتب بس لكن الواقع مختلف تماما ياريت حضرتك تنزل الفجالة او شارع كلوت بيك او اي حته شعبية في مصر القديمة و تقعد علي قهوة من القهاوي اللي هناك وتشرب واحد شاي بنص جنيه وتسمع الناس هناك بتقول ايه و عايشين ازاي ... يا عم الناس معندهاش وقت تتنفس ...
بالنسبة للموضوع فالغرض منه زي ما قال عم ياسر التنفيس
سؤال اخير معلش هو حضرتك عندك كام سنة ؟؟؟

............................

لا حول ولا قوة الا بالله .

انا اعذرك كدة !!
انت مقرتش اسئلتى (رغم انى كررتها فى اكتر من رد) ... واطلب منك ترد عليهم الاول .!
ولا انت بتقتبس الى يعجبك ..!

اولا اعانك الله .. وسدد خطاك .
ثانيا .. معلش يعنى .. اية علاقة مسؤليتك الشخصية بالمسؤلية الى بتكلم فيها .!؟
لو تعرف يا اخى الفاضل .. فى فرق بين المسؤليات .. ثم انا مش بقول انك مستهتر فى حياتك الشخصية .. (اعوذ بالله من الرمى بدون علم) .. انا معرفهاش اساسا ..!
لكن معلش قولى .. انت ممكن يكون عندك حاجة مش نضيفة فى البيت وتروح تقول لاصحابك عنها !

ثم ان مثالك (واعذرنى) مش فى محلة .!
دى قصة كفاح .. اية علاقتها لالى بنتكلم فية .. وارجو انك تفهم كلامى باشكل المطلوب .. انا قصدى انى ممكن احكيلك على المسؤلية الى انا شايفها .. واقلك منا شايل اتقل منك اهو .. وهو دة منطقى !
صح ولا اية .؟

لا حول ولا قوة الا بالله العلى العظيم .. منين بتقول عندك انتماء ومنين بتقول شعارات كذابة !!
وبالمناسبة سؤال بسيط .. اية هو مفهومك عن الانتماء ؟؟

طيب معلش اية علاقة الكلام دة بالموضوع ؟؟؟
ومن ناحية تانية .. انزل مسجد (فى الحتت الشعبية بردة) او انزل اى دور علم (حقيقى) واسأل الناس .. وشوف هيقولو اية ؟؟

ومعلش بردة اية علاقة سنى بالموضوع ؟؟؟؟

اولا شكرا علي الدعاء وبارك الله فيك
ثانيا معلش انت ليه عاوز تديني انطباع العقل والمنطق انت في منتدي عام يعني مكان للترويح والتسلية ليه عاوز تحسسني اني راجل عقلي علي قدي بصراحه اسلوبك في الرد عليا بويحيلي بالفراغ انا اسف يعني علي الكلمة دي وانا والله العظيم ما عندي وقت ويمكن ردودي اغلبها بيكون متاخرة علشان بكون في شغلي بالنهار ومبرجعش غير بالليل
بالنسبة لموضوع مسئوليتي الشخصية اللي حضرتك اعتبرتها حاجة وسخة او وحشة عندي في البيت ومينفعش اني اقولها لصاحبي فهي دي جزء من مسئوليتي تجاه بلدي و متقوليش قصة كفاح والحواديت بتاعت الكتب
ليه جزء من مسئوليتي تجاه بلدي ؟؟؟ لاني لو نزلت دلوقتي وبالمناسبة الساعه دلوقتي 4 بعد نص الليل
وانا ماسك في ايدي مطواة قرن غزال وواقف افتش الناس في الشارع ده هيخليني مثال سئ في البلد ولو توفر 8 من العينة اللي بتعمل كده في حي واحد الحي ده هيرجع عشر سنين لورا ما بالك بتوفر 1000000 شاب في مدينة ولا في محافظة يبقي لما اقولك ان مسئوليتي الشخصية هي كذا كذا متبقاش حاجة وسخة مينفعش اقولها لصاحبي ومتبقاش حاجة ملهاش علاقة بمسئوليتي تجاه بلدي
لاني راجل اتربيت في حي شعبي و عندنا (ومش عارف بالظبط حضرتك منين يمكن عند حضرتك الوضع يختلف)
الشغل مش عيب ومفيش حاجة تعيب الراجل غير انه يقعد من غير شغل او يعيش من غير هدف وهو ده مفهوم المسولية تجاه البلد انك تكون انسان طموح تحاول تبني نفسك وتبقي حاجة علشان لما تبقي حاجة تحاول تساعد مش تقعد تقول للناس انت عندك انتماء وانت بتشوه صورة البلد
ده اول سؤال بتاع المسئولية
السؤال التاني بتاع الانتماء بقي اي واحد يقولي خلي عندك انتماء او مصر التي في خاطري وفي دمي انا بقوله اتكل علي الله الكلام ده تقولو علي القناة التالتة في برنامج ريبورتاج او علي القناة الاولي في برنامج علي الناصية
انتماء ايه يا ناس اللي هيتواجد في بلد مش بتاعتي الانتماء موجود اه انا بحب البلد دي
بس مش بحب الحكومة بتاعتها انا بحب المكان اللي اتولدت فيه واتربيت فيه
انا بحب بيتي اللي جدي اشتراه و دفع فيه اخر قرش في جيبه واستلف علشان يكمل حقه واعطاه لاولاده يعمروه من بعده
بس مش بحب الوزير اللي طبق عليا قانون ضريبة العقارات
انا بحب اني اعيش في امن وانا ماشي في الشارع بس مش بحب الوزير المسئول عن الحفاظ علي الامن
ده سؤال الانتماء
انتمائي لبلدي اللي مش بلدي ده موجود بس مش بالشعارات اللي حضرتك بتقولها دي انتمائي لبلدي ده جوايا وعرضي للموضوع اللي اتهمتني اني معنديش انتماء لبلدي بسبب عرضه هو حزن علي حالها وبعدين الناس اللي في المنتدي مش من كولومبيا ولا من المكسيك دول ناس مسلمين اولا عرب ثانيا اخوة و اشقاء ثالثا ومش هيفرحوا ابدا لما يشوفونا وحشيين بالعكس بيحزنو جدا
ده سؤال الانتماء
بالنسبة لسؤالك ايه علاقة الكلام ده بالموضوع ان حضرتك قاعد تقولي ناس بتشوه صورة مصر وناس بتعمل في مصر يا اخي انت مش بتقرا جرايد مش بتشوف اخبار وبعدين انت بتقولي انزل مسجد في منطقة شعبية هو انا المفروض اني ساكن في منطقة شعبية اكيد مبصليش في بيتنا يعني او عامل جامع كده مع نفسي وبصلي فيه يا سيدي الشيوخ اللي في المناطق الشعبية تعبوا من كتر الكلام في حال البلد وبعدين يا سيدي
ايه رايك في سياستنا الخارجية ؟؟؟ هل مصر دلوقتي بتلعب دور الدولة الرائدة والحواديت القديمة دي ولا خلاص راحت عليها ؟؟؟ ايه الكلام اللي قالوه المسئولين وعلي راسهم ..... لما سألوهم عن الحرب في لبنان ؟؟؟
علشان متقولش انا برد علي سؤالك بسؤال
سياستنا الخارجية زي الزفت و بقينا لا نسر عدو ولا حبيب محدش بقي يسمع لمصر كلمة بعد ما كنا بنلعب دور الاخ الاكبر او كنا متوهمين بكده بقينا بنلعب دور ماسخ ملوش طعم ولا لون ولا ريحة
لم يعد واحد في العرب كلهم مسئول او حتي مواطن يثق في مصر ولا يثق في افكارها السياسية
راح دور الدولة الرائدة والاخ الاكبر من زمااااااااااااااااااااااان
و من احد الادلة الحرب علي لبنان والتصريح الناري المشهور
انا محطش ايدي في بق الاسد
علي الرغم من السؤال كان ايه رايكم في الحرب علي لبنان وهل لو طالت الحرب و طالت الحدود المصرية هل مصر جاهزة للرد علي اي عدوان انا فاكر السؤال بالنص يعني متروحش تدور علي جوجل وتجيبلي رابط وتقولي هي دي المقابلة او هو ده الحديث الصحفي علشان مش هخش عليه لانه مش جديد عليا
ودليل تاني بعد مصر التام و اقصائها عن موضوع حماس واسرائيل اللي كان داير من فترة لاسباب كتير طبعا احنا مش بصدد الكلام في السياسة و التعمق فيها علشان بس الموضوع ميخرجش بينا ويروح لبعيد
هل بعد ده كله حاسس اني لما بقولك انك عايش في يوتوبيا الكلمتين دول ملهمش علاقة بالموضوع ؟؟؟؟
بالنسبة للسن انا برحب بيك كصديق واخ و مفيهاش اي احراج انك تقولي عندك كام سنة انا بس مش قصدي حاجة ده كان سؤال عادي علشان متفهمش غلط وانا يا سيدي عندي 23 سنة ها ايه المشكلة
اعتقد اني رديت علي كل اسئلتك
وعلي فكرة الموضوع ميستهلش اننا نفتح صفحات و صفحات ونكلف المنابر حبر وورق
و نصيحة اخوية ليك بصراحه يعني والله علشان انت اخ في الله و انا سعدت بالنقاش معاك
الموضوع اللي مش عاجبك في اطراف الحديث ولا تخشه و لا ترد عليه انا بعمل كده والله علشان لاتوجع دماغك ولا توجع دماغ صاحب الموضوع ولا نكلف المنابر حبر او ورق وبراحتك علي الاخر بس انا بحب اعمل كده وحبيت اقولك يعني لو مش عاوز تعمل بالنصيحة انت حر وشكرا علي ردودك الممتعه ومناقشتك الجميلة يا استاذ .....
هو حضرتك اسمك ايه

مع احترامي الشديد لك

لا أحب مثل هذه العناوين

ولا يمكنني أن أعترف بشاعر يقول مثل هذا البيت على مصر

مصر الارض عنها اتكلم ، لا عن رئيس و دولة ولا شعب حتى ..

مصر بلد الأديب .... و هي البلد الطيب

نعم ما يحصل هناك يحصل في بلدي المغرب ، هناك فساد وهناك العكس

لكن كارض و رمل و تراب

بصفتي واحدا من هذا الجيل ، قد لا أستحق أن تطأها قدماي

هههههههههههههههههههههه

انتو لسه بتتخانقوا من ساعتها