اه بالنسبة لموضوع النظام في المنابر وان كل موضوع المفروض يروح للمنبر المخصص ليه
ياريت حضرتك تخش علي الموضوع ده وتقولي الموضوع ده هنا ليه
http://www.maxforums.net/showthread.php?t=122784
مش المفروض مكانه في منبر تاني ولا انت مش معايا
يا شباب الفكرة لو وحشة ومش عاجبه حد انا ممكن اكنسل الموضوع و نطلب من حد من المشرفين بحذف الموضوع
ولو عاوزني اكمل في الموضوع هكمل كله براحتكم انتم
واسف يا علي التطويل واسف علي الاسلوب لاني بصراحه مضايق شوية

سجلني معاك يا عم محمود الله عليك على هذه الفكرة الرائعة ....
بس أهم الشي تكون بعد انتهاء تحدب السكاي لاين ....

يتم الإتفاق على الموضوع ثم يتم تحويله إلى منبر الورش اليس ذلك أفضل

دعنا ننتهي من مسابقة الإخراج ثم ابدأ الثاني

الفكره جميله ومناسبة من حيث التوقيت ايضا اقصد الاجازات .... العمل في شيء مفيد ...
وهل يمكننا ان نقدم المساعده للاعضاء المشتركين ام لا ؟؟
اتمني التفاعل من الاعضاء ....
بالتوفيق .........

اهلاااااااااااااااااااان استاذي الكبير ازيك يا استاذ مصطفي يارب تكون بخير
بالنسبة لموضوع المساعده مش عارف مش هينفع لانها هتكون مسابقة
بس ممكن نقدم مساعدات بس طريقة غير مباشرة في الخباثة كده يعني مش نقدم حاجة في صلب الموضوع
بمعني اللي عاوز اي مساعده يعمل موضوع جديد ويسال الاعضاء في اللي هو عاوزه وان شاء نقدم مساعده علي العموم شكرا استاذ مصطفي علي مرور حضرتك الغالي

ماشي يا عم اياد لا تقلق تحدي السكاي لاين سينتهي يوم الاربعاء والنهاردة الاحد يعني خلاص قربت العملية حتي لو عملت المسابقة مع التحدي السكاي لاين صدقني لن تجد اي تعارض او تضيع وقت لان مسابقتي بسيطة جدا وابسط من نقلها لمنبر الورش والمساابقات علي العموم تم تسجيلك يا عم اياد يا غالي
اهلا اخي الثقب تابع ردي علي اخونا اياد

اخى الكريم انا بتكلم عن منبر الماكس خصوصا لانه اكثر منبر فيه مشاركات وفيه مواضيع تخص الماكس اما المنابر الاخرى فا التفاعل فيها اقل بكتير من قسم الماكس وبعدين زى ما فيه مسابقات بتعمل فى منبر البلندر ومنبر المايا وغيرهم فى مسابقات بتتعمل فى منبر الورش زى تحدى الخامات والاضاءه وزى مسابقات رمضان ومسابقات الكرتون ومسابقات السيارات (ليه انت بتاخد الغلط كمثال متاخد الصح)
بالنسبه لمنبر الرسم والتلوين هوا أعد خصيصا من اجل هذا لانه رسم يدوى وتلوين فيجب فصله قليلا عن الاعمال الديجيتال
بالنسبه للموضوع المشار اليه انا مأخدتش بالى منه غير دلوقتى واكيد لو كنت اخدت بالى قبل كده كان زمانه اتنقل من زمان
الموضوع مش عدم نظام بس اكيد المشرفين دول بنى ادمين زى باقى الناس بيدخلوا اوقات واوقات بيكونوا مشغولين مش كده ولا ايه ؟
وبعدين ممكن تقولى ماله منبر الماكس ؟ وايه الحال اللى وصل ليه المنبر ومخليك زعلان كده ؟

up up
يالا يا شباب ردين كمان و هفتح موضوع جديد عن نوعية المسابقة وشروطها و الاسئلة والمقترحات بتاعتكم
اصل انا قلت عاوز 10 اعضاء علي الاقل

على بركة الله أخي
أنا معكم إن شاء الله............بس بتمنى تنتظر قليلا حتى يصير عدد المشاركين أكبر
وكمان بتمنى يكون للموديلينج الحظ الأكبر في المسابقة...........بما أنو في مسابقات مستقلة للمجالات الأخرى

شكرا يا استاذ محمود علي ردك انا فعلا بعذركم لانكم عندكم مشاغل كتير خصوصا حضرتك لاني عارف انك لسه مخلص مشروع التخرج بتاعك من حوالي اسبوع او اقل (انا في كلية هندسة برضه وفاهم )
بالنسبة للمنبر انا شايف ان مستوي الموضوع بدأ ينزل شوية يعني كنا من فترة طويلة اغلب مواضيعنا دروس وميكنج اوف ومتابعات كتير للاحداث اللي حوالينا في المجال
تصدق يا استاذ محمود انا في يوم واحد في منبر الماكس رصدت 3 مواضيع عن المقارنة بي الماكس والمايا تخيل لسه فيه ناس بتتكلم في الموضوع ده دلوقتي انا مش همنع الناس انها تتكلم بس مش دي المواضيع اللي مفروض تكون هنا او علي الاقل نحاول نفهم الناس دي وبعدين رد مشرف او عضو متميز في موضوع لعضو جديد العضو الجديد بيخدوا بجدية شديدة وبيعتبره نهائي
و في مواضيع تاني في منبر الماكس كتير جدا يعني مستواها مش اللي هو بس انا مقدرش احكم علي الناس بس متابعة الناس اللي فاهمه للمنبر و التفكير في تطويره بافكار جديدة بيخلي للمنبر شكل جميل ورائع
انا بس بحاول اساعد وانا مش جايب الرابط بتاع الموضوع اللي المفروض يتنقل علشان اشكك في المشرفين لا سمح الله انا بعذركم والله وعارف مشاغلكم انت لو شوفت اخر رد في الموضوع ده هتلاقيه ردي بطلب من حد من المشرفين نقله للقسم المخصص ليه
انا والله قصدي من ورا الموضوع ده التطوير و التجديد مش اكتر
وانا بعتذر عن اي كلمة صدرت مني ايقة حضرتك لان كلنا هنا حبايب واخوات و همنا هو انجاح المكان علشان هو ده المكان اللي اتعلمنا فيه و ما زلنا نتعلم منه ومن ناسه
شكرا يا عم محمود

اليوم الاثنين ولا الأحد ؟

يظهر اني بدات اكتب ردود مع الناس
اهلا black rose
معلش كنت بكتب رد مع ردك و لم اره الا الان
المسابقة في الموديلينج والله في الموديلينج متخافوش يا جماعه انا مستني الناس تكتر شوية و هفتح موضوع جديد فيه المسابقة

والله ما انا عارف يا نهار ابيض هو النهاردة الاتنين اسف يا جدعان مش عارف النهاردة ايه

أنا معكم

على بركة الله

اهلا ومرحبا
ان شاء الله يا شباب غدا ساقوم بعمل موضوع جديد فيه كل حاجة عن المسابقة
بالتوفيق للجميع وفي انتظار باقي الزملاء الراغبين في الاشتراك