شكرا يا ياسر , و اتمنى فعلا ان تكون فى ردودى اى افادة حتى ولو بسيطة .

بالنسبة للشخصيات الفنية , انا اساسا بهتم بمستوى الفنان و العمل الفنى انة يكون عندة فكر و عندة اتجاه فى اعمالة و اسلوب متميز , و حتلاقى ان فى فنانين كتير كدة , انا بتابع اى عمل جيد و فنان جيد , و عندك الانترنت اتاحت الفرصة انك تشوف كل انواع الفناني و كل الاتجهات فى كل الدول , انا بهتم بفنانين الفنتازى و فنانيى الخيال العلمى بالتحديد , ودول كتير جدا دلوقتى بس عندك على مثلا سبيل المثال و ليس الحصر :

فى الثرى دى :

Neil Blevins
meats meier
pascal blanche
Eni Oken

فى الفنتازى عندك :
hr giger
rodney matthew

و من مصر :
عبد الهادى الجزار و دة من الرواد فى مجال الفنتازيا فى مصر , فنان فعلا سبق عصرة بسنين .

الفنانين كتير جدا و فى مستويات عجيبة الان و يصعب حصرهم فى مشاركة , و هى الفكرة انك تدور و تبحث و تشوف كل انواع الفنون و الفنانين فى جميع المجلات , جرافيك , نحت , عمارة , تصوير , و خلافة

اكتر حاجة جرافيك عربى عجبتنى مؤخرا كان اعلان هيئة العامة للاستثمار فى السعودية و معرفش مين اللى عملة , بس الفكرة حلوة و التنفيذ ممتاز .
http://www.maxforums.net/attachment....1&d=1217764545

انا حاليا بشتغل فى الاستوديو الخاص بتاعى , و بجهز المكتب بتاعى ان شاء الله زى ما وضحت قبل كدة .
و اتمنى النجاح و التوفيق للجميع .

شكرا يا مهارى و ان شاء الله مافيش حاجة بعيدة على ربنا , انت بس شد حيلك كدة و اجتهد كدة و فرجنا بقى الشغل و ان شاء الله حتلاقى نتيجة و توفيق فى النهاية , مافيش شك فى كدة .

السلام عليكم ورحمة الله وبركاتة
مشكور اخ ايمن مع التفاعل ورد الجميل
وأنا بحب التصميم مش بحبو بس انا بعشقو بجنون ولكن صار عندي تشويش من كثر البرامج جرافكس
مش عارف ابدع على برنامج كل ما ابدء اتعلم برنامج يطلعلي برنامج ثاني مش اية اعمل الخ........
بس بدي منك اخ أيمن تنصحني ببرنامج ابدء به عالم التصميم واية اصدار او اي اخ من اعضاء المنتدى الجميل

ارجو ان تفيدوني ولك جزيل الشكر

بئمان لله


اخوكم احمد من الاردن
..............
.................................................................................................... ..........

شكرا جزيلا أخي أيمن على هذا التفاعل الجميل و ماهي الا دلالة على حبك لعملك و ابداعك, الجلي لكل متتبع لأحداث و تطورات الثريدي.

ولدي سؤال واحد فقط: كيف تستطيع المساهمة في تطوير جيل مبدع في هذا المجال بحيث يفرض ابداعهم على المجتمع و السوق العربي و العالمي؟

وجزاك الله خيرا

شكرا جزيلا إستاذ أيمن

أستاذ أيمن أشكرك على إهتمامك بسؤالى والله هذا الموضوع كاد ان يصيبنى بالجنون بس الحمد لله حضرتك فهمتنى بإستفاضه شكرا جزيلا
وأدعوا الله لك بمزيد من الإبداع والتميز طبعا انت مبدع ومميز ولكنى ادعوا لك بالمزيد

اهلا يا اخ احمد , شوف يا اخى , كمبيوتر جرافيكس معنها جرافيكس اتعملت بالكومبيوتر ومش معنها ان الكمبيوتر عمل جرافيكس , حتقولى اية الفرق , حقولك لاء الفرق كبير , الكمبيوتر مبيعملش جرافيك , الكمبيوتر دة اداة عشان انت اللى تعمل بيها جرافيك , يعنى لازم تحتط فى دماغك ان انت اللى بتعمل الجرافيكس مش الكومبيوتر و البرامج , و تتعامل معها على انها مجرد ادوات مش اكتر من كدة .
كل يوم فى برامج جديدة و اصدرات جديدة , لو حتعقد تجرى وراء كل اصدار و كل برنامج جديد , عمرك كلة حيضيع فى التنقل و تجربة البرامج , و مش حتطلع جرافيك او غيرة .
مش معنى كلامى انك تتوقف عند برنامج محدد و تتوقف الحياة , لاء برضو مش دة قصدى , انا قصدى ان هدفك انك تعمل تصميم جيد و تعمل جرافيك جيد و تحريك جيد , عملت دة بالكمبيوتر عملتة باى الة يبقى هى دى الادوات اللى تتمسك بيها و تكمل بيها , يعنى كل تركيزك يكون على العمل الفنى مش على ادوات العمل الفنى , ومدة مهم جدا لان انا بشوف ناس كتير بتهتم بادوات على حساب العمل الفنى نفسة اى كان , يعنى تلاقى الرندرينج حلو جدا و الاضائة ممتازة و التحريك رائع و الالوان تحفة و الخمات حقيقية حتنطق , انما تدور على محتوى فنى متلاقيش , و كأن الفنان كان عاوز يعمل ديمو للبرنامج مش عاوز يعمل فن .

الحقيقة انة مش مهم الرندرينج و مش مهم الاضائة و مش مهم الخمات , المهم العمل نفسة , هل انت عبرت عن افكارك ولا لاء هل انت وصلت فكرتك و لا لاء هى دى اللى تركز عليها , و مكدبش عليك انا فى بدياتى كنت بهتم بالبرامج لحد ما وجدت انى تائهة بين البرامج و امكانيتها و مش بعمل اللى انا عاوز اعملة .

انت جرب كذا برنامج و البرنامج اللى ترتاح معاة سواء فى الثرى دى او التو دى , ابدء بقى اشتغل على افكرك و على اللى انت عاوزة يوصل من خلال هذا الفن , و انسى بقى شوية الاصدرات الجديدة او اى برامج جديدة تتطلع , و ركز شوية على فنك و تصميماتك .

ارحب بالفنان ايمن اعجبتنى كثيرا اعمالك ليس عندى اسئلة ولكنى احييك واتمنى لك المزيذ من التقدم والتوفيق فى حياتك

اشكرك يا اخى على كلماتك الرقيقة ,
الحقيقة سؤالك دة اكبر منى بكتير , مين انا عشان اطور جيل مبدع يا رجل , اقدر اقولك انى انا بحاول اجتهد فى عملى و فى مجال تخصصى بما رزقنى اللة بة من فضلة و كرمة , انما المهمة اللى بتتكلم عليها دى رسالة اكبر منى بكتير , و لكن اذا قدر لى فى وقت من الاوقات انى انقل هذة الخبرة بشكل من الاشكال , اتمنى وقتها ان يوفقنى اللة لهذا العمل .
ولكن اقدر اقولك ان الان الفرصة متاحة للجميع لتطوير انفسهم و فرض ابداعهم , الموضوع بس محتاج شغل كتير و عاوز شوية صبر , واى موهبة حتفرض نفسها فى النهاية ان شاء الله .

شكرا يا اخ زاهر , و تمنياتى لك ايضا بمزيد النجاح و التوفيق .