البداية الحقيقة , كانت مختلفة شوية , عشان انا نشائة فى بيئة فنية تماما , لان الوالد اساسا يعمل بالفن التشكيلى فى مصر , و لة اعمال فى مجال الجرافيك المصرى و كان من اوائل المهتمين بالفنون الشعبية فى مصر , و الوالدة كمان كانت دراستها فنية فى الاساس .
المهم انى منزو صغرى كنت باكل فن و بشرب فن , و كان والدى دائما يصحبنى فى المعارض و المناسبت الفنية التشكيلية المختلفة فى مصر , و اكيد كتير من المصريين هنا فى المنتدى عرفين ان الحركة الفنية فى مصر و الى الان فى نشاط دائم و مستمر , طبعا زيارة المعارض دى خلانى اتعرف على المجتمع الفنى بشكل عام و ربى فية احساس فنى و دة كان بدون تخطط منى.
و الحقيقة ان الموهبة الفنية نتيجة التاثير دة فعلا ظهرت مبكرا , و تقريبا كانت المادة اللى بنجح فيها بتفوق هى مادة الرسم , و بالرغم من كل هذا التاثر انا لم اكن اهتم انى اصبح فنان مثلا و لكن يظهر ان الطبع غلاب زى مابيقولو .
و كنت مهتم منزو صغرى بتصميم السيارات , وفعلا كنت برسم تصميمات السيارات دى فى اى ورقة فاضية اشوفها ,و تطور الموضوع و بدات الاهتمام برسم افكار و موضوعات اخرى .
فى المرحلة الجامعية كانت كلية الفنون الجميلة هى الاختيار الواضح , و كان من نصيبى قسم الديكور بالكلية , و الحقيقة القسم دة فدنى كتير فى شغلى بعد كدة , لان مواد كتيرة كان ليها علاقة بشغل الثرى دى بعد كدة ,زى تصميم الست و اماكن التصوير و الاضائة و الخامات و غيرها مما يعتبر من اساسيات التصميم الثرى دى .
فى الوقت دة كان ليسة الكوبيوتر الشخصى فى البدايات وكنا بنستخدمة فى الجيمز اكتر ,و لكن مع المرحلة الجامعية و زيارة بعض معارض شركات الكوبيوتر جرافيك فى مصر , بدائت اهتم بتوظيف هذا الجهاز فى اعمالى الفنية , و اول جهاز استخدمتة للغرض دة كان اسمة "كومودور اميجا" , اكيد بعض الاعضاء يعرفوة .
بعد التخرج بكام شهر اشتغلت فى استوديو جديد كان بيضم قسم للكوبيوتر جرافيك , و كان المكان دة السبب فى التعرف على المجتمع الاعلانت فى مصر و البداية الحقيقية فى عملى كمصمم جرافيك ثرى دى و كلام دة كان سنة 1994 تقريبا , انا الحقيقة لم اكن استقر كثيرا فى الاستوديوهات و كنت اهتم اكتر بالعمل الخاص و دة لاسباب معينة .