موضوع جميل يابو معاذ وجه في وقته...

بصراحة انا كنت بكتب رد هنا تكون اضافة ضمن الاضافات المهمة الي اضافوها الاخوة هنا... لكن الموضوع وسع مني واي ... وملحقتش اخلصه ومفيش وقت كافي النهاردة عشان اكمله... وكمان محتاج انظم ردي...
ان شاء الله بكره او بعده اشارك معاكم هنا.... او سافتح موضوع في اطراف الحديث عنه... لان بصراحة الانيميشن مابيخصش الماكس لوحده ...
بيخص المايا والماكس بس xD

بهزر طبعا

ياهلا ياطيب كيف حالك رمضان كريم اخى الحبيب محمد لك وحشه والله
بانتظارك ان شاء الله

اهلا بيك ابو معاذ.. وانت ولله ليك وحشة كل سنة وانت طيب


بصراحة انا مستغرب ان لحد الان مفيش قسم مخصوص للانيميشن... مع ان الانيميشن نوع من الفن بعيد جدا عن باقي الفنون الرقمية زي المودلنج والرندر والدايناميك... وبعيد جدا عن ان يتم تصنيفه تحت اسم برنامج معين.... لان ادوات الانيميشن هي تقريبا واحدة في كل البرامج ....

وبصراحة بستغرب جدا... لما بلاقي بعض الشباب المتحمس اللي عايز يتعلم انيميشن... يبداء يتفحوا موضوع يناقشوا فيه واجهة وادوات الانيميشن في الماكس او المايا ... الخ وبعد فترة لما يعرفوا ان ادوات الانيميشن هي فقط set a key and graph editor بيتصدموا انهم بيلاقوا نفسهم مش عارفين يحركوا .. ولو حركوا بيلاقوا الحركة مليئة بالاخطاء... ولو حاولو يصلحوا الاخطاء بيلاقوا ان الاخطاء زادت والحركة طلعت من ايديهم... وبعد كده يقولوا يا إما ان الانيميشن صعب... او ممل..

مع احترامي لرائ بعض الشباب هنا اللي بيقولوا ان الانيميشن ممل ... انا مقصدهمش طبعا.... لكن انا بكلم بشكل عام

انا عايز اعرف ممل ازاي... انا اعرف الملل بيجي ... لو انهم بيعملوا حركة بكل سهولة وبتطلع حلوة جدا... ومابيلاقوش اي تحدي او صعوبة... ممكن هنا نقول ان احساسهم بالملل منطقي....

عموما نصيحة مهمة للجداد اللي عايزين يتعلموا انيميشن بطريقة صحيحة...
ان طريقة التفكير للانيميشن مختلفة تماما عن دروس المودلنج او الرندر ... اللي انتوا مشيتوا عليها قبل كده..
اعدادات الريندر.. ممكن تكون مفيدة جدا في تعلمك للريندر... بس للاسف مفيش اعدادات للانيميشن
و المحاكاة في المودلنج ليها فايدة كبيرة في تعلم المودلنج... (باستثناء تصميم الشخصيات ... محتاجة تدرس او تبقي عندك فكرة عن النسب .. والتشريح)
بس يزال المحاكة مهم جدا في المودلنج...
لاكن ايضا للاسف المحاكة اي حركة في الانيميشن .. بيكون فايدتها قليلة جدااا.. من وجهة نظري



الاهم من المحاكة او نقل الحركة زي ما هي ... انك تحلل الحركة.. ازي تتدرب عينك انها تلقط اهم مفتاح للحركة...
مثلا في المشي... بتلاقي مشيات كثيرة باستيلات مختلفة ... واغلبهم..بيبقي ال golden keys & keys بتبقي واحدة.... بس تلاقي اللي بيميز مشية عن مشية تانية بيبقي في مفتاح ال ب Breakdown وبتغيير ال Timing or the Spacing بتالقي الحركة مختلفة... من واحد بيمشي بنشاط.. لواحد بيمشي بكسل واحد بيمشي بيتسحب .. واحد بيفكر وهو ماشي... اغلبهم بيبقي التغير في ال contact keys بيبقي بسيط جدااا... لكن ال التغير كله بيبقي في مفاتيج passing possition & (overpassing or Up or high or stretch KEY... Whatever you calling it) and the squash key

بغض النظر عن الكلام السابق.. اللي ممكن اغلب المبتدئين الجداد مايكونوش فاهمينه



بس تعالوا نحلل ايه هي صعوبة الانيميشن... او ايه الصعب في الانيميشن...

في الغالب... بتبقي عندك حركة حلوة متبلورة في دماغك وفي خيالك... وبتحس انها سهلة جدا انك تنفذها طالما انك متخيله كويس جدا وشايفها في خيالك... بس تلاقي صعوبة كبيرة جدا في تحويل الحركة ده الي ارض الواقع في الثري دي...
خلي بالك ان الافكار في دماغك بطير بسرعة ... وما بتستناش الوقت ده كله لحد ما تعملها في الثري دي.. خصوصا ان تزبيط ال pose فقط بيستهلك وقت كبير جدااا...
بتلاقي دايما الكتاب او الشعراء... اول ما بيجيلهم الالهام لفكرة معينة ..علي طول بيطلعوا ورقة وبيكتبوها...

في الانيميشن الموضوع سيام... بالاضافة انك بتواجه صعوبة برده حتي اذا كانت مش هتنسي الحركة اللي في خيالك... لانك هتلاقي صعوبة كبيرة في تحليل الحركة دي...

الحل دايما... انك بتحاول أنك تلاقي وسيط سهل... ما بين خيالك والثري دي... عشان

1- متنساش الحركة..
2- تحليل وتبسيط الحركة..
3- الارتجال في الحركة

في طرق كتيرة لكده
1- في ناس عندهها المقدرة انها تعمل اي حركة في خيالها الي الثري دي مباشرة ... من دون اللجوء الي وسيط سهل.. لاء والادهي انك بتلاقي في مينهم ممكن بيحرك الشخصية فقط من graph editor من غير حتي ما يبص علي الشخصية.... ... (بس الناس دي نادرين جدا او ليهم خبرة كبيرة في المجال ده)


2- انك تعمل 2D animation sketch بمعني انك بتعمل حركة 2 دي... بس من غير ما ترسم تفاصيل الشخصية.... مجرد بترسم خطوط بسيطة تمثل الايدي والارجل .. ودايرة بتمثل بيها الرأس

ميزة الطريقة دي .. انك بترسم ال pose في اقل من 10 ثواني... بمقارنة بالثري دي الي محتاج علي الاقل 10 او 15 دقيقة لل pose الواحد او حتي لو في 5 دقأئق...هيظل الفرق كبير جداا... بمعني انك انك ممكن تعدل وتغير في الحركة كذا مرة لحد ماتوصل لنتيجة ترضيك.. من غير متستهلك وقت كبير
ده غير انك ممكن ترسم اي وضع للشخصية ممكت تتخيله .. حتي لو مش واقعي...(كرتوني) .. وبيكون من المستحيل تعمل كده كده لو انت بتمثل الحركة بنفسك... او بستخدم Mocap وفي نطري ده من اهم مميزات ال 2D

غير كده .. حتي لو مفيش حركة في خيالك ... مسكة القلم نفسها .. بتخليك ترتجل.. وتبدع اكتر..




بس ملاحطة : لازم تكون ملم كويس جدا بمبادئ الانيميشن كويس جدا... وتدرب عليها كتير

لان pose كويسة من غير معرفة وخبرة بمبادئ الانيميشن .... تقريبا مش هيبقي فيه انيميشن..

3- تمثيل الحركة: انك تمثل الحركة وتصور نفسك بكاميرا فيديو او webcam...
ودي طريقة مهمة جدا...ببساطة انك بتنقل الحركة اللي في خيالك.. الي فيديو امامك... in real time
من غير حتي ما تستهلك ال 10 ثواني اللي طريقة ال 2D عشان ترسم وضع معين

بتبقي مهمة جدا الطريقة دي لو المشهد ده في تمثيل Acting ... اما لو مشهد حركي ..(Action) فيفضل ال 2D
4- motion Capture (Mocap) a

جهاز الموشن كابشر .. هو نفس طريقة تمثيل الحركة بالفيديو ... نفس النتيجة... بس ممكن بيوفر شوية وقت ... بس مش كتير.... لان زي ما احد الاخوة تفضل .. انك بتحتاج وقت بعدها.. في الغاء المفاتيح اللي ملهاش لزمة.. وبعد تبداء في التعديل... وبرده لو انت مالكش خبرة في الانيميش.. فإزاي هتقدر تعدل علي الحركة بعد ما تخلصها.......

ده غير الشركات مش هتطلبك انت عشان تمثل حركة اكشن صعبة علي الموشن كابشر.. لانهم مثلا لو عايزين يعملوا حركات المهارية في كرة القدم او حركات فنيات القتال... فهيجيبوا لاعب كرة قدم مهاري ولاعب كنج فو لتثميل الحركة..


طبعا انا مش محترف انيميشن ...عشان محدش يفهمني غلط...بس ليا خبرة ليست بسيطة...وحابب اني اشارك معكم في النقاش
بالتوفيق للجميع