اهلا بجميع اعضاء المنابر .. كل عام وانت بخير

بصراحة انا كنت معتزل المنابر بقالي فترة... يمكن سبب ده يرجع لمنبر اطراف الحديث .. وكثرة المشاحنات فيه علي الفاضي والمليان..... يمكن الناس القديمة شوية فاكرين


بس الحمد لله الوضع الان احسن بكثير جداااا ... وما شاء الله مستوي الاعضاء اتقدموا كثير وعددهم زاد...

وزي ماحنا شايفين في المسابقات.. رمضان السنة دي المستوي عامل إزاي... مع ان عضاء كتثير لسه مابدأو ..
بس اكيد النتيجة مبشرة بالخير

بس اللي حزني ان هو مستوي الانيميشن المتدني هنا... (طبعا بإستثنا الاعمال الاستثنائية زي عمل الصندوق السحري... والعمل الاخر المغربي [اسف علي عدم تذكري اسمه]

لكن المهم ان دي اعمال استثنائية... دي غير عدد المحركين في الموقع هنا قليليين جداا جداا لو قارنتهم مثلا بالمولدرز هنا...

اعتقد يمكن يرجع السبب ده لان اغلب الاعضاء منتظرين ان يحترفوا المودلنج والخامات والاضاءة والريندر والدينامك
.. والي ما ربنا يسهمل وينتهي من كل دول ... يبداء يفكر في الانيميشن...

انا نفسي اعرف ايه هيا العلاقة.... انا ولله مبقاش مبالغ إذا قولت الانيميشن هو اهم مجال فيهم...
لو الانيميشن جيد جدا.. والرندر ضعيف.. هيظل العمل جيد... ولو في اخطاء في المودلنج... ممكن الناس تقول عليه ده concept or my style

بس انيميشن واقع .. معناها ان العمل كله واقع... الانيميشن تقريبا يجي رقم 2 في الاهمية بعد القصة

والانيميشن مش مهم ابداء انك تكون ملم بكل شئ داخل برامج الثري دي المعروفة..
يكفي انك تتعرف علي ادوات البرنامج عن طريق اي سيدي (introduction to Maya or Max .....etc)


المهم عشان ماطولش عليكم... انا فاتح الموضوع ده خصيصا.. عشان اشوف رائيكم واشوف استعداد الناس هنا ايه ... لعمل مسابقة للانيميشن في خلال الفترة البسيطة المتبقية من الشهر...(بس ما زال الوقت كافي جدا)


وكان فيه اقتراح اخر.. انا شايف ان اهمية عمل منبر خاص للانيميشن يمكن المنبر ده يبقي ليه مردود جيد في مستوي الانيميشن هنا... واتمنا ان يتم داخله قسم خاص للعرض ونقد الاعمال المتحركة... لان مهم جدا يكون الناس اللي بيقيموا العمل ليهم في الانيميشن.. او علي الاقل .. لا يقيموا العمل علي اساس الريندر او المودلنج


..

اخيرا مش عايزكوا تشغلوا بالكم بفكرة قسم خاص للانيميشن.... لانها ممكن تتنفذ في الزمن القريب او البعيد... انا ذكرتها فقط ...لمجرد جعل المشرفين والقائمين علي الموقع اعادة النظر في الموضوع..

_________________________________________


بس الاهم هو المسابقة...
هل في ناس عندهم الاستعداد؟؟؟
عدد أد ايه؟؟

نوع المسابقة... هل مخصصة بنوع معين... 1-تمثيل بالحوار..
2- تمثيل من غير حوار
3- Body Mechanic ANimation

ولا يكون الموضوع المسابقة يكون مفتوح بما انها اول مسابقة عشان نتعرف علي مستويات بعض... وبرده يكون علي حسب وقت كل واحد... لان فيه اعضاء ممكن مايكونوش متفرغين


علي العموم انا سايبلكم الموضوع تفكروا فيه.. بس ياريت يكون في تفاعل عشان نبداء بسرعة



وانا لست محترف انيميشن ابدا... بس انا شايف ان نوعية المسابقات ديه.. هتعلي مستوانا