اخي الكريم .
لو سمحت ممكن تدينا فكره عن المنحه بتاعه وزاره الاتصالات؟
و مكان المنحه و, ونظام الامتحانات (واذاكر للامتحان منين) . وهل هي في المنصوره ولا القاهره ؟
وماهي البرامج اللي بتدرسوها؟
شكرا للك

احنا من القاهرة ... يات مصر الجديدة

بص يا سيدي المنحة عبارة عن تدريب متخصص لمدة 9 شهور في تراكات كتير منها الجرافيك والمالتيميديا
والسوفت وير والويب والداتا بيز يعني فروع كتير من الأي تي أي تراك من دول لازم تدرس معاه انجلش و بيزنس
وسوفت سكيلز .... تمام

انا كنت بدرس في تراك الجرافيك اخدنا فوتوشوب والستريتور وانديزاين وماكس وبريمير وفلاش وكومبسشن
ودريم ويفر ودايركتور ... المنحة بقالها 3 سنين شغالة ... بس السنة دي لسة باب التقديم مفتحش فيها

الامتحان بيبقى عبارة عن 20 سؤال IQ ذكاء و20 سؤال انجلش و20 سؤال IT لو اجتزتهم هتعمل انترفيو
بالانجلش وبعد كدة انترفيو تاني مع مدير الشركة اللي هتتدرب فيها ... لو اجتزت كل ده يبقى انت اتقبلت

بالنسبة للإمتحان اعمل سيرش على النت عن الأي كيو وهتلاقي مواقع كتير جداً ... وبالنسبة للأماكن
بتبقى على حسب التراك بتاعك موجود فين ... بالنسبة للجرافيك بيدرس في شركة يات ويات ليها فرع في
المنصورة

بالنسبة للمنحة الجاية ان شاء الله قالولنا انها هتبقى 6 شهور بس هيشيلو البزنس والانجلش والicdl هتبقى
شرط اساسي واحتمال بس مش أكيد انك لازم تبقى حاصل على تويفل والله أعلم

عمل مقبول ولكن يحتاج الى الكثير من التعديل لدرجة انه يجتاج الى اعادة تكوين
انحك بتعلم المزيد من الدروس

جزاكم الله خيراً على النصيحة أخي الكريم

جزاكم الله خيراً على النصيحة أخي الكريم

السلام عليكم ورحمة الله وبركاته
ما شاء الله بالنسبة لمستوي المنحة بذلتوا مجهود جبار

انا دخلت المنحة فرع يات المعادي بس انسحبت منها بعد اول اسبوع لما عرفت انهم بيدوا البدايات في كل برنامج فقط كنا لسه يا دوب بناخد انجليزي وانا الحمد لله مستوايا اكبر من البدايات ديه بشوية

بجد بهنيكوا علي المجهود ده بالنسبة للمعلومات المحدودة اللي انتوا اخدتوها ولازم تكملوا علي نفس النظام ولكن بتركيز اكبر ان شاء الله

نقدي علي الشغل ارجو انك تاخدوا بصدر رحب

فيه مشاهد طويلة ملهاش لازمة يعني اتفهم من الاول المقصود من المشهد زي الطيور اللي بتبني البيت المشهد اخد وقت كبير بنفس التكرار وكذلك الكتكوت لما كان حزين والكاميرا بتلف حواليه

الريندر طبعا الكواليتي بتاعته مش حلوة وانصحك تشتغل بأمتداد tga صور ثابته وتجمع الانيميشن في الاخر علي اي برنامج زي الافتر مثلااا ولو اتعلمت في راي ريندر بيكون افضل

حركة الكاميرا حوالين القصر بتلف كتيير قوي بتدوخ الواحد كان ممكن تاخد لفه واحدة 180 درجة كفاية

طبعا الكاركتر انت عارف محتاج شغل كتير ومعرفة بتوزيع التوبولوجي مع اظهار الليبسينج والفيشيال اكسبرشن

فيه فلكر جامد بيحصل في المشهد بتاع الاشجار

الاضاءات محتاجة تظبيط في مشاهد كتير

الانيميشن بتاع التعبان مش مظبوط وفيه مسافة واضحة بين الكتكوت الكبير والتفاح لما كان شايله

القصة حلوة وبهنيكوا علي انهاء العمل

شكراً لمرورك ونقدك البناء وبالفعل انا استفدت جداً من ملاحظاتك

احنا أساساً ما أخدناش كاركتر ستوديو خالص كل ده كان مجهود فردي في وقت قليل جداً

بس بإذن الله في المرات الجاية هنراعي كل ده وادعولنا بالتوفيق

ممكن تنقل الموضوع في قسم عرض ونقد هتلاقي نقد اكبر للمشروع هناك

جارى التحميل

مشاء الله على الشغل الجميل دة عجبني جدا جدا وانا زمل معاك بردة بس يات بورسعيد بس مش جراففكس ويب ديفيلوبر بس احب اتفرج على شغل الناس بتاع الجرافكس قوي واتمنى لكم منافسة كبرى الشركات العالمية
و الى الامام يا شباب مصر

انا بدي اشوف اعمالك بعد عشر سنوات بتكون محترف انشاء الله يارب

احسنت المهم انك وصلت فكرتك اما الاحترا فبييجي من الحبرة وكتر الشغل

الفكرة نص المشروع ربنا يكرمك يارب

جزاكم الله خيراً على التشجيع يا شباب