بالتأكيد .. فلابد من وجود بعض اللحم والخضروات بجانبه !!

أستاذ عاطف .. عدد المصممين ليس اكثر من الطلب عليهم باي حال .. لكن لان شخص قبل ان يكون بتاع كله ويعمل كل حاجة فظهر الامر كذلك ..

ثانيا .. لا يوجد - واتحدى - مصمم ذو مستوى جيد بدون عمل .. ,اقسم بالله أنني قادر على توفير عمل له - إن وجد هذا المصمم - خلال أقل من إسبوع .. لكن هناك الكثير من الفهلوية واصحاب الاعمال الردءيئة يسمون انفسهم مصممين ..

ثالثا .. انت تقول ان يقبل بعض المصممين هذا الدنو في السعر مقابل ان يعمل من لا يجد عملا فضلا عن ان يعمل المحترفون بمرتبات يستحقونها - إخترت أسوأ ما في الإشتراكية لتعتقده !! - هذا حل غريب .. عندما تجرح يدك فإن الحل في مداوتها وليس في قطعها .. انت تقدم حل غريب للمشكلة بدلا من ان يتكاتف الجميع للوقوف ضد إستغلال أصحاب المهن ..

وهل جلس العاطلون في المنازل إلا لان هناك من العاملون من أهان نفسه وقبل ان يعمل عمل 4 افراد بمرتب فرد واحد !!

بسم الله

اكرمك الله

انا قصدت ايضا ان هناك مصممين يموتون لأنهم لم يحتكوا بسوق العمل و تذبل موهبتهم و يضيع ما تعلموه

و العمل يختصر كثيرا جدا جدا من جهد التعلم و كما قلت بالنسبه لأصحاب ال 15 سنه

عندما يكون الشاب صغير السن يكون ال 1000 جنيه مبلغ ضخم جدا بالنسبه له حتى يتمكن من العمل و يكون قد انهى دراسته فيمكنه العمل بالمبلغ المناسب او السفر


الحمد لله

.

بسم الله

يا أخى , يا استاذ فلاشاوى انا لا امر احد بمساعدة احد ( لا اتفق مع الاشتراكيه )

و لا أنكر على احد ان يحترم عمله و يطلب السعر المناسب

أنما اعترض على اعتراضكم أنتم

و هذا من حقى و لو من باب ابداء الرأى ( ديمقراطيه مش اشتراكيه )

و اقول ان مبتدأ ب 1000 جنيه ( حتى يصل لمرحله يمكنه ان يفرض سعره كما فعلت ) كويس جدا لأسباب عديده

أولها انه هيتعلم بصوره سريعه و جيده

ثانيا انه هيحصل فلوس من تعليمه ( مش وحشه )

ثالثا هيعرف سعره الحقيقى كام و يدور عليه هنا او بره

رابعا هيكون عنده خبره و سى فى

خامسا هيستطيع الأعتماد على ما يهواه في ما يعمله

لا أريد من احد ان يفعل شئ انما لا اريد ان يعترض احد على شخص لا تعرف ظروفه ايه

و اصحاب العمل مدانون من اكثر من جانب

و لكن هناك جانب مهم جدا مغفل , ان صاحب العمل مطلوب منه ان يقوم بتسويق هذا العمل أو ان يأتى بفرصة عمل اصلا

مثلما جاء بها صاحب الاستوديو الذى كنت تعمل انت فيه ( معرض سيراميكا كليوبترا )

فأذا لم يكن هناك تسويق للعمل فمن سوف يتحمل عبئ المرتبات هذه

و انت عندما احسست ان عملك يستحق سعر اعلى بحثت عنه و انا أقول بذالك

أرجو ان اكون قد و ضحت ما اريد


الحمد لله




.

ليس عندي إعتراض على كلامك هذا يا عاطف .. وطبعا من حقك إبداء رأيك كما تريد ..

وبالنسبة لكلامك عن الظروف .. نحن نتحدث بعيد عن الظروف .. لان كل شخص له ظروفه وأحواله .. وأنا اعرف جيد ان المتزوجون مثلا قد يقبلون بمرتبات ضئيلة لان عندهم مسئوليات ليست عند العازب الذي يستطيع تحمل شهرين وثلاث بدون عمل ..

الظروف قد تجعلك تقبل العمل بدون مال أحيانا !!

انا مع راى الاخ علاء المنياوى

تصدق بالله انا معظم الشغل الى بيتعرض عليا برفضة

لان مفيش حد بيقدر ولاا حد اصلا يعرف يفرق شغل الفتوشوب عن الماكس

ماكس سبيدر .... تيفو
على فكرة
مفيش خلاف اصلا بس كل واحد منكم بيتكلم من زاوية معينة او اشخاص معينه

ماكس سبيدر بيتكلم عن المصممين والانيميتورز ...يعني ناس في سوق العمل فعلا وبتعمل عمل تجاري احترافي
وفي ناس بتأكل الكيكة كلها وبترميلك الفتات فانت مش لازم تقبل بكده طالما انت مش مضطر لأنك بكده بتضرب السوق كله مش بتضر نفسك لوحدك ..ومجال القنوات او الانيميشن او التصميم كويس جدا وبيكسب جدا فمش كتير المرتبات بالعكس دي الفتات بحد ذاته بالنسبة لمكاسب المجال الاعلامي عامة

وعاطف بيتكلم عن الناس اللي مش لاقيه فعلا شغل وعايزة تخش المجال العملي انه يقبل بألف او بأقل حتى مش مشكلة
وعلى فكرة انا اعرف ناس اشتغلت كده وفي ظرف شهرين مرتبهم تضاعف
كده كده صاحب المكان لو مقدركش انت هتسيبه وتمشي .. محدش ليه عندك حاجة وده بزنس اولا واخيرا
وبرده لو انت مبتعرفش حاجة في البطيخ مش هيسيبك ولا هيطبطب عليك وهيمشيك فورا
بإختصار
no emotion in business

وبالنهاية موضوع سوق العمل عرض وطلب
ومفيش خلاف ولا حاجة بس سوء تفاهم

وشكرا للجميع المشاركات لكن رجاء الهدوء في النقاش وكلنا بنستفيد من خبرات بعض

فلاشاوى انا من المنيا و لسه متخرج السنه دي من جامعه المنيا يعني احنا ولاد عم يا ريت تقولي انت منين من الصعيد وانا سعيد جدا انى سمعت صوتك في التلفون
ويا جماعه بجد انا ثابت على رأيي المفروض المصممين يعملوا لنفسهم كيان والا هيتاكلوا في السوق والمدريين هياكلوهم و هيمصوا دمهم دا كفايه ان المدير بيمص دمك و كمان بيتشرط عليك وكمان يقول ايه الشغل البايظ دا عشان يترسم عليك فيا جماعه اعملوا لنفسكم كيان والا !!!!!!!!!!!!!!!!!!!!!!!!!!!!!!!!!!!!!!!!!!!!
والسلام عليكم

تمام بدأنا نكتشف الصعايده المتخفيين أخوكم صعيدي سوهاجي

والله يا شادى ضحكتنى


يا جماعة انا ليا تجربة فى الموضوع ده فى مجال تصميمات الملابس وفصل الالوان والكلام ده
وعندى استفسار عايزكم توضحوا لانى حاسس ان كل واحد بيتكلم فى مو ضوع لوحده

انا اشتغلت فى المجال ده فترة وكانت بدايتى معاه وبعد فترة اكتشفت المسخرة طبعا كانت البداية المنشوده 1000 جنيه
الاول كنت شغال بمرتب الى ذكلرته ده وده كان الاتفاق قبل اما اروح بس لما روحت لقيته بيتكلم فى تمن الساعة
تقريبا كانت واقفة الساعة ب 7 جنيه يعنى لو حسبت اليوم 8 ساعات وخصمت اربع ايام اجازة يبقى تقريبا 1400 جنيه
بس المشكلة ان المكان كان عايز واحد يشتغل 3 ساعات بس وطبعا كالعادة فى النصب المعروف بيقولك دى بداية بس كلها كام اسبوع ولا شهر ونشتغل يوم كامل واحتمال نشتغل كمان فى الاجازات والهجس الكتير ده عشان مطولش عليكم

اول 3 ايام انتاجى الصراحة كان تعبان لانهم كانوا محتاجين الشغل بالكوريل درو وانا كنت فاكر الموضوع موضوع فوتوشوب للتصميم واليستريتور للفصل بس قولت ميضرش اعتزرت يومين ولميت نفسى فى الى انا محتاجه من الكوريل صراحة كانوا يومين صعبين جدا لانى مكنتش سطبت الكوريل قبل كده اساسا بس بعد 3 ايام شغل والحمد لله كنت بخلصلهم شغل لو عملوه فى مكاتب برا مش هيقل عن 300 او 400 جنيه فى اليوم وده فى 3 ساعات بس واحيانا كنت بشتغل من البيت وابعتلهم الملفات على الميل بس اكتشفت بعد كده النصبة الراجل كان مجهز انى اخلصله موديلات السنة كلها وبعد كده روح بيتكم وللاسف اكتشفت كده متاخر بعد اما كنت قربت اخلص معظمهم بالاضافة انى صممتله موديلات بنفسى وجبت حاجات من النت مكنش يحلم يشوفها شوفتوا الاستغلال وصل لحد ايه
الفضيحة الكبيرة لما اشتغلت لحسابى
لاقيتهم بيعاملوا التصميم بالسنتى هههههههههههههههههه
يعنى لو اشتغلت فى صورة هتتطبع بمقاس صغير تصميم وفصل هيتخرب بيتك بس لو جالك زبون عايز يكتب كلمة كبيرة بس حاجة بسيطة يعنى تخلصله الشغل فى دقيقتين وتاخد اكتر من عشر اضعاف ان مكنش اكتر (انا مرة حصلت 150 جنيه فى شغل لم يتم الخمسة دقادق ان لم يكن اقل)
بس طبعا هما مش هبل معظم التصميمات صغيرة لان ده شغل ملابس
السؤال دلوقتى للى كتب الموضوع انا مثلا لو كنت استمريت فى المجال ده وحبيته (على فكرة انا سيبته خالص حتى بعد لما توسعت فيه وكنت بشتغل مع مصانع لحسابى تصميم وفصل وطباعة )
االمهم كنت ازاى هقدر اوص للمرحلة دى كان لازم اتنازل واقبل بالمرتب الاول الى رسى فى الاخر على حوالى 500 لانى منين هقدر احتك بالسوق واتعلم لو انا مبتدأ غير كده اه انا مكملتش معاه شهر اساسا بس فهمت الشغل وعرفت الى انا عايز اعرفه ولو مكنتش اشتغلت لحسابى كان ممكن اروح اى مكان وانا عارف قيمتى ايه وبكل ثقة بس ده كله حصل بسبب الفرصة الاولى يبقى المبتدا يبدأ ازاى على الكلام الى انتوا بتقولوه ده
انا كمان شايف حاجة كويسة اوى ( انا طبعا مش مع الاستغلال الى بتعمله الشركات)
بس هما بيلعبوا بسلاح زو حدين ازاى؟
يعنى لو المبتدا استغل الحركة الى هما بيعملوها دى واشتغل كام شهر وفهم السوق وسابهم بعد كده اكيد هيلاقى فرصة احسن منهم ويبقى استغل طمعهم لمصلحته ولا ايه؟
وكمان حاجة زى كده هتخليهم يتربوا ويطلبوا ناس تستمر معاهم يعنى الموضوع نسبى
اما الى بيشتغل فى مكان كمبتدأ وبعد كده يرضى بمعاملته نفس المعاملة بعد اما مستواه يرتفع دى تبقى مشكلته هو اكيد مفيش خلاف

واحب اوضح ان ده راييى الشخصى ومش برد بيه على كلام اى حد
واسف طولت عليكم

يا جماعه ممكن يبدأ ب1000 بس منصحوش يعوض اكتر من 3 شهور يعرف هو مستواه اييه فى السوق
دا لو كانت الشركه فى السوق اصلا مكنش واحد بيجرب حظو و يصرف على حاجه قرشنات عشان يبعها فى المحطات فى الاخر بالافات ويا صابت لا خابت
بس لو استمر على كدا و يجي بعد سنه يطلب زياده و دا حقو
ساعتها حيقولو صاحب العمل انا ممكن امشيك و اجيب غيرك او يقولو انتو كتييير
او يقولو انا جايلي 5 مقدمين و طالبين نص مرتبك
لان احنا اللى رخصنا نفسنا فى السوق
لو حطينا حد لداه يجي بقا الناس اللى بتستغل الانيميتور لما يعملو ميزانيه لعمل قبل ما يحسبو تكاليف اي حاجه يحطو فى دماغهم مرتب الانيميتور
و دا بقا كدا حيخليهم يعملو اعمال جاديه و تعلي الكولتي بتاعتهم و بتاعه افكارهم
عشان حيصرفو كتيير يبقا لازم يطلعو حاجه محترمه يعرفو يبعوها مش تتعرض و نضحك عليها
سلام

والله ياشباب الموضوع كالضاحك الباكى ..الكل افاض بصراحه وابلغ
لكن يبقى مربط الفرس وراس الافعى كما يقولون بالمصرى اللى ملهوش ضهر ينضرب على بطنه
مشكله الجرافيكس بوجه عام فى الوطن العربى انه لاينطلق من بؤرة تحميه وترعى اتباعه ورواده حتى...
عدم وجود اكاديميه او وحده جرافيكيه تجعلنا جميع رهن الاستغلال وتحت نصل وانياب المستئذبين ....اتمنى ان اعيش اليوم الذى اجد فيه منظمه او نقابه او حتى نقطه شرطة لعدم التحرش بالمصممين......لكن للامانه اشعر الان ان وضع الجنين اصبح مستعدا للمخاض .... تحياتى للجميع

سؤال أوجهه للأخوه في مصر

هل من الصعب عمل جمعية للمصممين او نقابة تكون معتمدة في الوزارات مثل وزارة العمل وغيرها ويكون لها اجندة ووووووو ؟

بعتقد راح المصممين ينضلمو اكثر لانو حتى اتسجل في اي نقابه لازم تكون حامل لشهادة انك مصمم .. واغلب المصممين لايحملون شهادات

doctor3d ... أنا معك, وأعتقد أني أدركت ما يقصده عاطف ...

لكن كما أوضحت ... إذا ذهبت لتطلب عملا ... اعرف أن سعرك "س" في السوق ... فإذا عرض أحدهم عليك "ربع س" فلتعلم أنه يريد استغلالك (في حالة كنت متمكنا وستفيده فعلا) ... هنا القرار عائد لك, أن تقبل "نصبته" حتى "تظبط نفسك" ... أو أن تبحث في مكان آخر ...
نحن نحاول نشر الوعي, لأنه في بداية عملي, كنت أتمنى, فقط أتمنى, معرفة أسعار السوق, لأنك عندما تذهب للتقديم يسألك المدير في خبث : عايز تاخد كام ؟ ... طيب عندما لا تكون لك خبرة بالأسعار ماذا ستفعل ؟ .... هنا تكمن المشكلة

أعتقد أني رددت هكذا أيضا على الأخ eslamafify ...

بالتوفيق