عقبال صاحب العبارة

نسيت اققول لطلعت مصطفى الف مبروك وان شاء الله الرحله تمتعه الي حبل المشنقه ....

الف مبروك يا طلعت وربنا يزيدك حبال كمان وكمان

معلش يا أستاذ أحمد عزت .. هشام طلعت يقتل ونص وتلات تربع كمان .. كفاية السرقة اللي في مشاريعه الإستثمارية .. اما يكون سعر شقة 80 متر في مدينتي بعد كمال دفع الأقساط يوصل تلات تربع مليون .. لييييه ؟؟؟ .. دي حيالله شقة 80 متر ..

وبعدين الأدله كلها لا يمكن نقضها .. دي تسجيلات صوتية .. وصور كاميرا ووثائق تحويل أموال ... الراجل قتل يعني قتل .. وبعدين هو نفسه أعترف بانه كان على علاقة بيها وجابلها هداية بما يوازي 125 مليون جنيه مصري .. دي أعترافاته هو ..


أظن من السطحية جدا إننا نتجاهل أفعال زي دي عشان شوية أفعال بسيطة لم تكلفه ملاليم بالنسبة له في حين تجلب له السمعة التي يسعى وراءها حتى يقول البعض مثلما تقول ..

مين ده اللي هيلبسه تهمه هو معملهاش .. ليه ؟ هو هشام ده موظف حكومة ولا راجل غلبان ولا مؤاخذة .. هو عمل التهمة بس في ناس أستغلت الغلطة دي عشان تصفي حساباتها معاه .. بس هو غلط وإداهم الفرصة لتصفية الحساب ليس إلا ..

أنا مستغرب الحكم لان واحد زي بتاعة عبارة السلام أتحكم عليه بــ 6 سنين سجن بس .. يا حلاوة .. بقى دم المُــزة اللبنانية - ولا العراقية مش فاكر - أغلى من دم 1200 مصري ماتوا غرقانين وأكلتهم أسماك القرش ... عجبي

الناس بتلمح أنه الوليد بن طلال .. لأن هشام أتجرأ ووقف قصاده في صفقات قبل كده .. بس أنا أستبعد ده بشدة .. الوليد لو عاوز ينسف هشام من غير سجن ويفلسه هينسفه .. هو مين هشام ده لو قرناه بالوليد يعني ..

متهيألي السبب هي السلطات الإمارتية أتضايقت جدا أن الجريمة تحصل في دبي .. وعايزة تأكد للكل أن خلوا حساباتكم بره دبي .. دبي مكان سياحي في المقام الأول .. وجرائم مثل هذه لها تأثير سلبي جدا على الوضع ..

أنا مش عارف الغبي ده ملقاش غير دبي ويقتلها فيها .. ما كانت قبلها في لندن حيث كل الجرائم تقيد ضد مجهول !!

القصة بسيطة كل ما فيها يؤكد على انه محرض ...

(( يعني امر الراجل ان يقتل .... و الراجل الي يقتله حاسب نفسه في مصر .. وقف سيارته في الجراج و الكامير بتصور
صعد العمارة و الكاميرا بتصور
مشا في الممر الى غرفة المقتولة و الكاميرا بتصور .
دخل الشقة و الكاميرا بتصور .
خرج من الشقة و الكاميرا بتصور .
و الوقت الذي كان هوه في الغرفة كان وقت وقوع الجريمة .
طلع برة الشقة و نظف ملابسة المتبهدلة و الكاميرا بتصور .
و نزل و ركب السيارة و مشا و الكاميرا بتصور ...


((( مسكوا القاتل استجوبوه ... اعترف بأنه القاتل .. و ان كذا و كذا هو الي محرضه على قتلها .. ))))


و الباقـــــــــي في علم الغيب . .
و الله اعلم . .

في ـــــــــــــــــــــــ نفــــــــس الوقت يا فلاشاوي . . . ^^

هههههههههه .... لبنانيه ....

في الحقيقه حجة مبارك في بيع الاراضي للكبار وعدم بيعها للشعب كانت من اسباب يأسي من هذا البلد وانه لن ينصلح ابدا طول ما الناس دي ماسكانا
ظهر ايامها وبكل جرأئه ليحطم امالنا وطموحاتنا ويقول انه باع الاراضي للمستثمرين لانهم من يستطيع البناء وليس الناس
ونسي ان من اخدو الارض ب 6 جنيه للمتر هم من يبيعوها لنا بهذه الاسعار الهلاميه
بيضيعنا بمزاجنا يعني

طيب يا جماعة عايز اقولكم ان مش كل غنى يبقى عندة استعداد للقتل
المصرين عارفين ان كان كلامى الى حقولة سليم ولا اية
طن الحديد وصل ل9000جنية
هشام طلعت استورد حديد علميا انة مقوى بنسبة كبيرةاكثر مما يباع فى السوق المصرية وب3000جنية فقط
الشقة فى مدينتى مش بــــــــــ 750000الف جنية ابدا اسالو قبل ما تتكلموا
اعطى لاخيك الف عذر
ممكن يكون زية زى اى راجل بيحب الزواج والبنات الحلوة وممكن يكون بيصرف عليها كتير عادى
لان واحد زية ربنا كارمة ومعاة فلوس ومش حرام انة يصرف على نفسة طيب ما فيى غيرة كتير بيصرف ملايين
ما تعرفوش ان فى افراح وحفلات بتصرف اكتر من المليون جنية
ما تعرفوش ان محمد الفايد بيبنى فندق فى الاسكندرية بعد طريق الواح وعشرين اكبر من فندق سان ستيفانو
دلوقتى بتبصو للشر وللبزح الى عملة ليمتع نفسة وما بصتوش ابدا للخير الى بيعملة
اسالو اهل الاسكندرية والمحافظات المصرية جميعا عن قافلات الخير التى يصرف عليها المليارات لاهل مصر
ياجماعة تاكد
و من الى بتقولوة الاول

الموضوع مش صعب بخصوص القتل... لان الادلة واضحة ومتوفرة

الاستغراب الشديد فعلا هو احالة اوراق هشام طلعت للمفتي !!

ده كده اتباع بيعة صح...

تمام ودة يثبت ان الموضوع كلة متفرك وظلم لان اذا كان هو المحرض فعلا ينص القانون على سجنة واعدام القاتل المنفذ للقتل وليس المحرض
الناس الوحشة ()عايزين يخلصو منة خالص

ليه الدفاع المستميت عنه ........

يا شبابا الراجل دا من خيرة الناس عندنا في أسكندرية وزي الأخ 3d zaman ما قال :

الكلام يطول في الحكاية دي بس من كتر اللي قرأته في الموضوع عرفت أن كل اللي بيتكلم عنه بالغلط أسف لا يعرف أي شيء وكل المعلومات عن الموضوع مشوشة .....

وفقكم الله ........

هشام وحش او حلو ليست قضيتنا

المشكلة كلها متفبركة وتهمة القتل دى ملفقة الية علشان يخلصوا منة لان فى حيتان فى البلد متضررة من وجوده وفى خلافات معاه كمان الحيتان دى ماسكه مناصب سياسيه عالية وكفايا بقى كلام فى الموضوع دة

انا عملت بحث في الموضوع ده لاقيت كلام كتير عن أعمال خير ومشاريع وخدمات وأيضا نزوات وتعدد زيجات وحرب من شركات منافسه في الخليج ومصر كل ده عادي
اللي مش عادي الحكم نفسه من خلال متابعتي للمصري اليوم لاقيت حوادث قتل أقصى حكم فيها 15 سنة بما فيهم اللي قتل أبوه واخد 15 سنة واللي قتل زوجته واخد 15 سنة يابلاش طيب ليه ده واخد إعدااااااااااام حتى لو كان اتباع وسوزان طعم اترماله وهو بلع الطعم ليه القضاء شارك في البيعة ليه ماخدش 15 سنة زي الباقي