انا ما توقعتش الي حصل من جمهور الجزائر كده على المنتحب المصري وخصوصا اننا عرب و اخوان ياريت اخواننا الجزائريين يوضحوا لنا ليه الي حصل دا من دخان ومشاحنات و وحاجات كتير لا تعليق بالجمهور الجزائري

عندنا كوره
عنــدنا كــوره ولا الفــيروز
نقــــدر نلعــب لمــا نعــــوز
احنـا خسـرنا ايوه خســـرنـا
بــس خســاره بطعم الفــــوز
شــوفت ولاد النيــل السمـــر
لما تجلــوا ف مــاتش العمــر
والبرازيل بتقول من خوفهــا
عــدى يــاوقـت علينـا ومـــر
لعبوا ولادنا وكشفـوا الســاده
ونجوم كانوا وفـــوق العــاده
بهــر العــالم كلــه اداؤهــــم
والمطلــوب عملــوه وزيـاده
البرازيل وبكـل اســـودهــــا
ولا فيــه اى آثـر لـوجودهــا
بعــد الماتـش محـدش شافهم
جريوا وقالوا الله لايعـــودها
خلص الماتش قوام ياخساره
والبرازيــل بتقـــول كفـــاره
صرخ الوقت وقال سامحونى
ودمــوع نــزلت م الصفــاره
احنــا لعبنــا بكــل حــمـــاس
احنـــا كسبنــا قـلــوب الناس
لــو فيـه حبـــة عــدل يافيفـا
ع المــاتش دا تدينــا الكـاس
سامى النويهى
شاعر غنائى مقيم بالنمسا