تويت
عفاشة طفلة !!
أول يوم داومت فيه في الروضة على أساس إنهم يجربوني ويشوفون مستوايا , دخلت مع معلمة الصف وكان الوقت هو وقت الوجبة , دخلت المطبخ عند الأطفال ومعلمتهم
_ السلام عليكم
_ وعليكم السلام ..
رحبت فيني المعلمة وعرفتني عالأطفال وعرفت الأطفال بيا.
من بين الأطفال ولد ..لالا قصدي بنت لكن حسبتها ولد لأنها كانت ماترتدي لبس المدرسة الرسمي , كانت لابسة بنطلون وجاكيت برد بطاقية حاطاها على راسها .
جات مديرة المدرسة طلبت المعلمة الرئيسية وتركتني مع الأطفال , قلت فرصة اتعرف بيهم براحتي أكثر , ربي يسعدهم اخذوا يكلموني ويسألوني وماشاء الله
اما الولد (قصدي البنت العفشة) جالسة تطالعني بنص عين , وحاجب لفوق التاني لتحت , كأن مافيا شي عاجبها ..!!
عملت فيها بتقرب منها .. يمكن تطالعني أحسن من كذا ..
_ حبيبتي خلصتي الساندويتش؟ احطلك تاني؟
مالاقيها الا ماده البوز لقدام وأعطتني عينين ونزلت طاقيتها اكثر على عيونها عشان ماتطالع خشة ذي إل مــــــــس ...
لا اله إلا الله , إيش فيها عليا ذي !! مافي غير اسيبها شويه مع نفسها وهيا بتتقرب مني لما تشوفني أتعامل صح مع أصحابها .. هوا ذا الكلام الصحيح : )
وجلست أتكلم مع الأطفال وأشاركهم لعبهم ..
اليوم الثاني داومت في نفس الفصل على طول زي ماتفقت مع المديرة أمس , إلا وعلى طول جات الدادا للصف ..:( مـــــــــــــس ... كلمي مديرة ) ..
انزل مكتب المديرة الا وتبشرني
_ ماشاء الله يا استاذة انت نجحت في تجربتك كمعلمة وعرفت تكسبي الاطفال مبدأيا راح تمسكي الصف هذا بعد يومين لأن معلمتهم راح تترك المدرسة.
خلاص تمام اتفقنا عالدوام والراتب وبقية الاجراءات .. الحمد لله ربي مسهل أموري .
وبدأت معركة اثبات النفس وكسب ثقة الأطفال قبل إدارة المدرسة طبعا.
بعد ما تركت معلمة الصف المدرسة بدأنا المعركة .. واحدة تتبكبك تبغى مــــــس هنادي (المعلمة القديمة)
, وواحد يطامر ومو راضي يثبت 
كأنه افتك من قوانين مــــس هنادي ويحسب ذي الجديدة ماعندها قوانين هههههه .... الخ .
وطبعا اختنا العفشة ولا كأني موجودة ما الاقي منها إلا عدم التقبل وعينين ورفع حاجب .. وكل شي مني مرفوض ..
فضلت معاها و وراها وراها , لما تحاول تقرب مني لأنها تحب اللعبة مثلا اشاركها واحسسها بفرحتي بلعبها معايا , ولماا تعاند وتبدأ نظراتها إياها , اطنشها وأكمل النشاط مع بقية الأطفال ننشد ونلعب ونمثل القصص ... الخ دون أن أعطيها أي اهتمام ولا كأني منتبهه ليها .. وطبعا لأنها طفلة فطبيعي إن جواها حب للعب والإنشاد والقصص ...الخ , فتجدها تقترب مننا شوية شوية لين تكون قريبة مننا وتبدأ تنسجم وتبتسم .. خلال فترة اقترابها شوية شوية انا عاملة فيها مو منتبهه أبدا , ولما تبدأ تنسجم المح لها إني مبسوطة منها وان سوطها جميل مثل أصحابها .. الحمد لله بدأت تنسجم معايا وتحبني ..
بدأت على أخر السنة أحاول أحسسها بأنها بنت وليست ولد لأنها كانت لا تحب اللعب غير مع الأولاد , ودائمة الاحتقار للبنات ..
المهم ..شفتها في يوم جالسة على الكرسي في الحديقة ما تعلب ولا تتنطنط مع أصحابها .. جلست معاها على الكرسي وبدأنا نتكلم وتحكيلي عن مشكلة في بيتها .. وبعد ما تكلمنا وتكلمنا وضحكت خلاص وانبسطت قلتلها:
_ قصة شعرك مررره حلوة (طبعا هي قاصة شعرها ولد من زمااان) , كملت معاها ..
الله لو حطيتي بكلة هنا واااااو مرة حتكوني حلوة مثل الأميرة ..
ايش اللون اللي تحبيه رغودة ؟؟
_ ازرق .
_ كنت حاسه انك تحبي الأزرق , أنا كمان أحب اللون الأزرق والوردي والأصفر , وجميع الألوان , وأحب رغودة كمان : )
طالعتني بنظرة تجنن ما شاء الله , شوية وناداني أحد الأطفال واستأذنتها بشوف ايش فيه دا عالق في المرجيحة !!
شوية وأشوفها تلعب مع بنت !
اليوم الثاني جات رغد المدرسة وفي شعرها شريطة ولونها وردي, كل المعلمات تعجبوا , البنت مسجلة بالمدرسة من العام الماضي .. عمرها مالبست غير البنطلون حتى تحت مريول المدرسة.
امتدحتها وفرحت كثير بيها , شعوري كان لا يوصف ذاك الصباح.
المهم .. رجعت رغد للبنطلون ومن غير شرايط بعد كذا ..
استمريت اوجهها بالقصص المناسبة .. باللعب وتوزيع الادوار ...الخ
المفاجأة كانت يوم حفل التخرج من التمهيدي .. جاتني وهي لابسة اكسسوار ناعم على شعرها .. للأسف مانتبهت لأني كنت مشغولة بتدريب الأطفال قبل صعود المسرح على الأنشودة ..
جاتني رغد من الخلف ..
_ مـــــــس .. ..
انظر للخلف وأشوف أحلى عيون في داخلها لمعة الفرح وابتسامة رقيقة شفافة ناعمة ..
_ آهلين رغد ..
_ شوفي أنا حاطه مشبك على شعري : ) حلو ؟
_ الله يا رغد أنا مبسوطة منك كثير , وشعرك جدا رائع..
بعد انتهاء الحفلة ..
أم رغد :
_ كيفك ؟ ايش اخبارك ؟ومشكورة على تعبك مع رغد ...الخ
بكرا إن شاء الله بنعمل حفلة لرغد في البيت وطلبت مني اشتري لها تنورة تلبسها في حفلتها ..واتمنى حضورك ..
لا أعلم كيف اصف لكم شعوري في ذلك الحين : )
الخلاصة : الطفل مثل العجينة يمكننا تشكيلها مازالت طرية
_ السلام عليكم
_ وعليكم السلام ..
رحبت فيني المعلمة وعرفتني عالأطفال وعرفت الأطفال بيا.
من بين الأطفال ولد ..لالا قصدي بنت لكن حسبتها ولد لأنها كانت ماترتدي لبس المدرسة الرسمي , كانت لابسة بنطلون وجاكيت برد بطاقية حاطاها على راسها .
جات مديرة المدرسة طلبت المعلمة الرئيسية وتركتني مع الأطفال , قلت فرصة اتعرف بيهم براحتي أكثر , ربي يسعدهم اخذوا يكلموني ويسألوني وماشاء الله
اما الولد (قصدي البنت العفشة) جالسة تطالعني بنص عين , وحاجب لفوق التاني لتحت , كأن مافيا شي عاجبها ..!!
عملت فيها بتقرب منها .. يمكن تطالعني أحسن من كذا ..
_ حبيبتي خلصتي الساندويتش؟ احطلك تاني؟
مالاقيها الا ماده البوز لقدام وأعطتني عينين ونزلت طاقيتها اكثر على عيونها عشان ماتطالع خشة ذي إل مــــــــس ...
لا اله إلا الله , إيش فيها عليا ذي !! مافي غير اسيبها شويه مع نفسها وهيا بتتقرب مني لما تشوفني أتعامل صح مع أصحابها .. هوا ذا الكلام الصحيح : )
وجلست أتكلم مع الأطفال وأشاركهم لعبهم ..
اليوم الثاني داومت في نفس الفصل على طول زي ماتفقت مع المديرة أمس , إلا وعلى طول جات الدادا للصف ..:( مـــــــــــــس ... كلمي مديرة ) ..
انزل مكتب المديرة الا وتبشرني
_ ماشاء الله يا استاذة انت نجحت في تجربتك كمعلمة وعرفت تكسبي الاطفال مبدأيا راح تمسكي الصف هذا بعد يومين لأن معلمتهم راح تترك المدرسة.
خلاص تمام اتفقنا عالدوام والراتب وبقية الاجراءات .. الحمد لله ربي مسهل أموري .
وبدأت معركة اثبات النفس وكسب ثقة الأطفال قبل إدارة المدرسة طبعا.
بعد ما تركت معلمة الصف المدرسة بدأنا المعركة .. واحدة تتبكبك تبغى مــــــس هنادي (المعلمة القديمة)
, وواحد يطامر ومو راضي يثبت كأنه افتك من قوانين مــــس هنادي ويحسب ذي الجديدة ماعندها قوانين هههههه .... الخ .وطبعا اختنا العفشة ولا كأني موجودة ما الاقي منها إلا عدم التقبل وعينين ورفع حاجب .. وكل شي مني مرفوض ..
فضلت معاها و وراها وراها , لما تحاول تقرب مني لأنها تحب اللعبة مثلا اشاركها واحسسها بفرحتي بلعبها معايا , ولماا تعاند وتبدأ نظراتها إياها , اطنشها وأكمل النشاط مع بقية الأطفال ننشد ونلعب ونمثل القصص ... الخ دون أن أعطيها أي اهتمام ولا كأني منتبهه ليها .. وطبعا لأنها طفلة فطبيعي إن جواها حب للعب والإنشاد والقصص ...الخ , فتجدها تقترب مننا شوية شوية لين تكون قريبة مننا وتبدأ تنسجم وتبتسم .. خلال فترة اقترابها شوية شوية انا عاملة فيها مو منتبهه أبدا , ولما تبدأ تنسجم المح لها إني مبسوطة منها وان سوطها جميل مثل أصحابها .. الحمد لله بدأت تنسجم معايا وتحبني ..
بدأت على أخر السنة أحاول أحسسها بأنها بنت وليست ولد لأنها كانت لا تحب اللعب غير مع الأولاد , ودائمة الاحتقار للبنات ..
المهم ..شفتها في يوم جالسة على الكرسي في الحديقة ما تعلب ولا تتنطنط مع أصحابها .. جلست معاها على الكرسي وبدأنا نتكلم وتحكيلي عن مشكلة في بيتها .. وبعد ما تكلمنا وتكلمنا وضحكت خلاص وانبسطت قلتلها:
_ قصة شعرك مررره حلوة (طبعا هي قاصة شعرها ولد من زمااان) , كملت معاها ..
الله لو حطيتي بكلة هنا واااااو مرة حتكوني حلوة مثل الأميرة ..
ايش اللون اللي تحبيه رغودة ؟؟
_ ازرق .
_ كنت حاسه انك تحبي الأزرق , أنا كمان أحب اللون الأزرق والوردي والأصفر , وجميع الألوان , وأحب رغودة كمان : )
طالعتني بنظرة تجنن ما شاء الله , شوية وناداني أحد الأطفال واستأذنتها بشوف ايش فيه دا عالق في المرجيحة !!
شوية وأشوفها تلعب مع بنت !اليوم الثاني جات رغد المدرسة وفي شعرها شريطة ولونها وردي, كل المعلمات تعجبوا , البنت مسجلة بالمدرسة من العام الماضي .. عمرها مالبست غير البنطلون حتى تحت مريول المدرسة.
امتدحتها وفرحت كثير بيها , شعوري كان لا يوصف ذاك الصباح.
المهم .. رجعت رغد للبنطلون ومن غير شرايط بعد كذا ..
استمريت اوجهها بالقصص المناسبة .. باللعب وتوزيع الادوار ...الخ
المفاجأة كانت يوم حفل التخرج من التمهيدي .. جاتني وهي لابسة اكسسوار ناعم على شعرها .. للأسف مانتبهت لأني كنت مشغولة بتدريب الأطفال قبل صعود المسرح على الأنشودة ..
جاتني رغد من الخلف ..
_ مـــــــس .. ..
انظر للخلف وأشوف أحلى عيون في داخلها لمعة الفرح وابتسامة رقيقة شفافة ناعمة ..
_ آهلين رغد ..
_ شوفي أنا حاطه مشبك على شعري : ) حلو ؟
_ الله يا رغد أنا مبسوطة منك كثير , وشعرك جدا رائع..
بعد انتهاء الحفلة ..
أم رغد :
_ كيفك ؟ ايش اخبارك ؟ومشكورة على تعبك مع رغد ...الخ
بكرا إن شاء الله بنعمل حفلة لرغد في البيت وطلبت مني اشتري لها تنورة تلبسها في حفلتها ..واتمنى حضورك ..
لا أعلم كيف اصف لكم شعوري في ذلك الحين : )
الخلاصة : الطفل مثل العجينة يمكننا تشكيلها مازالت طرية
اعتذر عالاطالة ..
تعليق