شكرا يا شباب
اعتقد انك فهمت الهدف من تسجيل الفديو دوة ..و هو توضيح الورك فلو للوصول لاعلى كوالتى قدر الامكان ان شاء الله

و الدرس مش خاص للمايا فقط بل يمكن تطبيقه على اى برنامج اخر

الشخص الذكى هو الذى يستطيع فهم الفكرة و تطبيقها حسبما يشاء

انما يبدو ان بعض الناس عاوز الواحد ياكلهم الاكل بمعلقه من ذهب هههههههههه

ايضا اسم الموضوع ...لكل من عندة مشاكل فى اليوفى

معنى ان واحد عندة مشاكل فى حاجه ..انه اصلا على درايه بها و لكن تكون امامه عقبات
انما انا لم اقل انى عامل توتريال او خلافه

بصوا مثلا لفديوهات جنومون الحديثه فى اخر سنتين ..بيخلوا المصمم يشتغل عادى علشان ميحصلوش تشتييت ..و بعدين بيسجل صوته ناريشن...

و بعدين انا مستغرب جدا الى يشوف ان مثلا فى شخص مستفدش ...فمعنى كدة انه اصلا فاهم كل حاجه فى الفديو ؟او مفهمش حاجه من اصله!

الواحد لما بيشارك بمجهود و خبرة و يواجه بعدم تقدير بيندم بعدين ان فكر فى يوم ان حاول يقدم حاجهفى المنتدى دوة(لكن الكلام دة لو انا كنت محتاج اعرض الفديو دعايا اولشهرة انما انا عامله لوجه الله تعالى )

المصيبه ..انى نوهت اول ما دخلت القسم ..الى مش عاوز يتكلم معايا او حتى مش طايقنى ..يا ريت ميردش عليه او يشارك معايا فى اى حاجه ...خلينا فى سلام احسن و بلا عنتريه او مضيعه للوقت

يعنى انا داخل اقدم مساعدة و ضاغط على نفسى ...نيجى بقى نقلبها لمقلب و كلام فاضى ..اظن ان محمد رمضان اكبر من التهريج و الكلام الفاضى دوة

شكرا

محمد ليش الزعل؟؟!

لما الواحد يقول لك شئ تزعل منه على طول وتقوم تعلق.

انا لما ذكرت لك إني لم استفد شيئا انا صادق فيما اقول.

هل هذه معيبة او مسبة فيك؟؟.

بالعكس اخي.

رأيت انه يمكن ان تساعدني لكن يبدو انك فهمت الموضوع خطأ.

اعلم تماما ان الشخص عندما يعمل عمل ويقدمه ثم يواجه بانتقاد فهو شئ قاسي فعلا.

لكن اخي نحن لسنا بمستواك وقلة من هم في المستوى فيكف تريد ان نفهم ذلك.

انزل لمستوانا لنستوعب.

ايضا الكلام الذي في الأعلى ستغضب منه وانا من الأن سأتوقع اي رد سترد به.

لكن لابد من قول الحقيقة اخي ........ ألا تريد قول الحق والقبول به.؟؟؟

بالمناسبة انا لااستخدم إلا المايا في كل شئ.

لذا لن استفيد شيئا باختصار.

الله الموفق إلى سواء السبيل وارجوا ان تشارك في التحدي رغم مشاغلك.

انا لم احمل الدرس لكم من الصور الشغل رهيب
فقط عندي ملاحظة واحدة . اصابع اليد مائلة وليست مستقيمة
وهذا يسبب بعض الازعاج في الفوتوشوب
بالمناسبة اهم شي في UVLayout هو ال shortcut
كان جميلا لو ان الفلم يحتوي على الصوت ليفهم عمل البرنامج
على كل حال جهد مميز لفهم التكنيك لعمل هذا البرنامج
ومرة اخرى الشغل رهيب جدا عاشت ايدك

شكرا لك و لنقدك الموضوعى...

بالنسبه لاضابع اليد سواء مائله او غير مائله هذا ما عاد يفرق معى فى هذه الشخصيه لانى سوف اقوم بعمل بولى بينتنج لها..كما وضحت هذا فى رد سابق بالنسبه لطريقه فرد الراس !

انبارح ابتديت اشتغل فى الكلورز و الكلام دوة دة النتيجه الى قدرت اوصلها الحمد لله الا الان



اذا مافيش مشكل

يا حبيبى انا مش زعلان ..انا مضايق لانك بتقول مستفدتش حاجه ...(مش منى انا و لكن من الدرس)
انا عن نفسى لو شوفت درس قديم جدا بجد نفسى كل مرة بستفاد حاجه

و انت كنت من الناس الاساسيه فى انى احط الموضوع دة فى دماغى من زمان لو تفتكر !
لذلك بعد ما اجى اعمل حاجه تقولى ما استفدت ...يبقى الغلط مش منى انا
لان عدم وجه الاستفاد يتاتى لسخص المعلومه عندة اصلا ..او متفرجش على الحاجه
و حته ان حضرتك مقيد نفسك داخل المايا..صدقنى دة مش هيوصلك لحاجه
يعنى بمعنى او باخر خليك فلكسبول و اسرق من كل برنامج الى انت عاوزة علشان تقر توصل بنتيجه قويه
هو دة كل ما فى الامر

-------------

لو حد غيرك كان كتب الرد دة انا مكنتش زعلت لكن..لانك اسلتلى رساله زمان و اعدت تقولى فى مسائله تؤرقنى و هى انى نفسى اشوفلك فديو او درس او خلافه او طريقه عملك
و فى الاخر تقولى مستفدتش ..اظن كان ليه حق جدا ازعل..انا فى الاول اخد الموضوع عادى لكن ...ما باليد حيله

مفيش مشكلة يا اخ رمضان
وشعبان خلاص اهوه على وشك الانتهاء

لا حول ولا قوة الا بالله
المفروض اضحك دلوقتى ؟

طيب ماشي انا اسف استاذي.

والدرس يوضح قدرة البرامج الهائلة وخصوصا عند تمكن صاحبها منها.

انا اتراجع عن قول اني لم استفد.

لكن ايضا اتمنى منك معرفة قدراتنا وتقديم ما يناسبها.

واتمنى مشاركتك في التحدي وان تزورنا في المسابقة.

وكذا انا اكتفي .

اخي خلي اعصابك هادئة ، ما المشكلة عندما نمازحك ونهظر معاك
ونلطف الجو بدل الخنقة في الموضوع

عندك حق . شكرا

استعيذ بالله من الشيطان اخى محمد

دى حاجه انت عاملها لى وجه الله

وده اسلوبك وطرقتك وانت والحمد الله شخص محترف

فا شرحت حاجه احترافيه لى ناس معينه

انا لا انتقدك بالعكس انا فهمت الفكره ماشيه ازاى

الموقف الى حصل هنا فكرنى بيحاجه حصلت معايا فى بدايتى بيتعلم الكراكتر

نزلت اسطوانه جنومون بيتاعت الكراكتر واكتشفت انى مش فاهم حاجه لانه ما ابتدهاش دوره من الاول خالص فاجاه لاقيته بنتقل من مرحله لى مرحله ومسحت الاسطوانه وقولت عليها اسطوانه وحشه وملهاش لازم

لكن بعد ما مشيت فى الكراكتر وابتديت اتعلم وخبرتى تزيد اكتر عرفت قيمه الاسطوانه واكتشفت ان قمتها مش يعلمك تعمل كراكتر ازاى ولكن التكنيك فى كل جزئيه والفكره فى جزئيه معينه ماشيه ازاى

ونزلت الاسطوانه تانى وانا المرادى عارف قيمتها

ده يعتبر الى حصل مع بعض الاخوه انهم لسه فى اول الموضوع فاده درس صعب انهم يفهموه دلوقتى

واحب بس اوجه كلمه للاخوه الى مافهموش حاجه انا مش ها اقول اناكمان فهمت الدرس كله لان لسه مستويا لسه ماوصلش للمرحله دى

الدرس ده بكره هاتحتاجه ونصيحه لى كل الاخوه نزل اى درس لو حسيت انك مش فاهم برده خليه صدقنى فى المستقبل ها تحتاجه كل الحكايه ان انت لسه ماوصلتش للمرحله الى فيها شرح الدرس واما توصل هاتعرف قيمه الدرس كويس وهاتفهم

المختصر المفيد ماتجيش تتعلم حاجه احترافيه وانت لسه ماعرفتش الاسياسيات او اتبعت المنهج السليم وقفزت مرحله بدرى من غير ماتعرف الى قبلها بس

خلى صدرك رحب اخى محمد الناس هنا بيتحبك جداا
ةالله انا حبيتك بدون ما اعرفك من كلام الناس عليك ومن حبهم فيك

دول اخواتك وكانو متعشمين فيك تعملهم حاجه ليهم على ادهم وحلوه
انت فعلا عملتلهم حاجه حلوه وعظيمه جداا الصراحه بس احترافيه جداا
بالنسبه ليهم وان كان لايمنع انى احتفظ بالدرس حتى لو مافهمتش لكن عارف انى هايجى فى يوم واحتاجه

شكرا اخى العزيز

واتمنى ان كلامى ده مايزعلش حد
وانا والله ما اقصدش انى ازعل حد كلنا هنا اخوه نستفيد ونفيد

اعتذر على الاطاله

والله شكرا على كلامك يا اخى
انا زى ما قلت لو حد تانى غير ضام الى قال الكلام دة باى اسلوب انا مكنتش هزعل لانه واحد من الناس الى والله حاطت فى دماغى انه هيتكون متعشم خير فى الدرس
يمكن اللهجات و الاسلوب يختلف و نظرا لانى تركت و انعزلت عن حاجات كتير الفترة الى فاتت ..فهمى لاسلوب الناس اتغير و رجعت اجنبى زى زمان
بكلامك دة هتخلينى اتاثر و ارجع اسجل الدرس تانى بالصوت و ان شاء الله ما عن حد حوش..
النقطه انا شوفت متابعه ابونواف و ياسر و نزال و ابوفيصل و الاخ ضام و دنجوان ..مش عاوز انسى حد
شوفتهم كلهم بيساعدوا و فى حاجات كتير تخطوها فانا حبيت انط بالمستوى
والله لو واحد شاف حاجه جامدة جدا و اتعلم نصها هيبقى الكيرف بتاعه اعلى من الى لسه بيتعلم واحدة واحدة

ادوات المايا انا مستخدمتش منها الى حوالى اداتين او تلاته و برنامج يوفى لاى اوت الواحد ممكن يتعلمه فى اقل من نص ساعه
لكن الكيفيه ...هى دة النقطه الى انا حبيت اوضحها فى الفديو

شكرا لوقتكم و بارك الله فيك

[QUOTE=toxic15987;1455944][/QUOTE
ههههه انت واخد بالك منى بقى ههههههههه
بص
اصلا تقريبا كنت و واحد كمان الى فى كندا اقصد فانكوفر الى كنا شغالين مايا(الناس هناك كلها بتقولى انت ازاى بتمودل على المايا)
و انا كنت اكتر واحد دايس فى المايا انما الباقى كله كان شغال سوفت اماج
الفترة الى انا اشتغلت فيها سوفت اماج حسيت ان المايا بقى دمو تقيل و بطىء جدا
مش عاوز اقولك انه فيه واحد من اسرع المودلرز فى العالم هو الى وجهنى و هو الى ادانى الاساسيات فى الاورجانك
و هو شغال سوفتاماج و بيعرف يشتغل مايا
تخيل انه عمل اودامى رجل من مكعب بالوش و الجسم و كل شىء و العضلات فى حوالى ساعه الا تلت
انا مكنتش مصدق الى انا شايفه

فكان غصب عنى وقتها اشتغل سوفت امج و استخدمته فى مودل الغوريلا الى فى الديمو ريل بتاعى
لكن حته الشيدنج و الكلام دة انا كنت متاثر جدا بها فى المايا
فقلت انا لازم اركز فى حاجه يا اما مايا كله يا اكس اس اى كله (و خصوصا انى كنت بفكر اتخصص فى الفجوال افكتس فكنت لازم اكون على جانب المايا)
فكنت وقتها بستخدم الاكس اس اى كمساعد ليه فقط فى شغل الاورجانك مودلنج و يمكن وقتها فتحت موضوع بيتكلم عن احد الادوات الرهيبه فى البرنامج و اسمها M tool
و اغلب الاعضاء فى قسم المايا باردوة هاجمونى...حاجه غريبه (انا يا ما شوفت والله)
المهم
و باختصار شديد
بعد استخدامى للزىبراش لم اعد وقتها فى حاجه لاستخدام السوفت امج و بالفعل لم استخدمه من سنه و نص
و ايضا من ضمن التقنيات العالميه الى تقدر تخلى الواحد يخلص شغله اسرع و دة الاسلوب المتبع فى الاماكن و الستوديهات العالميه( مش الى بيسرقوا مودل و يحطوا عليها شويه شطه و كمون زينا فى مصر)
الا و هى انك تعمل حاجه اسمها meta mesh
الميتا ميش يا سيدى بيبقى عبارة عن مودل انت بتاخدة تبتدى بيه شغلك بعد كدة و بتيجى تغير ملامحه و خلافه بالزىبراش نظرا لان الزىبراش اقوى من السوفت اماج
انما من ناحيه المودلنج ذاتها السوفت اماج اسرع و اقوى من مايا
حتى و ان وجدت كل ما تريدة من ادوات فى المايا ..الا ان فى البوليغون مودلنج السوفت امج اعلى بكتير جداااااا و اسهل
-------
حته بقى انا ليه الا الان لم انتقل لبرنامج اخر فى المودلنج دونا عن المايا ..احب اقولك انه هيحصل ان شاء الله فى يوم من الايام لكن اهتمامى الشديد الان بالدجتال سكالبتنج و نظريات الاولان و كل ما يتعلق بالمودلز فى حته الجيمز ..معلنى انى ابتدى اتعلم سوفتوير جديد

و بامانه شديدة الافضل فى البولى و انا مستخدم لمايا ..هو السوفت امج و مودو
و هيكون اختيارى على احد منهما
----------
منذ فترة كنت نوهت انى هنتقل مبدئيا الى الماكس و لم يحدث و كان هذا بسبب بلجن اسمه بولى بوست ( من ضمن وظايفه عمل الرى تبولجى)
و لكنى وجدت بلجن نيكس للمايا ....
لا اقول ان نيكس الصغير على مقدار بولى بوست الكبير لكن وفر لى وقت فى البرنامج بتاعى بدل من انى اتعلم حاجه كبيرة جديدة

دة صورة الميتا ميش بتاعتى

http://features.cgsociety.org/newgal...5100_large.jpg


و دة الى عملت منها اغلب اعمالى الاخيرة
سواء وجه الرجل الخروف
او الوحش فى راس ذلك الموضوع
او الرجل الطخين

و ممكن تزور ورشتى على السى جى توك و حضرتك هتشوف بنفسك و دوة الرابط بتاعها

http://forums.cgsociety.org/showthre...?f=43&t=711577