لأني عمري ما كتبت عربي بيكبورد قبل كده
ومشكلة أني متعلم طباعة بلغة أنجليزية
فأنا بحاول أكتب بسرعة تساوي سرعة تفكيري بالعربي زي ما أن بعمله في أنجليزي
عشان كده هتلاقي في أخطاء أملائية بالهبل.

شكلك كدة اسكندرانى

في نكته أعتقد ان ليها علاقة بالأمر دا

قال ايه جمال قال لمبارك ان انا عايز امسك الحكم قالوا يا بني لسه شويه قال لا انا عايز قالوانت لسه صغير قالوا لا
قالوا طيب هعملك اختبار بسيط ولو نجحت همسكك الحكم قالوا طيب قالوا خد دي كرتونه فيها ستين كتكوت سيبهم فى ميدان التحرير وبعدين لمهم تاني فراح وسيب الكتاكيت وبعدين جه يلم الأول التاني كانت بقيت الكتاكيت مشيت رجعله تاني قالوا انت بتعجزني انت بتضحك عليا قالوا طيب بص هسهلك الإختبار خد دي كرتونه فيها متين كتكوت نزلهم فى ميدان التحرير ولمهم تاني قام نزل وقعد يرج الكرتونه يرج الكرتونه لحد اما الكتاكيت داخت وقام منزلهم مدروخين وحطهم تاني فى الكرتونه

أظن الكلام واضح

والله المستعان

مصر زي الفل ..

مصر زي الفل
بس زيي الفل اللى في مصر

طيب لما انتو بقولو كده يا بتوع المدن والعواصم .. بتوع المحافظات والقرى يعملوا ايه بس ..

لما واحد من بتوع المحافظات يروح يشتري من القاهره بالجمله ويقف عليه القميص مثلا ب 30 جنيه ..

ويروح المحافظات تاني ويبيعه ب 60 .. يبقى ده نصب ولا مش نصب .. وكمان بتوع الجمله مش بيبيعو بالسعر الحقيقي


ده بالنسبه للبس ..


عندك بقى المواصلات فأحب ابشركم ان تاكسي العاصمه في المحافظات بتبدأ اجرته من 2 جنيه ونص .. بعد ما كانت في المحافظات بتبدأ من جنيه وفضلت في ازدياد ..


عندك بقى التعليم يا معلم .. في اساتذه ما بيدوش اعمال السنه للطلاب اللي ما بتاخدش دروس عندهم .. وكمان النظام الجديد بتاع الحقيبه المدرسيه .. لازم تيجي المدرسه كل يوم ولو غبت يوم واحد تتأثر اعمال السنه بنسبه 13% ولو انت واخد اجازه مرضي هتطلع عينك عشان ما يحسبش الغياب ... واصلا التعليم بايظ بايظ .. بايظ


عندك بقى الراس الكبيره يا باشا .. حد بالك معايا .. الاكل .. طبق الكشري بيجوعك زياده وتمنه 3 ولا 4 جنيه ..

والفول عمل انقلاب وعايز يتعمل له نقابه عشان يضمن كل الفوالين حقوقهم ههههههه

عندك كمان المرتب .. اللي بيخلص في تاني يوم من الشهر ..

طبعا لو انت موظف جديد هتخرج 4 ايام في الشهر .. و هتضطر تشتري كل يوم ب 4 جنيه فول و 3 جنيه طعميه .. والكشري للترفيه في الايام الحلوه .. ده لو كان في ايام حلوه


يعني اكل الفقرا بقى اكل الطبقه المتوسطه من الشعب ..

ربنا على الظالم والمفتري وابن الحرام ... طبعا عرفتوا مين ...

3d zaman اكيد اسكندراني

طيب ...ليش ما ناكل بطاطس ...مش احسن

ههههههههههههههههههههههه
على فكره شعب مصر كله بقى بياكل بطاطس و مكرونه او بطاطس و بذنجان و ده اكل الطبقه المتوسطه فى الغالب هههههه و فراخ مرتين و لحمه مره و شوربه الفراخ و اللحمه هيتعمل منها ملوخيه

لولا الفول والطعمية كنا متنا من زمان يابن ياسين..

" وبيتٌ ليس فيه فول وطعمية جياعٌ أهله "!!

قسما بالله فى ناس بتلم اكلها من الزبالة
فى ناس مستواها احسن شوية عايشة على الاكل البسيط بدون اى لحوم او فراخ (قرديحى)
فى ناس تانية بتعمل افراح فى قاعات فخمة تتعدى المليون جنية بيرمو اكل يشبع 50 اسرة لمدة يوم او يومين
لك ان تتخيل الفارق الرهيب الى احنا بقينا فية
للعلم انا اعمل مصور حفلات واشاهد يوميا بزخ رهيب وبما انى اسكن فى منطقة شعبية ارى الناس وهى تحارب فى الفرن على العيش الى احيانا نشترية بخمس اضعاف تمنة وكمان مش بيتاكل لانة ببساطة من على الرصيف يعنى كلة زلط مش تراب
بشوف كل يوم الفرق دة بين ناس مش حاسة بقيمة الفلوس وناس تانية محتاجة للفلوس
الغريب ان الناس الى معاها فلوس كتير وبصرف ببزخ فى المزاج فقط صعب جدا لو اعطو الى شغال عندهم حقة مظبوط
رايى ان تهتم الجمعيات الخيرية بجمع تبرعات للفقراء ومساعدة الطبقة الفقيرة جدا بدلا من تجمع تبرعات لتكريم الفنانين
الى بيتصرف عليها كتير جدا او لبناء ملعب كرة او بدل ما نجمع ثروة فى نظرة زى ما عمل اتحاد الاذاعة لدفعها لاتحاد الكرة لتصوير دورة كورة او مسابقة على كاس اى كان ممكن ندفعها للى يستحقها بجد
ارجو ان تهتم الشيوخ وولاة الامر فى هذا البلد بحث جميع الاغنياء بالتعطف على الفقراء
اتو عارفين المطربين النجوم الكبار زى حكيم وهانى شاكر والعزبى ومصطفى الخ
بينزلو يغنو بكام فى الافراح
كتييييييييييييييييير جدا
اعتقد ان صاحب الفرح لو سمع كلام من شيخ او راهب بكنيسة يحثة على التعطف بيهم على الفقراء لكان نفذ كلامة
طولت عليكم معلش بس جوايا كتير عايز اقولة لكن نعمل اية
هو دة حال الدنيا الان
اتشقلب
ربنا معانا

إنت ما سمعتش آخر خبر ؟؟

واحد من العباقرة، طلّع الجمعيات الخيرية واجهة لتمويل الجماعات الإسلامية في مصر، وده والله قرأته في مقال في جريدة الجمهورية لو كان الراجل ده ساعتها قدّامي كنت كلته بسناني، دي يا سيدي ناس من النّوع اللي لا عايزة تعمل خير، ولا عايزة حد يعمل خير، ولا عايز يشوف أثر النعمة على حد، وهو كاتب معروف في الجمهورية والمقال من شهر

آدي البلد يا عم صدقني لو تقعد تتكلم للصبح ما فيش فايدة - جرعة إحباط عالريق ههههههههههه -

يعنى مش كفايه الاحباط اللى الناس عايشه فيه...

انا الدكتور قالى ..لازم علشان تعيش تاخد واحد امل على الريق كل يوم الصبح..

روح لأمل كخخخخخخخخخ

وايه الحل يعنى.....

الواحد يروح يفجر نفسه