شوف ياعم .... الموضوع ده ممكن يضايقك شويه ...!!! الشركات مش بتنزل في الجرايد او اي حاجه
بس هي ماشيه بطريقتين ...!!
1) معارف ... (تعرف حد في اروما ويعرف انك حد كويس فيرشحك..)
2) انت تعرف اروما فين ... وتهجم انت عليهم بنفسك

عمتا للعلم بالشئ الاستديوهات في مصر:
1) اروما
2) جرافيتي
3)X-rated
4) cubes
5) 2K
6) softoria
7) fenix
8) Blade ..... (ناس صحابي همه اللي عملينو)
9) magic box .....(ناس صحابي همه اللي عملينو)

دول اللي انا اعرفهم واللي فاكرهم دلوقتي ..

بالنسبه لحفظ حقوق الملكيه ...!! معنديش فكره الصراحه ...!!!
والاسعار ...!! مممممممممم هو انا مش بتاع كراكتر ... بس اعتقد ان الثانيه المفروض (المفروض) تبقي
حاجه زي 2.000 ... 2.500 جنيه .. اعتقد بس برضه بتفرق ... من اعلان 10 ثواني ... لمسلسل 15 دقيقه
لفيلم قصير 40 دقيقه فانتا عاوز حد شغال كراكتر في السوق هو اللي يسعرلك الشغل (بناء علي الجوده كمان)
بالنسبه للشكل النهائي لاي شغلانه بيتحدد بكذا طريقه ..
1) story board
2) reference from internet
3) بالشرح والتخيل (بس ده لو انت عندك خبره في المجال في عمل وتقفيل شغل كتير)

بس بوجه عام لازم يتم تجميع reference كتير جدا للالوان والموديل وبعدين يتم عمل
animatex وده معناه عمل التحريك للكاميرا علي موديلز افتراضيه لظبط التوقيت بتاع
الاعلان مثلا ومعرفة الزوايا اللي هتبان منها الموديلز فمايتبزلش مجهود في المناطق اللي مش
هتبان اصلا ...

في نفس التوقيت يكون الموديلر شغال وبيخلص الموديلز بتاعته يتم وضعها مكان الموديلز
الافتراضيه اللي معموله في ال animatex (بعد الموافقه علي ال animatex) وبعدين
الكلام ده يروح للراجل بتاع ال shading يظبط ال materials and textures and
lights and render وبعدين يروح الكلام ده لل composite وبعدين علي التيليفزيون

بالنسبه للرسامين الاستوري بورد مطلوبين طبعا بس مش في كل الشركات ... ومطلوبين في
القنوات لعمل افكار الفواصل وشكل القناة العام ....
فطبعا مطلوبين بس محتاجه دعبسه شويتين

اخ حازم كل سنة و انت بخير و ان شاء الله الذرية الصالحة ... الحقيقة ما عندي اي سؤال يخص موضوع معين حالياً لكن حبيت اشارك بالموضوع و لأن الاخوة هنا سئلوا كل الاسئلة اللي على بالي ,,, و طبعاً اذا كان عندي سؤال في المستقبل اسألك و ان شاء الله متقصر لا انت و لا باقي الاخوة في المنابر الله يحفظكم و يستر عليكم اجمعين ... سلامي للجميع

basha, just have one question you said just study at least 2 hours a day, so when i have to start doing some work after 2-3 months or while am learning

thank you

..........................................................................والموديل وبعدين يتم عمل
animatex وده معناه عمل التحريك للكاميرا علي موديلز افتراضيه لظبط التوقيت بتاع
الاعلان
في نفس التوقيت يكون الموديلر شغال وبيخلص الموديلز بتاعته يتم وضعها مكان الموديلز
الافتراضيه اللي معموله في ال animatex (بعد الموافقه علي ال animatex) وبعدين


معدرة يا استاد حازم الله يعطيك الصحة و يديك طولت العمر . ميش فاهم الحتة دي ازي يعني موديل افتراضي
او ما معنى animatex

شوف يامان ....
انا اقصد ... اتفرج علي الاقل ساعتين ... (اتفرج) يعني ... ساعتين معلومات عماله تدخل
دماغك ... 100 % بتمتص ...!!
واكيد اكيد لازم تجرب ...!! ده براحتك ...!! قسم انت وقت تطبيقك ...!!

بس الساعتين دول لازم تشمل انك تنفذ معاه .... التطبيق ده انك تطبق حاجه تانيه غير
اللي في الدرس (وراي الشخصي) حاجه بسيطه جدا جدا ... فقط لتطمئن انك فهمت
ومش بتعمل اللي بيتقلك بس و مش بتعرف تفكر واحدك ...!!
1) يعني موديل مبسط جدا جدا جدا لاموديل النهائي ...!!
يعني عماره .... تبقي Box بس بحجم العماره ... تربيزه مدوره .... cylinder .... الخ ... الخ ...

2) animatex ...
معناه الموديلز المبسطه (اللي سبق شرحها) محطوطه في المشهد في اماكنها الحقيقيه ... وبنعمل
حركة الكاميرا عليها ... ونظبط التوقيت ونظبط حركة الكاميرا ... ونظبط كل حاجه .... حتي نصل
للاعلان في صورته النهائيه (بس بموديلز مبسطه)

ده مثلا animatex تحريك .... عشان يتعمل تقييم للحركه
http://www.youtube.com/watch?v=VNF7rQeC7BI

شكرا استاد حازم الله يدبك الذرية الصالحة و يدوم عليك السعادة الزوجية و يخليك نافع للامة الاسلامية

شكرا استاد حازم

ألف شكر لك أخي حازم على معلوماتك ...

سؤالي : انا مبتدئ جدا في المايا ... أريد اسم الاسطوانة اللتي تعلمني الاساسيات باحتراف ؟


وشكرا

شوف ياعم ... (راي شخصي) ابتدي باسطوانات جنومون ودور علي كل الدروس
بتاعت Alex Alverz .. ده مثلا درس introduction to maya
الاسطوانه ده مهمه جدا جدا جدا جدااااااااااااااااا .... انا بتخايل لو كنت اتعلمتها
اول ماقلت يامايا ومشيت مع بقيت دروس Alex ...!!! كان زماني في NASA

دور علي المعومات التقنيه ... واتعلم كل حاجه في الاول (او خد فكره عن كل حاجه في الاول)
في الموديلينج (اتفرج وهات اخره "بس بلاش Zbrush في الاول")
انت واحد لسه بترمي اساسات ...!! تقوم مشطب بلاكونه ...!!!!!!
ابني العماره .. وبعد مالعماره تتبني ... اقف .. وقول .. مممممممممممم لا ... الشقه ده هي
اللي انا مسترايحلها ... فاهاخدها وابتدي تشطيب انا فيها وسنفره ودوكو ...
بس تبقي عارف كل حاجه في العماره فين ...!! او علي الاقل ... عندك فكره عنها ...!!
لان الاصل (في مصر) انك generalist بس قوي جدا في حاجه معينه

صدقني ... افضل حاجه تبقي generalist لان ده ممكن يوصلك لانك تبقي team leader
او technical director لانك فاهم في كل حاجه كويس جدا وعندك حلول في كل حاجه

ابتدي introduction
(modeling (poly + nurbs
uv wrapping
texturing
shading
lighting
(rendering (software + mentalray

المشوار ده ياخد منك (لو انت قاطع ليه وجايب اخرك) 3 شهور .... كل يوم كل يوم ..
انا مجرب ... بس انا بصراحه ... كنت مموت نفسي ...!! فاخدت في الطلعه ده شهرين

ربنا معاك ويثبتك ان شاء الله كده يامان

الف شكر لك اخي حازم ... ربنا يسعدك ويوفقك