موضوع رأيت فيه هذه الجملة
منتقبة فظاظة وملتحى طازة ورد مكشر جوا الفازة
إللى ركبها أستاااااذ
الموضوع كان فى منتدى تانى
http://www.haridy.com/ib/showthread.php?t=79909
الموضوع ده باكتبه بناء على طلب عدد من الكتاكيت بعد ان نوهت عن كتابته في موضوع الشهير عشر سنوات من الحياة الوظيفية و هو ايضا محاولة لمواجهة أنفسنا بنقائصنا علنا نستطيع الإصلاح.
اللي حصل اني في أثناء سردي لحياتي الوظيفية كنت باحكي عن ولد عندي اسمه يوسف و انا باحكي قفشت نفسي باقول الجملة التالية:
يوسف كان والده ملتحي و والدته منتقبة بس كانوا ناس ذوق اوي و محترمين الصراحة
طبعا انا مش باعمم و عارفة كويس ان مش كل الملتحين و المنتقبات كده، انما للأسف قطاع عريض منهم و احب اقول لكوا ان اختي منتقبة و زوج اختي ملتحي همه الاتنين بقالهم كده من حوالي 15 سنة و همه مافيهمش اي غلظة و لا فظاظة ع الإطلاق، بالعكس على طول بيهزرو و يضحكوا و في طبعهم لين مش طبيعي
انما الظاهر انهم ملتحي و منتقبة الزمن الجميل.. دلوقتي للأسف الفئة دي من المجتمع بقوا مشهورين بالغلظة خصوصا مع من ليس منهم و في نفس الوقت في منتهى المودة مع بعضهم البعض و في الطريق الاقي منتقبة تقول لمنتقبة السلام عليكم و ما تعبرش المحجبة حجاب عادي.. يعني تحزب علني
انا عارفة ان الموضوع ده ممكن يزعل ناس كتير مني، انما احب أوضح انه مش للنقد فقد و التعجب، انما الهدف منه ان لو في حد مننا كده ممكن يعرف انه طريقته مش صح و يحاول انه يصلح من نفسه و ينبه غيره من إخوانه و أخواتها انهم يغيروا من طريقتهم قبل ما يبقوا منبوذين فعلا من المجتمع
تعليق