عندي مشكلة في البوولينز بيقف عند عدد معين من الطرح حتى بعد عمل مسح للهيستوري
فهل هناك حل معروف لهذه المشكلة

انصح بالإطلاع على هذا الموضوع للفائدة:

http://www.maxforums.net/showthread.php?t=174324

تاني check point هتبقي 4 مايو .. final texturing + one image final compositing

آسفة جدا جدا على التأخير يا استاذ حازم لكن الوقت ضيق جدا والعمل كان محتاج تركيز كبير وهذا ماتوصلت له غير راضية عنه طبعا لكن أعذرني لإني ماشتغلتش مودلينج من فترة طويلة


شكرا جزيلا أخ أنس موضوعك أفدني جدا ليه ماشاركتش في الورشة دي





















وهذا التيرن تيبل
http://www.youtube.com/watch?v=Ml12BUtvIYU

باقي التطورات وأرجو النقد أنا مازال عندي مشكلة في الباس تبع الرامب شيدر وأرجو توضيح لكيفية التعديل على قيم اللونين في الريندر العادي تبعه والمودلينج غير راضية عنه لكن لضيق الوقت والتأخير اضطريت أرفعه

شوفى يا أم محمد ...

الpasses إلى إنتى مطلعاها دى ... مش ده المطلوب والمطلوب هو

عمل render للسين بإضائه وإستخدام passes لتحسين المشهد زى ماتم فى بروجكت الزبادى فى الورشه الاولى ..

هنتقد العمل بفرض أن هذا هو المطلوب :

فى مشاكل عندك فى خامة الموديل الأساسيه اللون الإسود حاسس انها بهتانه جدا وليس مثل الحامه الأصليه قارنيها بالريفرانس بتاعك

2- الانعكاس مش كده خاااااااااالص ومش دى الhdr المطلوبه للموديل ده ..

3- إنتى مستخدمه reflection sharp و reflection blur ليييييييييييييييييييه !!!! طيب انا مش حاسس بيهم فى الcomposit النهائى ...

مش كل التمارين زى تمرين youtube وقبل ما تطلعى اى passes فكرى ليه بتطليعيه وهل يستاهل اردندره ولا لأ!!!

الإنعكاس على الأرض مش صح خااالص .... إنتى شايفه إيه ..!!

الشاشه وأنا أنصح إنها تتفصل تترندر passes لوحدها لأنها ليه ظروف تانيه من الإنعكاس ومحتاجه شغل عشان تبقى

فيها واقعيه ...

خامة الزراير والأسهم مش مضبوطه ...

خامة الفصل بين ظهر الموديل ووجهه مش مضبوطه ...

عموما الموديل نفسه محتاج إعادة النظر من الاول فى الcomposit ...

بس ......... بالطريقه إلى أنا قلتها فوق

وأخيرا قارنى بين وشوفى ليه ده مش زى ده او قريب من ده





مع النظر للملاحظات إلى انا قلتهالك ... وان شاء الله تطلعى شغل زى الفل ..

وبحييكى على مجهودك وبالتوفيق ..

ولو فى أى سؤال أو مفهمتيش حاجه من الملاحظات إسألى ....

ولو إتأخرت فى الرد معلش لأنى عندى ضغط شغل رهييييب جدااااااااااااااااا فى الوقت ده لدرجة إنى مش عارف أشارك معاكم فى البروجكت التالث

مش عارفه أشكرك ازاي أستاذ bido
أنا فعلا كنت محتاجة الكلام ده أوي وان شاء الله هايفرق معايا كتير ، بس معلش استفسار انا مافهمتوش المقصود اعمل اضاءة للسين وبعدين اعمل كل الباسس والغضاءة موجودة ولا في باس الديفيوس بس
بخصوص خامة الموديل اللون فعلا اسود لكن انا خففته بالقصد
بخصوص الhdri هل هناك مواصفات معينة مثلا انا مالحظتش وجود انعكاس اساسا في الريفرانسيز عشان كده خففته خالص في ال composit
بخصوص الانعكاس اللي على الأرض انا فعلا عارفه انه مش صح لكن مش عارفه ليه سألت كتير عن الباسس بتاع الرامب شيدر مش بيطلع معايا صح بالطريقة المشروحة في الورشة لكن عملت الباسس بالطريقة العادية واستخدمت فلتر frischluft لكن النتيجةلا تعطي التأثير المطلوب
الشاشة انا رندرتها مع الموديل كله لكن فصلتها في الcomposit بماسك عملته في أفتر لليرين بتاع الشارب والبلور
خامة الفصل لا أفهم ماذا تقصد بها هل هي للماسكات انا لم أستخدمها لكن ياريت توضح ليه مش مظبوطة عشان أفهم
وبالفعل انا هاعيد الموديل من الأول لإن المودلينج كمان مش عاجبني خالص
بس حقيقي شكرا جزيلا على هذا الشرح والإفادة

لالا مش قصدى الطريق دى شوفى

بصى على المشاركه دى

http://www.maxforums.net/showpost.ph...4&postcount=34

شوفتيها ok

هنا فى السين ده الباسس الى خرجت كالتالى

1- color بمعنى :

هنا الcolor مكنش عباره عن surface shader من غير اى انعكاسات او اضاءه ...

هنا الcolor كان عباره عن سين كامل فيه اضاءه وخامات وانعكاسات وfg .. gi يعن كامل مكمل

اعتقد كده بقت مفهومه ... ندخل فى الى بعده

2- الpasses الى هتطلع زياده انتى بتطليعها لتحسين الصوربالpasses إلى إنتى هتطليها مع الcolorوتصحيح الالوان ببرنامج الcomposit تماااااااااام كده...

توضيح صغير ...

ليه إحنا هنا بنستخدم باسس طالما إحنا عملنا إضاءه وريفلكشن

الإجابه هنا .... مستحيل او من الصعب جدا الحصول على نتيجه مرضيه سواء فى الألوان أو واقعية الشكل بدون color correction أو عوامل مساعده ---- passes---

تدينا النتيجه إلى إحنا محتاجنها وده دور الcomposit ...

لأن ببساطه أى فيلم 3d مبيطلعش من برنامج ال3d على السينما عدل

لا بيمر بمرحلة الcomposit الاول عشان زى ما ذكرت بالاعلى ...

يعنى مثال ممكن نطلع بجانب الcolor ---- occ rim light normal

تمام كده !!

الله ينور عليك يا أستاذ أخيرا بدأت أستوعب الدنيا ماشية إزاي إن شاء الله هابدأ من جديد حتى المودلينج
بس فاضللي مشكلة الرفلكشن وطريقة اخراج الباس بتاعه

يا ام محمد انا حاسس ان المودلنج فيه اخطاء كثيرة من حيث الاساسيات مع ان السين باين في المشهد مفيهوش اخطاء وايضا الاساسيات مش لازمة قوي في التصاميم الثابتة ولكن بصراحة لو مشيتي على الاساسيات هتوفر عليكي حاجات كتيرة قوي في المستقبل

ومشكور جدا على اسئلتك الجامدة


عزيزي bedotop مشكور على شرحك بصاحة انا كلامك دلوقتي فهمني حاجات كانت تايهه عن بالي خالص وكنت دائما بقول لية الاخراج بتاع وحش بس دلوقتي عرفت السبب


مشكور جدا عزيز bedotop على الشرح المبسط دة

انا عارفه ان المودلينج فيه أخطاء وعشان كده باعيد من الأول المشكلة اني أساسا سيبت المودلينج من زمان لكن ربنا يسهل ونستزيد خبرة منكم إن شاء الله شكرا على تشريفك الصفحة يا دونجوان

للاسف انا ماعنديش نت الان في المنزل الجديد ..!!! وكمان صعب شوية اعلملك علي
الاخطاء الموديل ... لان هناك اخطاء في الموديل ... يجب تصليحها قبل الدخول علي
الماتييالز ...

انا بس عندي مشكله ... انا عاوز الناس تتعود تساعد بعض ((زاي بيدو توب)) الكل
يخش وينقد ويساعد في التعديل ...!! لان الوقت عندي مش سامح للتعديل علي الكل ...

النقطه التانية ....
انا عاوز كل واحد يبتدي يشوف اخطائة اكتر ... والحاجات اللي غلط انتي تصلحيها من
غير ما تستني حد يقولك ان ده مش مطابقة للواقع ... او نسبهه غلط ...!!
عودي عينك علي رؤية اخطائك ... وتحديداين المشكله ... وتحلي المشكله ...

هاحاول ان شاء الله اعطيكي ارائي علي الموديل ((لانه الاساس)) لازم تبني اساس صح
ثم تبيني ادوار فوقة .... فانا مش هاقولك راي علي الماتيريالز ((بالاضافة ان الطريقة ده
مش المطلوبة)) بس تركيزي علي الموديل ...

اليوم ان شاء الله ... اعطيكي راي

ياريت فعلا أعرف أخطاء الموديل لإني ممكن أعيده بنفس الأخطاء طالما ماعرفتهاش صح انا بس عندي إعتقاد إن اللوبينج مش مهم غير في الكراكتر عشان السكينينج والأنيمشن ومشاكلهم لكن طالما مافيش الكلام ده فهل للوبينج أهمية ياريت أعرف الكلام ده صح ولا غلط وكلامك تمام طبعا