السلام عليكم

هذا موضوع الورشه الخاصه بالرندر الافتراضي اللتي وعدتكم بها وباذن الله تعجبكم

في البدايه قبل اي شيئ لازم الكل يعرف ان الشغل هيبقى تقيل شويه عليكم لاني هحتاج منكم افضل نتائج في اسرع وقت وباقل وقت رندر .. طبعا المعادله دي صعبه جدا لكن عشان هو ده اللي هيطورنا باذن الله وقبل ما هتتعلموا انتم هتعلم انا
من الورشه لانها عبارة عن تبادل خبرات لذلك مش عايزين اي حد يبخل على التاني في الشرح .. لكن طبعا ممنوع اي تبادل ملفات مفتوحه عشان الكل يعتمد على نفسه

طبعا الورشه هتكون محتاجه ناس فاهمه شويه في الرندر الافتراضي لاننا هناخد تقنيات اخراج مش هنشرحها على برامج .. هحاول على قد ما اقدر اتابع تطبيقاتكم

بالنسبه للتقنيات اللي هنشرحها ان شاء الله هتبقى كلها حاجات فنيه يعني غالبا مش هشرح على البرنامج فقط هحاول افهمكم التقنيه اللي هتشتغلوا بيها وانتم عليكم تطبيق التقنيه دي !! هو ده اللي المفروض يحصل في اي ورشه قويه

بالنسبه لقواعد الورشه مفيش قواعد .. انت حر مالم تضر

هنمر في الورشه دي باكثر من تقنيه للاخراج واكثر من تقنيه في بناء الماتريلات كما اني قبل اي شيئ لازم ابدا باضائه صحيحه في كل سيين هحطه لكم للتطبيق عليه

هاحاول على قد ما اقدر افادتكم بالتقنيات اللي جمعتها من اكثر من برنامج في الاخراج والاضائه والخامات .. وهنمر على مراحل مثل الاضائه الخارجيه النهاريه واضائه خارجيه ليليه ثم ننتقل للانتريور او التصميم الداخلي والكرتوني وحاجات اخرى باذن الله هتشوفوها في وقتها

اهم حاجه ارجوكم هي المتابعه وعدم التهاون لان في حاجات وملاحظات بسيطه جدا هتفرق كتير جدا من اخراج لاخراج
--------------------------------------------
الان نبدا بسم الله ..

ده السيين اللي هنشتغل عليه كلنا



المطلوب : اضائه نهاريه (( بدون اعدادات اخراج حتى نتاكد من ضبط الاضائه ))

وقت التسليم هيبقى يوم الاحد الساعه الساعه 12 ليلا


رابط تنزيل المودل .. رفعته على جوجل لضمان عمله في جميع الدول



دي مجموعه صور لنفس المودل لكن منتهي بعد الاضائه والخامات والرندر .. هتبقى هي مراجعكم في الاضائه

http://www.3drender.com/challenges/carnival/index.html

وهبدا في تنزيل شرح تقني غدا ان شاء الله عشان يساعدكم في فهم الاضائه النهاريه بشكل صحيح

في السيين ده بالذات مش عايز اي اعدادات رندر لغاية ما نخلص الاضائه تمااام وتبقى جاهزه على اعدادات الرندر .. والاهم من ده مش عايز Sky Object خااالص .. عايزك تظبط المشهد باضائه من عندك انت كلها بدون اي مساعده من حاجات زي الـ sky object

كل ده طبعا عشان يظهر الشغل الكويس من الشغل الوحش .. وانا هتابع كل صوره باذن الله وهقول انتقاداتي عليها عشان نحسن مستوانا باذن الله