روحي ادربي مونتاج في مركز (تراكيب‏)‏ في المهندسين في شارع وادي النيل ده مركز معتمد من ابل

لا شكر على واجب اختي ولكن انا لست موجود في مصر ولا اعلم اي الاماكن ممكن ان تفيدك ومجال المونتاج خليط بين الفن والتقنيه واذا كانت اللغه الانجليزيه تخدمك هناك الكثير من المواقع ممكن ان تساعدك
وهذا منتدى عربي فيه كثير من الدروس المفيده بالنسبه للصوره وللامور الهندسيه ولا تحبطي اذا كنتي لم تستطيعي فهم كل شئ فالعلم يآتي من تراكم الخبرات ومجرد قراءه بشكل عام
http://www.forums.topmaxtech.net/t2192.html

تقنيات المونتاج او البرامج المستعملة في المونتاج لم تكن يوما مشكلة أو عبئ بالنسبة لمحبي المونتاج،لأن المونتاج هو بالأساس فكر كامل قبل أن يكون تقنيات في الاستعمال،لذلك أنصحك يا صديقتي المونتيرة القيام بتمارين تطبيقية متواصلة في المونتاج قبل أن تفكري في الوظيفة،فالإتقان يأتي قبل كل شيئ،و يمكنك أن تبدئي حتى بالبريمر و السوني فيغاس فلديهما امكانيات كافية لعمل مونتاج محترف.
شكرا

السلام عليكم ..
اخوكم اشرف شريف من القاهرة
لسة خريج اداب قسم اعلام دفعة 2010
و كان المونتاج حلمى و الحمد لله بدا يتحقق من اسبوع
بدات اخد دبلومة مونتاج فى fusion فرع مدينة نصر
والدبلومة تشمل برنامج final cut pro studio 7وتشمل الفاينل كات و الموشن والكولر والساوند تراك و الكومبريسور

طبعا الباكيدج دى كلها من ابيل .. وماينفعش تشتغل غير على اجهزة ابيل سواء imac او macbook او mac mini
والـ mac mini دا احدث حاجة من ابيل و سعره 700 دولار و 1000 دولار حسب نوعه

يعنى يعتبر كيسة فقط بدون شاشة او اى حاجة
بتشغليه على اى شاشة و طبعا لازم الماوس و الكى بورد بتاعة البيل

لو حبيتى تدخلى المجال اكيد لازم تبداى ب الفاينال كات
وبعديه الافتر افيكت

وبالنسبة لمشكلة الجهاز
فلو امكانياتك المادية تساعدك انك تشترى جهاز تبقى تشترى imac او mini mac
حسب امكانياتك
دا عشان تعرفى تتمرنى كويس وانتى بتدرسى
لكن لو انتى زيى امكانياتك على ادك كده
فانا جمعت تمن الدبلومة اصلا ب اعجوبة
و هيا تمنها 6250 لمدة 4 شهور تقريبا
لكن ميزة مركز fusion ان ساعات التدريب فيه مجانا
و معتمد برده من ابيل و ادوب
لكن مثلا مكان زى المركز الثقافى الروسى فانا سالت فيه برده لقيت سعره اعلى بكتير و مش بيدرسولك الباكيدج كاملة
مش بيدرسو برنامج الساوند تراك
و سعر ساعة التمرين فيه 25 جنيه
و طبعا احنا كمبتدائين الساعة مش هتكفينا ولا هتعملنا حاجة ف اقل حاجة قولى ساعتين ب 50 جنيه
دا لو مش عندك جهاز ابيل تتمرنى عليه

فانا الحمد لله بعد حيرة كبيرة بدات الكورس ف fusion وخدت لحد دلوقتى محاضرتين
بدات ب تعريف ايه الابيل و ايه انظمة تشغيلها وازاى اشتغل عليها و الفرق بين ماك و ماك و ازاى استخدم الماك عموما و كده
لان طبعا الماك يختلف كتير جدا عن الويندوز وماينفعش ابقى شغال برنامج فاينال كات مثلا على جهاز و تقابلنى عليه مشكلة ماعرفش احلها . فكان ضرورى جدا اننا نبدا ب الجهاز نفسه قبل ما ندخل ف البرنامج

انا رغيت كتير عارف بس لانى متحمس جدا
ودى اول مشاركة فيا فى الموقع و سجلت مخصوص عشان ارد على التوبيك دا
بس اهو كويس انى لقيت موقع جميل زى دا و ناس زى الفل محترفة
وناس لسة مبتدأة زيى عشان ما احسش بالوحدة

ربنا يوفقك و يوفقنى و يوفق كل الناس الجميلة دى
واستنو منى توبيكات كتييييييير جدا ف الفترة الجاية لما اخش ف معمعة الفاينال كات شوية

و توكلى على الله يا مونتيرة و ابداى فى المجال دا لو فعلا حباه .. اهو تونسينى برده