أنا لا لي دعوة بفازات ولا ترابيزات ولا جو المفروشات ده أنا بتاع تو دي ولله الحمد بعرف أعمل حاجات كتير، بس طبعاً مش على جهازي، لإنه بيشغل الوورد بالعافية أصلاً فكتّر خيره إنه بيطلّع تصميمات فوتوشوب وكنت عملت يافطة وحيدة قبل كده وانطبعت وعجبت كل اللي شافها حاولت أرفعها أكتر من مرة على المنتدى (أو تقريباً رفعتها مش فاكر) وعملت تصميمات كروت قبل كده، بس عشان أكون صادق معاك أنا ما عنديش خبرة بالسوق زي ما قلت لك، تجهيز كل أنواع الشغل للطباعة، يعني اليفط والاستكرات والكروت عرفتها، في بقى حاجات زي الشغل اللي بينطبع على التي شيرتات والهدايا ده ولا أعرف عنه حاجة وكل ما أروح مكان يقولي انت ما عندكش خبرة، وكإني بلاقي الخبرة دي مع اكياس الشيبس، أو في غطيان الحاجة الساقعة

بالنسبة للفرجة على الأعمال يا سيدي والله بنشوف بس باجي أقارنها بالشغل اللي بشوفه في الشارع، بتف على شغل الشارع، وغير كده عشان أحاكي أعمال كبيرة زي ما قلت لك الجهاز بيشغل الوورد بالعافية لكن هات جهاز مواصفاته معقولة في مكتب في مطبعة، تحت بير السلم حتى هعرف أشتغل إن شاء الله وأطلع شغل

المهم الخلاصة يعني عشان ما أطولش على حضرتك
أنا المجال ده طلع عيني في اللف على مكاتب وغيره ( واتهزقت وانضحك علي ) وما لقيتش شغل فيه غير كده مش مجالي، وحتى مجالي اللي هوا المحاسبة مش لاقي فيه تدريب، أنا مش عايز أحبط حد بس أنا بحكي لحضرتك وضعي كامل وحصل معاي عشان أعرف فين الغلط بالظبط (للعلم أنا مش من القاهرة)

medo3d
هههههههههه
يعنى انت عندك ايام انحراف وايام استقامه ؟؟ XD

الموضوع فعلا يا إسلام .. العميل عايز التصميم و هو واقف و يخش على المطبعة و هو واقف و يطلع و ياخده معاه ... كل ده خلال نص ساعة أو ساعة بالكتير ..
و الأجهزة .. أتفووووووووووووووووه على دى أجهزة .. جهازى فى البيت أحسن منه .. بنتحايل على صاحب المطبعة يرفع رامات الأجهزة لإتنين جيجا بس .. مش عارف لو قلنا عايزين كارت شاشة نظيف هيعمل فينا أيه ؟؟
لما بنعمل بوستر a3 برزوليوشن 300 الجهـــــــــاز بينتحــــر و كل حركة بحساب و بوقت و حاجة تجيب شلل ..
فيه ناس مش عارفه الوضع فى المطابع الدرجة السابعة إللى منتشرة فى مصــر ..
لكن هى فرصة جميلة لأى حد عايز يتعلم الشغل السريع و يعرف أزواق الناس المختلفة و منها المتخلفة .. و كمان بتتعلم أزاى تاخد بالك من فينيش التصميم قبل ما يطلع للطباعة .. عشــــان الغلطة عليك بفلوس كتير و المصمم بيشيل آتة فى المطابع الصغيرة .. ما هو مافيش قسم جودة يأكد وراك على البيانات و أرقام التليفونات و أى خطأ كجزء من صورة لم تمسحه أثناء القص مثلا .. أنا مرة نسيت حاجة صغيرة فى كرت شخصى .. أنا شيلت تمنه على طول طبعا .. الغلطة كانت بسيييييييييييييييييطة خالص .. نسيت إسم صاحب الكارت بس

ايه ياعم اسلام بالراحه علشان الضغط

انا الحمد لله ماشتغلتش فى مطبعه بس وانا فى الجامعه كنت بعنل بروشورات لشركات الادوية على الجهاز بتاعى وبطبعها فى المطابع كان شغل لذيذ بس مش مقنع
وفى علب ادوية كتير فى السوق انا اللى مصممها بس مش هقول عليها علشان التأليس ههههههه
اهم حاجه ياعمى انك تدعى دايما دعاء سيدنا موسى
رب إنى لما انزلت إليا من خير فقير

لا ياعم طارق كل ايامى انحراف

العمل الحر فيه مكاسب اذا اجتهدت .. وفي مشاكل اكيد .. لكن الخسائر في الجهد والوقت .. فا تهون .. لكن اعيد واقول بانها مفيده وتقدر تجيب راتب شهري ممتاز والاهم تخصص وتطور دائما يعني اذا كنت مصمم ديكور حاول تصير مشرف مع التصميم والى ان تنفذ وهكذ انت تستفيد ..
ولانسى ان الرزق على الله

ولله انا متوسط فى الفوتوشوب وباخد 500 جنية شهريا يامسهل يارب

dddddddddd
كل عام و أنتم بخير...رمضان كريم....